[香港人好富貴]你香港搵400萬台幣 點會話食300-500台幣「唔心痛」?人地戥你「心痛」添呀,「咁慳做乜」。而唔止係因為台灣啲嘢平啲喎(其實高端消費冇你想像中平咁多),你香港人去到嗰邊搵佢咁嘅人工,一餐3000台幣啦。(好似都未夠你食江振誠)
DCard 原文:https://fbook.cc/3X50
TLDR:錢太多冇人生意義?畀晒我你咪有。再唔係,溝條女。還是不行嘅,溝兩條。仲唔得?啤兩件化骨龍。都真係唔掂?仲有終極武器:溝條港女,包你台仔知道自己有幾窮。阿嬌老公都係因為咁,而家人生好有意義。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
1. 認真講下先,當然兩地人工唔同,冇得比。你睇阿嬌老公拍埋阿嬌度都只係窮撚。樓主真係冇見識過香港女仔,N年前嘅奀星傅穎都話十萬月入先好埋枱啦,計埋通脹而家點都十五甚至廿萬。唔好忘記,係埋枱咋,唔係中標價!你知兩者有幾大分別架可?唔知嘅去公海玩下慈善啤王。
2. 咁而,樓主話400萬台幣人工,百萬港紙,香港都算好高—唔好又嚟「有錢人邊係靠打工」「大劉先係叫有錢」「Jeff Bezos先叫有錢」之類,客觀係百萬港紙己經係5%最高收入打工仔。
3. 咁當然唔係咩花天酒地 吳亦凡啦,你有數得計,本人Patreon收入都過百萬一年,但都係住大西北,食下越南包 食下大快活咋,係一個星期打次方榮記邊爐成千蚊咁咋。係貴,但不過係咁咋,你估可以中東油王咁唱K撒銀紙?
4. 但你諗真啲係好合理,3%,咁咪等於你考試拎個A咁咯。應該拎A仲難啲。喂,咁拎A梗係勁啦,但你話係咪咩 神級學霸又唔係咯,廿個有一個。Match得到的
5. 同樣地,樓主單身就梗係好洗,但例如我朋友嗰啲,養埋老婆仲啤兩件嘅,真係唔係離地,認真講句,抆抆緊架咋。唔會唔夠用,但真係冇乜錢剩,真係去次日本都睇下價錢先。
6. 咁當然,另一極端,我本書都有講,咁你香港一半人 人工係兩皮嘢以下(驚未?),咁嗰啲友都係咁生存啦,食風咩。但當然就應該十分吃力,但唔會係你嗰啲網友啦。
7. 但講返,我個重點想講:台灣人真係本質入面好慳(你亦可以未見過大場面,任你),特別係樓主呢啲話窮等人出身嘅。你睇佢,搵百萬港紙,話食餐晚飯300-500台幣都「唔心痛」—你去溝女真係畀人笑呀,唔好話港女,台妹都笑你。
8. 都唔止係台灣啲嘢平啲(事實)咁簡單,我可以肯定話你知,你香港人在台灣,搵樓主一半人工,都肯定餐餐貴過佢。香港人啲消費水平同食好嘢用正嘢嘅能力,全世界難比。
9. 都話求撚其一件香港小朋友都同你講omakase,普通一條屋村女生日都住科思晨食米芝蓮兩三星,同啲姐妹講是非就五星級酒店high tea(*)個撚個用埃瘋,普通一個文員仔都用個幾皮嘢嘅袋啦。我就只係去過七八十個國家左右,就見識少,就冇見有第度係咁啦。
10. 即係,出賣囡囡都講句,嗰時埃汾太在台北,樓下間邊爐舖好快就認得佢,仲知佢唔係台灣人(雖然埃汾太國語好好,仲會扮埋台妹講嘢)。點解認得佢?因為,人地一個打邊爐打舊幾兩舊水台幣(**),佢一條友打七舊水。
11. 真係,講到尾,400萬台幣人工就真係好勁,不過,點會冇人生意義?睇樓主講法,單身寡仔。你溝條女幫你洗咁啲,包你有人生意義。一條唔夠嘅,兩條。再唔係啤兩件化骨龍,包你即時好有動力。
12. 再唔係嘅,溝條港女咯
13. 實在慚愧講,有一輪我去日本,成日去四國(都係兩次啫),真係覺得自己好富貴的。去到餐廳唔識睇日文,點最貴嗰個餐啦,冇乜死錯人(***)。講咪又四五舊水港紙,「在香港食垃圾咋」。真係的,有一輪覺得日本啲嘢都唔貴(因為香港太貴!)。直到我去銀座(東京,唔係天水圍),就知道啲餐廳貴啦!
