【龔成問答信箱】(Q22461-Q22480)
Q22461:
老師,阿里巴巴講話警告稅率會轉變,對佢影響有幾大?
龔成老師︰
其實而個講法只係預警,暫時都未知到底最尾會發展成點。
阿里(9988)以往被視之為「國家重點軟件企業」,稅率只需10%。如果中國政府除去佢「國家重點軟件企業」質素,佢就要好一般企業一樣,支付25%所得稅。
當然,未必係佢全部子公司,都要支付25%所得稅。因為部份分部(如天貓、淘寶中國等),本身同時受惠於「高科技企業」或「認定的軟件企業」稅務優惠,就算失去10%的優惠,都唔會一下子跳到25%咁高。
當然,會否全部稅務優惠,都全部被移除,都無人知。
若果成事,有機會令阿里每年增加過百億稅務支出,由於稅務因素,會影響集團長線盈利能力。若真的發生,估值上就有需要下調。
現階段只能說,此股現價合理,但估值有機會要再調整。在有較多不確定因素下,此股暫時不要大注。
------------------------------------------------
Q22462:
老師,我現時20歲 想問一問你我的持倉是否合理。1351 是在不理性時買入的 希望你比啲意見
持有:
3067 十四手 $均價16.48
9988 一手 $204.8
1313 一手 $7.87
1448 一手 $7.33
1351 一手 $2.7
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時20歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
現時你持有股票,都係有增長潛力和質素,你可以照持有。
當中,輝煌明天(1351)係中國的廣告公司,主要提供以下兩類移動廣告服務。
(1)中介服務:擔任客戶的廣告代理,將客戶與其指定的媒體發佈商相連接並投放廣告;該等廣告以不同形式發送,包括動態消息廣告、應用程序商店廣告及視頻形式廣告。
(2)精準廣告服務:為客戶計劃及進行廣告投放,並負責整個廣告流程;該等廣告通常以在媒體發佈商營運的移動應用程序出現的彈屏廣告等形式展示。
佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。
睇翻過往財務數據,業務都有增長的,不過盈利就有少少波動,反映好受市場環境影響,對經濟較敏感。規模較細,未見有好大獨特性。你只有一手,照持有都可以,但不建議加注。
但在平衡配置上,你有地方可以改善。現時組合,你係好偏重左係潛力股(3067, 9988, 1313, 1448),佢地雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
現有持股不用沽出,只要未來時間,慢慢加大翻平穏增長股部份,令組合回復平衡,咁就可以。
最後,我建議你把握年青,去努力學好投資知識。要去多讀投資相關書本、年報,新聞和課程。
書本上,你可以睇我寫架"80後百萬富翁"、"財務自由行"和"股票勝經",都適合初學者。
另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
------------------------------------------------
Q22463:
龔成老師你好 我今年35歲,已婚並育有1子(4歲)我已拜讀你7本書籍,但對自身面對的問題仍然感到迷茫,望老師對我的情況做作指點和評價。
我為家庭唯一收入來源,月入約70000-80000。最近把所有資產轉為現金約1200萬。
雖看似不錯,但現有工作最壞情況只能再維持2-3年,之後可能只有20000-30000月入(收入不可靠進修或個人努力改變,除非創業)。
現有生活質素為租住約1200萬單位和為有車人士。兒子學費約15000一個月。家庭沒有其他特別消費。
如果希望將來生活能夠至少保持現有質素,請問老師會你會如何步處?
感謝老師指導
龔成老師︰
其實你都算年青,除了創業外,我相信你努力,都有機會找到一些較高收入工作。
以你35歲,我一般會建議先利用「平穩增值股」+「潛力股」作投資目標,做好財富增值部份。
由於你係家中收入唯一來源,在進行任何投資前,你應先儲起最少半年開支,作應急之用。
以現時大市合理區狀況,你可以先用一半資金,慢慢"分注"買入優質股。餘下一半,就等大跌市機會。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
但若果你真係預期用盡方法去開源節流,未來都有好大機會,長時間出現入不敷支的狀況。你可以將部份資金,用來買收息股,去補助你每月現金流。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,每個人都有自住需要,建議你長線都要計劃添置一間自住物業,以免受租金波動風險所影響。
------------------------------------------------
Q22464:
您好龔sir,我想請問下3868信儀能源,2号公報業績,想請教您有何見解,謝謝
龔成老師︰
信義能源(3868)有質素,佢主要於中國經營太陽能發電場業務,並向國家電網的當地附屬公司銷售電力。
而佢派息高的,因為管理層話會用高派息政策。
投資價值都有,但不能投資太多,因為佢業務都有風險的,要注意股價波動,如分注長線都可以投資。現價已經係略貴,回多1,2成才好開始小注。
------------------------------------------------
Q22465:
龔sir , 想請教下你既投資部署。我老公早年買股票損手,虧蝕了好多,現時佢投資組合以下,想你比比意見。
佢40歲,月入12萬左右,佢行業黎緊有些不確定性,帶機會帶來重大變化,有一層剛買的自住物業 ,月供23000左右
3878 420000股 平均成本3.4
1833 400股 平均成本97.4
3808 4000股 平均成本13.5
6060 2100股 平均成本29
9988 1000股 平均成本180
3067 200股 平均成本15.9
1024 400股 平均成本120
有100萬現金在手 ,想拎其中30萬再投資股票 ,以上股票需要減持d嗎? 另外建議買咩股票較理想?或者建議投資什麼?
龔成老師︰
首先你要明白,我地唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
近期中央不斷有新政策出台,令大市氣氛轉差,不少股票都出現大幅回調。但我地要考慮地方,唔係佢跌幾多,而係D企業長線質素,有無被影響。
睇翻你老公持有股票,全都都係有質素,而且整體買入價,大致都係合理,都唔見質素上有明顯轉差,可照持有。
但要留意翻,以下幾個重點問題。
首先,較大問題係VICON HOLDINGS(3878),佢主要於香港及澳門提供地基工程及配套服務,此股市值唔高,每年盈利都只是1至2千萬。
這企業唔係話無質素,但始終規模唔大,你預佢股價會較波動,此股不宜太大注。
而且,就算一隻股票再優質都好,我地都唔好太偏重係佢身上,成個組合要平衡。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
現時這股佔組合太重,必需要減持部份,換至其他優質股上。
另外,眾安在綫(6060)、平安好醫生(1833)盈利能力未穏定,甚至係未有盈利。唔係話佢地無投資價值,只係不確定性較高,不宜持有太多,暫時唔好再加注。
最後,你先生而家組合,太偏重左係潛力股(全部持股都係),佢地雖然有增長潛力,同時風險都較高,不宜持有過多。
以你先生40歲年紀,潛力股可佔約4成,餘下應用以下平穏增長股。若你先生投資經驗較淺,潛力股比重,要再調至2-3成以下。到他學到一定投資知識,才慢慢調高。
但唔需要沽出現有持股,只要未來時間,你先生慢慢加大翻平穏增長股部份,去令組合回復平衡,咁就可以。
你現時個30萬和沽出3878資金,可以分注買入以上平穏增長股,它們現價都合理。餘下70萬,我地就等大跌市出現,才去入平貨。
------------------------------------------------
Q22466:
你好龔Sir!唔好意思打攪您,有d投資分配上既問題想請教您。
本人32歲單身,月入月50K,沒有太多家庭負擔。2017年同家人合份於觀塘月華街買一50+年齡頂樓單位作收租投資,用本人一人名下購入,最近租約將到期,
現在家人結婚想自己另外買樓,需要資金,正考慮將觀塘單位賣出同家人分拆,抑或買下家人果一半業權
考慮因素包括:
-本人大部分資金現在壓係股票上大概120萬
-如果買下另一半業權可考慮賣出部分股票定將單位作按揭換取流動資金去買呢
-舊樓頂樓存在滲水甩牆漆等問題,日後長期維修保養手尾多
-觀塘現在正重建,亦都有大型新樓落成,該舊樓單位會否有升值潛力呢
-抑或賣出單位再物色另一個,或換得流動資金買股票好呢
以上希望聽下您意見/建議哦!感謝您!
