期待左好耐….小小豬終於有機會嚟體驗「海洋公園水上樂園」大玩特玩。依位小朋友就緊係興奮,除左有得玩水之外,仲有兩位至愛嘅姨姨陪佢玩,咁仲唔超級盡慶。
好啦…講下我地玩左咩先,我地入到場第一時間就去左室內二樓嘅「漂流探秘」,其實就係坐水泡玩漂流,佢水泡嘅款式都有單人/雙人/幼兒雙人選擇,係落水位置就可以自由選擇。基本上穿上水泡係度漂漂下都幾Relax,間中又有啲射水設施,所以都有啲刺激,小小豬都連漂三轉先肯上水。
之後我地去戶外嘅「激流旅程」,大小朋友都著住救生衣係激流入面漂流,水流唔算急,但水力都幾大,要企定定都唔係咁易,都幾刺激嘅。不過我覺得瞓係水上面睇風景個感覺真係好正。
繼續去戶外嘅「涌浪灣」玩,小朋友著住救生衣係度玩人造浪,不過啲浪會係指定時間先有。依度啲浪就唔算大,所以嚟輕輕鬆鬆浸下身都唔錯。
嚟到必玩17m高嘅「八彩天梯」,只要夠膽同身高1.1m就可以玩,小小豬係表姨嘅鼓勵下終於肯去,而我呢……老啦…年紀大,都係企定定等影佢地好啦…哈哈!小小豬話頭向前腳在後然係瞓係水墊上SIR落去,初時都冇乜嘢,只係由水管SIR出嚟嗰下有好大嘅離心力係有啲驚,不過都係好好玩,好刺激嘅。
之後我地就去二樓嘅餐廳食午餐,以主題樂園嚟講佢嘅價錢都唔算貴,大約$65-$90左右,而且食物質素都OK可接受,唯一就係可能遊人都比較多,所以等取餐都就耐左少少。
食飽飽就繼續去室內三樓玩「天海灣」,同戶外嘅涌浪灣一樣都係人造浪池,不過依個就大好多,同埋啲浪勁好多,所以小小豬係度都玩左好耐。
最後就去隔離嘅「威威水地帶」,初時小小豬話佢大個仔唔玩BB嘢,只係行去望下,點知最後又係玩到唔願走,佢來來回回玩嗰兩條三層高嘅長滑梯,一聽到叮叮聲就衝落去個大水桶等淋水,總之就全程上上落落,睇見佢都覺得攰…哈哈!
其實仲有最刺激嗰幾個遊戲一係唔夠膽,一係超多人排隊,所以冇玩到,但整體上係好玩嘅,唔好話小小豬,我都玩完都嚴重冇電。由於今次係體驗半日場,所以小小豬話佢完全唔夠喉,未離開就已經問我幾時再去,仲叫我趁佢12歲前仲係小童價入嚟玩多幾次,最好就係買年票等佢可以隨時有得玩哦(但…..好似係冇出年票….哈哈)
等我嚟個小分享先💕💕
✨記得要預先網上預約Shuttle Bus,係海洋公園門口上車,每隔10-15分鐘一班,車程大約8-10分鐘就到。渣車人仕都要預約停車場泊位,不過樂園初期停車場好似唔開,有需要可以留意官網。
✨最好提早預約LOCKER,尤其係四人家庭,因為特大儲物櫃唔多,而我BOOK嘅個家庭款最多可放2個背包,所以要用啲方法先可以塞晒四人物品入去。
✨儲物櫃區位置就唔分男女,拎齊嘢就可以去更衣室換衫,當中有八間家庭更衣室,入面有齊洗手間同淋浴間,而且房間都幾大,都好方便嘅。
✨建議大小朋友都可以著水陸兩用鞋/扣到腳後嘅涼鞋 (唉…我有訂左兩用鞋不過送唔切落嚟,所以今次用唔到),因為除咗 Free Fall嗰三條梯唔准着之外,其他設施都可以著住玩。如果著人字拖就要係大部份滑梯型設施都要除低,穿响對手度玩啦。
✨泳衣泳褲外面可以加TEE或防曬衣但不能有鍋釘、拉鍊或金屬扣等。不過要留意玩Free Fall就只能穿貼身泳衣同泳褲。
✨口罩除左係玩水時唔洗戴之外,任何時間都要戴住,所以建議要帶定多幾個替換或用可重複使用嘅布口罩或運動口罩。
✨大部分滑梯及設施都可以用小型防水袋放電話,咁就可以影到靚相。如果有需要用GoPro拍片就要用手腕帶扣好,唔可以使用手柄或自拍棍。
想了解更多詳情及訂票,可瀏覽官方網站 ~> https://waterworld.oceanpark.com.hk/
Special Thanks
香港海洋公園 Ocean Park Hong Kong
#WaterWorldOPHK #SplashintoAdventure #LetsGetSplashed #海洋公園水上樂園 #探索自然激浪無限 #激浪無限瞓身玩
天海灣 海洋公園 在 美豬媽與布甸仔の日常 Facebook 的最佳解答
//#長文// 海洋公園水上樂園全攻略 (上)
我捉到夏天條尾喇!
去咗 @waterworldoceanparkhk 玩咗日
真係好多野玩!
大人細路都玩到唔願走,玩到人哋閉園! #sohappy◽️
大約預閒閒地玩6個鐘都差唔多,仲要換衫沖涼
⭐高度限制設施⭐
衝浪先鋒⭐⭐⭐ 每次只可有一個人玩,都幾考技巧
雙子梯⭐⭐⭐入園熱身之選
八彩天梯⭐⭐⭐⭐⭐📷競賽式滑梯,一班朋友一齊玩最開心
急流漩渦 ⭐⭐⭐⭐⭐有速度有離心力刺激好玩
其他神秘迷沖、沖天瀑布、極速迴環、深谷飛瀑📷、勇者之巔
都因為要湊仔而未有時間去試玩
下次入場一定要試!
