【龔成問答信箱】(Q21521-Q21540)
Q21521:
老師,我受持1826(已停牌)。請問以下是甚麼意思? 我應答應嗎? 我$2.2買的
『中國銀河國際證券(香港)有限公司代表要約人提出有關收購旭通控股有限公司(股份代號:1826)全部已發行股份
(要約人及其一致行動人士已擁有或同意將予收購者除外)的強制性無條件現金要約,每股 0.158港元』
謝謝老師
龔成老師︰
這個要約,代表有機構想收購你手上旭通控股(1826)股票,作價為每股HKD0.158。
至於答應與否,我地要從資產角度考慮。如果企業係有質素,長線有升值潛力。你接受要約,就等同放棄優質資產,換回只會貶值的現金,係不值。
所以,你要先了解企業本質,去再決定。
旭通控股(1826)主要在香港從事提供金融相關信息及技術服務;新發展工程之承包服務等。
集團在2021年3月31日表示,因核數師對其2020年度的綜合財務報表發出不發表意見,故暫時停止買賣。
在為投資者,而一刻係無野可以做。而一刻未知背後原因,所以好難話會唔會可以復牌,只能說機會係有。
但睇翻本身質素,唔算係好高,而且公司規模好細。過往股票都十分波動,這類股票最多只宜好小注。
此股唔係完全無價值,但不算高,加上有一定風險。暫時睇,接受要約會係較好選擇。
------------------------------------------------
Q21522:
另外想問老師,新年前科技股大升好勢時,十年投資回本了,也有少少賺,但現在科技股回調,又倒蝕番,所以之前有少少唔開心,後來再聽老師FB,再想想自己組合內的股都不是有問題的公司,所以會繼續持有
但想進行一些調倉,之前買了京東健康及微盟,近排跌了不少,想溝少少(占倉不大)所以想放1手美團(共有3手),唔知咁樣操作如何?
龔成老師:
第一,平常心對股價,股價上上落落好正常,你唔好太著重,最重要是企業長遠的發展與價值。提高你的心理質素。
第二,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你要睇翻自己的持倉比例,是否,以及應該加多少新經濟股類別。
京東健康(6618)及微盟(2013)都有潛力的,但現價只是合理區頂至略貴,如果你這類股比例唔多,可買入,但不要買入得太急,要慢慢分注。
至於美團(3690)如果你持貨較多,可減。
記住,整個方向不是睇你的買入價、賺蝕。而是「優質度」「比例」。
------------------------------------------------
Q21523:
你好,我係最近先開始睇你fb,睇完想重新審視自己既股票,下面係我現在持有既股票:
- 港鐵500股@$43.15
- 匯豐400股@$75
- 電能1000股@$40.3
- 建行15000股@$6.6
- 煤氣4100股@$12.89
- 西部水泥40000股@$1.3
現在29歲,想請教下呢個組合會唔會太保守?有幾隻仲放咗幾年都仲蝕緊錢,覺得總會升番上去/蝕就收住息先,呢個心態係咪唔岩?
另外,見你話同隻股唔好佔太重比例,應該點計個比例(用錢/用股)?Thanks
龔成老師︰
首先,你見蝕,就收住息先,等佢上升翻。這個想法,是不正確的。
我地是否持有一隻股票,應該睇佢長線質素。所以,佢股價有明顯下調時,你就要睇翻佢山現調整的原因,唔好主觀咁「估」佢會升翻上去。
如果唔關佢本身質素事,純粹係中短期價格波動,我地就唔洗理。相反,我地發現係因為佢長線質素轉差,係而個時候,就算蝕多少,我地都要減持,甚至完全沽出所有持貨。
投資增值時,我地係會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你現時只係29歲,應先以增值為主。但你現時組合中,以收息股居多(0005、0006、0939、2233)。這些股票不是無質素,只係佢地增長力好弱,主要係收下息。
現時你持有太多,會拖低左成個組合的增長力。建議你慢慢分段沽出部份,換碼至以下有增長力的股票。
你將來可以用「平穏增長股」 + 「潛力股」作目標,去創建你的組合。
由於你投資知識不高,因此可較集中在平穩增長類股,至於潛力股,只宜小小注(約3成)。最好是你先提高投資知識,等你有一定知識,先慢慢增加翻潛力股比例(約5成)。
至於,我所講個別股票唔好佔過多。其實是指任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你長線要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於3成,而單一企業不要高過15%。
我地計算時,係用佢價值,即係你"股價 x 持有股數"。
但盈富(2800)就不受此限,因為它是一個包含55間優質企業的基金,這些企業來自不同行業。因此,盈富(2800)就算在組合中佔較大比重,都唔會造成過度集中性風險。
------------------------------------------------
Q21524:
龔SIR, 你好, follow你facebook有兩年了, 我好認同你的投資方法。
所以平時除左睇你facebook外, 亦買左《選股勝經》、《50值博倍升股》、《5年買樓4步曲》增加自己投資知識。
我和老公打算置業,過去幾個月先後到香港仔/田灣、大圍、荃灣睇過樓,睇左超過20個介乎400-450萬的單位,發現如下:
1. 如想買300呎左右的單位,樓齡通常較高,介乎38-42年左右;
2. 如想買20-30年樓齡,單位通常較細,得230-260呎;
3. 如想買300多呎+20幾年樓齡,地點就偏遠,在屯門。
我們感到矛盾,不知如何選擇,究竟買樓時要看樓齡定呎數,我已經睇左《5年買樓4步曲》,但都決定不了,所以想請教下老師,謝謝!
龔成老師︰
你現時發現這個現象,係正常。
在同一價錢下,想大點,樓齡自然會較高,否則只能找較細單位。要尺寸和樓齡都較理想,地理位置多數係較偏遠。
至於選擇邊間,先要睇翻你置業原因。若果係為投資,(2)的尺寸太細,不達至基本家庭生活所需,所以投資價值會較弱。而(1)和(3)都可以考慮。
若你目的係為自住,就真係要睇翻你自己本身生活需要。例如你長線會生小朋友,(2)就未必太適合。如果2位都係香港島返工,(3)就唔係咁理想。
所以,作為自住屋,那一個會較合適,只有你們才會最清楚。但記住,唔好單係考慮現在,要諗長少少,未來5-10年對你們是否都係適合。
最後,我地是否購入這間自住屋,除了睇佢適唔適合你需要外。緊記堅守「供得起」這個大原則,咁就可以。
------------------------------------------------
Q21525:
龔老師,我無投資經驗。
有3.5m cash / 有層8.5m 既樓
兩公婆月入 10萬,每月洗費一共6萬左右,其餘都係草起。
兩人大約30歲,想愈早退休愈好。只係草,無投資,驚輸晒。
你有冇小小建議點出發 開始錢搵錢?
龔成老師︰
其實你只儲錢,不做投資增值,本身已經係輸左。因為現金只會一直貶值,令你這筆現金的購買力一直減少緊。
所以,你長線一定要建立一個財富增值組合,令財富保值之餘,都有一定提升。
我地進行財富增值,其實就係將一直貶值架"現金",轉換成"優質資產"的一個過程,佢可以係股票、物業、一盤生意等等。
由於你已經有一間物業,為免令組合過份集中係物業類,造成風險。你350萬現金,我地應用優質股,去創造一個增值平台。
以你大約30歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
你現時投資知識不高,可先集中在平穩增長類股,至於潛力股,只宜小小注(不多於3成)。此期間,你最好是努力提高投資知識,才慢慢增加翻潛力股比例(約5成)。
但你要留意,潛力股有增長潛力,但股價波動性都唔細。如果你想再保守D,可以先全數投資「平穩增值股」都可以。你自己因應個人風險承受能力,去修正係無問題。
現時你的350萬就先動用30-50萬,餘下的現就等你累積一定經驗,才動用入市。如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21526:
阿sir我59歲,以下是本人的投資,請给意見。
700,100股,已收回成本。
388, 200股$196.6
9988, 200股224
1810, 1800股$19.6
3067, 500股$20.25
2382, 100股$196.8
2800, 1000股$27.03
5, 800股$58.9
939, 4000股$6.165
3988, 9000股$3.225
884, 2000股$6.1
1313 ,2000股$8.72
有部分16年持貨至今,現想將5号和3988沽出,換入中银香港,請給意見
是否太多,太散,發覺散户十大犯錯之一,神聖價位,自己就犯咗啦!時常睇住當年7OO,388,$19幾入,就當這是神聖價,要見番才入,於是將資金入其他,越買越多,其實心想入5至6隻,又不知如何選擇,好股可奇多,怎買得哂,請阿sir指点
龔成老師:
你59歲,以這年齡來說,潛力股不應太多,除非你本身是較能承受風險的人。否則,你可能要調整翻,起碼都唔好再加注在潛力股。
只一方面,銀行股比例太多,你這年齡,的確可以有一定比例的收息股,但就不能只集中在銀行股。建議你慢慢減持翻銀行股,同時,可以加入其他收息股,例如港燈(2638)、深高速(0548)、香港電訊(6823)、置富(0778)、陽光(0435)、高息基金(3110)都可以。
其實你持有的股票,基本上都是有質素的,因此,本身選股的問題不大,只是配置上的問題。
------------------------------------------------
Q21527:
阿sir,現有問題想你幫助。兒子現年26歲,有一份穩定工作’在員工合作社,每月供15000元,利息三厘。以前跟同事買牛熊証,有小小收穫。
但沒時間跟,我勸他不要投機,他也聽我說話。
然後他於$295,買了一手9988。$52買滙豐二手。点知又不派息。
最近入了小米5手@27.5,中移動1手@55,亞厘爸爸1手@225,全部下跌。
最近他很灰心,懷疑自己不適合買股票,問我怎辦?
