Search
說實話有誰不在意公開試成績
畢竟也是人生第一件「大事」
我現在還會偶爾夢見
回到準備考試的中學生活
又在夢中準備考一次
可想而知陰影是有的哈哈！
脫離公開試後無論你去哪裏
記著你想做的事是什麼
當年我執意只選我想考的科
完全沒有選「水泡科」
可惜未能如願進入我理想學科
但我還是頭也不回朝著目標走
（我媽當年還勸我選藝術畫畫相關的科目，在香港叫我讀這科我媽也是絕了，我愛她）
最後我做到了我當年的目標
所以分數不會比你的毅力重要
現在我不再是學生
但我還是不時在演學生
我想念當學生的日子
但我也很享受追逐自己的生活
祝你們前程似錦 夢想成真
最後送上一張真實的學生照
媽呀！！！
複製人之城（上）
仲有半年，我就要考公開試，考得唔好，我就會死，或者生不如死。
我講嘅「死」，係真正嘅死亡、斷氣、火化。
因為我係一個複製人，每個人出世後，政府都會幫佢配置一個複製人。
複製人會喺「複製人之城」長大、學習、考試、工作，七成嘅薪金都會入落本體（我哋叫「主人」）嘅戶口。
儘管我哋好可能一世都見唔到主人，但就要一世為主人服務，生死都被操控。
聽聞有啲人類賺咗錢，會去訂造更多複製人，賺更多嘅錢，真係一個完整嘅奴隸制度。
每個複製人十八歲嗰陣，都要參加公開試，成績決定職業。
如果考得唔好，主人覺得我賺唔到錢，可能會將我賣去妓院，任人折磨，或者賣去器官所，將全部器官分拆出嚟賣。
我初初知道呢件事，我好震驚，我問班主任張老師：「咁仲有人權咩？」
張老師指住自己額頭上嘅複製人標誌，反問：「我哋係人咩？」
張老師今年六十歲，係一個好溫柔好鍾意小朋友嘅老師。
我覺得，張老師一定係個好媽媽、好婆婆，可惜複製人無生育能力。
可能因為咁，張老師只好將一腔嘅母愛，放喺佢嘅學生身上。
我住喺「複製少年所」，一日三餐都有規定，亦無任何零用錢，張老師間唔中都會塞錢畀我買嘢食。
我好感動，張老師平時好慳，唔捨得買新衫，都仲咁關注我。
唉，或者呢個就係複製人嘅命運，就算我通過考試，得到一份主人滿意嘅職業，
但上繳七成人工後，都所剩無幾，根本無得享受生活。
但係，我依然要努力讀書，就算無得享受，都好過被切成一堆零碎嘅器官，或者成為某個變態嘅性奴。
可惜，以我目前嘅成績，我覺得自己幾危險。
我已經好努力讀書，日日夜夜溫書，成績都只係中下水平。
睇住考試時間一日比一日近，我成日都崩潰大哭，發夢見到，有人拎住刀要切開我個肚。
幾個成績差嘅同學，都有同樣嘅情況，張老師就搞咗個補習班，幫我哋補習。
張老師唔止唔收錢，佢仲自掏錢包買雞精畀我哋補身。
望住張老師溫柔嘅眼神，我暗暗下定決心，如果我考得好，我要申請做老師，我要好似張老師一樣，幫助更多複製人。
我都有幻想過，終有一日，我可以打破呢個牢籠，帶領複製人反抗，重獲自由。
不過呢件事太遙遠啦，我都係考好個試先啦。
嗰日補完習，我發現張老師憂心忡忡，我就問佢咩事。
張老師話：「B女病咗。」
原來，以目前嘅複製人技術，每個複製人都係由嬰兒期長大，所以城裡有個「嬰兒所」，專門養育複製出嚟嘅嬰兒。
成年複製人都可以「助養」嬰兒，當然唔可以抱番屋企，只可以偶爾去嬰兒所照顧吓。
最近，張老師助養咗一個女嬰，佢病咗，雖然唔係重病，張老師都好擔心。
我有啲擔心：「老師，你過幾年就退休，您有無諗過退休後嘅生活？」
「吓？」張老師唔係好明。
我解釋：「我哋複製人無退休保障，要靠儲蓄，助養又要花唔少錢.......」
張老師點頭：「我有分寸啦。」
我突然講：「我會養您。」
「傻妹。」張老師攬住我。
「我講真㗎，老師對我咁好。」
我強調：「我會努力賺多啲錢，第日老師退休，我嚟養您！」
「好好好，老師第日靠你啦。」張老師摸吓我個頭。
可能因為有推動力，我考試發揮得好好，成績超越預期。
以呢個成績，主人應該相信我會賺到錢，唔會將我賣去亂七八糟嘅地方。
我滿心歡喜，無幾耐，我就收到「複製人中心」嘅通知書，新學年，我會成為「複製人小學」嘅老師。
下集：http://bit.do/faTpi
