[#新手爸媽二三事] 懷孕可唔可以飲茶 / 凍飲 / 汽水 etc？
近呢半年, 身邊出現多咗好多小生命小天使, 亦陸續收到有好多朋友懷孕喜訊.
疫情前, 我耐唔耐都會講啲產前講座, 分享吓懷孕期同哺乳期有咩營養需要注意.
依家疫情下, 實體產前講座少之又少, 準媽媽們好多都係上網睇資料, 或同其他準媽媽交換心得, 但始終有啲似是而非嘅疑問都唔知問邊個好.
所以如果準媽媽們有咩關於懷孕同哺乳期嘅營養疑問, 不妨PM我, 如果多人問的我會再公開分享, 話晒我都係生過兩胎, 有三隻馬騮嘅媽媽牌營養師.
今次就分享一啲好多準媽媽都會問嘅問題, 究竟以下呢啲呢啲飲唔飲得?
Q1.
問: 飲茶得唔得?
答: 綠茶 (包括日本綠茶, 茉莉香片), 玄米茶, 果茶都可以, 因為未經發酵, 幾乎不含咖啡因.
但經發酵, 含咖啡因的茶, 包括中式茶, 紅茶, 奶茶和咖啡都應儘量減少.
咖啡因會經透過胎盤, 進入胎兒血液中. 長期攝取咖啡因, 有機會影響胎兒成長.
Q2.
問: 凍飲得唔得?
答: 長輩成日都話凍飲好 “涼”, 其實營養學角度又無分咩涼唔涼嘅, 不過如果出外用膳, 最怕啲冰唔乾淨. 我自己喺屋企偶爾都會飲凍飲, 但出街吃飯大部份時間都點熱飲, 就係怕啲冰唔乾淨.
Q3.
問: 汽水飲唔飲得?
答: 汽水一向都唔會係健康飲料, 所以唔會係一個值得推介嘅飲料. 但沒有最邪惡, 只有更邪惡, 懷孕期間不建議飲用含咖啡因或代糖的汽水, 包括可樂, 能量飲料, 無糖汽水 (因為用了代糖).
如果真係好想好想飲, 寧願揀番正常有糖的汽水. 我自己就係有汽梳打水嘅粉絲, 無糖, 但滿足到有汽嘅感覺.
只想告訴大家, 縱使疫情下, 懷孕路上, 你並不孤單.
#好好享受孕期 #其實唔駛過份擔心
#孕期營養
#營養師 #Nutritionist #AnnieLee
好好享受孕期 在 Gracetw 陳泱瑾- 不知不覺的從得知懷孕到現在， 時間過的飛快 ... 的推薦與評價
孕期 終於安全到達37週了， ... 如果狀況許可了話，一生中一定要體驗過一次孕育孩子的過程，好好享受這特別的10個月，因為真的很美好，這種喜悅感真是 ... ... <看更多>