他可以每月剩1萬元,員工合作社剩5仟元,有甚麽投資組合建議?多謝解答!
龔成老師:
第一,唔建議佢再投資衍生工具,發行商食水好深,唔好再做水魚。
第二,不要用短期股價去衡量投資成績,要用長期的企業價值分析。
第三,佢要懂得建立一個平衡的財富組合。要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
佢持有的股票,並不是無質素的,不過以佢的年齡,收息股就不用太多。另外,佢部分股的買入價略貴,令佢買入後股價下跌,其實本質無問題。
建議佢從「設計長遠的投資組合」著手,而不是著重這刻的股價。
------------------------------------------------
Q21528:
老師,2018,3319,590,3918呢幾隻股票,值博率同合理區邊隻會最好?
龔成老師︰
現時4隻股票,都算在合理區。但當中六福集團(0590)算係合理區中間。
另外,要留意瑞聲科技(2018)本身已有一定的規模與技術,長遠發展正面。不過,佢增長力不是好強,你預佢只係平穩增長類別。
金界控股(3918)畢竟是在新興市場,不確定性較大,在注碼上不能投資得過多。
雅生活服務(3319)不錯的,佢無論在業務本質、規模、品牌、財務數據、前景,都是理想的,反映這企業有一定的質素。
加上這企業的背景因素,以及行業的發展,相信這企業的前景不差,有長線投資的價值。
整體是有長線投資價值的。現價合理區中上部,不過股價都會有時出現波動,投資宜分注進行。
如果你能承受風險及控制注碼,金界值博率會較高,另外,雅生活服務都有投資值博率。
------------------------------------------------
Q21529:
我有點問題想問︰
1. 如果想去評估一啲未有盈利,但有前境嘅新經濟股, 係咪要進階課程先有?
2. 如果想評估一啲企業上市未夠5年 , 但係有盈利 ,例如小米,( 我睇你書講話要睇五年),
咁如果呢啲公司未有五年報表, 基礎課程幫唔幫助到去評估?
龔成老師︰
【基礎班】對象是初中階的投資者,5個選股方法、捕捉時機、投資策略、計平貴,會教3種企業估值方法、年報分析、3大財務報表,都有一定的內容,同時會派一份6頁紙的「企業評估表」給學員
【進階班】18種企業價值計算方法,年報全面分析,10倍股選股,研究企業,研究名財務報表,財務比率應用與分析。
進階班可以話係基礎班的延伸。
1) 你讀完基礎班,會有一定企業分析能力。但要分析不同行業、不同性質的股票,進階班會有較全面的教授。
其實一些未有盈利的企業,用一般估值方法,都會較難得出一個穏當的答案。
因為,佢主要投資價值,都係來自「未來」,是一個未知之數。
但唔代表我地無野可以做,我地可以透過深入了解,佢現時財務結構、行業狀況等,去估算佢將來成事機會。
或者係成事前,集團有無能力,一直維持正常營運。例如有無足夠資金支持研發、市場推廣等工作。這些因素,我地都可以在分析財報中找到答案。
令我地係「估」算將來發展的同時,有較「踏實」的理據,在背後支持這個答案。
這些財報相關知識,進階班會有較詳細教授。對分析這類股票,較有幫助。
2) 這類上市不足5年、但有盈利的企業。你都可以用基礎課程的方法,去做個估值。但由於數據較少,我地就要相對保守。
投資時,都不能大注,以平衡不確定性的風險。
------------------------------------------------
Q21530:
A) 成哥,想請教下啟德住宅投資價值
1.近九龍東商業區核心區
2.沙中綫過海後可以係紅磡轉車
3.附近土地供應唔多
4.配套暫時未完善
5.夜晚行過都屬於靜中帶旺
B) 另外想問下沙田一城仲有無投資價值
1. 自成一國大型屋苑,生活配套設施齊全
2. 附近土地供應唔多
3.出九龍東核心商業區近
4.靜中帶旺
C) 如果我買樓用作投資,大約600-700萬左右。
灣仔
黃竹坑
大圍
沙田一城
啟德
D) 唔好意思,仲有一個問題。因為無人名既關係,所以我要比多15% stamp duty .咁仲值唔值得?
龔成老師︰
A) 你都講到大部份重點,其實政府未來會將九龍東發展成第二個核心的商業區,當中包括了啟德及周邊地區。
當未來更多政府或私營機構搬入東九,交通和生活配套日漸完善,都會對附近住宅需求,產生正面影響。
啟德絕對有一定投資潛力,係可以考慮。
B) 其實九龍東發展,除了啟德外,只相隔數個港鐵站的沙田區,都會有正面影響。
而且佢作為地理位置有優勢,沙田區是新界東與市區的連接位,在整個香港的地圖上,可以算是一個中心。
第一城作為大型屋苑,整體配套算完善。附近又有港鐵第一城站,交通便利度算唔錯。
故第一城都有投資價值,但潛力度,無啟德咁高。
C) 從地區上計,啟德升值潛力會較高。其次會係黃竹坑、大圍。
D) 現時香港樓市算係合理區頂,值博率本身已經唔好高。再加上有15%印花稅,令到回報再打折扣。
所以,而一刻我地唔需要急住去投資物業。你有資金,可考慮先用優質股增值,值博率會較高。
------------------------------------------------
Q21531:
老師你好!我今年將踏入27,我打算重組我個組合,然後長期持有。目標想年回報有15%up!可唔可以比少少意見。
3 (未持有)
66(未持有)
270(未持有)
788(~74.5%)
968(未持有)
1177(~4%)
1810(~4.5%)
1448(~4%)
3918(~5.5%)
9988(~7%)
1.之前入得太多788!打算賣出大部份轉至其他股票。如果這10隻股各佔10%成為我的組合,潛力是否足夠?
我想做到潛力股:平穩增長(7:3 到6:4間)
2. 我想賣出部份788後先入少量未持有既股票,然後留住2-3成現金加每月存錢等股價有機會下調再分段入,請問題這計劃可行嗎?
龔成老師︰
1) 個別股票,就算再優質都好,不要超過組合15%,否則會出現過度集中的風險。
所以,你要將中國鐵塔(0788)部份沽出,慢慢換碼至其他優質股。
你上述股票都有質素,每隻10%都無問題。
如果你想做到年增長15%,可以用這些股票,再配以你7:3或6:4比例。但你要明白,潛力股增長力雖高,但波動性同樣都大,你要明白這風險。
若你投資經驗較淺,我就唔建議你潛力股佔咁高比重。你可以先佔約3成,到你慢慢累積到一定投資經驗,才慢慢加大潛力股部份,會較為穏當。
2) 現時大市在合理區,現金和股票比例,最好係各一半。
你用賣出部份中國鐵塔(0788)的資金,為未持有的股票先入首注,係無問題。將來到股價有明顯回調,才慢慢加大入貨力度,就可以。
------------------------------------------------
Q21532:
龔成老師,
1. 想問下阿里爸爸既質素如何?尼排佢好多壞消息,但我認為佢基本面不差,我打算每月都儲d阿里爸爸,請問現價算貴嗎?
