Search
無食譜純圖片討論😂
呢個蒜蜜一口豬柳勁好食♥️
外面包埋一層蜜糖
講番食譜嘅出處
呢個本身係 Beti's Kitchen 嘅
蒜蜜一口豬柳
我只係加咗黃椒（炒完先再回鑊)
Beti係我best friend嘅表妹
想當年大家讀同一間中學佢仲係妹豬黎
而家係我嘅行動的食譜
以及育兒抄功課對象😂
同場加映長洲蝦乾節瓜粉絲
用咗啲懶fancy嘅日本包裝小包粉絲
Sorry麻麻地😆
我喜歡這味道的米通
甜度適中（少甜）
甜得來帶出甘香🎋
啱晒我呢啲麻煩中女🙆🏻♀️
😂😂😂😂😂😂😂
啱香港人口味嘅米通
羊咩咩口味
蔗香炒米通
材料
1，炒米通一定要有
白米通200g / 可可米一盒375g 😂
2，水 60g
3，糖（白糖/原糖/三溫糖）50-60g，再少味道會兩頭唔到岸
4，增城片糖25g****
5，葡萄糖漿130g***
6，海鹽 半茶匙
7，牛油10g
8，犀利喇！已烘/炒果仁約150g ，羊咩咩鍾意用腰果、日本芝麻、南瓜籽仁、松子仁、杏仁片、開心果仁等，顏色及味道配搭，好味之餘色彩豐富
9，想做咸香鮮味嘅，可加入櫻花蝦、日本紫菜粉（碎）、堅魚片、魚乾仔🙄我。。。冇秤到😅 有興趣可試試加入肉鬆，搖身一變，變成「泰」式口味
*第9項材料不適用於可可米口味，味道唔夾架
工具：**
1，焗爐
2，鑊，要大隻啲，太細嘅材料會一面炒一面飛晒出嚟，不一定要易潔鑊，不銹鋼或鐵鑊都不會黐
3，矽膠刮刀兩隻，或1隻矽膠刮刀+1隻鑊鏟
4，盤，要夠大不可用錫紙盤，先用來盛住米通果仁入焗爐保溫，之後壓米通定型用
5，烘焙紙 / 可再用烘焙布
6，短麵棍，太長長過盤不合用；如用鐵砂掌，小心燙手燙傷
7，熟食用砧板；熟食用刀，小刀/水果刀 太細不適用
8，煮食用溫度計，某程度上來說係「好重要」嘅工具
做法
1，將1、8及9（如有）放在焗盤中，放入已預熱105度的焗爐中保溫
2，把2-6材料放到鑊中，細火加熱，一邊刮一邊拌，一直用溫度計量度升溫情況不可用中火或以上，燶咗唔好問點解
3，至糖水煮至約110-115度，加入牛油（材料7）繼續煮繼續刮繼續拌，要牛油與糖漿完全溶合
4，煮到121度，放低溫度計，在焗爐取出第 1 部的材料（小心燙手），全加入，唔好猶豫快手拌勻
5，熄火，將混合物倒入盤中，放上烘焙紙/布，用麵棍協助把混合物平均壓在盤中
6，壓好後小心反到砧板上，快手切成理想大小。唔好急，最緊要要快，凍咗會切到散哂☝️我試過，掛住影多張相俾你睇，瀨嘢喇
7，放涼散水後包好，以免受潮影響口感
*煮糖漿不足/米通果仁太多，難成形，我試過，真係試過，貪心之過
**所需工具只供參考
***可以麥芽糖代替葡萄糖漿，用量自行調節，但味道及口感會有不同
****增城片糖主要提供蔗香及適量顏色，可改用同量白糖/原糖/三溫糖
**** 食過冇糖但未整過🙅🏻♀️因為唔啱口味，加上冇糖水份沒有焦糖化，米通變得太濕，林嘅唔脆
#請尊重食譜擁有者 #唔好改少少當自己新食譜😡 #歡迎轉載分享 #轉載請列明出處
《咎由自取的失分 抹煞前線的努力 車路士對修咸頓賽後分析》
.
