關於 墜機唔好搵 ，我們在網路上蒐集到這些相關的討論、資訊與評價

［想翱翔天際不需再靠飛毯了，爸爸媽媽現在可以隨時一起伴你高飛。］

I can open your eyes
Take you wonder by wonder
Over, sideways and under
On a magic carpet ride

今日我哋去咗 Wings Flight Academy進行親子模擬飛行駕駛體驗，我哋嘅航班編號係WFA011，歡迎各位一齊嚟體驗我哋呢班前往 #英國 嘅客機。

大公主換上制服化身成Captain Maki, 坐響隊友樹爸爸膝上一齊聽從導師嘅講解。導師會因應參加者嘅年齡、航天知識、操控感及喜好制定專屬嘅飛行路線，你可以從全球24,000個機場裏揀選您想要飛去嘅地方！
學習咗基本操控後，我哋先響香港上空翱翔一週，然後場景一轉我哋就飛咗去英國睇 #londonbridge 同 #bigben。導師更化身成導遊，指示我哋飛向唔同方向，一路從旁指示唔同嘅景點俾我哋睇😆

睇吓我哋點樣𣊬間轉移穿梭香港到英國🇬🇧➡️ https://youtu.be/rBp0ROAqx1E

有時一啲親子活動或會過於側重小朋友嘅興趣而忽略大人嘅參與程度同興趣，今躺呢個 #親子模擬駕駛，可以令隊友樹爸爸懷緬呢個 #男人的夢想，夢想彷彿看似遙不可及，原來有時近在咫尺，可能佢都估唔到今日可以有機會同大小公主一齊體驗揸飛機嘅樂趣🤗

今年大家搭唔到飛機去旅行，不如試一躺 #模擬飛行體驗 #眼睛去旅行 啦🤩

✴️趣味飛行體驗（Fun Ride）分別有15/30/45/60分鐘，可供選擇，當中包括
約10分鐘講解操控及注意事項
✴️可免費借用服飾，小朋友可一嘗機師打扮
✴️導師一對一指導
✴️同行1位乘客可免費坐後座觀看虛擬飛行過程
✴️飛行途中大家可以隨便拍照/錄影，不過就奉勸大家唔好打擾你嘅機師以免墜機🤣
✴️如6歲以上身高不足，可與成人一起陪同使用模擬器，最高年齡則無限制

‼️自己玩完有好嘢梗係要開心share ‼️
只要響預約時輸入 🌟 WFA011🌟
每預約15分鐘多送5分鐘；預約30分鐘，多送10分鐘，如此類推。*優惠做到11/10/2020*

另外仲有全港模擬飛行駕駛首推360 video,等你有一個360度嘅回顧，原價 HKD99.00 ，現家首推特價:HKD68.00

🛒 預約網址：https://www.facebook.com/Wings-Flight-Academy-105638464524027/
📸: instagram.com/wfa_wings_flight_academy
📽: youtube.com/channel/UCDltXncjCOafMxnzmp9dAxQ

📍地址：荃灣沙咀道364-366號萬象工業大廈1905室
🗺 https://goo.gl/maps/AnkXbEgbSwwHdspbA

⏰營業時間：平日及週五六：10:00 - 21:00；週日及公眾假期：14:00 - 19:00

快樂的童年是需要父母與子女共同建構，一齊有所體驗的，你哋又搵到適合你哋一家嘅 #親子活動 嘛？

#WingsFlightAcademy #wfaHK #WingsFA #FlightSimulator #AviationEducation #FlightSimulatorHK
#MRsisterhood #makimoment #makievelynli #runasofiali #玥柔每一天 #mimimomoma #hkmami #親子日常 #育兒日記 #happykids #快樂童年 #親子好去處 #hkinfluencer #親子blogger #CoolHKG #awholenewworld

一早已看穿中國人個肺嘅2000 年B級動作片——《致命英雄》

近排Netflix唔知點解上返李連杰進軍荷里活初期嘅兩套戲：《同盜一擊》同埋《致命英雄》。尋晚睇返《致命英雄》，覺得佢比《三夫》更加多政治「隱」喻，相當有意思。

《致命英雄》故事：李連杰仆街老豆因為要逃避紅衛兵而走佬去香港，同時留低李連杰同佢細佬阿寶，後尾兩兄弟一齊偷渡來港與父相認，相認後李連杰唔知點解要替父頂罪入獄，將細佬阿寶交托畀老豆。後老豆帶寶去美國發展黑社會事業，同黑人幫會50/50瓜分紐約。跟住有一日阿寶畀人打死，李連杰喺監獄一拳超人以一敵千逃獄，再大模廝樣搭飛機去美國追凶，(偷)揸的士時唔小心識到黑人幫會大佬個女Aaliyah(現實中2001年墜機身亡的黑人女歌手)，李連杰一路打美式足球一路溝靚女，一路跳HipHop一路追尋真相，終於發現佢老豆竟然係殺阿寶嘅凶手，老豆自白時，理由竟然係：「阿寶他知得太多了，早晚會累死我們。」

《致命英雄》入面只有一個白人，就係同時同黑人、中國人做生意想攞佢哋著數嘅古惑生意佬。戲入面黑人大佬有點笨，黑人大佬副手有點奸，但相比起中國人，就只係仆街嘅皮毛。李連杰老豆為咗做皇帝，唔單只殺子，仲呃鳩幫會其他長老，製造「黑人搞事」嘅錯覺，順手將其他長老放入劏豬雪房一一KO，後尾李連杰殺到，同Aaliyah查到好多嘢係中國人做的，去質問佢老豆時，佢個仆街老豆仲講出非常之熟口熟面嘅「陰謀論」同「捉鬼論」：