龔成老師︰
觀塘因為坐落東九,政府計劃將來將東九發展成一個大型商區,附近地區樓價必然有一定支持。
但問題係你間屋已經50+年,又出現較多維修問題。如果保留放租,長線你維修成本,可能會慢慢蠶食你租金回報。
50+年樓本身已經較難做長期按揭,對新買家吸引力都較弱。
而且現時市況,優質股值博率明顯較高。因此,我偏向建議你沽出物業,套現去投資優質股作增值,相信會較好。但現時大市只在合理區,資金唔好盡用,要留少少等大跌市機會。
當然,如果你此期間,發現有質素又超值的旬盤,你都可以用套現資金去投資。
------------------------------------------------
Q22467:
龔sir,睇左你專頁一段時間,遇到跌市,心境比從前平靜多了,可以不用常常看股價,但看到數天的波動,不禁有點擔心,雖然已留有現金待入貨,但手持的股票跌了一半有多,應該繼續持有嗎?
788 @ 1.49
2126 @34.6
2131 @ 9.6
3908 @ 18.9
6618 @ 111
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
中國鐵塔(0788)不是無質素的。始終中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面。
佢現時的收入都增長,盈利都保持向上,但增長比之前略減,加上股本回報率不高,是這股較弱的地方。若分析佢市盈率,會見到現時仍然處較高水平,反映佢雖然股價回落左唔少,但仍然未到平。
這股算是合理價。
這股長遠仍算有發展力,可長線。不過,潛力度比過往略減。如果想組合增長力較強,可考慮上翻D,部分轉其他。
藥明巨諾(2126)、云想科技(2131)、京東健康(6618)都是有風險有潛力類別,這類股,你要有心理準備上落大,不宜持有太多。
中金公司(3908)質素算是不差,增長力都有。
業務包括投資銀行:提供股權融資、債務及結構化融資、財務顧問(包括併購、戰略聯盟及公司重組等)及新三板服務。
以及股本銷售及交易:包括經紀業務及資本中介業務。
固定收益、財富管理服務、投資管理都是佢業務。
佢主要在中國國內經營業務,亦在香港、紐約、倫敦及新加坡設立網絡。
其實佢不是無生意,盈利都有,增長力都不差,可持有。
------------------------------------------------
Q22468:
龔sir, 我係投資新手,之前$380買了1手美團, $290入左1手阿里巴巴,已經跌左3,4成,到底我應該點做好? 唔想止蝕,但我又唔急住套現,但想問你覺得呢兩隻股質素如何 ?
現時投資策略又應該點做?應該分段買入溝貨定係買下其他股票平衡配置風險? 儲蓄還有大概40萬現金左右
如果買入其他股票又有什麼建議?
還是投資美股etf 仲好?
同埋都想知港股開始進入熊市未?
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
美團點評(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理區頂,你一手就守住先,但預佢上落大。
至於阿里(9988),買入價貴,暫時只有守住先,之後會好翻D,但要上翻去,要耐心。
美股港股,最重要是尋找優質股,中資股雖然有政策風險,但如果捉到政策方向,反而可變成好有利的工具。
至於牛熊,現世代的作用已大減,你集中分析「企業長遠質素」就得。
------------------------------------------------
Q22469:
龔sir想請問隻1024快手点睇?本人2OO買入,点解好多股票跌咗多年都冇法升返以前价位?係咪唔識唔好買股票?
龔成老師:
如果投資經驗不多,應該考慮一些較穩健的,例如ETF、港鐵(0066)、恆基(0012)等,快手(1024)是較高風險類,估值好難,所以股價上落大,如果持貨多,可能要減少少,如不多,就守住先。
但佢不是無質素的,佢係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。
快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。
雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。
由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。
簡單來說,企業有質素,有發展。
現價雖然無之前咁貴,但仍未平,可稱為合理區中上部至頂,但短期股仍會十分波動。
------------------------------------------------
Q22470:
老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94(次)之後
存貨周轉日360除0.94=383(天)但系另一份筆本第30頁,顯示存貨周轉日系274日 是不是我計錯左條數,
另外我想問問銷貨收入,系邊一個部份,可以搵到呢條數,唔該哂呀sir
龔成老師︰
你計算係正確,用我上堂教的方法,答案會係383日。而274日係中銀網資料,佢提取存貨價值的模式,同我上堂的有不同。
如果你有留意1,2堂,我都有提翻同學,其實網站有時個計算方法,或者提取資料等,有機會各有不同,所以會出現誤差。
所以,你最好只係作參考。要較精準地計算一些數據,有時係要我地自己動手計算,才可以得出較有意義的數字。
"銷貨收入"一般就係指你個"營業額",你可以係損益表中找到。
------------------------------------------------
Q22471:
龔sir ,最近有件事比較煩惱,現時自住樓已供完,銀行估值約$450萬(河畔花園),小妹一直都想住村屋 可以種植物,又無特別要求那區(工作九龍區),但都想住近d市區。
Sir你可以建議那些地區村屋比較有增值或環境比較理想,和我應該如何做按揭?應該fullpay 或比首期?
龔成老師︰
你可以考慮在沙田區找找,當中都有一些村屋的,相信會較適合你,你可以睇下當地的地產代理。第一,沙田這區我睇好,第二,近你現時的地點,第三,近你九龍返工。
住村屋的人,一般都係希望有較好環境,或者入場費架平的人。你預增值能力唔會高,如果交通較便利和接近市區,會係一個加分位。
但留意買村屋有好有壞的,好處是村屋除了呎價較低外,實用率一般達9成,比較實用。而且,適合飼養寵物或值物人士。
但村屋要注意的事項比較多,村屋不設入伙紙,只有滿意紙,而買入前要確保有滿意紙(因為不少村屋是個別業主自己興建,質素存有疑問,是否有滿意紙都未知)。
同時,村屋可能涉及丁權、地契等複雜問題,甚至有過路費、業權、僭建等問題,買入前一定要了解清楚。
此外,連天台或花園的村屋,要清楚是否入契。
至於按揭方面會較低,一般60%至85%不等,成數不及一般的住宅物業,買入前要預較多首期,更由於成交疏落,銀行估值可能會較低,買入前一定要做估值,而按揭年期最高為25年。
而按揭成數,愈高愈好,因為而家借貸息率低。你應該盡借,再用空出資金去作投資增值,咁會較理想。
------------------------------------------------
Q22472:
龔成老師你好,首先想多謝你一直以來為眾多位讀者解答問題和鼓勵我們,多謝你。
本人37歲,已婚,月入2.8萬,太太月入1萬,每月儲現金$10,000,基金供款共$4000, 其他開支14,000.
基金現金價值70萬,現金儲蓄5萬,股票26萬。(分別阿里巴巴20萬, 中國鐵塔2萬,建設銀行3萬,保利協鑫1萬)
我有幾個問題想問的:
1. 發現基金操控上得不到最大利潤(有大約20%增長),有需要放手兑現,作其他投資嗎?
2. 如果現階段想買樓兩公婆住,又應該如何部署?買樓後,是否不能做到財務自由?
3. 另外父母在內地有物業,想兑現,但疫情關係又唔想親自上去,有什麼辦法作買賣?然後又如何把錢帶回香港?
