你細個真係好可愛架 肥頭得意 好靚仔!!
錫你100啖面珠燈都唔夠😍😍😍
由開始幫你換尿片⋯⋯去到大個仔
但係點解你大個咗拉到咁高大⋯⋯超級瘦🤔🥺
你家姐我行大佬路線
你就永遠back up我 係我後邊跟住我行
細粒B
好似我條靚😂家姐叫你做乜你就做乜
好”林善” 家姐又逼你玩家庭 d女仔野
我做媽媽你做爸爸 你永遠都陪住我玩
點解有咁好嘅男人㗎⋯⋯
2姊弟 性格真係好不同
你真係一個典型嘅藝術家性格
我好嘈 你好靜
等家姐向你好好學習 忍耐力無限
相信你係天國都應該吸引好多人同你做朋友
等我哋見面嘅時候 互相分享更多趣事啦!
#向2020說byebye
#苦難中看到智慧
#幸好我有信仰否則我捱不到
#生離死別是人生一大課題
#神永遠都在BackUp我哋
#Amen
女仔 叫你 大佬 在 倫敦人妻先生手記 Facebook 的最佳貼文
當年你搞BNO搞到一鑊粥,陶傑都忍唔住出手鬧你做蠢老鼠,我念在你好心做柒事,我忍了;咁多年黎你追住健吾姐姐同埋我黎咬,我覺得你還真的未夠班向我們叫陣,我都忍了;但今次你賣口罩,收左啲客錢但又唔出口罩,啲客pm你就叫人用email,客人email你就唔覆,人地嬲起上黎同你嘈,你就屈人係國安係五毛,再擺客人姓名住址電話上網公審,這種生意手法根本癡線。而剛好苦主入面就有我嘅讀者,我告訴你,搞我讀者我就唔會忍,這事我攬下了,也會跟你扛到底。
尋晚個post一出,已經有好幾個苦主搵我講你嘅事,有一個讀緊大學,錢已經唔多,幾百蚊係做好多個鐘補習先賺到返黎,咁樣俾你扣住幾百蚊,又唔退錢又唔出貨,佢又要自己再拎錢再買過口罩,你知唔知咁樣拖貨真係會令人有財政壓力?另外仲有一個女仔,佢真係好好人,佢明明自己係苦主,俾你水左幾百蚊,但就不停咁幫你諗借口,話可能你真係好忙、唔想迫得你太緊,結果佢整整半年都冇追過你一次,你對唔對得住佢對你嘅信任?仲有嗰個俾完錢你,好聲好氣請契哥咁叫你出貨,到最後叫你退款,你仲反轉豬肚公開佢人名地址電話,你到底係唔係人?
我成日都覺得佢啲被害妄想症好好笑,有啲乜野唔順意就賴落國安度,世界有啲人係唔死都冇用(例如我呢啲死左先瘋狂還陽嘅屍變界KOL),但有啲人係死左都冇用,成日幻想國安跟縱你同埋搞你,你憑咩覺得自己有被攻擊嘅價值?大佬,呢個年代人人都要交KPI,你諗下國安交report,A君跟蹤Gphone、B君跟蹤戴耀庭,C君跟蹤黃世澤?!Hello?!成個政界咁多大魚唔釣,有星班唔釣釣泥猛係咩玩法?我係國安嘅話我都唔知點同我上級解釋要派人跟蹤一個無政治能量嘅人,你諗下連買賣口罩咁簡單,大部份代購商人都做到嘅事,都可以做一鑊粥嘅人,成事不足敗事有餘,由你去帶頭搞政治仲唔死得人多咩?有你呢啲社運人士掌舵,我真係恭喜你啊!我係北京仲唔拿拿臨好似簽洪欣咁捧紅你咩?
好啦,退一萬步,真係國安搞你,我想問下國安點搞你呢?你自己都識講我地係「喺上周六國安事件後出手」嘅「政界MK與水泥隊」,咁你班客由一月買左貨到七月底呢半年期間,人地叫你出貨、退款、查詢時,你做緊啲咩?用念力遙距發功搞緊689?有時間日日拍片寫文但無時間回自己個客啲查詢、冇時間出貨同退款係咩玩法?係咪國安喺呢半年黎派左大軍過黎,佢用特異功能令你有幻覺,然後日日你在家裡拎住條絲巾「焚心以火~讓我燒了我~(識唱一齊唱)」咁跑黎跑去,令到你處理唔到自己啲客戶?