2. 另外,我想問多個問題,之前睇左你個金錢騙post,唸起最近aia的每月派息計劃,息率有8厘。我睇過資料,係買以下基金:
安聯動力亞洲高收益債券基金
https://hk.allianzgi.com/documents/hk-allianz-dynamic-asian-high-yield-bond-amg-factsheet-tc
入面既成份主要係買BB級或以上的債券,尼類投資既風險大嗎?因為基金吸引之處是每月派息,可以做到現金流,
但佢能派到8厘另我覺得可能有些風險冇留意到,所以想請教一下
感謝老師一直以來的回覆,不趕的,你安排好時間就回覆,而且是可以公開的。
龔成老師︰
1) 阿里巴巴(9988)有質素,有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。
這股可以長線投資的。預佢現價約合理區中上部。你月供的話,現價開始係可以。
2) 債券基金,坊間分好多種,你要小心睇,因為有d風險低,無乜問題,有d則有潛在的風險,絕對不是保本的產品,有機會出現了「賺息蝕價」的情況。
第一,有些基券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。
第三,不少銀行都會提供借貸,以槓杆去放大回報,以平息借貸去賺取息差。低息環境時間題不大,但進入加息週期,不止借貸成本增加,同時債券價格往往在加息期下跌,雙從打擊下,投資價值成疑。當然,若然加息步伐不快,息差利潤就可觀。
初步睇你隻基金,主要投資在內地房地產類的B至BB級債券。不論行業和評級而言,都係有一定風險。
佢派息雖然有8%,好似係唔錯,但你要明白一定風險存在。而且,你要了解翻,到底8%是否保證。
我不是說這債券基金有問題,只是說明當中的風險。而投資與否,就要你自己因應個人風險承受能力,去作出衡量。
------------------------------------------------
Q21533:
你好老師,我想問永利澳門(1128)和澳博控股(0880),是不是長線持有,沒有問題?
因為已買了一段時間,可能當年都升高位買的,所以一直都升不回去,而且無股息。
但我看Facebook 老師有說過這兩隻都是有潛力的股,所以不知該不該賣出。
另外,找了幾間書店,才找到這本50優質潛力股。
龔成老師︰
永利澳門(1128)和澳博控股(0880)品牌及資產質素都不差,雖然中短期未必好強,但長遠仍是正面。
但你預佢地,唔會係高增長類,只會較平穏發展。
你現貨照長線持有,沒有問題的。
50優質潛力股在三聯、商務、誠品都有得賣,但有時會斷貨。所以,下次你見唔到想買我架書,可以問下職員(又或向職員訂都可以)。
------------------------------------------------
Q21534:
龔sir你好呀,有野想請教你。我朋友今年26歲, 佢做網上生意的 月入唔太穩定,但平均約有3萬多。由於佢份人好慳的,一個月佢大約可儲27-8k左右。
佢手頭大約有110萬cash,佢想請教你應該點配置好,佢想有最好既財富增長效果,應該買樓好(佢想買500萬樓下的樓),定還是用來買股票比較好?
佢同我講 呢幾年買樓既人好好賺,一層樓平均持貨3-5年轉手賣出可賺百萬,但又驚黎緊幾年樓價會跌,因為受政治局勢等因素影響。
想問你點睇 如果佢將手上的錢用哂黎買樓,但咁樣做的話,之後每個月佢既錢都會所剩冇幾,因為拎左大部分錢黎供樓,未必有錢再投資股票。
唔該哂呀sir呀~!!
龔成老師︰
我地投資股票好、樓市好,都唔好用「估走勢」來做策略。我地應該用翻個資產本身的平貴度,去作為入市指標。
現時香港樓市,大致在合理區頂位。相比優質股的值博率,相對較低。從投資角度,我地應用優質股去增值較好。
除非你找到一個價廉物美的旬盤,否則先投資優質股,會對你較有利。
以26歲這個年齡,是財富增值的黃金時期,要好好把握,盡你一切的力量去儲蓄、投資、學投資知識。
由於你朋友收入不穏定,最好先預留一筆生意上營運資金,加半年生活開支,才開始投資計劃會較好。
你朋友可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
平穩增長股:潛力股
7:3
(如果你朋友投資實力較強,可增加潛力股比例)
你朋友可先用每月5成儲蓄做月供,其餘先儲起,用一邊月供一邊儲蓄的策略。
平穩增長股:考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市只是合理區,現有資金可以先投入約一半,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
若此期間,樓市有較大回調,或者有入市好機會,佢都可以動用這筆儲下來的資金。
另外,如果佢長遠有自住需要,就可以考慮投資物業,否則如果純投資角度,你朋友照我上述所講的方向進行就得。
緊記,我地做財富增值,係講緊成個配置。長遠你唔可以只有股票,到你用股票累積到一定金額。
你都要去找機會投資樓市,令成個組合唔會偏重左係個別資產類。
------------------------------------------------
Q21535:
龔成老師,請問你預計以下20年的月供計劃可滾存到甚麼金額?謝謝!
12,66,388,700,823,1177,1211,1810,3690,9988每隻各$2000,共$20000
龔成老師︰
我假設投資回報有10%(連股息再投資),你每月投資$20000,20年後大約會增值至1350萬。
但當然這只是個預算,到時實際多少,要睇到時市況而定。
你現時組合,有7成都係潛力股。若你係好年輕,本身都有一定投資經驗,而且都能承受較高風險,這組合係可以。
但如果你想風險無咁高,可以換入一些平穏增長股部份,令組合波動性減少。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
另外,比亞迪(1211)現價偏貴,月供等佢回到$150才開始,會較好。
或者可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
現時大市只在合理區,每月資金唔好盡用。最好留有部份,等大跌市出現時,可以用來掃貨。
最後,你要留意這個組合,唔可以長時間都維持7成係潛力股。因為佢始終有一定波動性風險,當你越年長,比例就要相應減少。
若你現在好年青,可以用你7成,並慢慢減少。到40歲要減至4成、到50歲應該只餘下2成、將近退休應該為0%。
------------------------------------------------
Q21536:
Hi老師。我有努力,同時都有無力感,唔知係咪方向錯,所以努力既回報好低效。
同埋我都幾介意,我屋企人成日係度比較,點解大學生出黎都搵甘少錢。
我個科要考professional qualification 先會人工高,我有放工就去自修室溫書,但一返到屋企聽到啊邊個子女搵5 6 萬,幾勁。
唔明,我既人工點解低過中學生,唔明讀書有咩用。
我係fresh grad後做左2年幾,因為公司上年凍薪,所以我人工唔高。我有少少衝動,有幾秒搵過一份更高既人工。
但唔會咁做,同埋佢地係重視錢。所以連我既男朋友都唔滿意,有俾說話我聽。
錢唔代表一切,我深知人工高,我屋企人先會俾番應有既respect。
龔成老師︰
我明白你點解會有這樣感受,因為你在正為默默付出,為將來打併,但身邊的人郤看不到。
其實,我地係股票、物業、以至投資在工作,我都睇的視野,一定係長線。
你現時人工可能較少,但如果這工作經驗,再加上你將來的professional qualification,會令你收入大幅提高的話,這個投資係絕對值得。
你現時所選修的行業,點去發展才最好,相信只有你才會最清楚。
我見你其實已有想法,而且已經進行中。只要你相信這條路,長線發展係會唔錯,你就唔應該太在意今天人工較少過個問題。
至於家人和男朋友,我覺得可以再理性溝通,或許他對你職業生涯規劃,未太了解,才會出現這個情況。
記住,我地係唔需要同別人做比較。每個人性格、目標、能力、背景都大不同。只要找到自己最想行的路,咁就可以。
------------------------------------------------
Q21537:
龔sir ,另外現時我想買樓,之前睇你著作(5年買樓4部曲),有一點唔係好sure
因為我現時持有資金,夠2成首期,但我諗緊到底借按揭8成定9成,始終如果用曬2成做首期,手頭資金就會好緊拙。
諗緊好唔好按9成,但將餘下資金做投資or擺mortgage link...
