讀者投稿《外傳：每事管惡頂姑奶篇》
好同意版主要話可能未必係投稿者本身岩晒，亦可能自己本身有改善嘅地方。要知道一段關係嘅建立，不論關係係正面或負面，都不會只係建基於某一件事情或故事上面。投稿者本身可能係已經經歷無數個“不公平“故事同時間對待，才會投稿到這裡。
1) 攪亂曬個Wedding party
開始攪結婚, 就係惡夢開始, 呢位煩到無人有每事管既姑奶, 喺旺角某餐廳拎份問卷出黎問個婚禮想點攪 (最後當然係虎頭蛇尾), 但事實去邊間影結婚相, 邊度試婚紗, 邊度買花球都係佢決定, 開頭順應C6意話無所謂, 明知個家姐搵既野得個貴字都話最緊要開心, 但開始想有下自己意見就係咁俾人banned, 話想幫手控制下budget C6話吾駛, 自問脾氣已經吾多好既我, 喺攪結婚過程多次發脾氣(最恔係C6都覺得姑奶搵既野吾好都要死撐), 講到decoration仲嬲, 姑奶又話識人可以幫手畫backdrop, 我話想要toy story background最後畫到胡迪巴斯走曬樣, 原因係版權問題, 吾可以畫的太似 (開頭係我自己肯俾錢公司攪, 但C6 reject), 最後嘿有限時間我只係買左汽球同印左塊template backdrop就算, 另外, 仲要多謝呢位姑奶, 幫我地浪費左3圍酒席, 事源係印曬請帖, 99話想請多某d親戚, 咁我地無所謂就請少d朋友,點知姑奶又同99嘈交, 99發老脾話吾請, 無奈係我地結婚前一星期先知 (最記得係同C6一齊去拎婚紗, 喺黃埔麥記黑住面同我講)。
開心結婚背後其實係好無癮, 自問搵既野未必係最好, 但吾鍾意d人煩住管住曬, 所以成個過程點都要刻意去發脾氣發洩下(辛苦C6), C6好脾氣先容忍到而家。
2) 我既寶貝女出世
我個女到而家兩歲幾,第二個惡夢開始(未完結), 坐月期間, C6安排左呢位煩到無人有既姑奶幫手, 成日都要抱住我個女, 又話自己識照顧小朋友 (但係gel曬指甲, 化學野應該吾好俾小朋友接觸咁多), 出街食飯成日都要跟住曬(自問係新手媽媽, 邊學邊做), 到我返工, 成日背後吾出聲帶我個女出街(有一次去完自以為高級住宅會所, 仲病埋) , 另外個女著邊條戒片褲, 坐邊個屎塔都要管, 真係吾該曬幫我話曬事(我想自己買, 買野俾個女成為我娛樂之一)不過我要返工, 全部野無奈接受 (唯有咁諗, 總好過交俾賓賓, 日日提心吊膽), 不過都相信佢係錫自己姪女, 係錫到無視個阿媽, 所以俾面個女先容忍到而家, 照顧小朋友方面我耐性脾氣高過C6, C6反而差左 (不過有一次我忍吾到爆左, 姑奶好寸話問我想點, 發脾氣會影響小朋友成長, 我即時心諗, 跟埋你D死吾認衰既人, 都會影響小朋友成長)
3) 無野好傾
結婚前都無咩好傾, 但始終要俾面C6, 有一次閒話家常, 講我自己係一個吾易肥既人, 點知呢位煩到無人有既姑奶用好差既語氣講: 我吾信你日日食兩桶雪糕都吾肥, 心諗, 真幼稚!
海闊天空有點難度, 要點時間。
應該要感恩。
#退一步海闊天高
#我的極品四大長老
#姑奶又係麻煩生物
👇設計圖片
姑奶又係麻煩生物 在 每事管惡頂姑奶篇》 好同意版主要話可能未必係投稿者本身岩晒 的推薦與評價
開始攪結婚, 就係惡夢開始, 呢位煩到無人有每事管既姑奶, 喺旺角某餐廳拎份問卷出黎問個婚禮想點攪(最後當然係虎頭蛇尾), ... 姑奶又係麻煩生物 ... <看更多>