14. 同一道理,台仔覺得自己好多錢嘅,去溝條港女,包你知自己窮,然後實好有人生意義,阿嬌前夫咪就係咁。
15. 又諗起之前嗰個真人真事(啲咩在港台灣人群組),有個台仔同個香港女仔一齊,見女朋友成日話自己窮,又住公屋,自覺自己人工都不錯,諗住話叫佢辭職跟佢返台灣養埋佢。點知,靠,條女人工係佢兩倍!梗係啦,條女做護士嘅。你台仔以為人地呻窮住公屋就好窮,呀樓主話先知自己幾咁天真。卒之明白做乜條女成日有錢買名牌換手機。
16. 港樓,港女,港B,都係啲高難度動作。港樓都仲有得轉手,其他兩樣就…….當然你可以期望個港B養返你嘅,祝君好運。港女啦喎,張愛玲啦。
(*)雖然絶對食垃圾,我話嘅,我食過,每一間都係好撚難食。係每一間。我已經唔係討論價錢或性價比。你老味我去食大家樂KFC好過。我係講真的。夠人支持我開篇新文講。
(**)台北都仲有一舊水邊爐,但囡囡唔會去到咁平嗰啲。況且,即使台北人都未痴線到咁嘅,天龍國嘛,好歹都升級下,好少真係一舊水咁過份。百五樓上啦。而台北以外,你會搵到一舊水任食邊爐的,窮人恩物,都唔係太過差的。乾淨企理,當然你唔好望有咩手切肥牛黑豚肉,食撚慒你。
(***)又,我當年就係咁樣揀咗精算!結果死錯人!
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
大家樂晚餐餐牌 在 君子馬蘭頭 - Ivan Li 李聲揚 Facebook 的精選貼文
[你冇睇錯]李嘉誠冇你想像中咁有錢。李嘉誠投資唔係無寶不落。
TLDR:光頭佬同Elon Musk,今年已經啤咗半打李嘉誠出嚟!連光頭佬個前妻都啤一個嘉誠!誠哥要賣幾多間鑽石廳幾多包油魚先搵到?另外,李嘉誠一樣有滔滔loss,但對佢完全冇影響
1. 呢個心靈/金融西湯環節似乎幾受歡迎,可以考慮變做Patreon,ivanliwestsoup。係喎,昨日西湯講Payme咪講過,成形梗係要monetise。例如而家newsletter 12蚊美金個月,遲下西湯亦係12蚊,然後兩個一齊要要就20蚊,幾好。支持下(https://bit.ly/31QmYj7)
2. 正題,昨日呢單都幾震憾。Bloomberg搵到個好angle(https://bityl.co/3K5y).之前我成日貼富豪榜,有人話關佢乜事。而家咪話你知點解要留意。因為上面就係地球上最成功最有影響力最勁嘅人。
3. 大家知我唔鍾意人云亦云。列晒李嘉誠投資有幾巴閉點無寶不落,扯,度度都識寫啦,又係回帶講佢買Facebook 買Sportify。或者另一角度,講新經濟股點勁—但,升咗幾多年啦?而家先講呢啲?明明3月就人人問我老母話仲好叫人買股票你害撚死人呀仆街廢柴財演。
4. 咁,不如另類啲兩個角度?首先,李嘉誠冇你想像中咁有錢。第二,李嘉誠都成日投資選手。夠震驚未?且聽我講
5. 講第一點先,Zoom升咗N倍,但亦都不過1000億美金市值,當然都好大,但唔係Facebook Amazon嗰種級數,Right?咁所以,一隻甚至都未係標普500成份股嘅Zoom,就佔咗李嘉誠三份一身家。唔奇怪?即係,李嘉誠都唔係好有錢。當然睇同邊個比。咁梗係同全世界最有錢嗰班人比!