我份工係穩定的,供樓沒問題
龔成老師:
如果你手上資金太緊,我建議用8成半或9成,因為你手上完全無現金,是危險,以及在理財上不是好事,反而有少少現金作防守,是必要的。
不過,高成數按,如9成,的按保費會較高,所以你可在8成半,或9成,之間選擇,如果想留多少少資金,就9成,寧願比多少少保費,留一定的防守力比自己。
餘下資金就mortgage link,唔好比自己無晒現金。至於投資,就要利用之後的儲蓄進行。
------------------------------------------------
Q21538:
龔成老師,我決定下月開始月供股票。想你給我以下組合意見。
安碩3067: $2000
盈富2628: $1000
小米1810: $1000
阿里9988: $1000
舜宇2382: $1000
港交所388: $1000
比亞迪1211: $1000
原本想包括騰訊,但好像$1000只買得1.5股,好少。
另外有一問題,有沒有書籍或途徑可以令我了解市場資訊,而知道對往後股市或個別股票有什麼影響?
例如:美元或債息升/跌?加大QE?美國加息?加減中國存款準備金?
央行放水?油價?公司回購?配售等等
會影響市場什麼?什麼類型股票受影響?
你不用逐一解釋,我想知有什麼途徑自學了解,因為我不了解市場動向,亂入市好危險,麻煩你解答,謝謝!
龔成老師:
上述的組合,可以,這些都是有質素的股票,長期月供適合的。
不過要留意,當中不是都是潛力股類別,你要注意翻相關風險(並不是不可,只要明白在這情況就得)。
至於市場資訊,其實你每天保持睇電視的財經新聞已得,我已睇了20年,因為較為重點,比你自己睇網站更好。這個學習過程是長期的。
當然,個別名詞的意義,你就自己行上網尋找。
另外,建議你要有知識的基礎,《股票勝經》這書適合你的。
------------------------------------------------
Q21539:
你好阿sir, 留意左你個page好耐,亦有跟你平時嘅教導投資,月供股票同埋低位吸納一啲優質股(阿里巴巴$190買入)長遠投資。
最近見到 比亞迪 同美團 跌到巴巴聲,本身有月供比亞迪,唔知而家係咪好時機直接購入一啲貨,兩隻股票點解會跌成咁嘅?
我睇左好多新聞都唔係好明,求指教,另外阿里巴巴我覺得$240樓下都叫合理價位可以增持,你點睇?
謝謝!
龔成老師︰
其實佢地下跌的原因,第一,市場之前預期得太好,現時出來的業績與業務合理翻,股價就會回歸理性,第二,之前貴,因為之前新經濟股熱炒,而市場情緒正常翻,股價就會回落。第三,一些監管問題,近期中央對科網企業的監管增加,影響了這些企業,所以股價自然下跌。
簡單來說,企業長遠質素無變,只是之前市場預期得太好,現時理性翻。
上述都是有質素的股,你可以持有,只要不過多就得,但就要留意股價會較為波動。
比亞迪(1211)2021年首季收入,相較2020年首季增長逾1倍,接近410億元人民幣。
收入增長幅度雖然強勁,但要留意2020年首季,全球經濟活動,正受肺炎疫情嚴重影響,令集團收入大幅下滑。
因此,今季收入出現較大幅度增長,很大程度是由於2020年首季收入的基數較少所致。
其實整個2021年首季業績,大致上算合理。
緊記,我地分析時,最重要是長遠的企業發展。
集團在新能車發展上,賺錢能力依然維持強勢,未來當技術、市場規模、成本控制等有利因素慢慢出現下,賺錢能力會進一步提高。
我估值上,暫時維持不變,月供最好$150才開始。現價月供風險有少少高,如果你有一定貨,最好停一停。如果真係好想供,必需控制注碼,只能好小注。
至於直接入貨,建議等回到去翻$120這個較合理水平,才作考慮。
而美團點評(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
美團這類股票,如果有利好消息,佢可以上好多,但如果估值修正,股價可太跌。
近期中央政府有不少新監管政策出台,令不少大型企業,包括美團的風險都高左。所以,近期股票回調,相信部份是這個原因所致。
只可以話,潛力是有的,現價唔算平,之前明顯貴,之後回翻好少少,大約合理區頂至略貴。若你想投資,一定不能大注。先小小注或者月供,會是較好的做法。
而阿里巴巴(9988),現價算係合理區中上部。你已經有貨係手,如果你資金好充裕,現價都可以加1小注,並長線持有。
------------------------------------------------
Q21540:
龔sir你好啊!真心覺得你講嘅野好inspiring!每日上Facebook第一樣就係睇番你嘅post! 夜晚就咪你嘅書!我有幾個問題想請教你 唔好意思有啲長。
1)請問你會唔會開weekend班?平日夜晚要照顧小朋友無辦法出嚟 唔知有無機會有啲上幾日嘅星期六班呢
2)我今年38歲 我諗住用以下比率砌個portfolio 一半資金用月供形式買入其餘等跌市 你覺得呢啲股票適合嗎 會否太散亂?
平穩增值
2800 (20%)
66 (10%)
1928 (10%)
VOO (10%)
潛力
3067 (10%)
QQQ (10%)
ARKK (5%)
1801 (5%)
9698 (5%)
916 (5%)
1448 (5%)
1177 (5%)
3)因為我想分散風險 所以想將部分資金投資美股 我應該如上咁買VOO QQQ ETF 定買美股嘅基金 佢哋主要分別係咩?我睇過ETF回報好啲同手續費應該平啲
4)因為計劃3年後回流澳洲 之前滙價低時買咗啲澳紙 佔資產大約15% 我應唔應用部分澳紙,去供澳紙結算嘅基金?
龔成老師︰
1) 我間中都會開星期六班的,通常一年開1、2次,星期六下午時間。
下次可能在今年年尾。
你或者可以預早留位,只要whatsapp 55457212我同事,打「留位星期六班」就得。我地有具體資料就會 whatsapp。
2) 以你38歲計,這個組合選股都可以。數量有少少多,你要留意翻你供咁多隻,會唔會每隻分配倒的月供資金,其實唔多。
因為你每隻供款越少,變相月供費用佔比重就越大,會影響到你長線回報。
如果每隻供款額係好少(例如少於HKD1000),最好你就供少幾隻,將佢地集中D,去調低月供成本比重。
3) 你照月供VOO和QQQ就可以。
Vanguard標普500指數ETF〈VOO〉,是追蹤標普500指數的ETF。QQQ則是追蹤納斯達克100指數,同時不錯的月供選擇。
至於美股基金,你要睇翻佢當中的投資項目,因為每隻基金都可以好唔同。
你可以衡量基金的投資策略,所投資的資產類別、投資策略、風險程度、市場、以及過往的表現(可以睇佢過往5-10年,如果回報係比主要投資市場高,有機會值得繼續投資)。
4) 我地重點都係睇翻隻基金的質素和回報,如果有投資價值,都可以考慮動用這筆澳元作投資,但就不要為投資而投資。
另外,由於你尚有3年才會用這筆資金。如果佢金額比較大,我建議你都先將部份,換成港元去投資增值,咁會較有利。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有4部Youtube影片,追蹤數超過60萬的網紅飲食男女,也在其Youtube影片中提到,【深水埗蛇羮】三代冒死賣蛇 被毒蛇咬手指損視力 銀行蛇宴指定供應商 老蛇王慨嘆行業式微:焗你放棄 https://bit.ly/3nDRuWh 「秋風起,三蛇肥。」曾經遍佈港九的蛇店招牌,如今竟成絕句?秋風姍姍來遲,三蛇不見蹤影,吃蛇這種廣東文化更日漸被人淡忘。全港蛇業早已步入寒冬,蛇店或是轉型,...
