不論係Youtuber、KOL、明星，去到呢個大是大非嘅時候都應該出一句聲表態，已經唔係關政治立場事，而係一個作為有良知嘅香港人應做嘅事，更何況你知自己有一定嘅影響力。對於由6月份到而家都未提及過任何香港發生緊嘅大事嘅網絡紅人，我有啲懷疑究竟你哋係咪香港人嚟？喺唔喺香港生活？賺香港人嘅錢但喺度裝聾扮啞？？
都係嗰句，中立係唔存在。你呢一刻唔表態，其實係代表你支持緊暴政。地獄中最黑暗的角落，是那些在道德存亡之際仍然堅守中立的人。
香港人會記得邊啲人一齊共過難患，邊啲人裝聾扮啞深潛無影。我亦好好開心好多我follow開嘅網絡紅人都Keep住同我嬲同我屌同我喊，證明我一直支持你哋係無錯㗎！窮嗨我日後會盡力課金支持你哋！
最後，好感謝大J用金錢去支持更多Youtuber棄暗投明。
To 所有香港YouTuber：
自6月頭開始，圍繞逃犯條例修訂，香港不斷發生大大小小不公義事件。
你可能希望保持中立，保住自己飯碗，而一直不發聲。又可能因爲你所屬公司屬於中資，或與中資有關聯而不敢，或不能發聲。
無論原因係點，我希望你地所有人明白，作爲一個有知名度既人，雖然並不一定要為各大事件表態，但經過政府一再無視民意，市民喪生，警方選擇性執法... 同埋琴晚既元朗恐怖襲擊事件，你仲可以保持中立？你仲可以唔利用自己既影響力，去做D野？！
琴晚我12點完左直播之後，一路睇新聞直播一路留眼淚，睇住中環D警察對年輕人一槍接一槍咁開；元朗黑幫無差別打人，老人家打，大肚婆又打！睇住個抱住BB既媽媽嚇到尖叫，爸爸跪低求D黑幫唔好打！
香港YouTuber，如果你見到呢D畫面之後，仲可以為左少少既錢，而埋沒自己良心既，恭祝你財運亨通，繼續發財。
如果你係因爲同現有公司合約，或公司不容許你發聲既，而你係想發聲既，同我講，如果有解約金要俾既，我幫你俾！
上網睇YouTuber既觀衆，大部分係小朋友同年青人。
我地係有責任做正確的事，將正確既思想傳達落去。
JASON
