22 Aug 2021 繽FUN星網
肥仔變男神 應智越喪減肥操出4舊腹肌冇女吼
曾在韓國接受偶像訓練生訓練、《全民造星》出身的應智越(細貓),當年因為合約問題,無緣成為男團MIRROR一份子,細貓之後自組公司捧自己,事隔3年男團成功爆紅,細貓自爆已一年無收入,不過細貓無悔走寶,因為相信「肥仔」是最強的潛力股。
小時是肥仔,長大變男神?近年不少新進男神昔日都是肥仔,像姜濤和魏浚笙小時候都肥嘟嘟,細貓也是肥底,18歲時體重達80KG,直至失戀後開始跑步減肥,但跑步到達臨界點沒有再瘦下去,近年開始配合健身,終於操出60KG及4舊腹肌來,他說:「我對健身好有興趣,鍾意肌肉,好欣賞張家輝大隻身形,視為目標,我估能夠操到6舊已經係最盡。」
變瘦後無女友
他有10年減肥經驗,試過斷食、1日食1餐等,現在試行低碳或無碳飲食,戒食澱粉質,但粉絲就最擔心他餓壞而經常送上食品,他笑說:「係呀,成日會有零食蛋糕、朱古力、蝦餅之類,試過有罐頭鮑魚,佢哋對我好好,不過唔想每次食完都有罪惡感,教練花咁多時間幫我操,我食太多,教練都鬧喇!我諗我都係食番雞胸好喇!」對於肥仔是潛力股定律,他笑言以前雖肥但有拖拍,但變瘦後卻無女友,令他不解:「我覺得肥仔一般想畀人留意,有野心要做好畀你睇,尤其我係單親家庭長大,想尋求更多愛,唔知係咪咁,導致好多肥仔做咗公眾人物。如果細個就好靚仔,唔會有咁強野心,肥仔一無所有會更努力。」
對於因為合約問題,失去加入MIRROR機會,現時自組公司,收入僅夠出糧給工作人員及出歌,故變相自己無收入。他與Jeremy和Edan是好朋友,經常相約聚舊,朋友之間不會比較成就,但問他有冇酸溜溜感覺?他說:「唔會,我做到喜歡嘅音樂,抱住初心,無後悔,無經歷過就唔會有今日嘅我,所以《別想太多》,不過花姐都有提過作品上嘅合作,但未有定案。」細貓回想在韓國受訓時,競爭大,曾壓力爆煲,熄燈上床便喊,回港後壓力就來自疫情,他說媽媽希望他爭取工作,做出成績,但哥哥就希望他減少外出留家較安全,令他左右為難。
@mr_littlecat @onccstarsoncc
#細貓 #mrlittlecat #應智越 #yingchiyuet #應智越粉絲後援會 #mrlittlecatfanclub #idolproducer #偶像練習生 #全民造星 #肢體語言 #約你跳舞 #wannacome #努力的孩子 #渴 #冰原 #別想太多
姜濤後援會問題 在 Facebook 的最佳貼文
【 歐洲國家盃2020/MIRROR + ERROR罕有同框 】
話咁快,「歐洲國家盃2020」將於今晚深夜(即12/7凌晨)三時舉行總決賽,屆時英格蘭與意大利會在英國倫敦Wembley Stadium決一死戰,角逐冠軍寶座,now TV、ViuTV以及ViuTV網絡平台將同步直播。
在決賽舉行前夕,想起這張有趣相片。
一直以來,只是寫MIRROR或者ERROR,從沒有試過寫十六子「同框」,直至5月13日因為出席now TV於ViuTV總台舉辦的「歐洲國家盃2020記者會」,等待訪問前留意MIRROR和ERROR於台上分別接受兩批傳媒訪問,雖然十六缺一(Lokman因為拍攝新劇《IT狗》而無法出席),但能夠親眼見證他們成為傳媒焦點,既開心又感動,而且「含金量」極高,所以用手機拍下珍貴一瞬。
溫馨提示,在YouTube瘋傳的ERROR「爛爆國語」專訪就是當天錄製,現場真的邊聽邊笑,定格一刻他們正認真聽記者的訪問題目,面容才會略為嚴肅,如大家有興趣可以上網重溫,保證笑到標眼水。(https://bit.ly/36IrR0F) 至於MIRROR嘛,他們的「港普」一樣出色! (https://bit.ly/3AT0E96)
