關於 大眼仔con男 ，我們在網路上蒐集到這些相關的討論、資訊與評價

詳情：www.newmonday.hk/637361
【#外貌協會會長】男士們，不如一齊討論下？
#新Monday #妝容打扮 #SmokyEyes #Gel甲 #NM_EDC

話說今日第一日返番工，有萬千個症等住睇。不過托賴嘅係數得出得三個係輕微嘔血嘅症。

1. 前幾日睇其他人話兩隻眼都紅眼症。今日返嚟覆診已經見佢帶住大眼仔Color Con。當然佢日日都帶住，因為佢搵唔到佢副眼鏡。今日返嚟梗係話隻眼都繼續紅啦，問我點解，你話呢？🤓

2. 嘴藐藐少女話自己今朝發燒。咁我其實下一個問題一定會問你發到幾多度，乜好過份咩？佢答唔出，佢話冇度但係今朝發冷所以覺得自己喺度發燒。

佢話自己感冒同埋話有啲頭暈。咁我問佢啲頭暈係邊一種，頭重重腳輕輕暈船浪定係天旋地轉耳水唔平衡嗰隻？佢竟然問番我有分別咩？OK Fine🤷🏼‍♂️，係我求知欲強。

佢係診所度到36C，我問佢有冇食退燒藥，佢話冇。之後講講下佢話食咗Panadol。我問佢你又話冇食退燒藥嘅？佢竟然答我唔知道必理痛係可以退燒。難道佢做咗20幾年人冇發過燒，冇食過退燒藥，冇望過粒退燒藥其實係必理痛或者消炎止痛藥嘅朋友？咁佢咁健康我都冇辦法。

最後當然問攞半日嘅假紙，話要上午。之後轉頭問其實你寫AM即係到幾多點。我話AM通常係解到朝頭早11:59。佢就好滿意咁樣笑着走。幾時AM係有第二個解釋？🤦🏽‍♂️

其實如果佢唔黑面唔嘴藐藐，我都只不過當你係一個無知少女。但係你咁冇禮貌我就覺得你乞人憎囉。

3. 有個後生男病人同我講佢流左差唔多兩年嘅鼻血。之前最初睇過一次醫生，但係人哋叫到佢都唔肯睇耳鼻喉專科。咁唔知因咩事要等22個月之後佢先至醒起今日再搵醫生去睇。我話你嗱嗱臨坐喺度，即刻Book個耳鼻喉專科期。你book到即刻好去睇。可大可小。

唔應該緊張病情嗰啲就鬼死咁緊張。應該緊張嗰啲就唔嗲唔吊。咪咁啦你哋，乖啦！

***

同場加映窩心同事篇

今日返到黎有窩心嘅眼濕濕擁抱，靚靚蛋黃哥禮物，老火花膠靚湯，同埋我至愛嘅青提！多謝你哋，巧幸福😍😍😍😘😘😘😘～～～

不過你哋唔好誘惑我！我都係想繼續放假，我好掛住張床🤣🤣🤣🤣～～

節目完左仍然繼續收到你地問關於 d 衫嘅嘢，講到扮靚大把嘢講㗎喎，完全唔介意同大家開心 share。要靚就一齊靚 🤘🏻 當上《姊妹淘》咁喺度再一次過詳細答 ❤️ 男士們都歡迎一齊研究下 😅🎶
不過其實真係冇乜特別 🙇🏻‍♀️ 女仔貪靚係正常嘅、扮靚係「對自己有要求」嘅一種演繹。女為「悅己者」容又好、為「自己」容又好，扮得靚 d 出街，對自己對市容都係一種尊重。香港女仔靚唔靚？梗係靚啦！有自信自然有 glow。再加上呢個係人靠衣裝嘅世界，你嘅外在美靚啲，大家先會再有心機留意埋你嘅內在美。好現實 derrrrr。

入正題 >>>

其實節目入面著嘅衫唔係啲咩特別貴嘢，成日覺得衫唔一定要好貴、但一定要自己著得舒服、啱身份啱場合；個人愚見。你哋有 cap 圖問我節目入面呢件衫、嗰件衫係邊度買。我有幫大家問過、不過其實因為個節目係上幾個月前拍嘅、而家佢地都已經轉左季冇得再賣。唔緊要、各位姐妹得閒可以上 Farfetch、net a porter、Zara、asos online shopping 睇下、我係宅女成日喺網上搵到啲好嘢 mix & match。