中國人：
「黑人大佬將佢自己嘅能力計算得太高喇！」
「怎麼可能？一定係黑人安排咗啲唔關事嘅中國人做嘢，故意製造中國人自相殘殺嘅假像。」
「你要小心黑人大佬個女！唔好做傻仔呀，小心「美人計」呀！」
「我唔想我最後呢個仔都冇埋呀！」

後尾李連杰KO咗殺阿寶嘅打手，再去搵佢老豆，佢老豆仲話：「咩呀，你而家想殺老豆呀？」

做中國人後代，知得太多會死，明明自己殺子，人哋反抗就話人殺父；總之就係「陰謀論」同「捉鬼論」滿天飛，但萬變不離其宗：提出「陰謀論」同「捉鬼論」嘅人，自己就係鬼。

套戲其實幾好睇，但結局非常唔真實：仆街老豆畀李連杰屌咗幾句，竟然自殺(明明佢手上有槍，李連杰走嘅時候背住佢)，李連杰同靚女黑人殺咗好多人之後相擁，喺美國差佬嘅保護之下肩並肩離去。

首先現實世界嘅仆街根本唔會自殺，佢會攞起槍隊林行緊出門口嘅李連杰，然後就算佢冇殺李連杰，佢都唔會自殺，佢只會厚住臉皮呃埋自己繼續放風屈鳩其他人，繼續做皇帝。而李連杰同靚女會雙雙入獄，因為大家都知，現實世界並冇呢種「殺壞人就係啱」嘅電影公義。

又睇多咗場戲唔駛諗再買樓住。

三分鐘睇完《侏羅紀世界》（谷亞莫mode又嚟啦）：

侏羅紀經歷以前失敗又再重開，唔係邊有戲做。興建精神係要人類知道自己渺小，但係本身建呢個樂園同拍呢套戲已經好自大。話說兩兄弟入侏羅紀世界玩，其實好似係去海洋公園咁，有成二萬幾人。本身佢哋阿姨係入面管理層，所以佢哋係VIP。無奈阿姨太忙無時間理佢哋，只叫助手招呼。

阿姨同大老細在侏羅紀不斷基因培育尐恐龍，因為觀眾越嚟越想睇又大又凶猛嘅恐龍，好似園區有條跳上水面捕獵嘅大水龍咁。所以佢哋又以暴龍基因改造咗一隻兇王龍出嚟，正要公開對外展覽之際，大老細想檢查下安全設施係咪堅可以防止兇王龍流出，於是叫阿姨搵型男主角去檢查。

型男主角係一向荷里活大隻佬，有腦有學識有膽識又當過兵，仲訓練咗園裡嘅四條速龍任佢點。呢個技能俾一個軍事肥佬睇中，想用嚟做軍事武器，但當然型男主角話危險拒絕啦。

阿姨原來同型男主角撻過撻唔著，唔駛睇落去都知佢哋之後實一齊。型男主角跟佢去睇兇王龍，發現條龍熱力感應唔到，估計走甩。型男主角同兩個園工癲到入籠睇，最後原來條兇王龍根本仲喺籠入面，緊係殺剩型男主角啦，原來基因改造令兇王龍可以控制體溫。

全園集合疏散。當然嗰兩兄弟唔聽先可以繼續有戲做。佢哋走失，型男主角同阿姨去搵佢哋。

兇王龍一路殺一路殺，越嚟越近群眾集合疏散點。兩兄弟本身唔妥，後嚟逃亡中又好返，仲入返侏羅紀舊區撻返著架老爺Jeep揸返去集合點。型男主角同阿姨一路搵佢哋，阿姨由行政look，變野性背心look，負離子跑跑下變咗曲髮好離奇。

兇王龍又識變色又聰明，佢哋邊捉到，大老細諗住揸直升機打死佢，可惜最後因兇王龍衝入翼龍館，放生晒佢哋仲衝埋大老細直升機導致墜機死埋。

最後型男主角同阿姨喺集合點遇返兩兄弟，此時翼龍們飛晒嚟係咁啄人係啄唔死四個主角。

軍事肥佬攞了園區控制權，迫型男主角用四速龍圍捕兇王龍，可惜去到速龍好似Laughing哥變節，原來兇王龍又有速龍基因所致。

之後軍事肥佬見速龍殺唔死兇王龍，諗住攞走實驗室所有基因研究，點知咁橋其中一隻速龍喺後面，臨尾緊係咬死佢嘅天敵軍事肥佬啦。

四主角即逃，點知速龍嚟到，無啦啦又念在型男主角訓練佢哋有感情同兇王龍對抗。咁緊係四條夾埋都唔夠揪啦。阿姨忽然又黑寡婦上身，又跑又跳最重要係仲著住高踭鞋。佢仲放條暴龍出籠。

暴龍揪兇王龍，唔夠揪；速龍幫拖，都唔夠揪；再加大水龍跳上嚟卒之搞掂兇王龍。應該係老土寓意人工不及天然好。

兇王龍死，型男主角同阿姨一齊，兩兄弟好返，兩兄弟父母本來離婚都和好埋，世事幾美好。好似死咗咁多人同恐龍都冇晒事一樣。

所有人團圓，唯獨條暴龍走上園區高處膠叫。

完。