開開心心食完lunch～電話響起～
我:你好，乜乜診所～
一把好粗嘅男人聲:你有冇常識㗎？
我嚇到爭啲嘔返個豆腐火腩飯出嚟:先生，請問乜事呢？
佢:我問你嘢呀！
我都唔多好意思答我係低能:er…請問乜事呢？你冷靜少少講咗乜事先啊…
佢:係咪排粟米呀！
…我真係幾唔歡喜人講啲唔講啲，而家做乜啫😂邊個冇常識邊個屙粟米呀？我係屙過粟米咁又點呀？uncle你做乜匿喺屎坑裝人屙屎呀？
我:er…先生，你可唔可以講清楚乜事？邊個屙粟米呀？
佢:我呀！
呼，原來係你，咁屙粟米…要煲粟米湯粟米蓉粟米條？啊！肯定係想整粟一燒！
我:咁…你想問啲乜呢？
佢:我排粟米係咪有問題呀？
我:你指嘅係大便入面有粟米粒嗎？
佢:……你有冇常識，唔通我排便排條粟米？
…少年，你真的超爆年輕，姐我遇過太多千奇百趣光怪陸離嘅問題，我都變到接受能力超乎常人了…你就算話屙咗架電單車出嚟，我都應該面容不改，只會淡淡的建議你拎精神科轉介信…
我:唔好意思，我都係想問清楚啫，大便有食物殘渣其實好正常…
佢:凹凹凸凸邊正常呀！
嘟…
凹凸…唔正常咩？搽咗「力架」咁反哂光先正常？
#屙屎嘅嘢你識條鐵 #凸點屎應該屙得好好feel #又越過高山又越過谷 #有起有跌那是人生
