將《靈魂的出生前計劃》及《零極限》的概念放在歌詞中,再變成三部曲,歌詞的三世書。
我是先看文章再看歌詞MV的。
第一部曲《狂人日記》,他選擇了瘋狂的人生,玩到顛玩到爛,傷害了很多人
『一家 幾口 引發 共業』
以為看到因果,收心養性,痛改前非,這樣就以為學懂了人生課題
.
不過靈魂不是這樣想。第二世,《砂之器》,跟前世的妻子換個角色,今次變成了母子。
累世的情節總是不停的重覆又重覆,證明上世其實未學懂
本來以為作為兒子的身份,可以盡孝以補償過去對前世妻子的傷害
卻將前世作為情侶的恩怨爭拗,以母子身份再度喚起
直至最後,以零極恨之『對不起原諒我』作第二世之結
.
這個領悟從何而來? 為什麼不是一出生就可以應靈魂之計劃,立即盡孝以補償前世所作之業?
如果前世是加害者,也許這一世也需先當受害者,去感受別人的痛苦 (如MV中兒子是受著生活糜爛母親照顧不當之苦)
才有切身的領悟,才能真誠的說對不起
.
家族系統前世今生之解讀 :
受害者過去或當過加害者,角色替換才能體會當中的痛苦,先認不是才能求原諒
否則難以和解
配搭「重生」系列,可重看多年前的電影《大隻佬》,以前每當家排完結,不知何故,回家後電視就會重播,彷彿在不停提醒因果之循環
這部三世書,第三世會如何? 能否「了因」?
.
Jer柳應廷是天蠍座,「物語」系列講死亡「重生」系列講重生轉世,完全是天蠍座的度身訂造
.
又想到廣東歌關於命理、命運、哲理、因果在不同時代之呈現 :
家傳戶曉左右銘 : 「知否世事常變 變幻原是永恆」黃霑是雙魚座,講變幻
「命裡有時終須有 命裡無時莫強求」填詞是黎彼得金牛座,許冠傑處女座 ,非常踏實、實際的觀點,有就有,冇就冇
人馬座的夕爺 有一條佛Line歌詞 ,數目眾多,屬論文級。印象最深刻最直接的一句「我信佛,這有沒有幫助」
雙子的Wyman,最輕鬆易入口,最多星座系列,少講大道理,多是個人描寫 「但崩壞的命盤...情願調整自我觀」
從命運觀到佛偈至個人命盤,現在到小克講靈魂因果的故事。
他說他是天秤座,對歌詞的「對稱」和「平衡」執迷。天秤座是關於「人際關係」,重生三部曲大概是人之因緣,緣起緣滅
.
看到這裡的,多謝收看長文,無端端變左 #哲學有偈傾 。
#人馬病發作
大隻佬共業 在 Goodbye HK, Hello UK Facebook 的最佳貼文
【偽中產回流英國之路remastered 3】
請理解個原post寫在17年,回看雨傘、偽中產、沉默大多數、社會同政府嘅感受同對自己離開嘅影響,滿以為已經好悲觀。點知短短幾年間,變化竟然係斷崖式嘅淪落。可悲嘅係香港已經真係壞咗,唯一可幸嘅係好多「沉默嘅大多數」醒咗。希望呢一次,大家可以持續咁齊心。我必須承認,那天睇錯了很多中產朋友,你地的確對年輕人嘅態度改變咗,今天我希望我繼續睇錯落去...錯咗就係錯,所以無改內容意思!
