Search
2006年於愛丁堡廣場停車場拍攝的舊照，當年同時見到舊天星碼頭鐘樓及興建中的新天星碼頭鐘樓。
舊天星碼頭的鐘樓已經被拆卸，只能在相片中回味。附近皇后碼頭的組件雖然於填海工程時獲得保留，但一直未有重置安排的時間表。
#StarFerry #天星碼頭 #天星小輪 #愛丁堡廣場
#承諾重置但無承諾幾時完成
記一個無法盡興嘅萬聖節。
Medium Link: https://link.medium.com/ki0YoeOQe1
//
2019 年 10 月 31 日，萬聖節前夕。
香港係一個奇妙嘅地方，明明經歷緊幾十年以來最嚴重嘅管治危機，最動盪嘅歲月，但係市民重陽山照拜、萬聖糖照派，路過灣仔駱克道，除咗冇平日咁熱鬧之外，嗰種生活如常嘅狀態，絕對唔係電視畫面或者報紙照片上所呈現嘅劍拔弩張。
唔知係好彩定唔好彩，賴叔今晚要上堂，地點遠離中環蘭桂坊，即係想飲杯嘢都要等返到屋企打開雪櫃。都好嘅，我又唔鍾意同人迫，又唔鍾意見到 Green Objects ，有個機制迫我自動去課室報到、自願被軟禁三粒鐘，總好過喺街等食 TG 放題。
話時話，今朝返工，賴叔喺中環金融中心嘅核心地段，見到輕裝上陣嘅防暴警察企喺噴水池旁邊，晨早流流，都有警察要披著面巾，唔知係咪驚一班金融才俊同佢哋打卡呢？抑或，自我感覺同甲級寫字樓地段格格不入，所以要遮掩自己尷尬嘅面色？學太古城街坊話齋，「你住得起咩？」中環價值行十進制，同毅進制唔太兼容。
- - -
咁由於事先已經知道呢一晚中環唔會平靜嘅關係，我係一早諗定放學之後嘅逃生路線嘅。我有諗過化身夫司機，揸車返工、擺低喺天星碼頭，然後揸返學校，再湊多幾位同學一齊返過海嘅。不過大家既然興致缺缺，我一個人自駕就唔符合成本效益。於是，剩下嘅選項就係黨鐵同巴士。
基於事先張揚嘅封閉太子及中環站時間表，我係諗住坐巴士過西隧，過咗海就係神仙嘅。喂，太子同旺角都封站喎，如果油麻地都收皮，咁我咪 GG ？殊不知巴士站有人話，冇車呀，啲車喺中上環 (抑或油尖旺？) 一帶卡住咗，返唔到，咁迫於無奈之下，坐地鐵去就近嘅地方轉紅 Van 就係最快嘅選擇。為安全計，我甚至打電話去留位熱線度問清楚，紅 Van 到底仲有冇車。就好似屋企洗水缸咁，要問定幾點會閂水掣。黐孖筋。
黨鐵喺上環站延誤咗好一段時間。唔知係咪中環站關閉，系統要調整設定，所以所有東行列車喺上環都係戇鳩鳩硬直幾分鐘 (打機嘅朋友就會明) 。然後，同學群組開始有報平安嘅訊息：
同學甲：「觀塘線好正常呀。」
同學乙：「我去到尖東，好在趕到班巴士，如果唔係要等多 45 分鐘，租酒店都唔掂！」
同學丙：「我都返到屋企喇。」
其時我剛好搭上過海紅色小巴，居然係車等人而唔係人龍等車，奇怪。但我心入面有一種滄涼嘅感覺。同學之間非親非故，更加唔係男女朋友或夫妻關係 (有冇人搞地下情我就唔清楚) ，做乜嘢要搞到大家互報平安，好似教會望彌撤禮成咁，要信眾們互道平安？諗起嗰個大家揖手作揖、撚起把聲、擠個笑面出嚟嘅盛景，我其實有少少⋯⋯胃氣脹。
但真係喎，原來今時今日，夜媽媽九點、十點放學，能夠平安返屋企已經唔再係必然嘅事情。即使返到屋企樓下，亦不能斷然已經抵壘。因為警察已經可以強闖私人屋苑，甚至迫令住客跪低、抱頭等候搜身。而保安員如果有任何阻撓嘅動作，就會被控阻差辦公、仲會冇咗份工。
由幾時開始，警權好似個用死氣喉泵漲嘅汽球咁，無限放大，而大家又篤佢唔爆、吹佢唔脹？今時今日，催淚彈放題已經係每個週末嘅生活日常，而警員動用警棍嘅次數已經多到好似呼吸咁，無怪乎保安局喺立法會會議上都已經唔再交代咁多，只係以事件綜合使用過嘅武力及武器嘅種類及數量。因為根本罄竹難書。
- - -
以前民陣搞集會、遊行，其中一句常用口號係「警權無限大，人權被出賣」。計我話，「警權無限大」嘅下一句，「香港好腐敗」。香港電台報道，今日有大律師咁樣講：
「根據《警隊條例》第50(3)條 ，警方在無手令下進入私人處所執法，必須是「有理由相信須予逮捕的人」已置身該私人地方，要有合理客觀基礎，高等法院有案例講明，若警方純粹為調查罪案，看一看有無人犯法，有關條款並不適用。
至於私人處所居民或管理人與警方理論或阻止警方進入，會否構成「阻差辦公」。黃宇逸說，阻差辦公是指蓄意妨礙警務人員正當執行職務，如果警員進入私人處所時，不符合《警隊條例》第50(3)條要求，即並非正當執行職務，拒絕的人亦不構成「阻差辦公」。」
然後有賴叔嘅讀者留言問，《警隊條例》係咪已經廢除咗？抑或係警務處長盧偉聰話改就改？ (我私疑係散仔協會林志偉進行大改版但係冇通知大家)
