長輩教落，打鐵要襯熱啊～
親💕你就當我抽水啦（其實真抽水🙈），
我只想話👉🏾👈🏾。。。
當初，我只係一個被睇小睇唔起的小師奶，
好畀心機學整便當，好想學人出書，
花咗一星期又寫字又貼圖又畫畫咁，
整咗個大綱出黎。。。
再唔怕爆瘀皮地寄晒去全港差唔多所有出版社。。。
有出版社啋我都傻無回覆；
有出版社話我老，無興趣；
有出版社叫我死咗條心，香港人唔Buy 便當；
有出版社叫我自己畀錢出，大約五位數字；
最後，遇到伯樂，願意為我出一本便當書，
唔厭我老，覺得有市場，仲包埋製作費。
無耐後。。。我的第一本卡通便當書【超得意！為孩子做可愛便當】大賣好多好多本。
我唔敢話好成功，但完全夠我吐氣揚眉，
在一眾睇死我的書商前抬起頭.
我唔敢將自己這小小際遇跟那偉大選舉工程比較，
但我相信，只要努力，一定有成果的。
薯片叔叔及他的團隊比我努力上一百萬倍，
幸運之神一定眷顧住佢地的啊！
＃雖然神當初叫第二個人參選佢話
＃但成功係留畀願意付出同努力的人
＃堅係在這FB一角默默支持邊個叫我無票丫
http://hk.apple.nextmedia.com/…/-%E5%87%BA%E7%89%88%E7%A4%B…
