【民間記者會】 消防員致香港市民家書
我們-拯救人員的家書
1. 向市民致歉
不論政治立場，我地為市民對我地既期望有落差致歉，有一些關於動亂而發生既事件，我地確實冇足夠經驗、知識及裝備應付，希望市民會體諒。
但請大家回想過去消防及救護人員係不同場合例如嘉利、嘉禾、牛頭角所作出既努力同犧牲。我地接受市民對我地既批評、指責，但請唔好忘記對消防、救護面對生命受到威脅時所作出既犧牲同質疑我地拯救生命既決心。我地要既唔係光環，係對得住消防、救護呢個名既專業。
2. 民為貴 社稷次之 君為輕
冇錯，所有政府部門應該配合政府施政，但前題應該係政府而市民利益為大前題，當有重大道德、或者社會議題出現時，我地應該要記住，紀律部隊，甚至政府既權力，係黎自人民，盲目既追隨、打壓，先係真正令人民、政府同呢個社會步向危機既源頭。有容乃大，望當權者容納和用心聆聽社會各界的聲音，勿將香港繼續推向危險、災難的邊緣。
3. 解鈴還須繫鈴人
政治問題，應該政治解決，而唔係利用不同紀律部隊去解決政治問題
警察負責維持治安、執法，冇問題，問題在於如何維持、如何執法
當初係因為政府決策出現問題導致今日局面，試問區區紀律部隊如何有能力解決當前局面，請不要再利用前線紀律部隊、甚至警察，去試圖平息呢場運動，和制止提出問題的市民。而在示威或任何環境下，所有人得到拯救的機會都是平等的，處方應該以這原則作出決策。將拯救人員放置於單一陣營中，無疑會與另一陣營造成對立，示威者的生命安全也並不能得到更好的保障。我哋係拯救生命，並非只係確保警方陣線的安全，進一步造成分化、對立，更是無用的舉措。
4. 政治中立，不偏不依
相信呢個詞語係呢段時間大家都唔會陌生，當任何公務員批評政府，就會被要求政治中立。咁其實係一種語言偽術，所謂既政治中立係指不論政治立場，都表現出自己職責既專業，而非不能有政治取態。政治從來影響民生，政治取態從來都應該係屬於每一個人民既自由選擇。
612從政總高空直接向下施放催淚彈、實彈射向記者、曱甴論、721既39分鐘、831既阻礙救護人員為傷者進行治療、的士撞向人群但司機冇被起訴......呢啲正正突顯警方並不是政治中立，而係選擇性執法。
我地絕對支持警察嚴正執法，意思係嚴格、正直既執法。當市民犯法，警察執法，天公地道，但濫權、濫捕、冇委任證執法...無論對方係乜野人，咁都係錯誤既行為，紀律部隊，係受紀律約束既部隊，但當有人拎住執法呢個旗號，就無限放大，咁樣係愧對自己當初既誓詞及專業。
5. 尊重分工 各司其職
拯救生命同保護性命財產，係消防天職，係我地既專業，唔應該由其他人去左右呢個專業，不同紀律部隊係應該互相配合，而從來唔應該係從屬關係。
過往事件例如831警方阻止消防執行職務，事後警務處推卸責任，消防處有推出新指引或譴責警務處嗎？
黃大仙龍翔道先遣急救員被現場警員多次無理喝罵，事後處方有處理嗎？
救護同事無理被捕，事後搜查救護站期間不禮物對待同事，處方不但沒有作出支援，反而將同事停職，更沒有譴責警方既不禮貌對待
呢啲一切一切，只係冰山一角，但足而令一眾救援人員憤慨不已，試問處方有考慮過我地感受嗎？
相反，呢幾個月裡面同事於社交媒體發表意見後被投訴，你地開file查，踢開催淚彈被投訴，你地開file查，於車上被圍困而被投訴，你地開file查，從來不理前線感受，只顧部門印象，就係管理層一貫作風，請各位高層記住，冒住生命危險甚至犧牲自己生命而去拯救生命、12個鐘去12轉case連食飯都有機會係救護車裡面食既，呢150年真真正正為市民服務、建立正面形象既，係一眾你地眼中既棋 ─ 前線救援人員。我地甘願為市民犧牲，甘願為公義走出黎，希望你地唔係淨係識捉鬼、譴責、調查、停職，而係真正珍惜我地。
6. 呢個係香港既一個重大時刻，如果打壓係可以平息呢場運動，相信呢場運動一早已經完結左。6月至今，到底失去左幾多熱愛呢個地方既生命，我諗有冇證據都好，大家心中有數。警察只係呢個地方既一個職業，現今你地只淪為工具，更唔好認為你哋可以左右呢場運動。我地先係香港人，而後至能作為紀律部隊，呢幾個月發生既事，令我地由衷愛上呢個地方，同甘多位年輕人一樣，我哋會用盡一齊既方法，去保護呢到既人民、呢到既未來。希望同行者繼續堅持落去，未來永遠都係下一秒誔生，機會永遠都可以創造出來，我地唔好放棄，一齊加油。
最後，今時今日好多唔同界別既人士相繼發聲，但能夠做到既野其實少之又少，就算係大家心目中既消防英雄，其實現實裡面，好多事情都無能為力，但我地無論如何幾渺小，都必定與民同行。希望所有公務員，不論任何崗位，都請記住，我地首先係香港人，然後先做到香港既公務員。
面對危險，我地永遠都願意企係市民既前面，因為呢個，係我地既天職。
========================
【11月4日民間記者會聲明集合】
消防代表聲明
https://www.facebook.com/364936590541634/posts/943022546066366?d=n&sfns=mo
消防員致香港市民家書
https://www.facebook.com/364936590541634/posts/942959616072659?d=n&sfns=mo
入境處代表發言
https://www.facebook.com/364936590541634/posts/942892159412738?d=n&sfns=mo
一群香港海關人員致警察的公開信
https://www.facebook.com/364936590541634/posts/943426969359257?d=n&sfns=mo
執法意思 在 台南18處科技執法即將啟用！快告訴你那個常違規的朋友。 的推薦與評價
「不依行向專用車道行駛」這個是什麼意思？ 10 mos Report. 台南式Tainan Style, profile picture. ... <看更多>