#4
內容係會含~有色情成份。未夠十八歲或心智未成熟者,請自行包膠。不喜可以HIDE ALL!
將不定期連載
===============================
食完火腿通,聽完姐妹講慾女心經,又係時候上路返工。啊~Alan喺公司門口等我呀!
Alan:「Tracy...噚晚Sorry呀...」
我:「係我對唔住就真,我咁樣走咗去!」
Alan:「係咪我下面嚇親你呀?好多女仔都咁同我講過,不過天生嘅嘢我都冇得控制,你會體諒我㗎可?」
其實噚日太黑,我睇唔到小Alan係咪生蝨或者有幾個蛇頭,所以先會嚇親人,不過見有落台階梗係落咗先:「我會我會體諒...」
Alan:「今晚我等你收工呀,一齊食飯呀?」
我:「好呀」
YES!Sarah果然經驗豐富,一睇就睇得出佢走唔出我五指山!好!去買定避孕套!
我行去收銀問阿姐:「我想問我買嘢有冇員工價呀?」
阿姐:「買乜呀?」
我:「兩打避孕套」
阿姐:「你老豆老母仲咁好魄力呀,你又咁乖女幫老豆買呢啲嘢呀!」
我:「唔...係我」
「不過都冇用,平時超市啲嘢就過期呀壞壞哋先減價,冇員工購物優惠㗎」,阿姐搶先解答。
我:「正價都要啦!急住用呀!」
阿姐:「你老豆老母急成咁,你要唔要拎咗返屋企救吓佢哋先呀?」
我:「唔駛啦唔駛啦...」
阿姐:「你真係乖女啦!」
我:「係呀係呀係呀」
我拎住兩盒套返入去員工LOCKER,珍而重之咁放佢入袋,心中唸唸有詞:「今晚我一定要拆咗你嚟用!」
遊遊魂魂終於等到收工,Alan一見到我就拖住我走,我又打咗個冷震啦,應該係觸電嘅感覺嘛?我哋入咗去大家樂,Alan:「你去搵位坐低先呀,我買嘢食得㗎啦!」
我望住水牌:「我想食....」
Alan:「得啦得啦,我買得㗎啦,你去搵位呀」
我想食免治牛肉蛋飯加底呀....我搵位坐底咗,雙手托住個下巴等飯到,我想食免治牛肉蛋飯加底呀。
Alan:「食得啦!」
我:「得一個焗豬扒飯嘅?」
Alan:「夠食啦,一人分一半夠啦,睇你都唔係食得好多嘢啫,嚟!呢半你嘅!」
我:「你嗰半大兜咁多嘅!」
Alan:「快啲食啦,一陣帶你去個地方!」
唉,媽呀,我好掛住你煮嘅飯呀,咁落去我一定變到得番棚骨啦,以前成日聽人講真愛係要付出好大代價,我而家明啦。
Alan:「食完未?」
我:「食完...」
佢拖住我離開大家樂,行到去一個公園,唔知點解又係咁暗,我住喺呢附近咁耐,一直以為周圍啲街燈多到光害咁,但偏偏Alan就一連兩晚帶咗我去啲近乎冇光害嘅地方。我心入面不禁讚嘆呢個男人好本事...
#狼虎朋友自白記
大家樂免治牛肉飯 在 大家樂免治牛肉飯食譜的影片 第1集 - YouTube 線上影音下載 的推薦與評價
帶飯系列:【窩蛋免治牛肉飯】這幾天很冷啊~只想窩在家裡吃碟頭飯!返工帶飯或一人晚餐,一樣適合。簡單到吃過後還會想再整的!MincedBeefandRawEggwithRice,日日煮 ... ... <看更多>
大家樂免治牛肉飯 在 Pin on Food porn - Pinterest 的推薦與評價
Aug 21, 2020 - 煎蛋番茄免治牛肉飯 Tomato Minced Beef and Egg with Rice - 香港將軍澳的大家樂. ... <看更多>
大家樂免治牛肉飯 在 More content - Facebook 的推薦與評價
就係「豉椒煎蛋免治牛肉炒飯」 依家嚟大家樂仲有得慳住食到呢款超值 ... 大家樂Café de Coral, profile picture ... 你們的煎蛋免治牛肉飯好好多. ... <看更多>