先多謝老師的耐心解閲,萬分感激。祝身體安康!
龔成老師︰
1) 你可以衡量基金的投資策略,所投資的資產類別、投資策略、風險程度、市場、費用成本、
以及過往的表現(可以睇佢過往5-10年,如果回報係比主要投資市場高,才值得繼續投資)。
2) 其實我地做財富增值,就係儲優質資產。物業都係其中一種。每人都有買自住樓需要,否則就要一直承受租金變動風險。
但如果你要資金盡用,去買物業,就會令你成個財富組合,偏晒係物業類,咁係唔理想。
最好係你用優質股,再累積更多財富。到你可以置業同時,留有一定優質股增值,和每月供樓後,都能留有一定資金作投資,才實行置業大計,咁會可以維持增值能力,以達財務自由目標。
當然,如果你實際生活上,係有必要即時置業,你都可以入市,只要長線肯定係可以"供得起",咁就無問題。
3) 內地物業買賣程序,我無研究。
------------------------------------------------
Q22473:
老師,我個仔剛出世,想幫佢用佢嘅利事錢買隻股票,大約5萬,放十年,有無咩介紹? 謝謝
龔成老師︰
小朋友由於可投資時間長,策略上十分簡單。你可以儲指數基金,盈富(2800)、美股的VOO都得。
若你想增長力較高,可以儲安碩恒生科技(3067)。但此股波動性會較大,要睇翻你自已風險承受能力。
基本上,以你小朋友年紀計,持有以上股票都係可以,但你明白當中風險。
------------------------------------------------
Q22474:
多謝老師之前回覆,我有少少地方唔明想問清楚少少:
(1)我查左個貸款息率大概1.3%左右,最多可以拖長到十五年還,咁我即係應該拖到最長黎還,中間就攞自己既人工去投資,
但係要記得留定一筆錢用黎做後備資金喺需要既時候還款?
(2)估值部分你話「而重點係佢當年有一部分虧損,來自終企業務」咁係咪即係如果做估值果陣見到有個唔尋常既數字,就應該搵番果年既年報仔細睇清楚原因?
(3)如果想用評估表做外國既股票估值有冇乜野特別需要注意既部分?定係同香港公司一樣睇番份年報就可以?
再次唔該阿sir幫忙睇左份評估表同埋詳細解釋!
龔成老師︰
1) 這個利率很低,有一定值博率。還款年期,你用最長15年。
現時大市在合理水平,你獲得資金可分注入市,但要保留3-5成資金。唔係用來還款,而係用來等大跌市時機,去入平貨。而每月還款,你就係每月人工中預留一筆現金,去支付。
至於投資邊類股票,你就睇翻自已投資經驗和風險承受能力。較高的話,可投資"平穏增長股",較弱就投資"收息股",或者你從2者中取個平衡。
例如收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
2) 無錯,這一點很重要。其實你係年報,發現任何異常數字(特別係個數字都大),我地一定要了解當中原因,才可以做出一個穏妥的估值。
3) 大同小異,睇年報都係差不多做法。但當然外國市場和文化,始終都會同香港有所不同,係評估一間企業時,都要多了解數字以外因素,以免決定出現偏差。
------------------------------------------------
Q22475:
你好,龔sir。我現持有︰
中海油(2000股)
小米(600股)
VESYNC 1000股
安碩恒生科技 400股
朝雲集團 500股
現股市不穩定。應減持或增持?謝謝解答
龔成老師︰
你要記住,投資唔好受大市氣氛影響,你要客觀分析。到底隻股票,係下跌同時,佢長線質素有無變差。如果無,下跌反而係造就我地入平貨機會。
你現時持有股票,雖然近期有較大回調,但唔見長線投資價值,有明顯轉壞,你照持有就可以。
VESYNC(2148)有少少潛力的,但不確定性高,不宜大注。
中國海洋石油(0883),質素都算有,但不是最高質類別,佢對油價較為敏感,所以,如果長遠油價向上,佢都會增值的。
雖然佢都有一定的規模及質素,但卻不是最高質素的企業,這是由於佢地的產品自主力較弱。
石油是商品,當中沒有差異性,佢地要將石油賣出,只能跟國際油價,這令佢地處於被動狀態,沒有價格自主的能力,這令佢地的獨特性有限。
這類商品企業,都可投資,但就要明白不是最高質的企業。所以投資時,同樣不宜太大注。
------------------------------------------------
Q22476:
老師早晨,我有34000股互太,均價8.67,轉倉去朗廷1270係咪更具值博率
原因互太是高位入,即使疫情完結,我諗去返高位既機會好低
反而朗廷因為疫情同社運,跌到0.98,疫情後股價更有機會去返疫情前水平(唔係高位)
老師,1448去到$7.03,你係咪會加注?
同埋1448去到幾多先算平?我計合理價係6.4-7.5
龔成老師︰
互太紡織(1382)這股不差的。佢主要從事紡織產品之製造及貿易。
朗廷(1270)係香港持有酒店的投資信託,重點位於亞洲的已落成酒店,現時酒店組合包括香港朗廷酒店、香港朗豪酒店及香港逸東酒店等。
現時股息率計(1270用2019年股息率計),朗廷(1270)值博率係較高。
以上2隻都係收息股,我地持有目的係收息,為自己創造穏定現金流。這類股票,比較適合年長/己退休人士,或者風險承受力較低人士。
如果你係較年青,這2隻股票,都唔適合你。
另外,雖然朗廷(1270)現時值博率係較高,但我地唔會因為咁,就將互太全部換晒去朗廷個邊。我地要做個平衡配置,唔好令成個組合偏重係個別幾隻股票身上。
所以,如果你想投資朗廷(1270)的話,你可以將部份持股,換碼過去,但唔係全部。
福壽園(1448)現價在合理區頂,如果你有貨,建議等佢回多10-15%倒,才加下一注。
合理價你計算都接近,你預大約HKD5.5 - 7.5左右。
------------------------------------------------
Q22477:
龔sir,我係股票班學生,我快速計左一下700既合理價 可以俾d意見嗎
我用7年數據︰
2014 35.93市盈 3.23EPS
2015 39.51 3.71
2016 36.04 4.9
2017 31.33 8.97
2018 40.43 9.46
2019 31.14 10.96
2020 27.42 18.37
我將七年市盈由細到大排 然後計中間三年即係 31.33-36.04,至於EPS果到 應該要點拎好。
因為佢個波幅都大 如果take7年 average 就計到 8.51就係 合理價266-306 好似有啲離地
然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價,計出為 463-533 好似合理d
龔sir, 想問我甘計有無問題 希望可以指教下
龔成老師︰
你市盈率計法,可以就用這個3年數字(31.33-36.04)。
而EPS,由於企業和行業本身,都係近年才快速增長,因此我地會拿近少少,5年平均EPS作基礎會較準。因應佢增長潛力,上調多25%左右。
再加上10%緩衝區(這個課堂有教,唔記得係乜,就要溫翻初班第5堂SLIDE26),合理值大約係︰HKD373 - 547。
至於機構預測,你都可以作為參考,睇下會唔會同自己答案差太遠。如果有太大落差,就要找出原因。
------------------------------------------------
Q22478:
龔Sir你好,最近對於複利有d問題諗唔明,希望你有空可以解答
複利係指一隻股票收到的利息再投資返係同一隻股票,咁如果我哋手動做股息再投資,應該點做?
假設一:
我有一隻A股票每個月月供緊1000蚊,而今個月收到500蚊股息,咁我係將呢500蚊係下個月再加落月供度,變成1500蚊去供A股票?咁我第三個月又變返月供1000蚊?