最後,容我再講多次:我唔係國安亦唔係水泥隊,我只係一個風度翩翩的收數佬。而我的詞鋒銳利,只因我這把刀專砍畜牲,就像《國產零零漆》那樣。同我上網鬧交?此等墨魚嘴長不出象牙的水平,世侄,你還早了幾年,返去退晒款再練多幾年先黎過啦。
最後的最後,如果各位懷疑自己受騙,請以法律途徑維護權益,報警連結如下:
https://service.polizei.nrw.de/anzeige
#網上傳說希特拉都cut唔到有線
#唔知希特拉叫唔叫到世侄refund呢
#大家都住德國都係同鄉
#回水應該會爽手啲
#傻啦點知有人唔熟唔食
#真係各位打算移民黎英國的朋友
#唔好見到大家係香港人就信對方
#你當人四海之內皆兄弟
#人地四海之內皆契弟
#好似依家refund慘過求契哥咁
女仔 叫你 大佬 在 君子馬蘭頭 - Ivan Li 李聲揚 Facebook 的最佳解答
[人生有幾多個十年]唔係金融文唔係時事,全無公共性,勉強有少少人生分享。
1. TLDR:廿歲至三十歲呢十年,好重要,唔該畀心機讀好書打份你份工。你最好嘅投資就係投落自己度,睇少啲股票。不過睇埃汾文就有益。
2. 導火線係件極無聊嘅事,就係我中學老師,上咗Telegram.真係冇乜咁特別,七十歲(差唔多啦?)老人家用Telegram冇乜特別,我都快四十二了。只係Telegram會話我知,我就借機打開話題。然後諗起,自己個username 同顯示名都唔係真名,所以應該自己報上名來。「拿呢啲基本嘢而家啲新一代就唔理了」
3. 呢個老師,多次在我啲文中出現。係咪影響最深?算係。不過係咪好深?又好似唔係。其實中學嘅老師唔係影響我好多,我等學霸都係自動波。但真係最深,應算係佢。
4. 對上一次見老師,2015年,不經不覺又五年。單獨食飯。大約有啲樽頸嘢諗唔通吧?想聽下老人家大智慧。而家諗返都係小事,之前之後都有whatsapp聯絡下咁,但就真係幾年先見一次。
5. 而提到嘅「永不言悔」,2012年。校友會定舊生會甚麼,搞咗壇星級講課,叫咗佢返去學校(*)分享下。我甚至都冇準時返到去(星期六我訓到好晏),但至少都係返咗去。1-10分嘅誠意,你自己評。
6. 倒係呢個「永不言悔」有趣,佢親手寫(唔係點寫?),我同老師一齊合照咗,但當然唔貼佢個樣出嚟。我會轉profile pic畀大家欣賞
7. 篇文唔係寫佢,唔係寫我學校,都係寫返自己。咁啱埃汾又就快生日(忠實讀者應該知我邊日生日),四十二歲了。又唔係四十齊頭,冇乜感覺。反而四十齊頭寫過篇文,大家可以睇(https://bit.ly/3cNBH1T)。呢篇可以當係延續。
8. 到底係咪「永不言悔」或「今生無悔」?兩睇。活得快唔快樂?都算快。甚至有唔少朋友覺得,我聽日死咗佢呢,都係死而無憾嘅(主要因為我年少風流)。雖然仲有好多地方我未去,仲有好多書未睇,仲有好多戲未睇,仲有好多文未寫。
9. 咁多年有冇後悔?都好似冇乜。唔係講後悔3蚊冇買騰訊嗰種後悔,講realistic嘅,好似冇乜。固然雷曼爆煲前買咗好多股票仲借埋錢然後輸到趴街,with hindsight可以後悔,但嗰刻根本冇掙扎過。你明的,有啲人係真係有啲嘢,你一路後悔。我好似冇,冇乜嘢我好想返去過去改變。