大灣仔的夜第三季 在 游大東【鴻鵠志-影視筆記】 Facebook 的最佳解答
【 六月.這是我所愛的香港 ─ 逾80篇「反修例運動」報道超連結總集 】
游大東影視筆記Telegram頻道👉🏻👉🏻:https://t.me/yautaitung
二〇一九年六月九日,歷史將會緊記這一天,這天之前和之後,同一個城市,兩個模樣,香港人已回不去了。
尋常的星期天,我理所當然的在公司當值,去年今天卻不然,一早跟同事調更,我要再次走上街頭,「就當那是最後一次可以遊行示威發聲吧」的想法極之強烈,惡法洶湧來襲,假如這樣也不站出來,我肯定將來會後悔。
由新界過海到港島路遙遙,不停用手機滑動fb動態和看新聞直播,天后和銅鑼灣經已擠得水洩不通,於是跟碩士班同學約好在灣仔插隊出發,前往夏愨道和添美道政府總部,期間遇見又感動又神奇一幕,話說我們大夥兒跟大隊路經軍器廠街,亦即警察總部對出的位置,彼時遊行人士已佔盡整條軒尼詩道,但沒人大叫口號或怒吼林鄭下台,很平靜,你反而會感到那股隱隱沈默的怒火在燃燒。
2003年50萬人上街、2004年51萬人再上街、2014年佔中後,追求民主的香港人,已經進化到3.0,成熟而謹慎,避開挑釁,歷史告之,那是極權最害怕的事,所以之後才會有6.12、7.21、8.31、10.1、11.11、11.17,一幕幕抗爭,一幕幕不幸,驚心動魄,心情難以平伏,延續至今,很多人的命運從此改寫,而我對於人生、事業、生活的看法亦有很大改變 —— 我要更努力書寫,寫出事實,我要靠文字找出口。有些人說,我不應寫那麼多政治,但撫心自問,今天活在這小島,又有誰能將生活從政治之中剝離?說能夠的人,都是騙自己。
看過劉再復先生的自傳《我的錯誤史》,他在自序中寫了以下一節,甚為認同:「不管怎麼寫,還是寫作態度最為重要。好在早已確定寫作應以說真話為本,真話雖然並非真理,但它卻是通往真理的前提。以往『說真話』是做人常識,現在則需要有些勇氣;『正直』本來是人的常態,但現在需要修煉才能抵達。」面對如《Stranger Things》The Mind Flayer那樣的黑暗勢力,我也會恐懼,而戰勝它的方法,就是勇敢面對,內心會隨時日而變得強壯。我很愛香港,相信你們也是,走過一年了,未來日子注定路難行,請不要放棄,共勉之。
【 反修例運動系列報道 ─ 紀錄過去一年的演變 】
*now財經台播放央視反修例紀錄片《另一個香港》:https://bit.ly/3dNmBKX
*《美女郊遊遊》製作團隊以第十集言志:https://bit.ly/2WQSRFy
*第39屆香港電影金像獎 ── 屬於香港人的預告!:https://bit.ly/2VllN9k
*《獅子山下2020》─ 港台最後決定抽起〈最後決定〉不播:http://bit.ly/2U4Oi9r
*《二月廿九》第三集對白竟然有「缺一不可」!:http://bit.ly/2PQT5d9
*《視點31》黃秋生、何君堯世紀大戰臨時取消:https://bit.ly/3cN3BL9
*林海峰超高質對白寸盡2019:http://bit.ly/2QJJrJc
*好意外有呢個意外之慘遇豬隊友:https://bit.ly/3hb4CjB
*《願榮光歸香港》勇奪YouTube十大熱門本地音樂影片冠軍:https://bit.ly/3hdBpo4
*當現實比戲劇更荒謬之憶起HBO《The Normal Heart》:https://bit.ly/2UrbYpv
*《歡樂滿東華2019》臨時改名:https://bit.ly/2XKKnl6
*《南海十三郎》取消重演有後續:https://bit.ly/2MFCibf
*無綫台慶前夕靜靜雞錄影台慶騷:https://bit.ly/2YhK5kH
*《視點31》阿澤vs阿叻世紀大戰收視係點?:http://bit.ly/2EiPbUd
*銅鑼灣爆炸短片原來關Juno事?:http://bit.ly/2rBm7US
*11.3太古城血案/無綫新聞21:00報道趙家賢遭灰衣男咬甩耳殼一事嚴重扭曲事實、倒果為因:https://bit.ly/3fjgpuH
*《萬輻瑪利亞》金句#1 ─ 從二樓墮下去,不會死,只會癱:https://bit.ly/3dPfJMX
*《X你的世界末日》 ─ 壞消息舖天蓋地,怎樣自處?:https://bit.ly/3cQ86oe
*抗爭湊效?─ 無綫2020年廣告費變相減價:https://bit.ly/3f4Bhpd
*《衰仔樂園》再次神預言:https://bit.ly/2UmgHc3
*馬蹄露與澳洲記者Robert Ovadia同聲同氣?:http://bit.ly/2M88Xqw
*《頭條新聞》羅啟新惡搞《金宵大廈》! :https://bit.ly/3h9p4Bq
*香港人勇氣不滅:https://bit.ly/2UtPV1g
*林泳淘因政治表態遭無綫提前解約:http://bit.ly/35SpG8S
*王宗堯獲釋後銅鑼灣街頭受訪:https://bit.ly/2UpcSCI
*港台32直播林鄭社區對話收視強勁:http://bit.ly/2LTVdiu
*藝人王宗堯被捕:http://bit.ly/2TNDjSK
*沒有暴徒,只有姜濤:https://bit.ly/2zhml7U
*鄭敬基fb撰千字文回應不獲TVB續約:http://bit.ly/2NaoDsk
*無綫破天荒取消台慶亮燈與節目巡禮:http://bit.ly/35ZuYzG
*警察故事之有眼不識亞視:https://bit.ly/2zfC8UG
*9.15港島遊行/韓國藝人金義聖抵達現場採訪:https://bit.ly/3f8depy
*郭富城渣車落銅記遇上港島示威:https://bit.ly/2AUOnq6
*活在大時代裏,要看大時代的戲 ─ 《1987:逆權公民》:https://bit.ly/3hdAOmi
*TVB News反了反了?─《睇新聞,講英文》講「警黑合作」:http://bit.ly/2pNJA4g
*HBO《The Normal Heart》描寫今天香港:http://bit.ly/3b6nFI2
*TVB白色恐怖蔓延:《機動部隊2019》監製傳已被炒:http://bit.ly/2BDynGi
*8.26警方凌晨記者會:https://bit.ly/2AWypMw
*遭無綫解僱前員工連登發功:秋後算帳陸續有嚟!:http://bit.ly/2ZA9dSF
*無綫突然解僱20人或涉其個人「反修例」言論:http://bit.ly/33UEa7b
*有線中國組訪問來港見證反修例運動的內地律師陳秋實:https://bit.ly/37eZjLv
*8.18雨傘兵團迫爆告士打道:https://bit.ly/3f1Z7Sk
*港台電視32收視屢創新高:http://bit.ly/2kdbXGJ
*無綫記者直擊警方疑假扮示威者捉人:http://bit.ly/2m0jbyl
*8.11警方走入葵芳站施放催淚彈:https://bit.ly/2YcqgLK
*反修例抗爭改變觀眾睇電視習慣#2:http://bit.ly/2PJ2mTR
*網上瘋傳利君雅遭停職純屬謠言並不真確:https://bit.ly/2MIDQBd
*8.5三罷/林鄭記招:https://bit.ly/2UtUyZc
*《鏗鏘集》「721元朗黑夜」報道收視破紀錄:https://bit.ly/2A8j5fH
*ViuTV九展總部出現連儂牆:https://bit.ly/2Ywxj2b
*《鏗鏘集》年度之作 ─ 重組7.21元朗黑夜經過:http://bit.ly/2GIOwNH
*抗爭中的成長之旅:https://bit.ly/3heXovc
*7.27光復元朗:https://bit.ly/2XO1SB7
*朱凱廸與何君堯《視點31》激辯:https://bit.ly/2UmmLBl
*元朗黑夜後林鄭記者會被記者連番質問:http://bit.ly/2Of4fu5
*元朗黑夜之後森美淚灑咪前:https://bit.ly/3hcFn0s
*7.22凌晨港台電視32直播南邊圍村對峙情況:http://bit.ly/2Kc9SoH
*7.21上環對峙警方再放催淚陣驅散ViuTV直播:https://bit.ly/2Aid28h
*《頭條新聞》今季最後一集送大禮:http://bit.ly/2JOw7kp
*嚴重推介《一人掟磚會受傷》:http://bit.ly/30BNafb
*今日識得睇!/重溫30年前柏林仔的精彩對白:https://bit.ly/2MLgPxo
*無綫CEO李寶安向職藝員發通告 ─ 無綫在反修例中成磨心,心裏有數:https://bit.ly/2XMllCb