假設二:
咁如果我長揸緊既股票,並無做緊月供,咁我每次收到既股息應該點做股息再投資從而產生複利效應?
謝謝回答!
龔成老師︰
1) 唔洗咁複雜,你月供金額可以不變,只要另外將新收到股息,再買翻股票,就會有複利效果。但有時個股息不多,你可以儲起先,等有一定金額才再買貨。
2) 長揸和月供都無分別,收到股息先儲起,夠1手,而當時價格又合理,就再買。其實成個做法,都係一樣。
可能你會想問,有些股票佢係零派息,咁係唔係就無複息效果呢?
答案︰唔係。因為除了派息再投資外,企業賺到錢,將這些資金重新投入在業務上,都會有複息效果。
當然我地都要考慮翻,企業不派息,去為本身業務再投資,到底係唔係有更高效益。如果係有,就有投資價值。如果再增值效率不高,其實佢派息,才代表管理層做法理智。
------------------------------------------------
Q22479:
龔Sir你好呀。我有計劃明年年中移民,因稅務問題可能要在離開之前賣清股票,以往一直跟隨龔Sir教既方法長期投資
今年年初自律性低左買貴左新經濟股,所以你見到我坐住左幾隻,現在市況唔穩定,心裡其實有D壓力。所以想問問龔Sir我用咩策略去賣清D股票比較好
Current Portfolio
5 - 1,200 @ Avg 51.25
11 - 300 @ 114.91
27 - 4,000 @ 43.79
241 - 2,000 @ 22.05
285 - 2,000 @ 8.58
388 - 200 @ 190.36
700 - 200 @ 587.69
868 - 2,000 @ 7.79
1211 - 2,500 @ 40.05
1317 - 48,000 @ 2.59
2158 - 400 @ 49.63
6618 - 200 @ 136.58
8083 - 8,000 @ 3.57
9988 - 500 @ 241.3
多謝指點龔Sir!
龔成老師︰
其實買新經濟股唔係唔得,只要你唔係近退休人士,按自己年紀和風險承受力,作出合適配置,咁就可以。
但由於你明年中就要移民,需要清空持股。因此,你現時唔好再入貨,反而要慢慢開始分段沽貨。
唔好等到走個一刻,先一次過沽,因為無人知個陣個市,是好是壞。所以,你要分段咁沽,去平衡價值波動性風險。
你不要著重那一個「賺蝕數」而決定留或賣,是重要考慮質素,上述的股票,較高風險或質素較一般的,要先賣出,例如醫渡科技(2158)、中國有贊(8083),另外,另外的,可以分段去賣。
------------------------------------------------
Q22480:
Ar sir, 近日港股市場下跌好大輻度,科網股還有長線投資價值?3690同9988前景質素如何?
想詢問現時700,1810,3690,9988四隻論值博率,邊隻好?
龔成老師︰
近期受中央政策和大市氣氛影響,不少科技股都有較大回調。但我地要睇翻,這些政策到底對相關科技股,有無造成長遠影響。
美團(3690)和阿里(9988)都受反壟斷政策,造成不同程度的影響。你預中短期會較波動,但長線相信這些企業,適應了相關法規後,會慢慢轉好。
因此,若你有持貨,可以照長線持有。但美團(3690)始終不確定性較高,不宜佔組合太大比重。
至於"輪"這類短炒工具,我唔建議你買。因為中短期股價,受好多因素影響,基本上係無得估。所以,我建議你買正股,作長線投資會較好。
而正股值博率,以現價計騰訊(0700)和阿里(9988)係會較高。而小米(1810)和美團(3690)就相若,但質素上小米(1810)會較好。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過24萬的網紅啟點文化,也在其Youtube影片中提到,【7/4 開課!】《學「問」~高難度對話的望聞問切》~第19期 掌握達成共識的關鍵能力! 課程資訊:http://www.koob.com.tw/contents/232 更多學員心得分享:http://goo.gl/A07zZ0 【線上課程】《自信表達力》~讓你不再害怕開口 從「敢表達、說清楚」...
媒體對家庭的影響解答 在 龔成 Facebook 的最佳貼文
【龔成問答信箱】(Q22381-Q22400)
Q22381:
你好啊龔成老師,我現時係一個中五學生,我好希望可以得到你嘅幫助
我今年啱啱18歲,因為家庭環境問題,一直好想快啲賺多啲錢,因為咁我好快就踏上咗買賣股票,大半個月前我因為貪心,無經驗,
心急咁買咗美團嘅認購證,我好蠢咁擺咗成世人儲曬嘅錢落一隻股到(~35000),果陣頭兩日賺4000好開心,但第二日開始每日跌,跌二千,二千,三千幾,一萬幾,
跌到宜家我差唔多輸咗8成(~30000)我唔知點,
我心態好崩潰,好後悔自己貪心,明明畫圖分析咗佢跌,自己又唔肯走,仲覺得佢會升返,我宜家唔知點好,你可唔可以指導下我
龔成老師︰
首先,同學仔你對投資理念,存在一個好大誤解。你現時成個投資模式,都係同一般散戶一樣,犯上同樣,而且致命的錯誤。
其實我20年前,都做過同你一樣的事,短炒、炒孖展、炒衍生工具,輸左幾年我先識醒,後來發現全最賺錢的投資者、基金經理,只用一個方法「長線投資優質股,買股票就是買企業」,我就改變策略,長線投資,之後就賺多過輸。
你要好清晰一個投資"重點",我地買入一隻股票,就等同買入一間企業,一定要知道佢質素、行業前景、財務狀況等,才去考慮否投資。
當我地確認係值優質股後,我地會用平貴定入貨策略,並長線持有。而唔係做短炒股票或者輪證,去賺差價。因為短線股價會受市場氣氛、資金流向等,與企業質素不相關的事情影響。這些因素,我地係不能估計。
但長線,企業價值會係股價上展現出來。因此,優質股你買入後,長線持有,讓其自然增值,永遠都係最有效的財富增值方法。
我明白你家庭問題,需要盡快賺多D錢。但你要明白投資增值,係一件長線的事,你唔好預佢對你短期財務,有任何幫助。
全世界投資最叻,最賺錢的巴菲特,佢會唔會做短炒。佢只會叫大家,長線持有有質素股票,等佢地自然升值,達至財富增值效果。佢自己身體力行左幾10年,去證明這件事係行得通的。
所以,我建議你放棄短炒。現有的輪,就全數沽出,當買左個經驗。同時要認真去學好投資,之後才再出手。你可以睇我架《80後百萬富翁》、《財務自由行》和《股票勝經》,都適合你。
------------------------------------------------
Q22382:
老師 ,我現時的資產分佈如下
股票 36%
現金 23%
等跌市 41%
請問現時配置ok嗎?(因為我冇物業,所以比較簡單)
我現時總資產約85萬,首期都比唔起,所以冇諗過上車,只希望靠股票儲到多啲錢可以三年後移民
雖然有啲渺茫,因為我計過自己三人家庭,6年洗費都要2.5M。但移民係我短期目標,香港生活真係太壓迫了。
而且我曾經在英交流半年,我有信心可以適應嗰邊既生活。我每一日都會想像我喺英國冇咗姐姐、自己又冇工作能力又要湊住個(三年後六歲)囡搞唔搞得惦
答案係:未得
所以我比三年自己康復、去說服身邊既人我可以
請問老師你對移民英國有什麼看法呢?應該要有幾多錢先夠?
