去到最後終於黎到要講幫我produce既中E師葉耀坤 @yipyiukwan
我同佢由中一識到依加, 大大話話都十九幾年
我都唔知點定義叫開始玩音樂, 粗略估
佢由夾band到玩電子音樂自己出EP
我就唱歌組合簽約到單飛出single
雖然大家都係行音樂呢條路, 但方向就都幾唔一樣
由於我地其實都讀男校, 又唔係特別擅於交際, 所以既呢條音樂既路上面, 初期並無認識到好多一齊玩同一樣野既朋友
好多時都係我地兩個係band房, studio吹水講下音樂
佢成日都會講好多好有趣好inspiring既音樂知識我聽,
令我聽多左好多唔同音樂
令我開始對創作有興趣
佢亦係我尋找自己同人生意義既過程入面扮演住一個重要既角色
有段時間我覺得有機會因為佢我會搵唔到女朋友😂
因為好難搵到另一半可以有咁深度既交流
#好彩最後都搵到a_a
到左2020年, 我地終於可以正式咁合作發表一首作品dom出呢個世界, 而反應都好好
我從來唔覺得我係特別叻既人, 首歌有咁既回響好大程度係環境造就
造就我成為咁樣既人
造就我認識到身邊既朋友
造就我得到咁樣既經歷
亦造就呢首歌既出現
我就係世界, 世界就係我
佢覺得大家一齊討論音樂, 互相inspire既果個地方就好似一個桃花源
但呢個唔淨止係一個地方, 當首歌出左黎, 大家有共嗚既果一下其實係互相connect左, 我都好想connect更加多人, 互相交流分享了解大家既信念
咁我地就係桃花源入面既桃花猿🐒
@toufaayuenmusic
就好似香港人既身份唔係因為我地生係呢個地方,
而係我地所擁抱既文化同價值觀係一樣,
就算一個外地黎既人, 只要佢擁抱香港呢個文化,
都會係香港人
就算冇左呢個地方, 只要堅持呢個信念, 去到邊都可以做香港人
到左今日, 我叫有少少影響力, 我自然好希望回饋番身邊幫過我既人
我只係一個載體去呈現唔同人既努力再作品, 佢地某程度上比我更值得你地既支持
所以可以聽埋睇埋佢地既其他作品, follow 埋 show support俾佢地!!!
大家一齊做桃花猿 @toufaayuenmusic
#桃花猿
#willseeyousoon
#willnotseeyousoon
#莊正 #葉耀坤 #中e師 #中E
