近排keep fit中，好一段時間没有飲酒，張家朗拿金牌，忍不住要開返支威士忌賀一賀佢。可能是太興奮，又可能是太心急，一擰，唉吖，軟木塞斷開了半截，與碎屑一起沉在淺琥珀色的酒中。
威士忌性烈味濃，軟木塞短時間內其實也不會影響風味，但浮浮沉沉在酒裏，就好似在張家朗奪金後發花癲的無綫記者，以及趕著出嚟抽水的何君妖一樣，篤眼篤鼻，有礙觀瞻。
開酒fail不是第一次，像間唔時衝出黎柒的穆嘴般，佬編本來是廢9事理，但難得今日心情高興，不妨講講斷木塞的處理。
首先，點解軟木塞會斷？其實與威士忌的儲存方法有關。與紅酒不同，威士忌要直立存放，而不可長期平放，因為威士忌酒精濃度更高，有機會腐蝕木塞而令酒變味。
直立存放的問題，就是木塞不能保持一定的濕度。當你扭開酒塞的那一刻，軟木塞就會因太乾燥而斷開，甚至碎裂。
所以開威士忌，尤其是有返一定年份的老酒時，最好先倒斜放一陣，將木塞浸濕少少，開的時候就不容易出意外。
不過正如一開頭所說，飲得快的話，一兩個星期，木塞應該不會影響到酒味。就算影響到，但應該都到最後幾啖了，是鳩但啦。
落筆完畢之際，有朋友傳來張家朗領獎的APM現場片段。「We are Hong Kong！」雖然聽日要返工，但今晚宜微醉，忍唔住又斟多咗一杯。飲下飲下有點眼濕濕，大槪是烈酒攻鼻吧。
F.
萬一開到中間木塞依然斷開，又應該如何自處？patreon有講