延伸閱讀 ──
「歐洲國家盃2020」設第三聲道如變奏版四台聯播:
https://bit.ly/3wbqdj3
(11072021)
#游大東 #游大東影視筆記 #MIRROR #ERROR #歐洲國家盃 Now Sports ViuTV MIRROR ERROR 我老婆嫁左比Mirror導致婚姻破裂關注組 做乜膠睇電視 港女講劇 我睇咗啲乜嘢 #英格蘭 #意大利 #EURO2020 #姜濤 #陳卓賢 #邱士縉 #呂爵安 #ansonkong #ansonlo #盧瀚霆 #李駿傑 #柳應廷 #王智德 #楊樂文 #陳瑞輝 #邱傲然 #193郭嘉駿 #何啟華 #梁業 #保錡 格仔mike導絕對應該有應援會 Keung To 姜濤 Fanpage 陳卓賢 Ian Chan Fans Club Team Stanley 邱士縉 Anson Lohonting Fansclub 盧瀚霆後援會 我讀德書少。
姜濤後援會問題 在 Facebook 的最讚貼文
【 圍爐取暖之「鏡妻之人夫」心理健康引起關注 】
以往會覺得圍爐取暖沒有用,殊不知香港環境實在變得太快,能夠圍爐取暖已是萬幸!
說的是一班「鏡妻之人夫」。唔明這是甚麼飛機的辭彙?用口語解釋,就是指一班本身是MIRROR忠實擁躉,但已經結了婚的女性支持者,即「鏡妻」,她們的另一半,就是「鏡妻之人夫」。
何解會突然出現這個新詞?話說,隨着MIRROR吸引力愈來愈勁,直接令到一班有夫之婦「移情別戀」,將所有心神都耗費在十二子之中,為免導致家庭破裂,本身作為一家之主的老公sss只好默默啞忍:「我女人佢想點就點啦,佢哋要鍾意MIRROR就MIRROR,ERROR就ERROR,我包容度好大㗎嘛!」一名不願意公開身份男性讀者私信說。
用詞愈簡單,語氣愈冷靜,代表這個「大愛計劃」已經去到非常黐綫的狀態!
上述這番話的潛台詞是:「如果我唔畀佢鍾意MIRROR同ERROR,頭家就散㗎喇!」
為了拯救一班處於水深火熱之中的「受害者」,有人周日(4/7)下午開始,在facebook靜靜雞成立一個全新群組,名為「我老婆嫁左(咗)比(畀)MIRROR導致婚姻破裂關注組」(https://bit.ly/3hxKaul) ,讓一班兄弟盡訴心中情,圖文並茂,要幾酸有幾酸,要幾誇有幾誇,因為以直男角度出發,尤其惹笑,結果迅即掀起討論,結果24小時內,此谷成員數目由不足一千(周日下午5時),暴升至十萬(周一下午三時半),截至下午5時,已升穿11萬大關。
由於帖文實在太多,質素太高,導致一班打工仔情願花上一小時追Po,也不願意處理眼前工作,亦有人表示,因為外出戴口罩的關係,當他乘車時一邊睇Po一邊笑,被身邊的其他乘客以為自己精神有問題。事實上,有很多幕前藝人都有入谷,包括MIRROR的經理人花姐。她在周一凌晨三時許在IG發限時動態說:「其實d(啲)老公們男朋友們好可愛,睇d(啲)Post睇到唔捨得瞓!」「鏡妻」有老公,花姐亦然,有網民突破盲腸出Po說:「天下間最不滿MIRROR嘅老公,花姐嘅先生認第二的話應該冇人敢認第一!」結果獲得超過3,600人按讚,更有不少人在下方留言說:「個Group其實係花姐老公開!」絕對是笑中有淚。
今時今日,香港人有邊個唔係笑中有淚,坦白講,這是我近來看完之後心情最舒暢的事,在此多謝一班「鏡妻之人夫」,感謝你們犧牲小我,爆笑大我,善哉善哉!
