【長文】依家講本地味道，可能好傻。
但係因為買少見少，所以先要更加珍惜。
你鍾意電車嘅味道嗎?
鍾意背遊嘅人，應該冇咩可能唔鍾意搭電車。慢活嘅節奏、慢流嘅街景，加埋百幾年嘅歷史，既抽離又文青，喺港島大街呢啲人密到七孔流血嘅環境，係極度難得，每次搭我都有衝動想拎部機出黎影個story自我感覺良好一番。
不過更加難得嘅係，佢地冇食老本。
講真，公共交通，有權唔使搞咁多嘢，平平淡淡咪又一日。但係佢地冇。佢地保持傳統味得黎，有努力唔跌落悶到嘔奶嘅漩渦，今日佢地同另外一個完全本地製造、我都飲過唔少次嘅 Young Master 少爺啤 合作，推出兩款叫「叮叮啤」嘅限量版craft beer! 係，啤酒都有電車theme，用新聞稿嘅口吻，可以話將電車嘅味道，直接帶落你條脷呀。
好啦，佢地份新聞稿冇寫呢句，啲啤酒亦都唔係真係電車味嘅。少爺啤今次釀嘅呢兩款「叮叮啤」，一隻係綠色嘅香橙＋佛手柑pale ale，另一隻係紅色嘅生薑＋桂花小麥啤。個人鍾意紅色多啲，因為一聞真係成碟桂花糕咁清香，飲落又好清新，香港長期又翳又焗黎講，真係好啱好啱；綠色佢地話層次再豐富一啲，本人就未品嚐到呢一個level，你地可以買黎試試，比較下，兩款都係Circle K獨賣。依家已經有。即有。（除非已經賣哂咁我都冇計。）
參觀埋少爺啤嘅釀酒廠，更加覺得respect。我一路知道佢地係本地啤，但係真係見到成條生產線，幾個人咁高嘅釀酒筒喺面前，再發現所有嘢由頭到尾，都係地鋪門口行入去30秒就見到，鋪面仲真係就喺繁忙嘅車路隔離，同城市連為一體，我先突然間覺得，local craft beer原來真係咁local，何況佢地唔係local咁簡單，係贏過唔少獎嘅local。
香港製造、本土味濃、chill、hipster，我作為叮叮同少爺啤嘅用家都冇諗過，呢兩個品牌可以有咁樣嘅共通點。有品質嘅本土出品，真係好值得支持，始終本土價值呢回事，我地自己都唔欣賞同維持，靠邊個？
世界可能會令你透不過氣，一罐「叮叮啤」就算解決唔到問題，都至少可以令你鬆一鬆，感受一下home kong嘅味道，回過神來，大家再加油，將唔好嘅事叮走。
Follow埋 Hong Kong Tramways 香港電車 個page啦。
#我好用心寫
#因為我真心兩個品牌都有感覺
#好amazed兩個品牌collaborate
#叮叮啤
好amazed兩個品牌collaborate 在 Olea & Fig - Facebook 的推薦與評價
我們指導各行各業的女性創業者、斜槓、自由工作者在線上建立與行銷品牌. ... 就是我們的podcast 再兩個禮拜終於要上架了！ ⠀ 真的超．期．待把這個podcast 帶給妳！ ... <看更多>