10. 例如我2014年畀人炒魷,2018年裸辭。咁係咪可以做好啲?好似係,但其實都應該避免唔到,有其必然,冇乜好後悔。
11. 那些年,2012年5月,我同埃汾太(**)去台灣,平溪放天燈。當時甚至都未結婚(但定咗10月結),亦冇諗過最後會搞移民。講返個天燈,咁梗係要寫嘢,除咗「相親相愛」「勞蘇快高長大」(大家知邊個勞蘇呀可?)。仲有一邊係寫「四十退休」(***)
12. 天地良心,「四十退休」,以當年嘅trajectory,應該係可以達成的。但當然後來事與夢遺,畀人炒過,又自己起過身。搞移民用咗啲錢唔致命,但嗰時被迫要低位賣股票就攞命。人工浮浮沉沉。計悲食就卒之高過當年(2012啦大佬,太古城貴咗幾多芝士漢堡貴咗幾多?),但計全年收入甚至都及唔上當年。噢。
13. 結果就四十都未退休,四十二都未退。雖然,理論上,呢刻,慳慳地,搬過台灣,都應該夠洗掛?咁算唔算財務自由或可以退休?任你講。但反正而家工作又幾順利,不急要去做啲乜。第時就靠你地訂收費專欄。
14. 想講係,我估,下一個十年,五十時,怕且退咗休掛?或者已經同而家幾唔同?可能已經唔在香港?真係唔知。
15. 然後再想講,回望返,四十歲同三十歲,分別真係冇乜。至少我係。我估關鍵係我冇生小朋友,如果三十至四十之間有生嘅,當然分別大。我呢?冇喎。所以,雖然三十歲時我冇樓又未結婚,而家結咗婚又買咗樓,但生活真係冇乜大改變。
16. 讀書時我甚至話,人生三大智慧,唔結婚唔買樓唔生仔。結果我四十歲前三樣做咗兩樣,可見都係never say never,人會變。但大家睇到,呢三樣嘢嘅共通點:係長期commitment,會綁住自己。結果我都揀咗兩樣。但最後生活都冇乜大影響。亦可能證明,三樣中我揀呢兩樣,係啱嘅。如果生咗個B,而家生活又好唔同了。但我估,對唔少人嚟講,四十同三十,分別都冇三十同二十咁大!
17. 然後再諗下,三十同二十,真係兩個世界。二十歲,好大機會讀緊書,我都係,其他人都可能係。而三十歲,應該做咗嘢幾年,甚至已經有啲方向。甚至有人三十(女仔較多)已結埋婚生埋仔。所以二十至三十呢十年,真係最大改變。
18. 甚至乎,可能有人二十歲都未拍拖(女仔少啲吧),但去到三十都未拍拖嘅,都相當少見。埃汾就幸福啲,二十歲已經拍過幾次拖(靚仔嘛,吹咩?)。然後又諗起,哈哈,剛好二十歲前已經唔係處男,十九歲半。舊文有寫(https://bit.ly/2MEczzW),失身記,真係失身記,1998年2月14日嘛,未夠二十。咁而又相信,應該有唔少男仔,二十歲前都未有性經驗(其實有冇可靠嘅統計?我十分好奇)。女仔?應該少啲吧。我地嗰時話,香港地搵處女?應該要去playgroup。
19. 再再諗下,唔好講十歲同零歲比咁神經啦。二十歲同十歲呢?分別都好大。二十歲應該讀大學,好大機會拍咗拖,有相當大機會有埋性經驗(很重要的),亦有幾大機會係quasi-自己照顧自己—照拎屋企錢係另一回事。想講嘅係,二十歲應該好有自主。十歲完全冇。但,到底三十同二十分別大,定二十同十歲分別大呢?