****************************************
正如之前所講,雖然香港政治環境討厭,但並唔足以迫走我(記住係2016年!)。只可以話呢香港呢十年幾嘅變化,直到近年就肯定係催化劑,令我一家人離開香港去英國重新生活嘅決心更堅定。坦白講與其話厭惡香港政府(當年CY,依家又如何?),本人更痛恨嘅反而係包括自己在內嘅一班偽中產。因為一隻手係拍唔響嘅,社會有咩人就自然做就乜嘅政府同議員。
今時今日嘅香港中產,即係所謂嘅廢老廢中,邊個唔係經歷過殖民地時代生活過?分別只係經歷過幾多,個金魚腦又記得幾多。唔該唔好再用「戀殖」做籍口,坦白啲諗下當時嘅社會同依家有咩分別。以前香港所有人都好專心咁「搵錢」,因為每個人都有機會向上流動機會,每個行業都有神話。雖則當年嘅香港社會,大部份都係政治白痴,剩係識講錢嘅「港豬」,但至少有個識用腦(叻唔叻無謂比較)嘅政府,無政治立場、唔貪污(亦唔打人講法治)嘅公務員團隊。
就算係無民主,但肯定有無盡嘅自由。唔只鬧呢個嗰個嘅政治批評,就算攞港督英女王黎笑,個社會都有一份包容性同幽默感,何來咁多忌諱同意識形態?當年更無人會介意自稱係「香港人」或者係「中國人」、甚至係「英國人」都無問題。本來呢種身份模糊,就係香港人响國際上嘅優勢同特質。其實香港人從前都有既愛國,又唔討厭英國嘅時候,邊個搞到大家分得咁清楚,互相詆毁同歧視?如果話係人心未回歸,咁點解殖民地時代,我見過老一輩會去國貨公司,買彩電同單車送上大陸?華東水災嘅時候,成家人仆到打去電視台捐錢?六四嗰時,阿爸同啲uncles對住部電視流晒馬尿?難道英國佬當年教香港人愛國,還是特區政府令到大家變咗「更愛做香港人」?
自問做咗幾十年香港人,當然明白凡事有因必有果,有啲事情的確係共業。就係九七前後嘅社會生態,就做成香港偽中產嘅錯覺,只要繼續有自由、法治同揾錢機會,無民主並唔緊要(因為嗰啲係天跌落黎嘅)。可惜佢地唔明白,當呢三樣嘢都慢慢減少嘅時候(估唔到16年後就唔係慢慢!),民主嘅重要性就突顯晒出黎,因為:「點衰點壞自己揀(仆街唔好喊)」。
不過可惡嘅係,班偽中產最怕無剩返嗰些少搵錢機會,仲驚自己層樓會跌,所以從來都選擇做「沉默嘅大多數」。當乜都無嘅年青人出聲嘅時候,反對得最大聲嘅必定係班偽中產,是因為支持政府有特點立場嗎?不是,說穿了就係驚失去已經擁有嗰小小,即係自私!班偽中產咩時候同年輕人最齊心呢?沙士嗰時,錢無得搵,樓跌到入骨,幾咁同聲同氣?搞到自己仔女國教嗰時,亦齊心非常,但雨傘嘅時候又咩取態呢?(真心希望香港人,尤其是中產,响2019年今次係真正嘅齊心,唔支持都唔好再指責。)
其實香港都唔係完全無選舉吖,大家睇下歷年嘅投票率,同啲中產選區選啲乜嘢人出黎?香港偽中產關於民主,證明咗兩樣嘢。第一,既要唔滿意,但唔鐘意投票,去投票,又驚選到出黎嘅人搞事,影響到自己。第二,呢幾十年,有無期望過有能力嘅政治人才(唔係剩係sell理念,含眼淚投嗰啲)?睇到咁都覺得無希望啦。慢慢唔理唔選唔出聲,結果係點?咪比嗰啲以前諗都未諗過,想象都想象唔到嘅人,例如類似義和團呀,大媽形狀呀,疑似社團人士嘅人士,人肉錄音機呀等等代表香港人,話自己有幾愛國囉。怪得邊個?(估唔到全部實現晒,仲加送DQ同又拉又鎖?!)
如果要我講一個理由,點解對香港死心,我會話係個社會多過政府。還記得雨傘嘅時候,自己生意唔見咗三成,都隻眼開隻眼閉咁比幾個年青同事早啲放工去金鐘。但當睇到嗰啲所謂反佔中嘅理由,有乜辦法唔心灰(嗰班「係咁㗎啦」「點解搞事」同「阻住返工揾食」)?無人要你地革命,亦唔係爭取獨立,只係要求多小小權利(仲要係年輕人幫埋你班友同仔女),咁都唔齊心小小?腦海裡面會問,就算比晒完全民主香港,結果係咪都一樣?