龔成老師︰
現時大市在合理區,股票佔比重,去到5-6成都係可以。你可以用分注形式,再慢慢加大翻股票佔比。
但若果你係好大機會在三年後移民,時間不算好長,我會建議投資選項上,要保守少少,以平穏增長股為主。
以下平穏增長股,都係有質素,現價都在合理水平,可慢慢分注。但緊記我地組合要平衡,個別企業和行業,不要佔組合15%和30%以上,以免出現過度集中性風險。
至於移民部份,每個人都有不同考量,有的為工作、有的為教育、有的為改生活模式。最重點,係你明白你目標係想點,而這個新地方,係未來長線係唔係可以做到,你心中所想,咁就可以。
但由於移民去新地方,好多野都要重新配置,所以資金係好重要。到時你要優先留有一定現金,去先處理好生活事宜,到一切都安定好,才好再諗投資。
在你打算移民前半年倒,你就要開始慢慢沽出股票套現,唔好等到要用才一次過沽,以免回報受價格波動影響。
至於要用多少錢,你要睇翻自已計劃,衣食住行各方面開支。因為每個人都有不同,單係住在不同英國城市,個租金和樓價,都可以有好大分別,故好難話要幾多才足夠。
所以,你要先計劃好,自己移民的落腳地。再去了解翻這個城市生活和住屋水平。由於這是個新地方,會有不少額外開支,故你要預鬆D。生活費用上,最少有半年儲備,才算理想。
------------------------------------------------
Q22383:
多謝你不斷提供正面資訊俾我哋,成日都覺得投資要盡早開始,自己本金唔大,成日睇住股價上上落落,短炒咗一段時間,真係輸多過贏 好後悔好後悔。
而家睇緊老師你出嘅書,龔老師啱啱聽你咁講,先增值後享受,有正如所講長線投資一定會有回報,我想問你個意見,我同先生月入大約四至五萬 ,正因為而家有兩個小朋友讀緊小學 開支好大 儲錢亦唔多
如果我手頭上有一間價值六百萬嘅樓居屋 係自住嘅 大概仲有一百六十萬未供完。因為短時間都升值咗好多 都算係人生第一桶金
你覺得能唔能夠賣出然後用二百萬至三百萬長線去投資 然後自己租樓住五至八年。咁到五年或者八年後 咁樣財富增值 係唔係一個好嘅選擇?
但如果最後升值唔多,有機會而家住緊嘅屋都會再升,但如果我唔用呢個機會 根本就冇辦法 拎到現金去投資
以上是我之前同你提及的方案
如果我真係賣出層樓,利用一百萬收息,例如電燈。一年都大概有70,000至80,000利息,咁樣可以蓋過租樓開支,然後剩返二百拎嚟投資,選擇一些有潛力的, 你覺得咁樣大概等幾年後收成,
我希望能夠右手上嘅300零萬,可以變到500幾萬 ,幾年之後再買返樓,目標希望可以買到600-700萬600呎新界私樓, 而且可以製造多啲現金流!
如果萬一有風險嘅話,咁就可能選擇買返一啲納米樓。
因為如果唔用呢個方法,我同先生每月嘅收入 就好似變成入不敷支,根本唔可以令資產再提高。
龔成老師︰
我自己唔係太建議你,沽出自住樓去投資。因為你會變成處於"沽空樓市"狀態。表面上,你計劃係可行。
但實際上,當個貸款息率上、租金持續向上、或者樓市升幅跑嬴股市,都會令你計劃失算。
我建議你自住樓部份不變,如果開支真係無任地方可以減少。你地睇下有無可能做些網上小生意﹐或做些兼職,去增加收入。最終可以做到,每月有一定資金,去做投資增值。
如果都係唔可行,你最後方法,就係去加按。現時仍處低息期,加按是沒有問題的。
但你要睇翻自己年齡,可承受的風險程度。40歲總負債大約可佔總資產7成,如果50歲就5成好了。
現時按息不高,將資金買入其他資產,創造更高的回報。但要新資產產生的利息回報,一定要比加按的利率高,這樣才值得做。
最好有比較明顯的息差回報,這樣才能抵銷加按後,加大負債為你所帶來的風險。因此,你加按前,最好先計劃如何分配新資金,如何平衡風險。
投資於股市時,相信中低風險會較合適,公用股、內銀股、收息股、房託等,都可考慮,策略為長期的增值及收息,期望股息回報大於加按利息,這樣就值得做。但絕不建議炒賣等方式投入股市。
同時,你要明白加按表面上無本生利,但實質有風險的,你負債增加,風險會增加。
另外,如果你投資的股票不幸股價下跌,你就會出現「賺息蝕價」,對你不利。如果日後加息,又或你收息股的派息減少,都會令你得到的息差回報收窄,你的回報會減少。
若你覺得以上風險,都係你可以接受範圍,你才好加按。
另外,我地投資物業時,緊記唔好投資納米樓。因為佢呎寸太細,連一個基本家庭需要(約300呎)都做唔到,投資價值會係比其他較大樓盤,弱好多。
------------------------------------------------
Q22384:
龔老師,我有事想請教。我之前聽你教導每月月供股票,現約有約:
1)40萬股票
2)另有20萬基金
3)及約10萬現金
我想用林鄭plan買一層約500萬,209呎開放式住宅(20年樓)住宅作投資用途,但要將手上全部股票基金放曬。這樣會否太高風險?
請指點迷津,感激。
龔成老師︰
我地財富組合除左要有增長力和質素外,平衡性都好重要。若你盡沽優質股,去買物業,會令你組合偏晒去物業類,因而產生風險。
最理想係,買物業之餘,可以保留一定優質股作增值,才算平衡。除非你發現的物業,明顯係旬盤,現價又好有值博率,才好考慮。
再加上,現時整體租金回報率唔高,從投資角度,投資優質股會較好。
另外,係你將來購買投資物業時,緊記要買一些最少有300呎的單位(能滿足一個家庭需要的大細)。單位太細,其實投資價值會被打折扣。
------------------------------------------------
Q22385:
阿sir 之前8.15開始入3918,分段入,入到開始懷疑人生,而家平均買入價係7.16
每一次佢再跌我又睇一次佢既負債,現金流,財務數據,仲有佢既專營權,有冇咩壞消息,相信係短期,再入。不過而家話全球疫情會反彈,相信又要再跌。
想問下佢跌成咁我有冇miss左啲咩風險?新興市場,較受中國旅客人數影響,比澳門賭股有風險我都了解。
另外,我理解呢類股注碼不能去得太盡,而我入下入下都變成一隻持貨較多既股,但佢大平賣我又真係想再入,我既步署應該點調整好?
多謝阿sir,正當全城人妻都睇緊mirror,我老公就話,你又睇龔成(仲要無樣睇)@@我同佢講睇龔成係唔會導致我地婚姻破裂,相反係為左我地既將來努力😆
今晚進階班見
龔成老師︰
金界控股(3918)其實佢本質,無大變動。正如你所講,佢較大風險係新興市場,故一定不能大注。
雖然佢現價已經係合理區中下,好似好抵。但你過度加注,表面上拉低平均價,實際上係加大左成個組合,投放係高風險項目的資金,咁係唔理想。
如果佢已佔你一定比例(組合5-10%),但停一停,再平都唔加注住。
現時佢一直跌,最大原因係疫情不明朗,特別係一些發展中國家。因此,你預佢中短期一定會好弱,但長線質素係依然存在,持有係無問題。
------------------------------------------------
Q22386:
龔sir, 你好。上完堂之後買了好多你的書,好有用,令到我更容易明白你的堂課。因為一直以來我好相信你加上你無論上堂及sms都好有心及好誠懇。
所以好想請教一下,你可以給意見我嗎?
現年60,計劃退休年齡想5年後,但唔想完全不工作及0工作收入,如果現在先學定開網店,待退休後的工作及生意,你認為可以嗎?
