【藍色戶外活動】大澳 看海的日子
關於大澳的介紹,網上有很多,唔想行貨,於是特別請來剛做了媽媽的大澳原居民Joy小姐重點介紹下:
//大澳唔同咗好多呀,以前平日好靜,而家日日一車車旅遊巴多咗好多人,出入大澳坐11號車都要排長龍等幾架先上到車;店鋪唔再只係花膠海味鋪,多咗好多後嚟話係大澳小食(以前根本無架:蝦豬餅、黑白墨魚餅、香妃卷及滷水大墨魚)好多店鋪都做遊客生意,大街都變晒小食店,大街有D空地、老屋都拆咗變新式別墅,多咗幾間歎茶同咖啡店迎合遊客。本來遠望大澳對出係個海,多條港珠澳大橋大煞風景!燒咗嘅棚屋而家重建翻既,都起大左同用晒鋁窗咯!簡樸民風都仲有既,主要係得番D阿婆喺棚屋曬吓咸魚蝦乾,阿叔喺自己棚屋外釣魚。由於政府收船牌,都好少人揸快艇出海捉魚,多數見係做遊客生意嘅觀光船。(個人懷念廿幾三十年前D阿婆搖艇遊大澳)
我帶朋友去大澳,都係去大澳文化工作室,睇海豚,去大澳觀景亭/行去大澳文物酒店隔離碼頭睇日落、楊侯王古廟(每逢有侯王誕都有戲棚有大戲睇,好熱鬧)去東京士多同雪姑7友影相,近年多左間貓café。大澳有間好中式感覺既棚屋,望到橫水渡,個景好靚,屋主好好人,會畀你喺棚屋度任影相,嗰度都睇到日落。
大澳必食:財叔糯米糍、大澳餅店沙翁、炭爐雞蛋仔、炭燒賴尿蝦乾、茶粿、車站山水豆腐花、蝦膏,去東方小祇園食齋(芋頭魚、荔肉酥卷好好食)//
明晒啦!如果嫌唔夠仔細,小編官方式的推介是這樣的:
大澳算是外地遊客來港必到的旅遊景點,因此一到達漁村的入口,已見到一個指示牌,清楚說明有甚麼名勝古蹟或玩樂點,例如:鹽田紅樹林、大澳文物酒店、少林武術文化中心、租船出海觀賞白海豚等;另外,讓旅客認識這裡的配套亦相當多,有:大澳文化生態綜合資源中心(舉辦了不同類型的生態導賞團、親子半日營、一日營和兩日一夜營,詳情可去他們的官網瀏覽)、大澳文化工作室、大澳鄉事委員會歷史文化室等等……
不過,講到最有特色的,始終還是水上棚屋啦;這種獨特的人文水鄉景觀,只係得大澳有!密密麻麻的、縱橫交錯的建築在水道上,戶戶相連,四通八達,是百年來大澳漁民蜑家人的聚居地,現時仍有不少原居民居住。你可選擇租觀光船近距離遊覽。
遊走在大澳的古村巷弄中,空氣中散布著一陣鹹鹹魚腥海產味,少不免買些土產如鹹魚、蝦膏、魷魚絲等做手信。中外馳名的還有大澳茶粿,以及,讓你吃過不停的各類地道小食!
溫馨提示:
>>假日到大澳的遊人很多,巴士站通常排長龍,見到會嚇一跳;不過幸好班次密,也不算等很久。
>>大澳端午節龍舟遊涌的傳統儀式於2011年被列入國家級非物質文化遺產名錄,所以每年端午節都超多人!
大澳漁村
交通:在港鐵東涌站B出口的巴士總站乘坐11號巴士至大澳巴士總站,車程約50分鐘,下車後步行5分鐘即達。
從港鐵東涌站B出口的東涌纜車站,乘搭纜車至昂坪纜車站。下車後步行約5分鐘到昂坪巴士總站,搭乘21號巴士至大澳巴士總站,車程約20分鐘,下車後步行5分鐘即達大涌橋。
Joy Wan #大澳 #水鄉 #遊客區 #香港威尼斯 #茶粿 #大嶼山 #棚屋 #城巿人都要知香港曾是漁港 #水上人
同時也有1部Youtube影片,追蹤數超過0的網紅alex lam,也在其Youtube影片中提到,慢活大澳 美食 坐船遊棚屋 秋遊漁村細味大澳好風光 到訪歷史建築 文物酒店 水鄉風情 再遊大澳(2017年11月) http://www.mrlamsan.com/2017/11/TO.html 最岩放假,周末遊玩 (其實平日更舒適呢,遊客更少) 今次就同大家再詳細介紹大澳的食,玩全攻略 體驗...
大澳文物酒店官網 在 alex lam Youtube 的最佳解答
慢活大澳 美食 坐船遊棚屋 秋遊漁村細味大澳好風光 到訪歷史建築 文物酒店 水鄉風情
再遊大澳(2017年11月)
http://www.mrlamsan.com/2017/11/TO.html
最岩放假,周末遊玩
(其實平日更舒適呢,遊客更少)
今次就同大家再詳細介紹大澳的食,玩全攻略
體驗細味大澳好風光,食盡大澳各款特色美食
大澳遊記(2016年詳細版)
http://www.mrlamsan.com/2016/03/blog-post_20.html
大澳美食遊記(其他美食介紹)
http://www.mrlamsan.com/search/label/%E5%A4%A7%E6%BE%B3%E9%81%8A
http://www.mrlamsan.com/2016/03/6.html
文物酒店美食介紹
http://www.mrlamsan.com/2016/03/tai-o-lookout-set-dinner.html
http://www.mrlamsan.com/2016/03/blog-post_62.html
http://www.mrlamsan.com/2016/03/breakfast-tai-o-heritage-hotel.html
文物酒店官網
http://www.taioheritagehotel.com/tch/homepage/Homepage
![post-title](https://i.ytimg.com/vi/8xhLyO3hqvs/hqdefault.jpg)
大澳文物酒店官網 在 Tai O Heritage Hotel 大澳文物酒店- Home - Facebook 的推薦與評價
大澳文物酒店 自2012年3月開業以來,一直以非牟利機構形式營運,至今接待逾170萬名本地及海外訪客。大澳文物酒店透過提供就業機會、聘用本地服務承辦商、採用本地食材、舉辦 ... ... <看更多>
相關內容