果對我成日著嘅水蜜桃色粉紅波鞋係 adidas 嘅、IIJIN 都成日買，有內置自信踭、很好。Street wear 之外、亦非常鍾意投資少少落啲 accessories 同手袋度襯下、節目入面有：Bally、Max&Co.、Gucci、Versace、Fendi、Prada、Chanel。節目形象指導陳貝兒話佢真係有花咗 D 心機去襯衫黎配合每個地方嘅特色，所以佢表示好高興大家有留意到 🎈

太陽同平光眼鏡喺 Visual Culture Optical 有、屋企起碼有十幾副。有人問大眼仔 con，喺中東篇係特別戴咗灰色嘅隱形眼鏡。原來戴咗灰色 colour con 個眼珠會變咗好似藍色咁㗎喎，睇返 d 相我都覺得成件事突然變得好神秘呀 wooooo⋯⋯。關於衫、亦有準新娘問晚裝裙、我經常去 Mariée Bridal Couture 同 Dorian Ho。祝你永遠幸福快樂 ❤️

有人問節目入面個妝係邊個化、頭係邊個 set？係陳貝兒。不過想投訴佢每日都好求其，妝同頭 30 分鐘手勢搞掂、原因係佢聲稱出 trip 全程好倦好倦所以寧願瞓晏 d 先起身 🤷🏻‍♀️ 我會叫佢好好檢討下。甘不過如果喺香港出 event 就肯定會搵專人畫靚塊面、整靚個頭。

個頭好緊要，剪得好每朝早洗完頭淨係吹乾佢就行得。入行到而家都係去 O4 Orient4 - The Official Page - Pius 大師幫我剪嘅，佢啲徒弟仔個個都好犀利、ELLE 個 link 入面 d 相下面有佢地嘅 IG contact：Keith、Sing、Nick、Alan 個個都好正，成日幫我 set 頭天天新款。頭髪顔色都有好多人問、多謝 O4 「色 more」阿Sonn，highlight lowlight 每次都係佢發版。fb：Keith_wong_hairstyle // Sonnlam_Color // SingTam_hairstyle

成日幫我畫皮嘅化妝師有 Krisie、Irene、Wendy、Sammy、小白等等，佢哋個個都好好、輪流用。因為佢哋個個都忙過我、好難約。新娘妝、event 妝要早 d book、我 IG posts 入面有曬佢地嘅 contact。fb：Wendy's Workshop // Sammy Lam Make-Up Service // Freshen Image // @KrisieWong

不過講到尾其實塊皮最緊要，皮膚靚就化乜都靚、定期去 Face College keep 住個狀態保養唔懶得、April 同 Cherry 好 nice 㗎。護膚品我都用好多，Estee Lauder Hong Kong 好啱我。另外可能因為我食素（Green Monday // Green Common ）所以 d 膚都會好啲啲。係喎、仲要飲好多好多水補濕排毒同埋食生果。最愛食橙同青瓜、你懂的。

有人話我知 TVB 官網寫我身高 154cm、其實我係 175。體重保持 115 磅左右、三圍數字就唔講啦⋯⋯ 周不時水腫可大可小係女人你明嘅、不過好彩我冇參加過港姐你哋 check 唔到 🤘🏻

身型嘅嘢唔係一味瘦就好、最緊要健康，有自信自然有glow。而且健身除左係 train 身型之外更加緊要嘅係 train 心志。呢個世界只要肯堅持、冇嘢係做唔到。呢方面好多謝我 PT - 銅鑼灣林丹 - 其實佢真名叫 Donald。一個星期我 keep 住三次每次一小時、佢幫我睇住我要半肥瘦。大家都可以去 FITT PUB 揾佢。佢係幾有型嘅，不過唔好意思佢結咗婚個老婆仲好靚、所以大家可以專心做 training 💪🏻

仲有其他關於我個樣嘅問題嗎？再問我就要搵陳生陳太出嚟答大家，因為係佢哋兩個生我出嚟嘅、非常多謝！特別嗚謝 I love you !!

有咩問題隨便再問、我會盡量滿足大家❣️

P.S. 關於每次出 event 衫褲鞋襪嘅牌子同埋妝頭嘅 credit、其實 IG 入面會 list 得比較仔細。IG username 係：chanjanis

❤️

#多謝ELLE HK #純粹交流下 #開心share
#一齊靚 #唔小心寫到咁長我好懷疑有冇人會睇到尾 🤷🏻‍♀️ it's ok

【#陳貝兒 正面面對傷痛令人感動】
陳貝兒逐步走出受離婚傷痛，從她時尚和知性日常穿搭中看得到Janis Chan 陳貝兒的積極態度。

36歲張栢芝與27歲台星訂婚？>>http://bit.ly/2w12rr3

-------------------------------------------
Follow us on Instagram!
Username: @ellehongkong
http://instagram.com/ellehongkong
#ELLEHK #ELLEfashion #穿搭