由三分變一分，相信除左令一眾睇住直播既球迷氣憤之外，對場上經已付出足九十分鐘既球員黎講亦難掩一份失落，個別球員「自殺式」犯錯可以話埋下失分既伏線，亦同時抹煞左前線球員喺比分上既努力，其實哩啲學費都已經交左接近一季去到依加都仲交緊，身為主教練既林伯特需要負上不能推卸的責任。
.
繼續源用4231陣式，正選陣容上有佩利錫正式復出，令添姆雲拿可以回歸正箭頭位置，身後支援既亦繼續係夏弗斯，而蒙特就依然兼任左翼鋒角色，雙中場分別用左佐真奴配搭簡迪，至於四人防線就用上蘇馬同基斯甸臣為中堅組合，賽前傳出有小傷既捷維爾亦趕及復出同艾斯派古達擔任左右兩間，而門將就由基柏接替於國家隊訓練時受傷既文迪，堤亞高斯華就因倦勤而並無在賽事名單之中。
.
以結果論黎睇著眼點過份側重於個別球員既失誤而引致既失波，但其實今場波理應平均分為入球與失球兩部份黎睇，雖然最終都唔能夠全取三分，不過喺進攻層面上其實有唔少值得觀賞既看點可以分析，先講組織攻勢，過往車路士由後場開始組織主要都以短傳同地面戰為主，不過自捷維爾接任左閘正選後，好多時後場既波都會經由右閘到中堅再到佢腳下，而捷維爾既視野同能力可以省略左中場轉換直接將皮球傳上前線發動攻勢，比起中堅同樣以長傳方式唔同既地方係，哩位英格蘭左閘除左可以選擇向前傳上邊線之外，亦可以以拋物線方式彎入中路，變相令進攻套路更加多元化。
.
由於添姆雲拿偏好走向左路發展，多番見到佢成功接應到捷維爾既長傳，德國人回歸正前鋒後可以得到更大既活動活間，可以令佢專心於前線捕捉機會，而今場波兩個入球亦見得到添姆雲拿既個人質素，早前亦多次強調球迷們無需過份擔心佢會有步向莫拉達後塵既機會，因為兩者係截然不同風格類型既前鋒；至於喺佢身後既夏弗斯亦漸入佳境，繼續以前場多面手既角色串聯攻勢以及為隊友製造機會，更同雲拿一樣正式取得英超入球，而佐真奴亦終於「擦出」助攻。
.
略略講完組織同入波喺進攻層面上既野之後，就係時候到令人氣憤既失球部份，而喺哩部份之中亦可分為兩個範疇，除左場上球員既失誤之外，另一個位就係林伯特既安排同臨場部署上同樣都存在失誤，先講前者，睇返三個失波，除左最尾禾確特彈射命中隊友改變角度入網果球略有幸運成份之外，前兩球都係由於球員個人失誤所造成，先由夏弗斯於中後場區域推失波所致，當時睇到哩個畫面之後第一時間令人聯想起巴克利過往既犯錯，同樣地係喺接近哩個位置推失波，其實唔係唔比你向後推，但係喺哩個位推真係好危險，基本上一推失就等同伏左後面既隊友，哩方面夏弗斯就真係要交下學費。
.
至於第二球失波，亦係大眾球迷著眼同車迷們氣憤既一球失波，蘇馬回傳力度不足派出「醫院波」，同時基柏喺禁區內撲救存在猶豫，撲救失敗後雖然有基斯甸臣試圖解圍，但最終都被對手以半空門方式射入，如果單計責任的話，蘇馬同基柏兩者難辭其咎，前者犯錯後無嘗試起跑跟返轉對手彌補自己既失誤，返而覺得龍門應份地幫佢補鑊，至於基柏既心理狀態其實都已經打唔起，多次自我犯錯或被防線「放伏」到就連自信心都無埋，而其實喺哩球失誤之前兩者都經已出現過誤會畫面，當時蘇馬呼喝基柏出黎將皮球沒收，其實果下對手都唔算壓迫得蘇馬太西利，理應自己由能力轉身再組織過，而基柏本人都覺得無必要出龍，蘇馬幾時變左後防大佬連出龍都可以由佢叫？場外人都睇到兩者明顯存在心病，對一條防線黎講絕無半點得益。
.
