西班牙城市Bilbao，中文譯名好似係「婊爆」，所以我諗呢個城市應該好適合我呢啲死八婆（喂！！！）
今個星期剛好係佢地個城搞party，所以日日都好似過節咁款，一入夜大家都會在市中心載歌載舞。
至於食物，真係不·得·了！早餐的西班牙火腿炒蛋，啲蛋汁仲流緊，加埋火腿真心唔錯，呢個好簡單，大家在香港都可以自己煮黎試下。
行左陣博物館（文化遊記呢啲趕客野我後補），之後繼續做港豬喪食。
西班牙酒吧好多時都係在吧檯一字排開啲野食，大家鍾意食乜就叫對方執俾你。我同個侍應執左幾劑，oh sorry，I mean執左幾件。
基本上都係不同種類的海鮮/炸物放在法包上，每一啖都有好豐富的味道層次，醬汁的甜、海鮮的咸、蕃茄的酸，各種鮮味交叉在味蕾上盛放，完全是一個口腔內的瘋狂派對，狂野霸道得令人欲罷不能。
貴唔貴？連埋飲品兩個人合共食左20歐元，180蚊港紙。好多人成日話去歐洲食野好貴又唔好食，其實睇你識唔識搵食啦。
最後，我回答一條大家好關心的問題：呢度啲仔好正，係堅正！而且冇其他歐洲人咁高，目測普遍都係170-175cm身高，我呢啲死矮仔突然行街無晒壓力。好多人唔鍾意金髮碧眼的鬼佬，呢度啲仔有白人的皮膚同輪廓，但係黑髮黑眼睛，好似香港啲mix嘅咁，我諗可以解決到好多人的擔心。
而重點係：佢地好熱情奔放，仲識講英文！！！
#我唔客氣啦
#雙手合十
#飲飲食食最開心
#有兩張相係360全景
#大家自己轉黎玩下啦
#婊爆遊記
