【 #他們的愛情故事 - 老婆愛食炸雞！暖男為愛妻打造Jollibee燭光晚餐】
「其實只要係同鍾意嘅人食鍾意嘅嘢，浪漫唔一定要好貴！」
.
一對住喺美國嘅菲律賓籍夫婦Brandon同Ellyza，因為老婆Ellyza好鍾意食炸雞，兩公婆成日都會特登揸車去當地食唯一一間Jollibee，無論係第一次約會定求婚，個場所都係呢間Jollibee... （究竟係有幾鍾意食？）
.
早幾日係佢哋嘅相識紀念日，老公Brandon一直對於佢哋第一次約會覺得有啲內疚，因為當初係老婆帶佢嚟食，佢發覺好正之後起勢咁叫，最後仲要係老婆埋單um... 為咗補償當初自己咁失禮，同埋帶老婆返去第一次拍拖嗰陣，Brandon特登寫咗封信畀Jollibee，希望可以喺餐廳搞次燭光晚餐，點知竟然得到老闆親自回覆話OK，仲應承會幫佢安排！
.
於是喺紀念日當晚，舖頭閂門後，管弦樂團演奏嘅音樂喺Jollibee慢慢響起，有張好grand嘅餐檯响正中間，地下鋪滿蠟燭同花瓣，然後檯面放滿老婆最愛嘅桶裝炸雞。當Brandon成功呃老婆去到餐廳，Ellyza一入門口已經眼濕濕埃住老公，唔知係因為啲炸雞定個驚喜呢...
.
當好多人以為浪漫一定要好貴，但其實最浪漫嘅Combo：係愛人＋我愛嘅嘢食。不過有網民就話：「事主真係膽生毛，如果我紀念日帶女朋友去食Jollibee，可想而知...」
.
#不過其實小編譚仔燭光晚餐都得啦 #重點係有心寫信同驚喜 #唔係食乜 #知無 #大家一齊做Jollibae #入得去話tablefor2 #係唔會有人理你 #愛 #愛情 #語錄 #拍拖 #香港 #搞笑 #hongkong #情人節 #花
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
大家一齊做jollibae 在 【拍片奇遇記】 主流快餐店也出韓式漢堡+ Jollibee 美味炸雞.肉 ... 的推薦與評價
這是一條自費試食的影片, 所有意見純屬個人意見**食物水準可能會因餐廳繁忙而有差別, 片裡的食評是以我當天的為準, 歡迎當作參考用途*本來見天氣好就 ... ... <看更多>