講講下已經離題,仲要寫到咁長,下次會講回流英國真正嘅決定性原因。
Photo Source: 我,2014年某日在旺角
#GoodbyeHKHelloUK
#偽中產回流英國之路
#Remastered
#偽中產講偽中產
#當日原來睇錯咗
+++++++++++++++++++++++++++++++++
英國居留簽證懶人包(香港人限定)
http://bit.ly/2MfFPPZ
偽中產回流英國之路remastered 1
http://bit.ly/2LdV35P
偽中產回流英國之路remastered 2
http://bit.ly/2LpEXX0
英國移民生活網
重要舊文重溫
www.goodbyehkhellouk.com
+++++++++++++++++++++++++++++++++
大隻佬共業 在 賴叔閱事 Facebook 的最讚貼文
都係一樣,文字有價,鍾意就入 Medium 睇。唔鍾意嘅,自己碌落下睇晒成篇,都得。
- - -
上日篇《要爭口氣,你不要死》出咗之後,幾位相熟嘅文友與讀者都有反響,主要都係話,大家鼓其 103 萬人遊行嘅餘勇,知其不可為而為之,賴叔你呢隻塘邊鶴就咪鬼喺度潑冷水啦。
為此,我係有少少唔開心,咗一陣,或者半晚嘅。
今日我再收到另一個讀者嘅回應,意思係,我嘅睇法適用於嗰啲事業上咗軌道,或者直接啲講,係 have something to lose 嘅朋友。輸唔起,當然就要珍惜羽毛啦。
咁我諗諗下,都係。一方面,賴叔年紀都唔細,本身都有家累,學 Latrell Sprewell 話齋 “I need to feed my family.” 我好難話冒住畀慈母拘捕嘅風險而走得太前。而當我自己做唔出嘅時候,我都唔係叫其他人咁做,因為咁樣太偽善,太不負責任。
另一方面, which is 更加深層次嘅,係我真心地覺得,心理上輸唔起,就唔該控制好注碼。 2014 同 2016 嘅經歷,已經令賴叔戒咗評論時政,分拆置地記者呢個牌頭上市。專心講返工同財金嘢,如此很好。咁。就好似賴叔平時入戲院睇戲,都係坐最尾嗰排嘅角落頭咁,遠離人群,冷眼旁觀,然後毫不客氣咁一語道破,即使唔啱聽都好。
但係,曾經滄海難為水,識得 “Apolitical” 呢個字嘅人,九成係關心政治嘅人,真係唔識或討厭政治嘅,鬼會話自己 Apolitical 。而當五年前,我只曾路過佔領區而冇留下紮營或者睇書嘅時候;五年後,當辦公室同佔領區近在咫尺嘅時候,我終於腳踏實地,親歷其境。算係出一分力,亦都希望係自我救贖。
六月十二日嘅日與夜,我都先後走入人群。香港嘅夏天好仆街,仆街在間中有驟雨,然後出太陽,蒸返熱晒啲水氣,喺路面嘅大家就好似條石斑咁被清蒸,出晒汗,差條蔥 (衝?) 同一嚿薑 (唔夠薑?) 就可以上碟淋鼓油 (臨自由?)
