#小編去開房 之 金域假日酒店爆抵親子優惠（三）
徇眾要求，本篇係晚餐+自助早餐+泳池健身室，為staycation收返個靚尾😎
🎊優惠詳情🎊 https://flyagain.la/91569
🎊預訂網址🎊 https://flyagain.la/mgnw
📍預訂日期📍即日起～4月25日23:59
📍入住日期📍即日起～6月30日
🏊泳池及健身室
兩者皆位於19樓，要搭lift上18樓再行一層上去，一出lift就會見到指示。兩者皆唔需要預約，冇時段，上去之後登記返就可以，但同樣有人數限制，爆人就會唔俾入
🍝晚餐
今次小編揀咗食意大利餐，只係加$700（依據人數提供相應份量，兩大兩細都係呢個價）就可以有龍蝦食！前菜係兩兜大沙律，同埋有籃麵包，份量都幾大，味道都唔錯，八爪魚都幾足料🤔
然後就係主菜，揀咗大蝦帶子意粉，大蝦大隻，同埋都幾多粒帶子。但大蝦有點鞋，冇乜蝦味，成個意粉主要都係番茄味🧐 最後就有一個Tiramisu，都幾大，正常發揮，但份量大得嚟唔會膩，控制得唔錯。最後另有一杯餐飲
食完lounge之後小編已經7成飽，但佢個晚餐份量都幾足下，所以使唔使加晚餐就睇睇大家食量，同埋lounge啱唔啱大家食啦😂
🍳自助早餐
原來早餐唔係lounge食，係1樓咖啡廳，係一般酒店自助早餐格局，麵包、即煮蛋、沙律水果、粟米片等都有齊，選擇唔算好好好多，但味道唔錯，都真係食得幾飽下😂😂😂
💬結論
呢個優惠真係性價比極高🤩 唔加晚餐都係六舊幾水，就包lounge+自助早餐+酒店設施任用，其實佢有冇得賺㗎？🤔小編入住期間都見到都幾多family，仲見到有枱係三代同堂㖭～果然深受家庭客歡迎！都係既咁平就可以一家大細去玩返晚～😇
完
大蝦 帶子意粉 在 [DIY 白酒蒜香鮮蝦帶子意粉]... - 必買站Bidbuy4u - 美國入口 ... 的推薦與評價
做法： 1 煮沸一大鍋水，烚熟意粉，直至變軟。撈起備用。 ... 紅蔥頭，大蒜和紅辣椒片。 ... 分鐘。 取出並保持溫暖。 ... 蝦、帶子和歐芹葉混入，拌勻。用鹽和 ... ... <看更多>