20. 我有啲懷疑,都係三十同二十分別最大。而無論邊個十年分別大都好,十歲至二十嗰十年,講真,你都多數不由自主,有得賴。但去到二十至三十嗰十年,應該就真係你自己的。衰咗唔好賴人,你嘅人生就係你一連串決定同選擇嘅後果。至少廿歲後應該係。
21. 稍後會寫文同大家分享「投資金句」。人地寫,我譯兼點評。但其中一句係:Saving is more important than investing,仲要係唔多儲錢嘅美國人寫。我覺得係至理名言。都唔止係叫你食少啲牛油果多士去少幾次日本唔好飲咁多星巴克。而係我覺得,二十至三十歲呢十年,真係好重要。
22. 固然你入咗間廢柴大學,或者入唔到大學,就已經輸咗一大截(https://bit.ly/2UlABDX)(邊個話你知唔係?)。但,二十至三十呢十年,我覺得仲係有得追的。
23. 咁寫好似有啲倒自己米,但fuck that。講真,儲錢當然緊要,早開始投資當然都緊要,坊間好多書有寫,我有機會重覆下。但我認為,你搵份好工,向上爬,升職加薪都係好緊要。
24. 有時覺得,年青人,真係唔好花極多時間去學投資呀乜鬼。因為對你自己嚟講,最好嘅投資,就放落自己度。好簡單嘅數學,我當你初出嚟做嘢,拎兩皮人工上下,儲得到幾多錢?你個本咁細,我當你有幾倍回報,金額都係把托的。當然唔係冇用,但更重要係,應該去玩呢個升職加人工遊戲。
25. 條數好易計。你仲係低人工時,你幾年加幾倍人工,仲係有一定可能生。但當你去到埃汾呢啲年紀,幾年加幾倍?唔係唔得,但就好難了。所以根本你幾年去碌大你個人工,易過你揀隻升幾倍嘅股票。
26. 而最重要始終係,到你份人工碌到大,你就可以唔使再搵啲升幾倍嘅嘢,可以play safe.形象化啲講句,到你份人工碌到大時,你可以拎嚟投資嘅錢,仲多過你當年成份糧。所以高收入人士可以玩低風險低回報,年年碌下盈富基金買下SPDR QQQ算,肯定訓得好過你去炒輪。
27. 搵機會講下實例。但總之,儲錢梗係緊要。但冇錢點儲?所以有錢都係好緊要。但冇錢又點變有錢?所以,都係考間好嘅大學(一早叫咗你考好DSE架啦,你聽啲柒頭講話公開試唔緊要,就你問題)。唔掂嘅,之後再追。掂嘅,唔好放鬆。
28. 二十歳至三十歲嗰十年,真係好有決定性。就唔該遠離啲損友,睇少啲垃圾文。記得支持下埃汾。
29. 你話,升職加薪,話咁易咩?的確唔係咁易,所以記住睇多啲埃汾啲文。不過,至少今日教你一樣嘢:你唔使好叻,你叻過你啲廢柴同事咪得。佢地個個都覺得難,你只需要畀佢叻少少,勤力少少,已經得。「其實唔難」
(*)留意,我唔鍾意用「母校」「恩師」之類濫情嘅詞語,show, don’t tell.唔使話畀人知你有幾鍾意,用側寫,對白,事例,呢啲係文學101了,雖然我唔係寫文學。至於我在邊讀書呢啲亦冇乜好秘密,冇乜好打格。
(**)女人記呢啲真係好啲。我問返埃汾太,佢即時就答到我係邊年邊月。我就只記得係曼城戲劇性首奪英超嗰屆,但我甚至都唔記得邊年。咁但至少我記得5月
(***)最後一邊寫乜?我諗嚟諗去都諗唔到。睇舊相先搵到,係「六合常中」!
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
女仔 叫你 大佬 在 我無做大佬好耐喇 - YouTube 的推薦與評價
![影片讀取中](/images/youtube.png)
張國榮與毛舜筠最後相見不斷手震|聽哥哥一番話不知是遺願出事後感虧欠哭至失聲|Mo姐為令對手投入曾殷勤挑起感情與劉青雲合作最難抽離|最佳女主角黎芷珊. ... <看更多>
女仔 叫你 大佬 在 《晚吹- 戀講嘢》江湖大佬的女人!叫聲大嫂先! - ViuTV 的推薦與評價
電視成日睇身為江湖 大佬 嘅女人都特別幸福,特別多人關照! 咁有面子,仲有成班兄弟 叫你 「大嫂」! 究竟事實係咪咁樣? 《晚吹- 戀講嘢》WhatsApp 熱線 ... ... <看更多>