係囉，由拒絕出示或展示委任證嘅一刻，警隊已經決心將制約、規範佢哋嘅規矩拋諸腦後、棄如敝履。之後嘅濫權、濫捕、濫暴 (我中文唔好，統稱「下三濫」好喇) 都已經係自然現象。投訴警察課唔會處理，監警會唔會有 case ，然後冇獨立調查，律政司亦唔會起訴，真係可以跳起 Yeah 。
- - -
然後今晚教授喺課堂上毫無保留咁講：「大家點可以唔關注當下嘅抗爭、示威？我哋讀法律嘅，法治係非常重要架！」 (英文原文： How can we not mention the protests? We are all lawyers and the rule of law is so important!) 屌你老母，難為同學之中仲有人話，「我討厭政治，可唔可以純學術討論？」
我屌你啦，法治同政治幾時分開過？ Rule of Law 同 Rule by Law 已經係差之毫釐，謬以千里。你同我講「依法施政」，係 Rule by Law ，係富有中國特式嘅「法治」呀。香港嘅金融中心地位從何而來？如果係 Rule by Law 嘅話，上海晨撚早取代咗香港啦！解放軍使戒急用忍，一路保持「未出」嘅狀態？谷住谷住咁辛苦？
當我可以安坐家中，打呢篇純粹個人感想出嚟，同大家分享嘅時候，我諗起 史兄 因為幾個月來嘅支援工作，而寫少咗好撚多字。嗰下我係慚愧嘅。畢竟對於前線抗爭者，我所付出嘅真係少之又少。喺網上面寫幾隻字，好聽就叫文宣，唔好聽咪又係飛機文。
唯一希望嘅係，我作為一個香港人，同大家同吸一口氣，將大家嘅愁諸、鬱結一齊呼返出嚟。如果文字能夠給予大家慰藉或更多動力，咁我寫到半夜三更，都真係小小意思，不成敬意。
【第一屆香港天星音樂節】
天星音樂大使 陳奐仁 @hanjintan .
第一屆香港天星音樂節，正式開鑼！
由即日起，每個月1號至31號嚟天星碼頭文化大媽區，每日超過150個自由行為藝術演出單位請你聽音樂放題！首輪超強音樂陣容包括：強國開心舞天團「熟女時代」、當紅迷幻搖滾天師Lady Dama、噪音班霸Red Hot Chili Mothers，仲有喺旺角載譽歸來嘅重金屬口味樂隊DLGH！
今次天星音樂節仲搵嚟亞洲音樂鬼才陳奐仁領銜，做你嘅音樂嚮導，帶你欣賞亞洲最大規模嘅小喇叭陣演出，一齊求開心High爆尖沙咀！咁盛大嘅音樂盛會，你又點可以錯過？
.
日期：2018年8月起，每日
時間：每晚6點後
地點：尖沙咀天星碼頭文化大媽區
.
更多演出時間表同完整音樂陣容名單，親臨尖沙咀，就有得睇啦！
.
#緊貼100毛專頁 #更多封面專題內容隨機隨緣隨時放送
======================== Photography：Deric Wong Photography
Make Up：Christopher @ Make up GU
========================
【毛記電視 本週節目推介📺】
星期一《愛護同事協會》：
6/8－英文Email急症室（https://bit.ly/2Of31du）
星期二《今日問真啲》：
7/8－美白女戰士（https://goo.gl/mTj9Nv）
星期三《星期三港案》：
8/8－執屋行頭 整理頭家（https://goo.gl/Qsg1cK）
星期四《國家級任務》：
9/8－ 放下屠刀蠟像成佛（https://goo.gl/HbG9ge）
星期五《100毛》封面專題：
3/8－子華迷血淚史 （https://bit.ly/2Mhn4Hy）
=========================
【毛記電視】www.tvmost.com.hk
Instagram：@100mosthk／@TV_Most
Facebook：100毛／毛記電視
YouTube：毛記電視🆕
App：毛記電視⬇
天星 小輪～ 日星DAY STAR ... 疫情下的香港22年8月Star Ferry 天星 小輪尖沙咀 碼頭 中環維港上不變的經典Discover Hong Kong $3.2 時間表 狗仔灣仔免費 ... ... <看更多>
天星碼頭時間表 在 創業軒SEPD - Publications | Facebook 的推薦與評價
25/3 天星創業市集(逢星期六天星7號碼頭)，各參與單位之時間表已安排好，歡迎大家前來支持由殘疾人士製作之產品. Peut être une image de calendrier et texte qui dit '1 ... ... <看更多>