Facebook 見到有廣告講網店,但教學費大約要hkd8000好耽心能否學以致用,所以想聴下老師意見及有冇推介?
現仍在月供股票中,想加多1只3188,你點呢?
最近見152(有10000股)但跌好多,請問點解既?
見388, 700, 9988 跌中,如想入,請問合理價約幾多?好感恩遇到老師,感謝你的幫忙分析,辛苦晒也謝謝你。
龔成老師︰
我覺得可以,你可以把握退休前的5年,去學習和嘗試網店經營模式,去找出一個最適合你退休後營運的方法。
至於這些創業堂有無用,我就唔係好知。但你記住,「價值」最重要,「價格」是次要。
其實,只要你從你的興趣、強項、認識的事著手。例如你本身對某類產品很有興趣,你會在那裡買?如果你在網上買這產品,這個網站的模式如何?
你最初要有學習的對象,你先尋找一些自己認為不錯的商店,了解一下佢地的商業模式,最始好大型及小型都有,先以小型作學習對象,然後就試下佢地的模式,能否成為你創業的方向。
你最初創業,就係摸石過河,一路做,一路修正,然後再一步步發展。記住,最好唔好做得太雜,要專注在某一範疇,等人容易記得你。
另外,你可以睇一些創業書本,可以到坊間找找「XXX創業」之類的字眼就得,另外可睇有關猶太人生意經之類的書。但你要緊記,創業係唔易,好多事都係摸石過河,慢慢從經驗中修正。
而且,成功與否,最大關鍵位唔係你能力,而係你能否堅持。加油!
至於投資方面,近期大市氣氛較弱,故不股票都有明顯回落。但我地唔好用股價,去判斷一隻股票有無持有價值,我地要睇佢本質。
深圳國際(0152)本質無大變,你照持有收息就可以。
但華夏滬深三百(3188)、阿里(9988)、港交所(0388)、騰訊(0700)都係潛力股,唔係咁適合你年紀,如果係你女兒投資,咁就可以。
現價都在合理區中上至頂位,可分注。除了港交所(0388)較貴,要回多2,3成才好考慮。
------------------------------------------------
Q22387:
阿sir (1810)應該咩位入
老師 你另外個4本我都訂埋。可唔可以講一次我知 13本書個順序要點睇?
我宜家睇緊股票勝經
龔成老師︰
小米(1810)$24合理區頂。
但如果你現時完全無貨,現價入一小注先,都係可以。
你可以先睇我架《80後百萬富翁》、《財務自由行》和《股票勝經》,都適合初學者。
之後,如果你想了解多D有關企業估值,可以睇埋《選股勝經》和《年報勝經》。其餘幾本,你按自己興趣去睇就可以。
------------------------------------------------
Q22388:
龔老師你好我有個問題想請教你一下。有些股票係有股息分配,理論上是否我衹要在分紅之前一天,擁有該股票就有權分到每股的紅利?
如果是的話噉,每一個人衹要係分股息之前買入,賺股息之後賣出就可以賺到股息。
這個概念是否正確?
龔成老師︰
你對派息運作,似乎有點誤解。
如果你要收到股息,必需在「除淨日」前一天,依然持有股票。「除淨日」,其實就是用來確認那些股東收到這權益的日子。等到「除淨日」當天才買,派息就唔會有你份。
「除淨日」那天,股價就會扣除派息部份,例如原來股價$10,派息$1。那麼「除淨日」就會將股價,從$10下調至$9,以反映派息動作。
而「派息日」,就係這班合資格股東,正式收到股息的日子。
由於「除淨日」股價會下跌。而下跌比重同收到息係一樣,所以只係左手交右手動作,你唔會在此期間因買/沽貨,出現任何著數。
------------------------------------------------
Q22389:
謝謝老師。另外想請教一下微盟集團2013。我看見它2018 的總負債遠比總資產多?我不太看得懂發生了什麼事。是會計上的計算問題嗎?正常應該破產了吧? 謝謝
請問老師怎看6123圓通?
老師晚安,不好意思想問一下1070 TCL 股價現在是不是已回到合理區?
龔成老師︰
因為佢2019年才上市,在上市集資時獲得大量資金,故2019年資產比2018年明顯為多。由於2018年未上市,以一間開發中公司,總負債較多都係正常。
圓通速遞(6123)本身係一家以香港作為總部的國際貨運代理服務供應商,業務已擴展至多個國家,並在亞洲、荷蘭及北美設立了幾十個辦事處。
佢主要經營以下四項業務:空運及海運貨運代理服務、總銷售代理、配套及合約物流服務。
早前阿里巴巴(9988)入股增持,令股價大上大落,這的確會令企業有更多發展,前景正面,不過,估值方面已難。
因為這刻根本無法計算佢,之能賺多少錢,企業發展情況如果,只可以話好多不確定性,但股價就反映大部分利好因素。
因此,這股雖然有發展,但同樣股價上是有風險,相信之後的股價仍會波動。只可以話,這類股小注持有不是不可,但要明白風險因素。
TCL電子(1070)全球最大的電視生產企業之一,其產品銷售遍及全球各主要市場。
集團本質不差的,業務穩定,生意不差,有持續的盈利,不過,過往的增長力就不算強。
負債偏高會係一個扣分的地方,以現時估值來說,可說是處合理區的範圍。
------------------------------------------------
Q22390:
我朋友一直叫我改玩美股代替港股,話港股已冇得買,但本身美股一d概念也沒有
請老師請教
龔成老師:
我地投資,最重要是建立一個優質股組合,中國、美國,都是往後20年最強的兩大經濟體,我地在當中選股,點都唔差。
所以,你可以考慮配合投資,不過,不要認為港股玩完。正如我在2003年,聽到大量分析話香港樓市玩先,人是好表面的,我地要睇長期。
正如我持有的比亞迪(1211),港股,都升左10倍,過往跌到最低時人人話無得玩,但多年後就大升。
------------------------------------------------
Q22391:
龔老師,你好~我今年35歲,女,與父母同住,有62萬做了定期,會2023年到期。而股票是在今年六月才開始投資股票,現在有18萬在股票上,而現金只有10萬。
其實已經有一年多沒有上班了,原因是被診斷出我的腦部有一個先天缺陷,雖然已經經過一年多時間的治療和復健,康復進度理想,但始終影響了我半邊身的活動能力,
無論平衡力、腿部活動、手指活動能力、閱讀、寫字、表達或迅速反應的能力都受到影響。
但好在我是在大公司內工作,他們都具有一定的社會責任,仍然保留職位空缺給我,如無意外我將會在下個月復工。但人工相信將會下降至等同一個剛畢業生,
因為我的工作能力已經不及從前⋯
我估計自己將來的工資會是12K-15k左右,同時,我一直需要每月有1萬元給家裏作供樓用途,因此在這情況下我無法累積新的現金。
所以希望請教一下你,在這情況下:
1)我可以如何更有效地滾存現有的資金?
2)而我現有的投資組合有需要作出調整嗎?