6. Zoom差不多係人類史上,最快由零去到1000億美金市值嘅公司,由成立到1000億市值,唔夠10年。仲快過Facebook,只係落後Google.
7. 李嘉誠早著先機,2013年拎咗8.5%股權,成本可以不計,而家就值110億美金。但,呢度已經係佢三份一身家喎。咦?即係佢成副身家,就大約係330億美金。就係咁咋。全球?頭三十都未到。香港人心目中嘅神,都不過係咁。當然都係好勁,但我未講前,你有冇諗到佢係三十名不入?(*)。不妨問下同事。
8. 換個角度睇,全球首富亞馬遜嘅光頭佬,今年身家增長900億美金,等於啤咗三個李嘉誠出嚟!傻的嗎?仲有Tesla嘅Elon Musk,一樣係咁上下,今年已經啤多三個嘉誠。呢兩條友未到中秋就啤咗半打嘉誠!死未?仲話股災財富洗牌,係呀,佢地咪洗咗你嘅牌。
9. 冇咁痴線嘅,Facebook嘅小朱,一樣多咗一個嘉誠。就連光頭佬個前妻,分完身家,今年都啤多一件李嘉誠!佢身家係兩個嘉誠—而all due respect,只係因為佢當年畀光頭佬上咗!
10. 冇人因為睇李嘉誠傳記發達,除咗博益(都死埋),但我都有睇,所以冇發達。記得我初中,90年代初期,李嘉誠身家應該200億港紙。而家,300億美金。但,30年喎,太古城升咗幾多?佢身家增長,並冇你想像中咁多。
11. 固然佢志不在此,但我用呢個手法話畀你知,科技股如何創造財富,有幾驚人。再講一次,光頭佬同Elon Musk兩條友,一年啤咗半打李嘉誠!陰功,誠哥要賣幾多間鑽石廳幾多包油魚先搵到?
12. 仲要佢身家有三份一係Zoom喎!
13. 冇錯,因為Zoom大升,李嘉誠身家,星期三晚一晚多咗30億。但知唔知全年身家升咗幾多?答案係29億。下?!係呀,唔計星期三晚,佢全年身家仲要縮水,仲要之前Zoom都升咗好多。
14. 李嘉誠當然超勁。但正如陳七都超勁(佢唔勁唔通你勁?),但拍埋韋拿,就梗係爭啲啦!(咁當然李嘉誠同光頭佬嘅距離,冇陳七同韋拿咁遠,即係咁講)
15. 第二點,仲反智,又會畀人噓。但,李嘉誠真係無寶不落?唔係。
16. 首先,佢都買咗幾億小米,咁當然對佢嚟講係散紙(對佢嚟講有乜唔係散紙?),但買完即時潛晒水,仲畀人覺得佢只係交保護費。換著係第個,你啲網友一咗抽到維港水都乾啦。超,識唔識架你,買小米。小米後來上返水面就後話。另外,再細隻啲嘅,五龍電動車,出晒事啦。
17. 不過再型嘅,都係人造雞蛋。記唔記當年李嘉誠都好高調出嚟親身上陣(李嘉誠冇同雷軍一齊are you ok)?呢檔人造蛋做乜冇晒聲氣?就梗係香咗啦。
18. 但,有乜所謂呢?聰明嘅你知道啦,扯,嗰啲散紙嚟之嘛!佢一隻Zoom就賺返晒N咁多隻出事啦!孫正義都係咁玩法。
19. 點解睇李嘉誠你又識咁諗,睇其他人你唔會咁諗?或者睇自己你都唔會咁諗?