最後就講到林伯特，要講既野亦唔會比球員少，先講防守佈置，佢都執教過左一季時間，球隊依然喺防守死球時存在明顯漏洞，今場波對手兩下死球時都能輕鬆地喺禁區頂位置施射，而哩個區域係並無任何藍衫球員進行防守，變相只要解圍不遠，對手就可以有空間輕鬆起腳，防守唔洗教都唔識教係兩件事黎，而林伯特好明顯係後者；令一個問題就係臨場調動，其實球隊喺下半場已經開始失去壓倒性優勢，尤其係喺六十分鐘打後形勢已經交到修咸頓為主導，但感覺上林伯特好似無乜目標咁，換完薛耶治入黎就等完場咁，去到下一個換人已經係要數到八十六分鐘既占士，果時其實未被對手扳平已經係好彩。
.
你要縮既，其實理應六七十分鐘要開始換人縮，如果你要谷多粒既，就早啲換艾巴咸入黎跑下，唔係去到九十分鐘先換佢入黎踩下草咁，你臨完場前先換佢入黎請問有咩用？感覺上林伯特喺球隊仲係些微領先3:2果時係完全無方向，完全無任何為球隊再鞏固形勢既目標；最後一樣想講既就係喺戰術安排上，喺國際賽前對水晶宮時都有睇到同講過，果場波球隊既中前場除左做迫搶之外，亦好肯落腳去制止對手製造攻勢，講緊既係對手連半場都未過到時已經被打斷，果時明顯見到球隊係有刻意咁做，但今場波完全見唔返哩樣野，中前場肯落腳既就只有簡迪一個，其餘人就淨係企位迫之後就再無其他跟進動作，都講過咁做既話變相令對手好輕易咁透過短傳就破解到你哩招，無系統性既迫搶只係掛羊皮賣狗肉，亦無助為後場減壓。
.
學費唔係唔想交，而係交到有冇意義，都經過左一季多既時間，陣容上亦都有補充同提升，但內容上依然都好似維持原狀咁，失既波都依然繼續都係咁，根本上只係等邊位球員犯錯，而林伯特就好似永遠立於不敗之地咁既樣，如果係咁的話前線入幾多球，後面都真係同你失番咁多球。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 後場篇》
https://bit.ly/2T6r2YE
.
#Chelsea #車路士 #修咸頓 #英超
https://s.fanpiece.com/nnT7mUh
http://bit.ly/2xwWnKb
中環炒車，好亂！有幾亂？「鳩足咁亂」 。（1979年《今日報》用語）
1925年省港大罷工，港府企圖阻止港人回廣州：冇計啦，唯有「戇鳩鳩，行路上廣州」。
「呢鑊杰」、「吞泡（pok1）」、「紮炮」、「新澤西，食水深」……以上潮語，你識幾多？認得出，分分鍾曝露你年紀，但即使懂得意思，考證出處才考功夫。廣東話粗鄙？過去百年，廣東話在省港澳的社會經民間發酵而成的俗語，我們誤以為「俗」，其實當年潮語可以勾勒出香港本土的風土人物誌。
蘇萬興，人稱「蘇Sir」，今年約七十歲，堪稱香港地潮語活字典，只有小學畢業的蘇老師少時靠「博聞強記」，熟知香港歷史掌故，為第一代的本土遊的導遊，同時他也是香港考古學會永久會員，寫過好幾本歷史研究著作，《老餅潮語》出到第三本，累積339個潮語故事。一籮籮封塵潮語故事，他張口說古，滔滔不絕於耳，帶我們重回過去。