以下為精選十個好笑帖文:
(1)「話說,有次女朋友強行攬住我,話叫我幻想下佢係姜B。然後我真係有半秒覺得畀姜B抱緊可能都唔錯,我係咪已經攣咗?」
(2)「我老婆話我排名係17位。MIRROR 12 + ERROR 4!」
(3)「你老婆會唔會成日問你關於MIRROR(嘅)問題?唔識答要罰五百蚊一條,D(啲)錢拎去做應援?」
(4)「女人鐘意Mirror就叫鏡粉;我哋鐘意白石茉莉奈就叫痴漢?公平咩?」
(5)「小朋友係無罪㗎⋯⋯我個仔今年六歲…以前佢鍾意唱《Let it go》…睇YouTube閃電Maqueen車,我返工會同我講拜拜…依家佢唱《蒙著嘴說愛你》,YouTube睇姜B不停loop,我出門口就係鐵閘比手指心心…..」
(6)「前年試過一家四口經過SOGO門口,突然見到姜濤真人由sogo過大馬路行去時代廣場嘅方向。然後我老婆即刻追左(咗)出去,淨低我同兩個女企左係SOGO門口……然後我個女問我:『媽咪去左(咗)邊呀?』我唔識答。」
(7)「我到依家都分唔到盧冠廷同盧瀚霆,比班鏡粉鬧到我仆街!」
(8)「我老婆依家叫我做168!」
(9)「想當年都係叫Ian做呀Lan,我男朋友一直中意ERROR既(嘅),係(喺)佢未接觸《男排女將》之前我都成日WhatsApp佢關於Ian既野(嘅嘢)佢聽,成日Ian前Ian後,又比(畀)佢聽下佢啲歌佢啲片,咁《男排女將》既(嘅)出現佢為左(咗)193而睇,然後佢無意發現左(咗)Ian跟住同我講
佢:呀Lan做戲幾好
我:邊個呀Lan呀?
佢:呀Lan喎,Lan線果(嗰)個呀Lan喎
我:????
原來佢一直以為個大階『I』字係細階『L』!」
(10)「如果逼我剪呢個頭(Edan早前在IG分享的河童頭/Barcode頭),咁律師樓見啦!」
(05072021)
#游大東 #游大東影視筆記 #MIRROR #花姐 #姜濤 #陳卓賢 #邱士縉 #呂爵安 #ansonkong #ansonlo #盧瀚霆 #江𤒹生 #李駿傑 #柳應廷 #王智德 #楊樂文 #陳瑞輝 #邱傲然 我老婆嫁左比Mirror導致婚姻破裂關注組 姜濤 Ian 陳卓賢 Edan Lui 呂爵安 Team Stanley 邱士縉 陳瑞輝Frankie Chan Anson Lohonting Fansclub 盧瀚霆後援會 楊樂文 LokmanYeung Alton Wong 王智德 Jeremy Lee 李駿傑 Fans Club Tiger Yau 邱傲然 Jer Lau 柳應廷 Fans Club ansonkeverything Anson Kong 江𤒹生 William on the way 潘小濤 做乜膠睇電視 港女講劇 港人講電視
姜濤後援會問題 在 姜濤後援會成立三週年數千「姜糖」朝聖慶賀 - YouTube 的推薦與評價
![影片讀取中](/images/youtube.png)
姜濤 出道三年,吸引大量不同年齡層的「姜糖」欣賞,而他的「 姜濤 香港 後援會 」亦和 姜濤 一同成長,如今已經是3周年了,為了更多「姜糖」可以聚首一堂 ... ... <看更多>
姜濤後援會問題 在 姜濤香港後援會KeungShow HKFanClub - Home | Facebook 的推薦與評價
此專頁由姜濤香港後援會設立,希望讓更多人取得姜濤的資訊,喜歡姜濤的你們,歡迎追蹤啊! Like & Share! 後援會亦設有telegram 群組,請私訊入組方法,以便取得更多 ... ... <看更多>