20. 早兩日黃國英寫篇文,非常好(https://fbook.cc/3Ewc)。你唔冒險梗係簡單,要十次有六次中,完全唔難(反正股票係升嘅多)。但,講撚咗十鳩幾次啦,你唔使放大人地每腳波每步棋每句嘢咁睇,講到尾,最後成績表就係一切。
21. 我十次輸七次都好,畀人話燈神都好,但可能贏嗰兩三次就夠冚晒啦!你睇Zoom升咗幾多倍?扑十隻一百隻公司死晒又如何?呢隻中咗,夠佢冚晒其他東西啦
22. 切記一個常識:一隻股票只能夠輸100%(好廢,但真的),但可以升100萬倍。長期睇淡嘅基本上必死,唔買亦即係睇淡,亦係慢性自殺(通脹呀小朋友)。呢個係不對稱遊戲,樂觀嘅人先會搵到錢。
23. 但講真,換著你同我,可唔可以咁?好多人都可能買中過啲十倍股廿倍股,但坐唔實,可能升兩倍走咗,或者高位跌兩成即時又話熊市嚇到瀨屎止蝕。
24. 講就人人都知,投資要有耐性。但知易行難,點解?因為,你唔係李嘉誠嘛!亦因為咁,香港人買樓搵大錢嘅大有人在,一來有槓杆,二來唔易沽。但股票嘅,你太易沽出去了,坐唔實的。
25. 呢個就係要講,財不入急門。亦都見到點解富者越富。08年金融海嘯我就輸到仆街,差不多蒸發晒身家。點解?槓杆咯。Paper Trade永遠容易,但真落場係兩回事(所以我欽敬所有真金白銀炒嘅人,特別係大手落場嘅,哪怕係輸錢)。想像下李嘉誠去買人造蛋。呀,條妖走喎數呀?隻咗草呀?輸晒錢呀?仆街濟丫。OK,next agenda.但你或者我呢?下個月仲要供樓喎,分分鐘失業喎。而家斬你仲有一半,唔斬可能乜都冇喎。
26. 有壓力,咪自然容易犯錯。但咩人冇壓力?咪有錢人!亦都所以點解,錢搵錢容易。荷包大,心臟自然大。
27. 仲有,李嘉誠可以咁早買到Zoom(2013年你聽過Zoom未?),首先因為佢有錢,人地會上門搵佢。二來因為佢有大把人幫佢睇嘢。有錢人嘅叻鑊勁,同埋架生,又係唔同。所以係好屈機的。亦都點解講你要投資自己。
28. 多數我嘅讀者都係中產—我定義,你有資產嘅(哪怕係幾皮嘢),唔係拎救濟嘅,但又唔係唔使做嘅,咪中產。咁我話你知,中產就最要小心
29. 窮人,特別係年青人,最初咩資本都冇,反而冇問題。爛命一條。輸咗咪搵過,反正有嘅係時間,爭人錢都有老母還(況且正常唔會爭到好多)。唔年青嘅窮人呢?「其實都冇乜所謂」,本身都係咁嘛。
30. 但中產嘅你就最危險。所以雖然好廢,但都係要講:真係的,咬緊牙關,受屈辱又好,痛苦又好,博佢老母十年八年。然後例如職場上,你變到小頭目,可以參加分餅仔遊戲(https://bityl.co/3K78),咁你條路已經易行好多。
31. 「千其唔好以為啲勁人好享受工作。拳王阿里都話過:我最憎訓練,每分鐘都咁憎。但我同自己講,頂X住,而家受下苦,到你做咗冠軍就成世可以做廢老指點江山」
32. 講財富嘅,都係,又係好老土。但,要達到財務自由。有幾多先自由?我點知你有幾大洗?答你唔到。你餐餐去高流灣打邊爐,同你去大家樂打,已經爭好遠。你有小朋友,定係埃汾咁玩人類自願滅絶運動(即係唔生仔),又爭好遠。你留在香港,定係去台東小確幸綠島小夜曲,亦爭好遠。自己計。
33. 總之,你去到嗰個位(唔易,但肯定唔係不可能),你就順利好多。08年雷曼爆煲,我低位打晒靶,首先因為槓杆(切忌),另外因為冇經驗,仲有因為,本身冇乜錢—但又唔係完全冇喎,先死。06 07 嗰兩年其實好好搵(咁事實我之前教書,同埋在蕉行拎萬二蚊人工,點會儲到錢?),但我所有嘅儲蓄加埋花紅,差不多08年一季輸晒。
34. 對比下,今年3月,個跌勢仲凶險過08啦!我仲要而家結咗婚買咗樓。但點解坐得穩?一來有咗經驗,二來我冇負債,三來,點都係比當年富有咗(如果我撈咗12年財富仲少過當年,都真係唔好睇我個Page)。所以咪唔同。
35. 係好廢嘅,但,越窮越見鬼,你借錢嚟炒股票,個浪一打埋嚟你一定係低位打靶。萬試萬靈,因為每次股災都係斬死你呢啲人,先會反彈。08我咪係畀人斬嗰個
36. 當然講乜都有人唔啱聽,但講真,呢篇文,我有乜著數先?冇架喎,純分享。甚至都未放去Patreon做收費西湯(https://bit.ly/31QmYj7)。不過真係要考慮下,雖然有人話呢個系列十分Brian Cha。
(*)當然富豪榜只計上市公司或者公開知嘅嘢,好多人話嚴重低估華人富豪財產。但冇法,除非你有好準嘅資料。否則只能咁。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已近 500人訂,仲有兩篇免費試睇:https://bit.ly/31QmYj7
——————————————————————————
[收費短片第八擊]美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升,然後…
*制裁美國上市中資股,有乜後果?
