【包容】育兒很難，不是教得不好，只是小朋友天生獨特，需要時間去適應社會，不是家長不教。
不幫不要緊，但不要加把腳，唔出聲已當幫忙。媽媽你已做得好好。
小朋友無錯，只是需要多少少時間，需要多少少包容，最重要的是父母要有足夠很多的愛去相信自己的小朋友。好動一點不要緊，日子還長，慢慢教。
相信自己的小朋友，相信作為媽媽的你，一定最了解自己的小朋友。
#請緊緊牽著小朋友的手不要放手
#他們的世界只有你為他們添色彩
米媽好久都沒出一些育兒文了。
一來忙，即使遇到很多想分享的，也沒時間坐下慢慢寫。
這一個月，米媽的感觸很大。
#父母不要為難父母
每個小朋友都是獨特的，性格，脾氣，誰不想生出來，小朋友就聽教聽話，溫順有禮懂社交禮儀?
但有幾多個可以?
我們幸運，小朋友易教，易遵守指令，是不是別人也一樣幸運?
每個母親十月懷胎時，一定說過一句說話。
只要佢健康，快樂成長就好。
但日子一久，開始有社交，開始要看人面色，
小朋友都開始學習禮儀，自理等。
其實，父母都想自己小朋友聽教聽話，但當小朋友出世後，佢比別人活躍一點，好動一點，坐不定一點，
需要父母多點關心，多點時間給她們，佢地唔係特別，只係性格不同，需要多少少時間，多少少包容。
那又如何?健康就好，父母雖然會攰一些，但健康就好，我們慢慢去陪伴小朋友，教養佢，堅持不放棄，去認同佢，用同理心用佢既角度去看，
相信小朋友，慢慢會變成一位懂得禮儀的人。
最近，有位FANS同米媽講，忍唔住喊，米媽即刻打俾佢。
米媽，我真係唔知自己係咪做得好差，唔識教，唔識做人父母。
佢平時明明唔係咁，佢呢排出去見到朋友時，或者返教會時，小朋友會突然擰計，會突然發脾氣。
我有好好同佢講。 呢位FANS處理得好好，佢帶自己小朋友行埋一邊，同佢講，我等你安靜左先傾，媽咪等你。
但另一邊廂，有個人走黎同呢位媽媽講，佢咁樣唔得，你返去要好好管教一下。
首先，呢句說話，冇任何實質幫助，第二，亦顯得無同理心
你估，呢位媽媽唔知道小朋友做錯嗎? 最重要的，不是小朋友做錯時，而是父母如何用對的方法去處理及疏導小朋友的情緒。
米媽同佢講，你做得好好，你控制唔到你既小朋友，但你既處理方法非常好。
之後返屋企，記得多點關心你小朋友，陪佢睇多些書，引發討論。 一步步來。
每個小朋友都是特別的。佢地都有情緒，唔識得表達，所以我地更加要係佢既角度去諗，點解會咁做。
呢件事，其實家長已做得好好，但最令人心痛的時，旁邊人的批評及意見。
其實，家長需要多一點包容，小朋友不是每個人一出世就識得禮儀社交。有些小朋友需要多點時間。
回說同一個情況，在花花上PLAYGROUP體驗班這一個月發生的。
課堂裡有幾個同學特別活躍，會搗蛋，會訓係地下，會周圍跑，會跑出課室，從來都坐不了椅子。會喊會想要玩等等，
你估，家長不累嗎?不知道別人如何看她和她的小朋友嗎?
家長已盡力了，小朋友特別，不可以放棄，不是嗎?
米媽好感激，我們這一班家長，即使小朋友令課堂不能安靜進行，有時會中斷，但大家都很包容，很照顧。
#這時一種作為父母無言的支持。
米媽經常同佢坐旁邊，叫花花同小朋友握手，有時讚下小朋友，有時落堂，同家長講，俾多少少時間佢，咁細個，兩歲幾，已做得非常好，
個個小朋友唔同，媽咪你都做得好好，辛苦曬你。
小朋友坐唔定好正常，你點樣要求一個兩歲幾既坐得定? 有機會多D同佢去放下電，佢中意跑跑跑，就由佢跑下，之後會易D專心。
媽媽表示佢好累，我明白，我地幸運湊到個乖少少既小朋友都叫曬救命。更可況佢既小朋友咁好動需要多些照顧?
既然係咁，我地同樣作為父母既，係咪可以俾多少少包容同支持佢，等佢係育兒路上唔好添太多阻力俾佢，等佢都可以有多少少時間同心情去教自己小朋友?
米媽讚佢小朋友好叻，上左一個月，起碼都可以肯坐低一陣，亦肯聽下指令。
其實，小朋友，每個都不同。你小朋友乖巧，你幸運。
其他小朋友，只是需要多一點時間，多一點包容，去學習適應社會。
由今天開始，我們多一點包容，媽媽，你已做得好好，小朋友也做得好好。父母不易做。
相信自己的小朋友，相信作為媽媽的你，一定最了解自己的小朋友。
#請緊緊牽著小朋友的手不要放手
#他們的世界只有你為他們添色彩
#米媽育兒碎碎唸
米媽今日出呢一篇文一來幫你地打氣，二來亦等大家多個反思多點包容。小朋友亦有機會學懂包容不同的小朋友。
為家長們打氣的請留言轉發。❤️