同時,非常期盼你能來澳門開班,讓我能夠學習如何有效地增值財富。我已經買了五本你的書籍,但礙於現在的讀寫障礙,需要很長時間慢慢的閱讀,
期盼疫情過後能夠出席你的課堂。
00388 - 100股 $462.2
00823 - 200股 $75.3
01810 - 800股 $26.55
01928 - 400股 $29.6
02382 - 100股 $234.4
02800 - 2000股 $28.6
02845 - 50股 $154.1
03067 - 400股 $15.365
感謝你的寶貴意見
龔成老師︰
1) 你現時股票,都係有質素和適合你年紀,你照長線持有。但由於你本身健康因素,我建議你現金部份,留來備用會較好。
如果現時生活上未能儲錢,就唔好勉強去增加投資。到你身體狀況轉好,或者財政上較鬆動,才再考慮。永遠我地都係生活和健康行先。
至於你62萬定期,由於佢息口唔會太高,你可以將佢用來投資。至於投資目標,以你年紀計,應該係潛力股和平穏增長股。
但如果你每月收入,都未必能支付你基本開支,而這個情況,你預期係較長線,你可以用這筆錢,去買入一些收息股,目標係5-6%,大約每月都可以幫你創造$2500-3100現金流,去舒緩你每月開支。
潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里(9988)、騰訊(0700)、舜宇光學(2382)、小米(1810)、GX中國電車基金(2845)、三星FANG ETF(2814)
平穏增值股︰指數基金、港鐵(0066)、金沙(1928)、煤氣(0003)、恆基(0012)、中銀香港(2388)、長建(1038)、粵海(0270)、領展(0823)、希慎(0014)、太古地產(1972)
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
2) 暫時無需要,當然如果你有需要加強每月現金流,你可以將部份持股,換成收息股,都係無問題,緊記照顧好自已生活,永遠都比投資增值係優先。
至於澳門班,因為現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
------------------------------------------------
Q22392:
龔成老師:我的港股處於蝕錢階段,想請教你我應該如何做。
以下是我的持股:
9988: 平均價250,持300股
941: 平均價47.8,持1000股
939:平均價6.15,持10000股
883:平均價8.76, 持6000股
700:平均價685.75,持300股
388:平均價544,持100股
11: 平均價152.58,持200股
1038:平均價45.03,持500股
其實我想買英國樓,但D現金係股票度。謝謝你的指教。
另外,我亦有買了108股Tesla( 平均價為666.7),手持大概400,000港元現金
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你現時持股都有質素(港股和美股),但有少少亂,不同種類股票都有。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
如果你係年青至中年,0941/0939/0011這類收息股,就不宜持有太多,因為始終增長力較弱。相反,你係近退休之年,你投資上就可以集中係這些收息股上。
另外,中海油(0883)係商品類股票,價格自主力能低,質素只算中等,不宜持有太多。
現時大市只在合理區,未算係好平宜。你現有40萬現金,建議先儲起,等大跌市出現時,才動用。
至於是否買英國樓,你可以睇翻你有無實際需要,若有實際需要,你可以分段沽出部份股票套現。
如果只係為左投資,你就要考慮翻佢回報率是否吸引。以過往港股長線波幅,都大約有8-10%(連股息再投資)。如果你覺得都有這個數,你對相關物業、法規、市場等又有一定認知,你都可以考慮。
------------------------------------------------
Q22393:
龔Sir,你好,我今年50歳,有自往物業,現金一千萬,請問現在買樓收租好嗎?樓咁貴,仍有升值潛力嗎?謝謝你
龔成老師︰
從投資角度計,現時租金回報率不高,投資在股市,值博率會較好。而且,你本身已有一間物業,我建議你先用優質股增值,從增值角度或資產平衡性計,都會較理想。
以你50歲,可以選擇一些「平穩增值股」作投資目標。
以現時大市合理區狀況,你可以用200-300萬,以分注形式,慢慢買入以下優質股。餘下資金,我地就等大跌市,才加大力度入貨。
但由於你資金都較多,長線你都應該再加持物業。但現時先用優質股增值,到將來樓市有明顯回調,或你在期間發現優質又平的旬盤,才再去加注物業市場。
------------------------------------------------
Q22394:
龔老師你好。我今年23歲,是一位大學生,每月大約有4000元港幣的收入請問我可以怎樣投資在30歲前達到100萬的資產?
還想請教老師,母親今年48歲,有45萬元的現金,請問可以怎樣投資?
感謝你!希望得到您的回覆
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時23歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
策略上,你可以投資「平穏增長股」和「潛力股」。你每月5成儲蓄,即是用$2000做月供。其餘先儲起,用一邊月供一邊儲蓄的策略。
餘下的另一半現金,我地就等機會,當大市出現較大回調,就加大力度掃貨,然後作長線投資。
假設投資回報有10%(連股息再投資),你每月投資$4000,30歲時大約會增值至45萬。雖然好似同你目標,有好大落差。但你很年青,收入增長力較高,你可以慢慢加大月供金額,以達至一個可完成你目標的水平。
至於你媽媽,由於佢已經係中年人士,投資要比你保守,只宜集中係平穏增長股身上。
現時大市只是合理區,你現有45萬資金可以先投入10-20萬,用"分注"形式,慢慢買貨。餘下資金,就等大市出現一定程度的下跌,才大力度掃貨,然後長線投資。
------------------------------------------------
Q22395:
龔sir, 你好!想問一下 偉易達 (303) 用市盈率估值法 or 用股息率估值法 比較好?
我用客觀方式用市盈率估值法(用五年數據: 市盈=11.88 至16.42, EPS=$6) 計到合理範圍$72至$99, 我的計法對嗎?
謝謝回覆!
龔成老師︰
其實2個計法,都係可以,你可以互相配合,去得出一個較立體估算。
市盈率你可以拿長少少時間,用10年個計法,去找出市盈率合理範圍。而EPS係正確,大約係HKD6。
但你計算後,你會發現個合理範圍較窄,你記得要加入緩衝區,對相關估值進行調整。
若以股息率計,佢達9%。但由於佢股息較波動,加上企業質素唔算好高,大約算係合理區底部。
根據2種分析,此股現價大約在合理區較底至初步平宜區。如果你目標係收息為主,加基本增長,此股可投資,但不能太過大注。
緊記,我地估值法有好多種。最理想就係用不同估值法,去立體得出一個答案,咁會較為穏當。
------------------------------------------------
Q22396:
老師︰微盟 11.32入左
9666 57.25入左
2400 62.5入左
493 1.7有49000股
巴巴 276 入
應該止蝕定溝貨,謝謝
龔成老師︰
首先你要正確了解翻,加注這個概念。我地決定加注與否,要睇幾個因素。但記住,絕對並不會是「拉低平均買入價」為目的。
第一,要分析這股的質素,如果無質素,就再跌都唔加。
第二,這股的類別,如潛力或增長或收息類等,是否與你的財富組合匹配,比例是否適合。
第三,你要先計算加注後,這股佔你股票組合的比例會否太多,因為同一行業,同一股票。不能佔股票組合的比例太多。
第四,現價是否有投資價值率,要平,或起碼合理,不能貴。
第五,你要在加注後,仍有現金剩。
記住,重點不是「拉低平均價」,而是組合比例與配置。
你現有持股,大多有質素。但金科服務(9666)、微盟(2013)、心動公司(2400)不確定性較大,只宜小注。。
而且,你持大部份都係科技相關行業,有過度集中性風險(個別行業不應佔組合3成以上),就算再平,都時不宜加注。
國美零售(0493),從過往分析,質素只是一般。
企業連續出現虧損,品牌價值遠不及從前,優勢不強,雖然正加強網上網售網絡。
唯一的賣點是創始人黃光裕回歸,可能帶公司變強,但發展仍有未知數,如果以這刻的業務、發展、現價,整體的投資價值唔算高。
當然黃生可能帶領公司變到好唔同,但這點真的無得計。以理性分析,這刻投資值博率,只是一般。
因此,你以上股票可持有。但考慮到組合平衡性問題,建議你新資金,優先投資在科技類以外股份(而非在現有股票加注),去令組合更平衡,才是理想做法。
------------------------------------------------
Q22397:
龔老師,想請教一下投資策略,本人現時48歲,沒有物業,存款有100萬,另每月可供$5000。請問我該選什麼股,ETF, REITs 呢?香港或外國都可以,可以教我嗎?多謝
我的計劃是買
$30萬(2800)
$30萬(2638)
$20萬(0066)
$20萬(0002)
每月供
$2500 美國(VTI)
$2500 加拿大 (Riocan)
請指教
龔成老師︰
以你48歲計,都有一定財富增值需要,但進行時就要保守少少。
你現時月供計劃,其實都已經可以。但RIOCAN係專注於單一行業,有少少集中生風險,我建議更改為$3000 VTI和$2000 RIOCAN,咁會較好。
另外,現時大市未算平,每月要留有一定現金,去等大跌市機會出現。
至於直接買入選股,都係可以。但同樣現時港股只在合理區,你可以先用一半資金,分注咁慢慢儲貨。餘下一半,就等大市有明顯調整,才慢慢加大力度入市。
以下是一些都適合你年紀的股票,除了ETF和REITS外,我都比埋一些單一企業的優質股你作參考。
平穏增長股︰VOO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
------------------------------------------------
Q22398:
龔Sir你好,我追蹤咗你嘅FB一段時間,好多謝你無私付出。我第一次問問題,希望你可以撥冗回覆:
我$14入咗6000股微盟(2013),我有持貨能力,但考慮到騰訊和阿里合作平台的消息,是否會影響到微盟長遠的賺錢能力,還可以長期持有嗎?謝謝你。
龔成老師︰
微盟集團(2013)集團主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的大趨勢,從業務潛力上,的確是有的,見佢財務數據的增長都強勁。
至於,騰訊和阿里合作消息,其實好多具體細節,我地都唔清楚,好難咁快判斷成件事,是好是壞。
只能說,此股中短期股價,一定會較波動。如果6000股佔你組合不多,你長線持有就可以。但若佔較大比重,你可以考慮沽出少少,去平衡一下風險。
------------------------------------------------
Q22399:
龔老師你好,你給予大家既意見好中肯,你寫既書都好有啟發性,多謝你分享咁多!
