起初因為《Playboy》潔淨化關係而睇《性書大亨》，以為呢套電影可以令我多加了解色情出版行業嘅歷史概況，但原來佢對於呢方面嘅內容鮮有提及，反而將重點放響《Hustler》嘅老闆Larry Flynt身上。
基本上Larry Flynt的性格有點似《華爾街狼人》嘅Jordan R. Belfort，才華洋溢之餘又癲癲喪喪，好多時響一定重要時刻，佢地作出往往係全世界都認為最瘋狂嘅決定──當然呢D決定好多時會令佢地大輸，但亦有時候會令佢地大嬴嬴到擁有今時今日嘅地位。其實我覺得呢部份真係好寫實，因為的而且確，我接觸過嘅所謂成功人士，或多或少都有呢類躁狂傾向。
《性書大亨》英文片名叫《The People vs. Larry Flynt》，自然講左唔少佢同各種各樣嘅人交手嘅經過。不過最過癮嘅係中間Larry Flynt唔知點解搭上左卡特個細妹，然後受埋洗信撚埋耶穌，跟住想用（佢心目中嘅）基督教價值觀去Run咸書Business，真係有夠荒謬。正當佢因為信耶穌信到痴哂線之際，「上帝」就搵個殺手一槍打到佢半身不遂，令佢痛定思痛成為無神論者。
「最無廉恥、卻最有錢」的Larry Flynt如何作弄那些政府官僚、道德人士以至他自己的同僚，到了後半其實已有點乏味，想不到最後話鋒一轉，竟變成了透過與耶撚大代表Jerry Falwell在法庭上的交手，並藉此大談對於知名人士的戲謔，是否能以「言論自由」為理由而排除了法律上的後果。
這個有關美國憲法第一修正案的審訊其實是讓電影邁進最後高潮，但我不明白為何導演故意要讓Edward Norton以口窒窒的方式演繹最後的陳詞：這是為了加強過程的真實性嗎？就我來說，這種手法反而令整場戲感覺很不自然，反而損害了這個由最低俗刊物捍衛最崇高言論自由的衝擊性。
但無論如何，《性書大亨》整體而言仍是相當精彩，沒有悶場，將浮誇奢華的狂人生活，與有關道德與自由之間的相互衝突作出了很好的平衡；Woody Harrelson與Courtney Love皆以其精堪演技帶動整套電影的推進，也讓花花公子與狂野女之間、表面墮落實乃真摰的感情拍得非常動人，而這可謂全片畫龍點睛的一筆。反而Edward Norton在此片的演技被一致讚好，但我卻覺得有點名過其實，相比起來他在Fight Club的表現要好多了。
大亨英文 在 [英文試玩版]【糖吵栗子】《廢品大亨：序章.》Barn Finder 的推薦與評價
[ 英文 試玩版]【糖吵栗子】《廢品 大亨 ：序章.》Barn Finder - The Pilot [英語(註: 正式版有中文)] #１. 215 views215 views. Jun 11, 2020. ... <看更多>