*7.14看了兩小時的沙田警民衝突現場直播:http://bit.ly/2XKpnwC
*愛恨上水 ─ 上水人的自白書:https://bit.ly/3dU103G
*電視史話 ─ 獅子狗其實唔係叫獅子狗:https://bit.ly/2YfEsUo
*7.12通訊局指六月至今收約1.2萬宗投訴TVB:http://bit.ly/2K7V5Kl
*7.2林鄭Call記者開04之九唔搭八:http://bit.ly/2FRW3cD
*7.1衝入立會、7.2凌晨清場 ─ 睇Live才是王道:http://bit.ly/2LBQMcU
*寫在七一遊行之前:https://bit.ly/37jMRtR
*《耶穌真係落咗嚟》電影海報瘋傳!:https://bit.ly/3f5ZlIf
*《教束》編劇「神預言」之包圍校長座駕:http://bit.ly/31YwPCR
*多台直播/6.21三佔夏愨、包圍警總:https://bit.ly/2Urqc9E
*繼續撐《教束》唔廢噏:http://bit.ly/2x61hfP
*6.18林鄭道歉記你老母會直播:http://bit.ly/32i7CTP
*6.17 Do姐回歸《口水多過浪花》開咪講到喊:https://bit.ly/2UpQwkC
*不報黃衣男墮斃 = 自我審查?:http://bit.ly/2JDhXkU
*反修例黃衣男太古廣場墜樓身亡無綫新聞、有線新聞沒報道:http://bit.ly/31y6r2i
*巴打用電視遙控講解暫緩、擱置、撤回三者分別:https://bit.ly/2UrzKln
*6.16再上街反送中:http://bit.ly/2Rnu74U
*自己香港自己救:http://bit.ly/2Ig1MKE
*「記你老母」事件後記者戴頭盔口罩採訪一哥記者會:http://bit.ly/2KfqvRD
*6.12無綫新聞播出林鄭月娥專訪指沒有賣港:http://bit.ly/2WFMOlc
*6.12反修例集會變成「佔中2.0」:http://bit.ly/2WNPSkp
*6.10警方清場實況ViuTV深宵直播:http://bit.ly/2WFa47P
*寫於六九上街之前:https://bit.ly/3hd1y6r
*林泳淘遭《東張》雪藏後續:http://bit.ly/2Kjke7o
*反送中「第一滴血」!/林泳淘3月底呼籲上街遭雪藏:http://bit.ly/2wIdo2v
(攝於09062019)
#游大東 #游大東影視筆記 #六九上街 #反修例一周年 #反修例運動 #香港人加油 #時代革命 做乜膠睇電視 快樂的 gregory wong 王宗堯 葉一知 William on the way 浪遊旅人 利嘉敏 攻關女子 羅冠聰 Nathan Law
大灣仔的夜第三季 在 本土研究社 Liber Research Community Facebook 的最讚貼文
將研究成果轉化為教學,讓農業知識落地生根!
幸得大家支持,年半前膽粗粗試教農業知識入門(耕種我絕對未夠班教),竟然夠人開班+用心討論至夜深,萬分感激各位對這個幼嫩課程的包容。
第三次開課,經過籌辦世界農業的seminar series 及上 Chu Hon Keung 的社會倡議課後,明白了何謂less is more,太多資訊反而超時又吃不消,今次會由informative 努力向inspiring 進發。
如無意外,這一課會是我初為人父後第一次教學,不知心態上會有何轉變?養育後代的壓力越來越重,而最近有兩個大專教學機會都告吹。老實說,有時查官方數據時,都會呆望漁護署農業主任月薪四萬起跳的長期空缺......公共知識份子之路比想像中難走,開拓學院遺棄廿年的農業更是舉步維艱,但還有兩年多才三十歲,我不甘心現在放棄,最多做伙頭爸B 幫 Lam Hoi Ying 手。
如果大家有課程相關環境、食物、自然地理及農業,都請多多介紹,萬分感謝。再次感激 香港民間學院 Intercommon Institute 讓我踏出第一步!
多謝到好似攞獎咁,如果第三課都多人報,我真係開心過攞獎~
【AGR 101 香港農業知識入門】
-------------------------------------------------------
課程簡介|香港農業自八十年代步向衰落,但近年在菜園村及新界東北等社會運動帶動下,復興本土農業之聲日漸壯大。不少農場都有開辦耕種課程,彌補農藝傳承的青黃不接;但當主流學術界忽視本土研究之際,香港農業研究二十多年的斷裂就相對難以修補。不但主流中小學課程欠缺食物農業教育,面對通識考題時欠缺基礎認知應對;連政府的新農業政策都難擋農地破壞,令農夫繼續孤立無援。對應時代,本課程希望將農業議題拉闊,從本土農業論述、政策及知識著手,迎向適切當今香港的農業復興。
#農業復興 #社區經濟 #都市農業 #城鄉共生 #糧食自給 #農地規劃
-------------------------------------------------------
講師|劉海龍,八十後,本土研究社核心成員,香港中文大學地理與資源管理學系哲學碩士,鑽研香港農業、食物與環境問題。致力將農業研究於運動應用,守衛新界東北等鄉村,建造城鄉共生的香港。現正進行食物安全問題及農業發展模式的研究及籌備有關食物農業的通識教材,曾參與水耕產業及農業青苗補償政策檢討,文章散見於明報及其他網絡媒介。
-------------------------------------------------------
課程資料|
日期|8月9, 16, 23, 30 及9月6, 13日 (逢星期二)
時間|7:30 - 9:30pm
地點|香港民間學院 (灣仔軒尼詩道365號富德樓2F)
收費|6堂 960元,學生價770元;個別課堂每堂200元
名額|只限25位
-------------------------------------------------------
今季其他課程:
【HIS102 民族國家的生成】|胡可智
【ETH 101 運動與倫理】導師丨李達寧
【HKS 102 香港暴動與管治】講師|張少強
【WOR 201 網路時代選戰:台灣作為方法】
【POL 202 當代歐洲政治哲學】講師|戴遠雄
【ECO 201 環球財金局勢與投資對策】講師|梁泰康、陳茂峰
-------------------------------------------------------
課程報名|https://goo.gl/XsqPDb
夏季課程總檢閱|https://goo.gl/qxTzIF
============================
香港民間學院於今期課程設5個獎學金名額,詳情及申請表可見:
https://goo.gl/eaM4sV
大灣仔的夜第三季 在 飲食男女 Youtube 的最佳貼文
【深水埗蛇羮】三代冒死賣蛇 被毒蛇咬手指損視力 銀行蛇宴指定供應商 老蛇王慨嘆行業式微:焗你放棄
https://bit.ly/3nDRuWh
「秋風起,三蛇肥。」曾經遍佈港九的蛇店招牌,如今竟成絕句?秋風姍姍來遲,三蛇不見蹤影,吃蛇這種廣東文化更日漸被人淡忘。全港蛇業早已步入寒冬,蛇店或是轉型,或是苦苦支撐。在深水埗的蛇王業一直是行業翹楚,曾經批發蛇膽給余仁生,又為政商界名人雲集的恆生博愛堂蛇宴提供蛇肉,六十年來,無論是蛇業的黃金時代,或是今天困難重重的時間,他們仍然選擇與蛇共存;惟願莫失,拒絕淡忘。
蛇王業
地址:深水埗南昌街139號地下
電話:2728 8675
營業時間:星期一至日11am-10pm
詳情: http://bit.ly/2FunCKq
【當造蛇宴】深水埗老店復古蛇宴 $310位起吃正宗扣蛇腩炸蛇碌紅燒山瑞 食客:食完少傷風
https://bit.ly/2LFzdKU
在深水埗的蛇王業幾年前開始重新復興蛇宴,第三代老闆張傑生從爸爸的舊物中尋回菜單,再找師傅做回這些傳統菜式,味道非常正宗。
北角蛇王日做18小時 食療燉湯足料蛇羹 62歲蛇王:好多人回頭多謝我們
https://bit.ly/2LfCG37
You are what you eat. 人如其食。食物落肚,就是組成「你」的成分。北角「蛇王良」,關心的不在食物氣質,而在乎你的「身體」。一碗招牌蛇羹,混合味湯藥湯,且隨季節轉換,好味亦保健;出名燉湯,也因人調配,講求食療。
蛇王良
地址:北角電氣道298號地下A舖
電話:2578 8135
營業時間:星期一至日 12:00nn-12:00nn
詳情: http://bit.ly/2VRnbPa
【蛇羮比拼】食家劉晉實試5大街坊蛇羹店 呢間出品近乎完美!邊間食完最口渴?
