#宇宙船 #生物觀察日記
《日本語能力試考試範圍》
因為本來嚟緊12月要考試，所以都想檢查一下到底考到邊一課，點知要得到哩個答案，難度仲難過本身考試，一般search書名：大家的日本語考試N5範圍就搵到嘅嘢，換來嘅答案係：「第二本書嘅一半左右。」乜嘢叫做左右？日本語goro就係左右，我唔係問左右， 我問得就係想知道確實第幾課，無奈係本書又冇講，淨係話N5-N4，所以先要問人，相信有唔少人都有同一個問題，因為我見到都有好多人問，以下係我睇到一啲答題者嘅答覆：
「大約是50課讀了 = N4級」
Sorry我係問N5
「個人唔太認同先問範圍後讀書這種態度」
冇人需要你認同
「N2-N5既野,基本上都係日文既common core,問下套教科書N幾程度有咩問題.」
可唔可以唔好討論嗰條友嘅問題？
「我諗樓主都係初學者，基本上, 如果大家對日文有興趣，都會上吓日能試網頁，去吓書店睇吓書，邊套書有乜程一睇就知。」
我而家咪上緊網睇，乜嘢叫一睇就知？剩係得你班契弟喺度廢噏，而日能試網頁係唔會講你知要讀到第幾頁，睇過就知，所以你根本就係咩都唔知，但係又入嚟笑人白痴。
「其實我覺得問下無所謂，問唔一定係為左考試而溫」
屌你！問你考到第幾課呀！
「我唔會憑空想就斷定人地係懶 / 為考試而讀書，而是唔讚同這種讀書態度。」
收聲啦！咁報考試洗唔洗錢呀！溫書洗唔洗時間呀！如果我明知學都學唔晒，咁我報嚟做乜呀？終極契弟！而其實哩條友好可能自己都唔識日文，純粹口水佬入嚟屌下人，攞下光環。
一路去到十幾樓，冇一條友答到一個關事嘅答案，我剩係要知考到第幾課，有好多人答咗，但冇一個人答到我，哩啲根本唔係答題，一個二個剩係識搭嗲，你老師！冇教過你出少句聲唔洗死咩？
至於點解官方唔公開考試範圍呢？根據日本語能力試驗JLPT官方表示，2010年新制之後，出題基準採取不公開形式，原因係因為唔希望考生死背單字、文法，而是應該要能夠活用所學，以達到實際運用嘅溝通能力，因此官方認為公開考試範圍並非恰當做法，喺2010年以前都是可以背固定範圍內嘅單字同文法，只要背好大部分都可以合格，從新制開始就係採用認定基準，亦即係咩級別嘅人應該要具備邊啲能力，而不是死背邊啲單字同文法就可以合格。而N5要具備嘅能力就係：
能夠理解部分的基本用語。
主要是假名的熟悉度，以及短句會話的理解。
如果係咁計嘅話，連一題咁簡單、基本嘅問題，都理解唔到加答唔到嘅哩班人，就連N5程度嘅廣東話都冇。
P.S. 本來呢個系列諗住剪下片，最後唔得閒，好多模型要砌💁🏻♀️
大家的日本語n4範圍 在 [問題] 大家的日本語N4的準備範圍- 看板JLPT 的推薦與評價