#在入睡前寫埋日記
0206《Natalie Portman介紹嘅音樂》
我發夢搭飛機，咁啱坐隔離係Natalie Portman，佢用廣東話問我有冇睇 mother of the land，撚知咩嚟咩，咁我梗係話有㗎啦（唔知點解啦吓），跟住佢話個主題曲好好聽。我落機即刻去搵唱片店，一聽真係好好聽，係直頭有一聽全身充滿力量嘅感覺！咁我即刻買咗隻碟，然後就醒咗！屌吖！
咁我覺得好唔抵吖嘛，半夢半醒嘅情況之下，即刻search ‘mother of the land’ 嘅soundtrack啦！點知search唔到，我好想瞓返入返個夢，睇清楚隻碟個歌名係咩。 皇天不負有心人，又真係比我入返同一個夢！又去返間CD鋪度試聽呢一首歌。
原來套嘢唔係叫mother of the land，係murder of the land，連文法都錯晒，但費事我醒咗又唔記得個名，攞住隻CD我第一件事係影張相send俾個friend，咁我就算醒咗唔記得個歌名，都可以開返WhatsApp睇（你唔知係啲咩邏輯呢，冇錯，我都唔知。）我即刻send咗俾李拾壹，佢話「得喎！抄咗佢啦不如！呢鋪我哋仲唔野狼disco？！」但係最後大家都覺得Natalie portman介紹得應該係pop嘢，就冇咁樣做到，然後我哋去咗食小李子，食食下又醒咗，屌！又唔記得個歌名！我開番同拾壹嘅whatsapp睇⋯⋯乜都冇⋯⋯剩係喺safari見到哩個畫面，似乎我真係醒過同search過唔止一次。
我依家好想知嗰首到底係啲乜嘢歌，因為如果其實係冇嗰首歌嘅話，就即係話我發夢嘅時候寫咗一首好勁嘅歌。
求解夢 檸
