【蜜兒廚房】跟蜜兒食遊世界 — 大阪京都篇 | 一文字厨器株式会社🔪堺一文字光秀
行千日前道具屋筋入面有間擁有600年歷史嘅刀店 — 一文字厨器株式会社 出產「堺一文字光秀」(Sakai Ichimonji Mitsuhide)，等我潮拜一下先🙌🙌，哩度嘅刀款比起上海街陳枝記當然仲要多啦！直情係花多眼亂啊！有日式柳刃、出刃、薄刃，不過三種刀都是單面刃，對我黎講都係暫時無用嘅，因為柳刃（魚生刀）、單刃（都有分關東型同關西型）、出刃（切肉剖骨），咁當然亦有岩我用嘅西式刀、中式菜刀啦... 買刀仲有提供篆刻姓名、開刃、研磨、換柄等完善售後服務，就連磨刀石都有好多款架！
只係睇刀都睇左半個鐘有多，買刀同男人買相機一樣，「攝影窮三代、單反毀一生」，其實大家都係玩器材，廚子都要有好嘅廚具嘅... 正所謂「工欲善其善、必先利其器」啊～😌
入門刀到中階層刀有藤次郎、旬、關菊水、堺菊孝、堺一文字光秀等等，但過萬元嘅刀可能就會朝特定嘅刀匠或是手打出名的廠家有正本、有次、界孝行、佐治武士、醉心、英、重房等等。
再深入啲嘅知識太過廣泛就係講究到刀嘅金屬鋼材、硬度、耐久度、韌性、鋒利度...等等。哩啲我都係請教我地磨刀班嘅導師刀字不出頭嘅姚sir比較好～ 購買刀嘅品牌實際意義係特顯廚子本身嘅品味和地位居多，不過我都仲係一個新手黎講呢都係粗用住先，等第日升lv時先再買吧啦！
📍地址：〒542-0075 大阪市中央區難波千日前14-8千日前道具屋筋
📞電話：06-6633-9393
⏰營業時間：9時30分~6時30分(平日)；10時30分~6時30分（土、日、祝日）
🚃交通：從南海、地鐵御堂筋線、千日前線「難波站」、近鐵「難波站」步行5分鐘
🖥網址：http://www.ichimonji.co.jp/
堺 一文字 光秀 柳 刃 在 興隆刀剪行- 堺一文字光秀柳刃青鋼紋鍛鍊300mm 的推薦與評價
堺一文字光秀柳刃 青鋼紋鍛鍊300mm-- 黑檀八角水牛柄加黑石目塗鞘 · 未提供相片說明。 Mon Yama 和其他17 人 · 18 · 11 · . 黃家浤. 價格？ ... <看更多>