最想試深谷飛瀑!2秒達陣係咩感覺!😂😂
⭐合家歡設施⭐
威威水地帶⭐⭐⭐⭐⭐超好玩嘅互動嬉水區,有不同刺激度嘅滑梯,又有幼兒嬉水池,3歲到10歲都適合玩
急流旅程⭐⭐⭐⭐📷一邊飄一邊欣賞日落無邊海景
天海灣/湧浪灣⭐⭐⭐⭐📷室內室外造浪池,曬太陽又得,玩浪又得
飄流探秘⭐⭐⭐⭐⭐室內飄流河,在水泡上享受懶洋洋的感覺,當然你喜歡游水都得😂
咁多遊樂設施,真係6個鐘都唔知夠唔夠玩!
老老實實,如果小朋友矮過110cm,刺激啲嘅設施都玩唔到
咁入到去,冇理由乜嘢刺激設施都唔玩
我建議幾個方法:
1️⃣兩公婆輪流玩,但係都係玩到啲單人設施,而且都小小無癮
2️⃣帶埋姐姐入去,叫姐姐睇住佢,但玩水始終有風險,自己考慮個姐姐信唔信得過
3️⃣同多幾個家庭一齊入去,可能3個家庭以上,一對父母睇三個小朋友,都勉強可以應付,如果啲小朋友聽話!咁起碼有啲多人嘅設施都玩到,同朋友一齊玩始終個人啲
4️⃣直頭唔好帶小朋友去😂😂😂😂
不過假日我始終都係想親子下,大家覺得呢?
天海灣 海洋公園 在 Mini Bubble Corner Facebook 的最佳解答
#水上樂園9月21日開幕啦
#唔識游水都覺得勁好玩
我要收返前幾日話唔多功課既說法🤭,小學一星期已經忙到甩碌💥,不過學習有時,玩樂有時,週末更加要玩到盡🤩!抓緊夏天的尾巴☀️,壓軸出場有 #海洋公園 全新景區 #水上樂園,21/9就正式開幕啦🥳🥳🥳
5️⃣大主題體驗區,有刺激冒險區,有合家歡玩樂區,有大量打卡位📸,配套基本上都幾齊備,絕對可以玩足一日。成日覺得水上樂園屬於後生仔女only, 今次親身體驗,大部分遊戲夠110cm就玩到,只要小朋友夠膽色就可以玩架啦😎
👨👩👧👦合家歡玩樂
#旋風雙子梯/ #急轉雙子梯
坐雙人大水泡喺蛇形滑水道急速滑下,涼快又有速度感, 一啲都唔驚架,QB一開始就玩左4次啦!
#威威水地帶
有適合不同年紀小朋友的玩水設施。幾條不同高度和長度的滑水梯,玩到幾高難度就考下小朋友膽量啦!仲有大水桶🪣按時傾瀉,喺下面照頭淋都好過癮,喺度無乜可能唔百分百濕身架💦
#漂流探秘
坐住大水泡隨水飄浮,絕對係休閑合家歡之選👨👩👧,仲可以優雅地影靚相添💛。
#湧浪灣/ #天海灣
室外和室內人造浪泳池🌊,岩晒一家大細玩水暢泳,亦係影靚相景點之一。
💥挑戰膽量刺激之旅
#八彩天梯🌈
打卡必到,8條七彩滑水梯係水上樂園Signature, 尖叫聲此起彼落夠刺激。
#急流漩渦
最多4人一組坐大水泡穿越「巨型漏斗」夜晚玩入左漏斗睇唔到前面仲增加神秘感。其實都唔算太驚,有人陪一齊嗌絕對可狀膽🤣
#深谷飛瀑
近乎垂直的滑水梯已經挑戰膽量極限😵,企喺透明底等跌落去嗰下個心應該會跳左出來🥶,想突破自己就要試試!
其他好多遊戲,不過帶住小朋友都係嬉水為主💦,太刺激姐我年紀大了都受不了😵(狀態已無復當年去旅行一個人跑去玩跳樓機了😵💫)玩下水一樣開心,水上樂園臨海而建🏝,風景優美又有Resort feel, 十足旅行渡假感,真係可以好盡興咁玩返一日🥳
🚌交通:有Shuttle bus 往返海洋公園<—>水上樂園/ 亦有巴士來回黃竹坑站/ 如自駕要提早預約。
👙衣著:貼身泳衣以外亦可穿輕便外衣、短褲落水(除某些設施外)包腳/搭帶拖鞋玩遊戲可直接穿著,人字拖要勾喺手上先玩得。
😷防疫:落水可除口罩,其他時間都要帶住,所以建議帶備布口罩以防濕水易爛。
🎒個人物品:有日租Locker,但容量並不大,所以隨身物品應以輕便為主。
🍽飲食:餐廳有中西食品選擇,一個餐連飲品大約$100左右,味道份量不過不失,價錢都可接受。亦有零食/ 汽水機,定價合理,當然亦可自備乾糧飲品入場。
⭐️強烈建議大家去到趁個樣仲靚仔靚女就去八彩天梯/湧浪灣/天海灣影靚相先📸,之後可以全程訓身玩,刺激既遊戲設施如滑水梯都唔可以影相/拍片,仲有記得要帶防水袋呀。
詳情及訂票:
https://waterworld.oceanpark.com.hk/
香港海洋公園 Ocean Park Hong Kong
#WaterWorldOPHK
#SplashintoAdventure
#365DaysAllWeather
#海洋公園水上樂園
#探索自然激浪無限
#全年365日全天候開放