將專頁設定為「搶先看」/ "See first"，最新故仔馬上睇！
我腦裡面有個炸彈：https://goo.gl/FPrJWy
我腳臭，拯救地球：https://goo.gl/iw5dqa
#短故 #短篇 #小說 #陳美濤 #廣東話 #粵語 #tomatochan #複製人之城
複製人之城（上）
仲有半年，我就要考公開試，考得唔好，我就會死，或者生不如死。
我講嘅「死」，係真正嘅死亡、斷氣、火化。
因為我係一個複製人，每個人出世後，政府都會幫佢配置一個複製人。
複製人會喺「複製人之城」長大、學習、考試、工作，七成嘅薪金都會入落本體（我哋叫「主人」）嘅戶口。
儘管我哋好可能一世都見唔到主人，但就要一世為主人服務，生死都被操控。
聽聞有啲人類賺咗錢，會去訂造更多複製人，賺更多嘅錢，真係一個完整嘅奴隸制度。
每個複製人十八歲嗰陣，都要參加公開試，成績決定職業。
如果考得唔好，主人覺得我賺唔到錢，可能會將我賣去妓院，任人折磨，或者賣去器官所，將全部器官分拆出嚟賣。
我初初知道呢件事，我好震驚，我問班主任張老師：「咁仲有人權咩？」
張老師指住自己額頭上嘅複製人標誌，反問：「我哋係人咩？」
張老師今年六十歲，係一個好溫柔好鍾意小朋友嘅老師。
我覺得，張老師一定係個好媽媽、好婆婆，可惜複製人無生育能力。
可能因為咁，張老師只好將一腔嘅母愛，放喺佢嘅學生身上。
我住喺「複製少年所」，一日三餐都有規定，亦無任何零用錢，張老師間唔中都會塞錢畀我買嘢食。
我好感動，張老師平時好慳，唔捨得買新衫，都仲咁關注我。
唉，或者呢個就係複製人嘅命運，就算我通過考試，得到一份主人滿意嘅職業，
但上繳七成人工後，都所剩無幾，根本無得享受生活。
但係，我依然要努力讀書，就算無得享受，都好過被切成一堆零碎嘅器官，或者成為某個變態嘅性奴。
可惜，以我目前嘅成績，我覺得自己幾危險。
我已經好努力讀書，日日夜夜溫書，成績都只係中下水平。
睇住考試時間一日比一日近，我成日都崩潰大哭，發夢見到，有人拎住刀要切開我個肚。
幾個成績差嘅同學，都有同樣嘅情況，張老師就搞咗個補習班，幫我哋補習。
張老師唔止唔收錢，佢仲自掏錢包買雞精畀我哋補身。
望住張老師溫柔嘅眼神，我暗暗下定決心，如果我考得好，我要申請做老師，我要好似張老師一樣，幫助更多複製人。
我都有幻想過，終有一日，我可以打破呢個牢籠，帶領複製人反抗，重獲自由。
不過呢件事太遙遠啦，我都係考好個試先啦。
嗰日補完習，我發現張老師憂心忡忡，我就問佢咩事。
張老師話：「B女病咗。」
原來，以目前嘅複製人技術，每個複製人都係由嬰兒期長大，所以城裡有個「嬰兒所」，專門養育複製出嚟嘅嬰兒。
成年複製人都可以「助養」嬰兒，當然唔可以抱番屋企，只可以偶爾去嬰兒所照顧吓。
最近，張老師助養咗一個女嬰，佢病咗，雖然唔係重病，張老師都好擔心。
我有啲擔心：「老師，你過幾年就退休，您有無諗過退休後嘅生活？」
「吓？」張老師唔係好明。
我解釋：「我哋複製人無退休保障，要靠儲蓄，助養又要花唔少錢.......」
張老師點頭：「我有分寸啦。」
我突然講：「我會養您。」
「傻妹。」張老師攬住我。
「我講真㗎，老師對我咁好。」
我強調：「我會努力賺多啲錢，第日老師退休，我嚟養您！」
「好好好，老師第日靠你啦。」張老師摸吓我個頭。
可能因為有推動力，我考試發揮得好好，成績超越預期。
以呢個成績，主人應該相信我會賺到錢，唔會將我賣去亂七八糟嘅地方。
我滿心歡喜，無幾耐，我就收到「複製人中心」嘅通知書，新學年，我會成為「複製人小學」嘅老師。
下集：http://bit.do/faTpi
將專頁設定為「搶先看」/ "See first"，最新故仔馬上睇！
我腦裡面有個炸彈：https://goo.gl/FPrJWy
我腳臭，拯救地球：https://goo.gl/iw5dqa
#短故 #短篇 #小說 #陳美濤 #廣東話 #粵語 #tomatochan #複製人之城
