今次試下新剪接😉《工商舖撤銷辣招 - 首置自用做生意優先，提供按揭保險高達九成》
錄影日期: 2020年4月21日下午3時中環蘭桂坊
多謝 Otto Chan (#日之苑)，張以郎 (#阿九根和牛拉麵屋)，Annie Kwok (#空姐牛肉飯)，Aries Lee (#好好生活百貨)，Michael So (Soohealthy.org 親子平台)，樂師傅 (#S2_Kitchen) 賞面支持。
我建議政府係時間工商舖撤消辣招， 住宅唔應該撤住，因為仲好貴。 但工商舖? 失業率九年新高，睇睇依家週街吉舖，我相信香港有史以來未見過咁多吉鋪。 依家係吉舖多到影響民生，同2012/13年辣招面世嘅時候是兩個世界。
香港有約10萬間街舖，平均每間約二三千萬。 一般人買間稍為睇得上眼，用得落嘅舖， 就好似我後面呢間皇后大道西270號地下6號舖咁，我租客 Otto 全港有4間分店， 後生仔創業幾年，瞓身落去博，算做成績唔錯。 佢一直都好想買舖自用。 我都畀佢意見唔少。
我呢間舖放盤，我都有通知佢。最後呢間舖沽咗2800萬比第三者。Otto點解唔買?
銀行由於金管局嘅種種監管，利息/收入等壓力測試，今時今日只係能夠借到約兩成。 釐印費及經紀佣金再加約一成手續費， 即係買間2800萬嘅舖，Otto 就要拎得出2500萬現金，先能夠成交。Come on .... 奈何做生意資金都要週轉，霎時間幾千萬邊個拎得起。
因此係舖頭做開生意的人， 無論點成功，想趁現在低位買舖都真係買唔起，交下交下，好容易變成一世交租。 社會更加分化。 而家經濟差，失業率將會大幅飆升，政府應該支持中小企買工商舖自用。 有自己物業，做乜生意都比心機及長遠都穩陣好多。
我建議撤工商舖辣招三部曲:
(1) 如果買家是買工商舖首置(非住宅)及自用做生意(非出租)的話，先撤消辣招。
其實政府好容易check 只要業主個名同商業登記上個名係一致的話， 就豁免額外印花稅。 甚至乎好似首置買樓一樣， 按揭保險可以高達九成，就當工商舖價上限3000萬。 咁樣計一計， 原本要拎2500萬出嚟買間單2800萬嘅舖，依家只需要拎420萬出嚟就得啦。
初步行通之後，(2) 再撤工商舖非首置嘅辣招。即係可以買多幾間用嚟自用做生意。Let's say 上限三間。
最後，(3) 先至全面性工商舖撤辣招。包括投資者(like me) 都受惠。
行以上三部曲，就可以make sure 真係買工商舖首置自用嘅競爭上比其他投資者有個優勢。 因為佢哋係真正係香港推動經濟，創造就業嗰班人。 如果一下子就全面工商舖撤辣招，遇上一間平嘅舖，佢哋永遠唔夠我呢啲咁嘅投資者搶。
翠華喺中環有兩間分店， 喺威靈頓街，租業主協成行嘅，即使租咗22年，話執就執，約90個員工失業。 喺德輔道中84號，中央街市側邊嗰間? 自置嘅，有成8000呎，肯定永遠喺度 。2001年翠華用5758萬買入， 依家仲放緊盤4億。
依家你見到執笠嘅全部都係租用嘅舖，你肯定唔會聽到中環鏞記、 蘭芳園、九記牛腩，跑馬地 Amigo，或者太平館嗰四間分店等執笠。 即使尖沙咀鹿鳴春早排傳出嚟執笠，都係流料。因為以上提及嘅全部都係自置物業。
做生意嘅擁有自己地盤， 就能進可攻，退可守。香港肯定更加穩定繁榮，國泰民安。 失業率都肯定大減。香港政府，畀條路做生意嘅行下啦。
#工商舖撤消辣招_首置自用優先
太平館中環 在 中環太平館餐廳吃午飯Lunch at Tai Ping Koon ... - YouTube 的推薦與評價
一家人去 中環太平館 餐廳吃午飯，好美味！ 中環 士丹利街60号地下Address :60 Stanley Street, Central, Hong KongTelephone ... ... <看更多>