關於 基督教 家庭服務中心 長者 ，我們在網路上蒐集到這些相關的討論、資訊與評價

每次揸車入觀塘，我都會問自己：

「我究竟做錯咗啲乜😭」

講真，冇乜必要，我係唔會搵自己啲寶貴光陰嚟較飛嘅，去得都係別無選擇，通常為咗做嘢。每一次，我都帶住視死如歸嘅決心；每一個街口、每一個迴旋處、每一個燈位，都係車。自從有次喺巧明街塞到想開app叫外賣睇下送唔送到過嚟之後，我認命，以後寧願泊遠啲行路過去。

早排有單嘢，要連續幾日喺觀塘開工，我就連續咁樣行咗幾日；行行下，咦，又ok喎，沿住海濱公園行過去，原來好舒服。

相信大家都知我有跑開步啦，但係其實除咗跑步之外，行路都係唔錯嘅運動嚟，而且「門檻」比跑步低。特別對長者嚟講，除咗行多啲路身體好之外，又可以欣賞沿途風光兼發掘下社區嘅另一面；「賽馬會齡活城市計劃　躍動香港健步行」計劃，正正就係將「健步行」、「地區導賞」同「友善社區」嘅概念連結。呢個計劃喺全港10區招募長者親身設計咗12條(包括觀塘呢條🤡，我揸住嗰條毛巾有晒啲路線同話你知附近有咩睇㗎)具地區特色、長者同年齡友善嘅健步行路線，仲整埋手機應用程式同地區路線指南添。主辦單位CFSC 基督教家庭服務中心會喺4月15日至5月14日期間舉行網上展覽，分享呢個計劃一年嚟嘅成果，大家上網登記睇下吖，睇網上展覽期間玩埋佢個遊戲，可以贏到$50超級市場禮券㗎: bit.ly/WalkTheCity

除咗網上展覽，記得4月15日(星期四)下晝3點去 https://www.facebook.com/schoolofgoodlife 睇埋活動嘅網上閉幕禮暨研討會。

因為，個活動我主持嘅🤗

#賽馬會齡活城市計劃
#躍動香港健步行
#CFSC
#基督教家庭服務中心

我家兩老都算係超班長者，爸爸Keep住踩單車游水，媽媽早午晚到樓下急步行半個鐘，有時仲同街坊嘅柴犬一齊散步，所以佢兩個身體尚算幾Fit。不過唔係個個長者好似佢哋咁願郁，因為研究指，香港有近三成長者無運動習慣，原因係體能變差，及空間設施不足等。

為咗令大家把刀繼續鋒利唔生銹，由香港賽馬會慈善信託基金捐助，CFSC 基督教家庭服務中心 主辦「賽馬會齡活城市計劃 躍動香港健步行」，希望鼓勵老友記行多啲，郁多啲，身體都Fit啲。佢哋招募長者設計12條有地區特色，及長者友善的健步行路線，呢日我陪兩老運動時就同佢哋研究路線圖。主辦單位將於星期四(4月15日)開始舉行網上展覽，當日下午3時仲有網上閉幕禮暨研討會，分享各區健步行路線，及老友記Keep Fit貼士。

參加網上展覽，仲有機會得到$50超市電子禮券，展覽去到5月14日咋，展覽網址係呢個：
bit.ly/WalkTheCity

而4月15日下午3點嘅網上閉幕禮直播網址就喺呢度 :
https://www.facebook.com/schoolofgoodlife

正所謂「Fit開有條路」，揀啱健步路線行，大家都會「精靈一點」啦！

#CFSC #賽馬會齡活城市計劃

//同住的二人不再僅是照顧與被照顧的單向關係，而是彼此的浮木，可惜二人都有心無力。乾扁瘦弱的黃婆婆眼見女兒身體狀況日差，作為母親也不禁擔心起來：「她經常不夠睡眠，我都叫她睡多點，怕她跌倒，我沒力抬起她呀。」女兒自身難保，黃婆婆只好自力更生。「有次她晚上出外買東西時跌倒了，要入院，去到天光。我自己一個人在家，就動也不動，在床上緊靠着牆睡，好穩陣。」她慢慢倚着床緣站起來，用力執着枴杖，示範如何踏着小碎步從床走到廁所：「首先抱着這張桌子，第二到這張椅子，第三電視機，第四洗衣機，第五開門，搞掂。」成功到埗的一刻，她表情自豪。

梁婆婆也擔心自己的健康，但念茲在茲的，始終是母親。童年家貧，作為長女的她從小肩負養家責任，與母親和弟妹相依為命，習慣奉獻家庭。如今能與母親一起變老，是一種幸福，同時也是一份壓力。除了每天下樓購物的15分鐘外，梁婆婆每天就留在家，充當母親的枴杖，收音機和電視是僅有的娛樂。「有時覺得好像沒有一個空間讓自己呼吸，經常都在擔心，好怕她不在床上」。

慶幸的是，梁婆婆總算還有人可依靠。現在她已沒力氣推母親的輪椅，母親要出門時，同住順利邨的弟妹會幫忙。2015年起，她也開始使用基督教家庭服務中心家居支援服務。照顧員每周有六日送飯上門，有時又會為其母洗澡，讓梁婆婆有了喘息空間。「以前未駝背時，要幫媽媽清理大小二便，都覺得很吃力。現在更加做不到，好辛苦，一個人冇可能做到」。未有申請綜援，只靠母親和自己合共每月6,000多元長者生活津貼維生的梁婆婆也感「掹掹緊」，母親的輪椅和讓她伸展筋骨的床也是由社區租借回來。她希望政府能投放多點資源在長者服務上：「如果可以有錢請鐘點來煮兩餐飯，已經好好。」//