https://bit.ly/3si5bOk
天寒地凍,最好吃碗熱辣辣的蛇羹暖身滋補。不過蛇羹專門店眾多,難免水準參差。食家劉晉指,一碗有水準的蛇羹,蛇肉要幼細,軟滑有肉香。湯底色澤清澈,濃稠適中,味道清鮮,有陳皮香更好。配料要簡單,主要有冬菇絲和木耳絲,分量要恰當,不可喧賓奪主。今次由自小便喜歡吃蛇羹的劉晉出馬,實試五大蛇羹專門店,看看哪一間最有水準。
【蛇羹三寶】食蛇羹必備三寶 白菊花清肝明目 檸檬葉辟腥 香薄脆過量易上火
https://bit.ly/3bw6TWn
以前吃蛇羹,很多人喜歡加入白菊花調味;今日吃蛇羹,就一定會加入檸檬葉及薄脆。為何白菊花、檸檬葉及薄脆,會是蛇羹的必備三寶呢?
===================================
? 8折全年睇《蘋果》即慳$121!
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube: http://bit.ly/2Md5V2k
Facebook: http://bit.ly/2MJejcp
Instagram: http://bit.ly/2EA3qpR
推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆:好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老 唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台 變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
#深水埗蛇羮 #蛇王業 #北角蛇王 #蛇宴 #蛇王良 #蛇羹配菜
#飲食男女 #StayHome #WithMe #跟我一樣 #宅在家
飲食男女 打卡大街小巷搵食地圖
https://hk.adai.ly/e/gPF0DIjsB9
《蘋果》每日為你增值 立即訂閱
https://hk.adai.ly/e/kbo0wDsxB9
大灣仔的夜第三季 在 Super Taste(Travel Show) Youtube 的最讚貼文
網美照刷起來!💕好拍到手機容量不夠🤣🤣🤣
香港10大打卡地標🌟好拍到美哭😂
曬恩愛👩❤💋👨拍美照🤳必去景點
小本本還不快拿出來做筆記📝,下次去香港一定要拍個夠
#食尚玩家 #香港10大IG美景 #DiscoverHongKong
#好好吃 #好好玩 #MissYouTooHK #念念不忘的香港
每週一至四 晚間10點 TVBS歡樂台42頻道 / MOD TVBS精采台
📣食尚玩家最新集數隔日立即看
★食尚玩家網路版限定內容★節目資訊看過來
熱血48小時👉週一中午12:30
食尚玩家👉週二不定期上線直播喔
2天1夜go👉週三中午12:30
瘋狂總部👉週四中午12:30
✨《不推怎麼行》第三季✨ 網路首播限定►https://bit.ly/2Ku72eZ
✨食尚玩家開賣啦!無雷美食手刀搶GO👉http://bit.ly/35UwXo7
錯過會哭!食尚粉經典必看👉https://goo.gl/FXv79V
●訂閱《食尚玩家》YouTube👉https://bit.ly/2Hf8UYO
●加入《食尚玩家》LINE🔍店家資訊不漏接👉https://goo.gl/aUBhqD
●《食尚玩家》官網最新吃喝玩樂指南一手掌握👉https://bit.ly/2GOPJ4O
●按讚《食尚玩家》FB粉絲頁👉http://bit.ly/2fX2IUg
●下載《食尚玩家》APP👉https://bit.ly/37kOfww
大灣仔的夜第三季 在 Smart Travel Youtube 的最讚貼文
格價專家 :
selfridges ( 係時候喺網上買聖誕禮物啦, 唔平唔介紹畀你哋啦)
https://tinyurl.com/y28j92b5
00:00 開始
00:08 鳴謝各位網友, 我的家興超市影片”成為youtube熱爆榜”
00:26 過往我一向有拍攝又平又正的購物分享
00:38 大生生活超市賣什麼
00:47 大生生活超市分店地址
01:06 大生生活超市跟家興超市比較
01:42 第一必買
02:13 如何儲存一杯香滑泰式奶茶
02:31 如何製作一杯香滑泰式奶茶
04:34 第二必買
05:22 第三必買
06:05 第四必買
07:41 第五必買
08:54 第六必買
09:50 第七必買
10:49 第八必買
11:28 第九必買
11:40 第十必買
11:55 是咁的環節
#全港最平 #食品超市 #家居用品 #深水埗 #灣仔 #中環 #北角 #天后 #銅鑼灣 #香港仔 #分店 #平價抵買 #筲箕灣 #鰂魚涌 #炮台山 #堅尼地城 #土瓜灣 #旺角 #油麻地 #九龍城 #九龍灣 #紅磡 #慈雲山 #太子 #藍田 #長沙灣 #荃灣 #沙田#大埔 #元朗 #天水圍 #青衣 #將軍澳#屯門 #泰式奶茶
Hello大家好, 我叫呀Tsar,
今日為大家介紹一間好平的生活百貨超市
“大生生活”, 首先要多謝各位有收看、點讚、訂閱我頻道所有網友
原來我的”家興超市”影片, 上了youtube熱爆榜,
我在這裹好衷心多謝各位,日後我要更加努力
做好每一條影片出品,證明你們真的有眼光
我並非因為近排疫症才開始買又平又好的東西
買又平又好的東西,一向都是我做人的作風
趁住現在未可以去旅行,你們可看我徒前的舊片就知道
説回大生生活百貨超市,這間分店在深水埗,
雖然它的價錢沒有家興超市那麼便宜
但比家興超市更多分店,全香港九龍新界總共有30多間分店
我會將它的分店地址放在留言置頂,
連同我之前拍過的平價超市,都一樣會放在同一位置
好等大家番看這些影片時,容易格價,
比較那間方便你們,在你家或公司附近
雖然它的價錢不及家興超市平,但貨品比家興超市更加優質
怎算也平過香港其他大型連鎖超市
所以看完我這條影片,大家購平物又多個選擇啦
我亦在這裏買了些東西,煮給大家看,
一邊會跟大家分享一下廚房的冷知識,
在分享資訊的同時, 片尾亦有你們最喜歡‘是咁的’環節
所以你們一定要將影片看到最尾呀,看完識做啦
幫我用whatsapp facebook分享給朋友,留個表情符號以示支持
事不宜遲,快些來看今日的十大必買, Are u ready?