*蘋果2萬億市值,之後點?。下間2萬億市值係?
*未買記得買返CCO06(下半年選股)同CC007(買金)
本星期內特惠售價: $80
課程編號:CC008
觀看期限:首次播放後一星期及限每影片4次
客服whatsapp: 63832145
大家樂晚餐餐牌 在 FAKE 文青 Facebook 的最佳解答
《我的快樂年代》
不少人批評90後懶惰,不盡力,做事馬虎,但到了2018 年,90後已經不再年青了,1990年出生的都已經28歲了,亦邁進或已是管理層的了。現在90後又批評00後做事hea,無人生目標,這個一代批評一代的魔咒從不會消滅,因為我年齡比你大,自然對事物的看法比你來得深和遠,如是說這個矛盾是是一定存在的。但我想說的不是年齡上的矛盾,而是原來成長不如我們想像中快樂⋯⋯
以前中學,大學的年代,總幻想長大是一件好美好的事,亦以自己長大自豪,終於可以脫離父母的管束,可以自己決定自己的人生,但原來長大不如我們想像中這樣。
以前覺得上學辛苦,又要做功課,又要考試,又要討好老師,我們總在幻想將來上班的我們是公司的棟樑,我們為公司處理一個又一個的大project,更為公司出謀獻策,無左我,公司就玩完啦,但你終要長大了。長大後,你終於明白你並不是公司的棟樑,而公司無左你亦唔會倒閉,你只是一個朝九晚五的打工仔,人生目標好似好遙遠,年尾你只希望老闆加多小小人工,加多5%都已經謝天謝地,最好就可以加多一兩日年假,因為你真係好唔想好唔想返工呀。當你以為自己大有作為,但你只是日覆日,年覆年,做著刻板的工作的打工仔,有時你在想,讀書讀左二十幾年,究竟為了什麼,難度只為了一份幾萬蚊朝九晚五刻板的工作嗎?有時你也會控訴這個社會沒有機會給你發揮自我,但即使你有幾多的控訴,你最後都決定早啲瞓,天日要準時返工,唔係又要被扣人工。以前你以為搵幾萬蚊好多,但現在你發覺那幾萬蚊要俾家用,交學費,要供樓,還卡數,俾交通費,還有日常的開支,你發覺一出人工,扣除所需開支已經沒有幾多了。
以前去旅行你希望多點體會不同國家的文化,去感受不同的民旅風情,你唔介意窮遊,唔介意住hostel,唔介意食得差,住得差,唔介意用腳去行出個旅行出嚟,因為你覺得體驗比任何一樣事物都來得重要。但長大後,你明白旅行對一個上班旅來說只是逃離你的工作,逃離上司,逃離香港的一個藉口,你終於明白原來旅行者未必以旅行為目的,可能只是想逃避現實的生活。現在旅行最重要最重要係食、食同食,什麼文化的體驗,民旅風情是什麼來的,你已經忘記了很久。
以前以為朋友是一輩子的,現在要約朋友出來真是難過登天。小學時,記念冊寫上的是 “友誼永固”,”得閒要約我哋出嚟” 又或者 “升中之後都要記得我呀!” 。當你中學時再聯絡小學同學,你就明白”得閒”,”永固”這些字眼,其實真係得個講字,因為你約幾多次,他們無一次會得閒。又例如大學同學,即使這三年或是四年大學,你們是如何接近,即使睡覺亦要孖鋪一齊講是非,講心事,但畢業之後,你有你的生活,她又她的生活,你已經不記得何時WhatsApp group 已經沉底,何時你說要gathering,她們不是說要加班,就是說要陪仔仔,到最後,這個聚會已經不了了之。有時你在社交媒體見到她們結婚,生小朋友,你發覺你沒有被邀請,亦從不知她們的近況如何,你有怪她們嗎?沒有,因為長大的你終於明白朋友不會是一輩子,雖然你很希望是,你開始明白原來當彼此的生活圈子不再一樣,代表你們的交集不再,原來我不再了解新的你,亦正如你不了解我一樣。
