除咗甲鐵城，全部動畫都至少進入第二輪，似乎我嘅口味同主流市場相差都幾遠：本季新番三甲排名分別係：《Macross Delta》、《High School Fleet》、同《JOJO第四部》；甲鐵城不討好只列入觀眾名單，至於大受好評嘅《Re：從零開始的異世界生活》，睇咗三集：故事大概係講主角去到異世界唯一能力就係響死亡之後可以回溯去到咁個點，於是佢就透過不斷輪迴去搵出脫離死亡宿命嘅辦法，聽落同小畑健短篇《All You Need Is Kill》有啲相似，但其實概念完全唔同：因為男主角響不斷輪迴期間唔會有大幅能力嘅提升，而且主角本身亦厭倦死亡，而希望盡量減少轉生次數去解決問題。
就咁睇黎其實設定唔差，但套作品最大問題係男主角懶豁達嘅性格極度討人厭之餘（但網上好評如潮，莫非動漫廢男發展又墮落到一個新境地？），亦超多犯駁位（例如明知道自己死都會Restart，仲犧牲自己去救人為乜？）；同埋最反感嘅係，每到最後關頭，都總有一個神級同伴將所有敵人全數搞掂。雖然睇埋漫畫版，發覺去到第二部都有若干新意，但除咗上面講嘅兩個問題未有解決，講創新，同《六花之勇者》、《無職轉生》（小說版）都仲有段距離；講娛樂性，更難同《在地下城尋求邂逅是否搞錯了什麼》相比。唯一吸引係女主角個造型，但亦僅止於此，坊間嘗試突破王道公式作品何其多，但響太多競爭底下，《Re：從零開始的異世界生活》明顯達唔到我要求。
地下城的邂逅第四季小說 在 [閒聊] 地下城邂逅第四季1～11集標題- 看板C_Chat 的推薦與評價