雖則話冇圖冇真相,但係大家原諒我唔貼相啦。無謂累咗當日任何一位在場參與或者咁啱路過嘅朋友。但係喺夏慤道天橋上下,當大家啱啱佔領街頭,要開始 set 路障、物資區同分發資源嘅時候,嗰種主動、自發,係令人打從心底裡感動嘅。亦剛好大巴大巴煎落去茶餐廳阿伯嗰啲咩「後生仔受指使同控操,一車一車咁去佔領」嘅謬論。
我食完晏喺海富中心外面企咗陣,幾年前嘅畫面盡入眼底,而今次並冇邊個民主派明星或者佔中三子去牽頭、策劃、指揮。你可以話大家有五年前嘅經驗,好多嘢可以自動波,亦可以話,當動機純正嘅時候,行事、組織自然有條有理。佔領區不時傳出歡呼或拍掌聲,可能係畀幫手堵路嘅司機大佬,可能係慶祝整好另一個鐵馬路障,咩都好,都令人感動。唔係話「畀啲掌聲自己」可以媲美。
晏晝返到公司,新聞話警方採取誘敵之計,先退後進,然後用催淚彈、散彈同橡彈子彈去驅散示威者,仲殺得性起去追到去商場門口。你要明白,呢個下晝我嘅工作效率係零。諗到嗰班學生,手無寸鐵 (okay 你話拎住把遮有遮骨係金屬就冇得好講) ,賴叔嘅心情越嚟越沉重。
但殘酷嘅係,敝機構內過半員工都係大陸人,佢哋唔知,亦唔明發生緊咩事,淨係話有人用車輛阻塞交通,示威者衝咗出馬路,警察施放催淚彈平亂咁。聽到佢哋仲喺度嘻嘻哈哈,我只可以望住幾個冇射波嘅本地同事,一同苦笑。
夜幕低垂,賴叔又一次行去佔領區聲援。經過某銀行門外,示威者嘅物資小隊似乎準備撤退,安排緊物資嘅去向同儲存。聽得出佢哋嘅焦慮,或者因為警方進入專上學院搜查卦?我心諗,我有車呀,可以幫你哋呀。但係我冇出聲。
喺畢打街同德輔道中嘅交界,一架雙層巴士逆線泊咗喺路中心。再前少少,有架貨車同私家車泊咗喺燈位,大家都係為撤走物資而努力。當時仲未傳出警察幾點清場,但係大家 somehow 都已經事前做好準備,不致於大軍壓境就被殺個措手不及。
黑夜之中嘅干諾道中,非常熱鬧。唔需要大台大合唱「今天我」去暖場,亦毋須糾察隊維持秩序,大家都自動分工,自動入戲。戴頭盔 full gear 嘅自己企去最前線,放工嚟聲援嘅白領一族自己上停車場或者路邊佇候。有兩個老外坐喺天台,睇住自己釘裝嘅 A4 size 書,學廣東話。
夏慤道天橋頂泊咗幾架警車喺樹,前面就有廿零卅個警察站崗,等夠鐘就出手清場。我始終冇留到最後,亦冇去到漫天烽火嘅金鐘道 (發夢都冇諗過可以咁寫) 。
望住每一位落手落腳搬運、身水身汗仍然企喺前哨、倦極喺路邊小睡頃刻嘅示威者,我係覺得抱歉嘅。
七百幾萬人嘅共業,由幾萬甚至幾千人去支撐,成功或失敗,大家都係 free-ride 咗佢哋嘅辛勞、血汗。我聽到公司有年輕同事一樣走得好前,日間甚至要冒住催淚彈撤退到商場入面,落荒而逃。喺香港呢個國際金融中心,和平示威都要遭受鐵腕打壓,我覺得唔合理。
我哋值得有更好嘅政府,真誠為市民服務嘅官員,真正除暴安良嘅警隊。奈何而家,我哋乜都冇。有能力嘅,選擇移民、嫁去外地、海外升學,總之走得就走。但係而家先至讀大學,或者出身冇耐嘅年輕人,其實冇咁多選項。
因為年輕人機會成本低,所以旨意佢哋衝嘅心態,或者並唔係大家嘅初衷。但係當大家以「我仔細老婆嫩」、「我老喇跑唔郁」、「我唔可以冇咗份工」等理由作為唔衝嘅藉口,然後旨望相反嘅族群,即係未有妻兒、年輕、工資微薄甚至只係在學嘅一群去飾演衝鋒敢死隊,大家咪就係間接地消費緊年青人對呢個城市嘅愛同熱誠囉。
如沒說,一生都虧欠。執筆之時,警方已經拘捕十幾人,包括最少四名港大學生,並且搜查港大宿舍。往後仍能上走街頭,能衝鋒嘅朋友,我不厭其煩再講,唔好死,要全身而退,要留有有用之軀。因為你永遠唔知道,前面有啲乜嘢機會、轉機等緊你。而呢個城市同埋城內嘅人,已經虧欠大家太多。
#賴叔睇育