以前你以為會談着轟轟烈烈的愛情,每天都有不同的新鮮感,但長大後你發現只要對方沒有出軌,沒有欺騙,即使是平淡的愛情,亦已經算很不錯,至少你不用每天提心吊膽,因為這個年代你看得太多出軌,第三者,SP什麼跟什麼的,你發覺只要跟對方相處還不討厭,沒有欺騙,已經是萬幸了。
又或是大學你以為會出到pool,但工作了數年,你才發覺出pool 沒有想像中容易,原來要找到一個我喜歡他,而他又喜歡我的人比起要找一份好工還要困難。在速食的年代,要找到一個交配的對象容易,但要找到一個會share ups and downs with you 的伴侶,就像你在香港見到外星人的機率一樣,微乎其微。也許你開始在交友apps 識男仔識女仔,但在真心欠缺的年代,你更怕自己的真心錯配,在愛情上更是駐足良久,想看清楚才前行,但到你看清楚了,對方又沒有這樣的耐性,所以A0 grad 的你,到工作數年,還是keep 住A0 。有時在大時大節你會想有一伴侶,但想法歸想法,已經習慣了孤獨的你,其實真的沒有所謂,聖誕節新年獨留在家,即使街上的閃光彈亦閃不到你啦!也許你想麻醉自己,終有一天,你會找到一個你愛的人,但你明白那一個你愛的人從來不存在。
以前你以為物質可以令你快樂,所以返工之後,你不斷的用物質來豐實你的生活,但你終於發現幾多個Chanel 袋都買不起你的快樂。你開始回想以前,以前的你,沒有物質,只是揹着200蚊的旺中袋,出入餐廳亦不是Ritz Carlton,只是M記,大家樂等的快餐廳,亦無錢日日去食放題,放題只是過時過節的玩意,食放題一齊gathering那天你興奮非常,因為那時放題絕對是美食,亦是窮學生儲錢才可以享受的美食。以前你去迪士尼,去海洋公園亦要想清楚,因為動輒500 蚊的消費對一個學生來說,要慳幾耐才可以儲到,如果你無去迪士尼,那數百蚊可以食50天(餐餐都10蚊頹飯)。
現在的你,負擔得起 Chanel,Ritz Carlton,放題,迪士尼,但那一個真真正正開心的笑容,卻不見了。原來你開心並不是因為你買得起什麼,而是因為那時純樸的你明白到快樂就是快樂的本質的道理,那時朋友問點解你咁開心?你答:「唔知呀,就係覺得開心囉!」。以前是簡單而快樂,現在是物質而憂慮。
我看過不少的文章,他們都覺得比起以前,更喜歡現在的自己,我不知道是因為他們真的喜歡現在的自己,還只是想表達自己積極向上的人生觀而已。
而Fake文青最喜歡的還是以前純樸的自己,即使那時的自己沒有物質的生活,負擔不起名牌袋,但那一個真摰的笑容,那一個對未來總是盼望的自己,那一個不害怕做錯,相信即使選錯了還能重來的自己,那一個通頂做project,當時以為自己project 做得很棒的自己,雖然現在我只覺得那project 像shit 一樣。
沉醉在歷史回憶中的我們,是時候要重捨心情,雖然以前的自己是最好的,但時間從不能重來,無事是可以如我們所願,你只可以在你擁有的事物上調整你的心情,that’s life,雖然有時我們還是忍不住去回顧那些年可愛的自己。
我懷念的 ~ 我們的快樂時代
IG:fakemanching1607