#一言驚醒投保人【夾龍蝦阿姨又返嚟？】
每次回帶，都好想同呢位阿姨講︰「唔係個嘢壞咗，只係個嘢唔啱你用啫！」
今次夾唔到，最多下次再夾過；但買咗張唔啱用嘅保單，claim錢時先發覺claim唔到，你都唔想大吉利是下次再claim返卦。所以投保前，記得考慮清楚自己投保嘅目的，再睇下張單嘅保障範圍係咪啱自己需要。例如你本身係想幫補下萬一要入院做手術嘅醫療費用，但就買咗一份只係確診患上指定嚴重疾病先claim到嘅危疾保險，而且仲要係一筆過賠償而唔係實報實銷醫療開支，咁咪就係唔啱用喇。
揀份啱自己用嘅保單，就唔使到真係需要claim錢時，先誤以為張單「壞咗」啦😌！
#因為美食博覽所以想念起佢 #原來已經七年前 #唔知阿姨仲有無去夾龍蝦 #每年都要回帶一次 #自己嘅保險組合都要咁上心啊 #蓋世保鑑Insurpedia
