關於 多謝紙飛機親子餐廳嘅贊助 ，我們在網路上蒐集到這些相關的討論、資訊與評價

【BlogNet 親子聚會】Origami Kids Cafe

今次好開心，獲邀參加 BlogNet 親子聚會，今次去到很出名的親子餐廳「紙飛機親子餐廳」。好多都係主要食野，旁邊會有一個細小嘅區域，劃左係比小朋友玩，大人就可以慢慢享受，食飯唔洗趕頭趕命。但 Origami Kids Cafe，哩間親子餐廳最特別嘅係，佢食飯嘅位置和小朋友玩樂嘅範圍，幾乎係等同。餐廳仲要係以創意融合中菜，中菜親子餐廳，咁特別？到底係來食飯，定係帶小朋友來玩耍？

一來到就要先登記，之後會有工作人員出來幫小朋友量體溫，再幫小朋友清潔雙手！之後要除鞋仔，大人都要，大人另外有拖鞋提供，再之後有工作人員安排我地入座，場內亦有BB凳提供。餐廳內嘅餐椅，甚至係BB凳，都係以白色為主，令到餐廳望落好光猛。

紙飛機親子餐廳有著全港首家木粒沙池，天然環保。芊嶠一開始都唔敢落木粒沙池去玩，係見到有啲工具，可以比佢剷木粒沙，佢先肯落去玩。但似乎木粒沙池上層比較吸引，木粒沙池嘅上層就好似上格床咁樣，有啲木製玩具係上面，感覺似一個私人空間，話比爸媽聽，請勿打擾！另外，嶠媽提提大家，上落一定要好小心，因為樓梯都比較窄，有家長陪同上落就最安心！

過少少就有張小木桌和幾張小木椅，小朋友可以坐係到 high tea，有木製茶具、餐具，仲有木製麵包，真係好真實，小朋友自得其樂，有埋 high Tea 甜品架，像真到極高！再隔離有個小帳篷，好似一個小天地咁，劻霖都忍唔住衝左入去！

之後可以去一間細屋仔，入面有個木製大停車場，內外都有好多唔同類型嘅木車仔，小朋友可以推住車仔去泊車，好適合男孩子玩！仲有一架大嘅海盜船，劻霖都玩到唔捨得走。講到女孩子，場內有兩架bb車，兩個bb坐係車仔到，芊嶠就化身成慈母，推住bb行街，將奶樽等日用品放係bb車車底，不是拎出來餵bb飲奶🤭

再前少少，近餐廳食飯位置，有個小BB天地，有個圍欄圍住，怕小BB爬出來會危險，我地當然放劻霖入去啦！入面有木製玩具，又有琴，劻霖都玩得好開心，仲時不時彈下個木琴，仲有不同類型嘅訓練小肌肉嘅玩具。玩得累，媽媽可以帶小朋友去圖書區，個到有好多本唔同種類嘅書，劻霖都揀左本書，就搵左個舒適嘅位，自己坐係到睇書書。

去到最右面，就有個小市集，芊嶠推住BB車，帶埋BB去市集買餸。劻霖都要一展身手，去買包、買餸煮飯，做個煮飯公👨🏻‍🍳市集有蔬菜、水果、魚等等，質感都好真實，劻霖拎起條魚都有啲驚！買完就去比錢，比完錢，拎住啲餸又可以去到隔離嘅小廚房，大展廚藝，誓要做一個地獄小廚神。

=========================
紙飛機親子餐廳 Origami Kids Cafe

地址：香港九龍灣承豐道33號啟德郵輪碼頭B區北面平台
電話：6063 7470 (需預約)
時間：10:00 am - 20:00 pm
價錢：小童兩小時入場費平日$138，週末$198；成人免入場費，餐飲最低消費$100/成人。平日加鐘$60/小時，週末加鐘$80/小時，視具體預訂情況而定。
網址：https://www.origami.com.hk/

場次時段：
第一場：10:00-12:00
第二場：12:15 -14:15
第三場：14:30-16:30
第四場：16:45-18:45
第五場：19:00-21:00

Book位：
空間座位有限，請務必提前預約。預約於指定日期30日之前開放，可通過以下方式：

1）點擊鏈接網上預訂： https://goo.gl/ijZbJn
2）致電 6063 7470
3）Facebook左手邊“Book a table"

#要搵一間親子餐廳唔難 #小朋友玩嘅地方同大人食野嘅地方size等同先最特別 #好欣賞好多木製玩具 #大家都玩得好開心 #但原來再坐低傾計真係好難 #多謝紙飛機親子餐廳嘅贊助 #甜品超好味 #芊嶠與劻霖成長日記 #BlogNet #博盟 #紙飛機親子餐廳 #親子聚會好去處 BlogNet 博盟