第一必買, 泰式奶茶專用茶葉手標牌Cha Tra Mue,
400g包裝,乜乜TV mall, 要買兩包才75元,
即平均一包37.5元,我們太耐沒去旅行了,
就在飲食方面懷緬一下過往在外國的日子
這個紅色包裝,原味;另外一隻金色包裝,賣貴好多,
經典茶味,我覺得買紅色已經夠,我剪開個包裝之後,
即刻聞到濃濃的泰國茶葉味, 你沒可能一次過飲完,
如果你想保存得好, 除了用密封的容器去儲存之外
另外一定不可以透光,因為如果你用透明的器皿,
一旦被光線影響到,茶葉會走味,所以大家要在開封後
用不透光不透氣的器皿儲存,打開包裝之後,
一般人會放兩羹茶葉落茶隔, 再去沖滾水
由於我家的茶隔是有, 但不夠大,這隻茶葉好散
好容易煲到一會兒,走到四散,
所以我就用了這個在12元店買的茶袋
你們可以嘗試將茶葉放在絲襪度的,做絲襪奶茶
但要make sure隻絲襪洗過的,和沒有香港腳
首先將三湯羹的茶葉放入茶袋,
水滾後放入茶袋再煲多四分鐘
當然要視乎個人喜好、濃淡分量而定,
但最緊要是在煲的同時,你要觀察茶的顏色,
深竭啡色就適合了,亦都不能煲得過耐
否則會有苦澀味呵,煲完之後,
我將它倒落四分一隻杯裏面
倒三湯羹煉奶,有些人會喜歡這時落砂糖,
但我唔喜歡飲太甜,所以我skip了這個步驟
當煉奶溶在茶裏面,你可以試是否夠甜,
這個時候甜些都不緊要,因為茶剛剛煲好,
會好熱, 一齊見又會加冰和凍水,會將甜味沖淡,
所以現在落三湯羹煉奶ok的
當煉奶溶在熱茶裏面,我們準備一杯冰
將凍水加落去剛已經溶了的煉奶和茶,
溝好之後,就可以倒落杯冰入面,
你想杯泰式奶茶靚仔些,這個時候才落花奶
完成了,落了花奶,茶會滑好多
亦有回甘的茶味,現在覺得自己好像去了泰國
才煲多了的茶,我可以keep在落雪櫃
遲些可以喝,不用再沖過,
只需加花奶和煉奶就ok啦,另外溫馨提示,
罐頭打開之後,要另外用容器儲存裏面的食物
避免細菌滋生, 試過年少畤無知,飲了肚痛
經一事,蔡一智;識時務者蔡一傑,
飲番杯泰式奶茶,來狂情 狂歌 起舞吧
第二必買, 澳洲Red Tractor Flax Seeds 500g,
出面賣45元,這隻是啡色,
另外Flax Seeds有金黃色的
金黃色的價錢比較貴, 一般應用在焗蛋糕上
啡色多數用來炸油或加在日常食品
例如加在粟米麥片,麥皮、沙律都可以做早餐
亞麻籽營養價值非常高,含有多種維他命、
蛋白質、纖維、omega-3
可以保護心臟、減肥、平衡血糖、滋潤皮膚、
促進關節肌肉移動、改進社會風氣,
風魔萬千少男少女,提高年青人的內涵,
刺激經濟,令你玉樹臨風, 提高免疫能力,
是一級防癌高手, 另外亦有亞麻仁籽粉
用來做蛋糕的,冇加糖 ,超級健康 ,
第三必買,奇亞籽的蛋白質更加豐富,
非常適合素食者,出面賣67元
好多人將這兩樣食物撈亂,倆營養差不多
但食法好不一樣 ,我好耐之前都拍過影片
食用之前,需要浸在液體最少15分鐘,
等待奇亞籽外層有一層薄薄黏液釋出,
更能潤滑腸道。兩者比較 ,
食亞麻籽就比較方便 ,不需要等浸水,
立即可以食用,食奇亞籽一定要飲好多水
因為它會在你個胃裏面發大,令你有飽肚感
所以好多人減肥都要用奇亞籽溝水飲,
食了奇亞籽,包你唔會屙爛屎
第四必買,台灣筑拌麵,椒麻香蔥味,
出面賣58元 , 一盒有四包 ,每個麵有三包調味料 ,
油蔥酥、醬油 、椒麻油
高筋麵粉手工日曬, 高筋麵粉彈性比較高
所以入口仍然Q彈,彈高高, 手工日曬,
麵條煮了五分鐘,都不會軟爛,
令到個麵夾起來不易斷, 煲滾水,
才放個麵落去五分鐘, 煲完麵,
你都不會見到麵條 黐住一嚿嚿
放咗落個碗嗰度,首先落咗包醬油同埋椒麻油先,
聞到個香味超級期待,撈勻兩隻油之後,
再落油蔥酥,這樣更加入味,食起上來,
麵條掛上醬料,一齊送入口,更加感覺味濃,
食入口椒麻好香,好順滑,不會太辣
適合不太食得辣的人士,但你有看過我的影片
知道我好食得辣,但個口麻完之後,
辣味慢慢在口裏面滲出來,有些餘韻,
而且一點都不鹹,不像吃即食麵的湯料那麼鹹
所以食完不特別覺得口渴,價錢方面,
在台灣眾多的拌麵之中是比較平的一個,
唯一我覺得麵的size太細,
我不可以當正餐,除非吃兩個才夠
但如果用來做下午茶或宵夜,份量就fit曬
不過如果份量大小小, 價錢可能又貴些
筑拌麵,椒麻香蔥味;分量細少不怕肥
夜晚宵夜是最大權利,食完不會在被竇屙屁
第五必買,Cetaphil 護膚產品, 老實講,
這個牌子價錢跟出面一樣,但我想講一講
這個牌子的背後故事給大家聽
這個牌子曾經在香港消委會60種類的護膚產品
測試報告當中,被形容為平價又滿分的品牌之一
超過70年醫學護膚品牌歷史,溫和不刺激,
0香料 0藥性 0類固醇,適合中性、乾性、敏感
及濕疹肌膚使用,是No.1 美國皮膚科醫生推薦
臨床醫學証實能有效舒緩過度敏感丶紅腫丶痕癢
及乾燥感的泛紅敏感肌膚,
我曾經有一段時間不知是否因為壓力,
搽什麼上面,都好像馬騮屎忽紅色一達達
直到有朋友介紹cetaphil給我,我就冇敏感
有段時間我實在長期用它,之後由於年紀關係
我自己又貪新鮮,轉了用其他牌子
但如果你想買平價的護膚品
選擇一些比較有信心的,我會首選這個牌子
現在轉天氣,你們可以買它的moisturizer,
一大罌可以搽好耐,
舒特膚護膚產品;用後不會乾燥身痕
第六必買, 澳洲蜂膠糖 Propolis Candy
蜂膠(Propolis)是蜜蜂從植物採集而來的
樹脂和樹膠加上自身的分泌物
和蜂蠟而制成的天然膠狀物。
蜂膠多數被蜜蜂用來築巢,具有預防病毒、
細菌和真菌感染的作用。研究指出,
蜂膠含有超過300種天然衍生化合物;
其活性成分具有抗氧化、抗菌、抗炎等特性,
現製成糖果,近排轉天氣,喉嚨乾涸就最好
感冒初期, 嗒返一粒蜂膠糖
好讓蜂膠裏面的營養成分,感冒初期對抗病菌
但最治標治本,當然是預防勝於治療啦
大家記得帶口罩,不要鬆懈呀,
過多兩個月又開始冬天
又到流感高峰期,
預防勝於治療,嗒糖保健唔野少
第七必買, 多款Ritter Sports 朱古力,
綠色是果仁味,出面賣15.9,
有些超市買到20.5, 深紅色是提子果仁、
來自德國的,Ritter Sport以其豐富的產品線
和廣受歡迎的口味,在德國最受歡迎的朱古力品牌。
全世界的Ritter Sport 都是生產於德國
亦會根據各個季節氣候的不同,出售特色的朱古力,
而且限時下架,所以你要收集齊所有包裝,
真的一點都不易 ,只說經典口味都有25款,
如果將來你有朋友去歐洲公幹或旅行
記得叫他們買Ritter Sport 較罕見的口味給你做手信
我小學時候成日食橙色這隻club朱古力餅乾
我會含住塊餅,任由它在口裏融化, 不會咬,
我覺得這樣食可以將朱古力食得耐些,
嗒得耐的朱古力;含多陣好抵食
第8必買,黑豆粉, 黑豆中含有大量不飽和脂肪酸
高達80%,除了滿足人體對脂肪的需求之外,
可以提高腦細胞的活性,增強記憶力、
防止大腦退化的作用。 黑豆是超強抗氧化劑,
可以清除自由基,增強活力減少皺紋的出現,
有延緩衰老、美容養顏的功效。
你可以飲豆漿鮮奶時放些黑豆粉落去一齊飲
容易吸收, 黑芝麻和黑豆磨成粉,都可以
兩種都能保持頭髮烏黑, 如果你不想太早染髮
就要及早認識這些食品啦,第九必買,
台酒花雕酸菜牛肉麵、和花雕雞麵
這個牌子在台灣香港,名字響噹噹,
經常在台灣超市賣斷市,銷量驚人
第十必買, 洽洽 香瓜子,
超市真的賣到痴線那麼貴29.9元
雖然我知道有些辦館是賣緊12.9元,
但非四處有得賣,一場來到,
踏破鐵鞋盧覓雪,當然要幫襯下啦
你們不要走呀,聽完是咁的先
又來到是咁的環節,
......................
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。