我自己最近有啲野念極都念吾明,所以想向你請教下啲睇法。6988樂享互動,營銷SaaS服務的定位,我覺得前景吾錯,公司有錢賺,但股價就未有反映出嚟!
我3.1入,現價2.6,我想知我係咪應該繼續持有?
麻煩老師解答,感謝老師!
龔成老師︰
樂享互動(6988)是中國的效果類自媒體營銷服務提供商,利用商業智能技術為行業客戶及自媒體發佈者提供服務。
睇翻近年的財務數據,佢增長力是有的,但上市前的數據參考價值較低。
相信佢長遠,業務都有增長力的,公司話佢自己能盈利高增長,但佢估值一直都唔平,你買入價都算係偏貴水平。
就算現時回落,都係合理翻D,未算平。此股你預佢中短期,都係較波動。如果你持貨不算多,可以守住先,再觀察。
------------------------------------------------
Q22400:
Hi 老師,-我想問家人有20萬現金 在股票市場應該如何分配?
-現時有:
$2.4買入1萬股中國銀行,$13.5 買入3000股中國人壽 需繼續持有定沽出?
-佢地半退休狀態,希望將儲咁耐的現金流,變更多金錢。為未來退休做准備,謝謝你
龔成老師︰
若你家人已進入半退休狀態,穏定現金流去支援生活開支,會比財富增力為主要,所以配置上,會較以收息股為主。
中行(3988)係唔錯收息,可持有。中國人壽(2628)有增長力,但質素只係算中等,近年賺錢能明顯弱左,不宜持有咁多。
未來組合,建議一半用指數基金,可以為組合帶來股息之餘,都有平穏增長力。
另一半,就係收息股。目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
現時大市只係合理水平,現金佔比重大約3-5成,你可以再投入多少少資金,去分注入市。餘下資金,就等大跌市出現,才加大力度掃貨。
但留意一點,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
媒體對家庭的影響解答 在 Momo營養師到處吃 Facebook 的精選貼文
妳有曾經因為體脂太低而月經不來嗎? 還是妳就是現在這位苦主呢?
👩🏻⚕️👨🏻⚕️很高興這次和「婦產科大象醫師」合作,共同和大家分享。
月經不來的可能原因有太多太多了,排除更年期後停經的狀況,最優先處理的方式就是
➡️ 尋找婦產科醫師幫您做婦科超音波
但如果排除一些婦科疾病造成月經失調(像是多囊性卵巢症候群、甲狀腺亢進…..),剛好自身也有出現以下任一種現象:
壓力太大、體重過輕(體脂過低)、肥胖相關
那麼很有可能就是罹患了功能性下視丘停經(FHA, Functional Hypothalamic Amenorrhea)。(詳細說明及可能造成的風險可至「大象醫師」IG查詢)。
✅無月經該怎麼辦?
1. 婦科超音波
2. 血液檢測
(以上兩項皆是排除其他疾病的可能)
3. 適當體重上升/下降
若妳屬於體脂及BMI過低的人,那妳非常有可能需要增重。而體重過重(BMI超過30),也可能會有停經的狀況,這就須要減重了。
4. 改變運動方式(增加/減少)
若妳是屬於高運動量的女孩,那麼就要提醒妳可能須要減少運動量了。可以選擇相對靜態的方式運動ex: 瑜珈、慢走等…方式。但若本來就沒有在做運動的女孩,適度的運動也可以增加快樂賀爾蒙提升,使身心壓力放鬆。
5. 健康均衡飲食
這時的妳不應該再繼續執著在體重計上的數字,甚至不量體重都沒有關係。重點是我們需要提供充足的熱量及營養素給身體的每個細胞!
因此可以注意每一餐飲食:(1) 是否豐富均衡,(2) 三餐時間是否正常,(3) 三餐食物分配是否平均,(4) 更希望妳把注意力放在每一口吃進身體裡面的食物~~
6. 身心靈壓力平衡
很多月經不來都與「壓力」相關。不只是課業、家庭、人際上的壓力,對於體重計上的數字變化、體態的要求,都有可能是壓力來源之一。盡可能讓自己放慢腳步,調適身心,多去戶外走走,都是不錯的紓壓方式。
✅ 如果我非常有可能是體脂過低的功能性下視丘停經「應該怎麼辦」?
FHA指的是:身體因為感覺體內可用能量不足,而選擇關掉不必要的生育功能。
所以首先,妳必須要停止所有「節食、斷食行為」!!!!!
👩🏻⚕️ 健康的增重應該怎麼做呢?
1. 不再做熱量赤字(攝取須大於TDEE量): 身體需要恢復能量製造荷爾蒙,因此妳需要嘗試增加自己所吃的東西。
(但不代表三餐都吃零食是一種選擇…. 零食算是只有熱量卻沒有營養素的東西呀!!! )
💬若體重真的上升了,體脂也上升了,我應該停止增重嗎?(或是開始減重)
👩🏻⚕️:「等待」月經慢慢恢復,才是最大的目標。
❇️ 多篇研究及文獻都沒有說明到底應該要補充到多少的熱量或是達到多少體脂就能夠恢復月經、時間上也沒有一個定值。因為真正要恢復月經是需要「恢復下丘腦-腦下垂體-卵巢功能」(這一串東西不理解可以去大象醫師IG看),這與直接暴吃零食等不健康的食物所增加的體脂不會有直接性的關聯。
2. 三大營養素分配適當: 我相信不少女孩在減重期間是不敢吃碳水化合物的。白飯、白吐司、麵條、甚至地瓜、水果、牛奶(?)…..等。但適量的碳水化合物就是最直接提供身體生理作用所需熱能的來源!!
六大類食物都要吃,每種原型食物都不要排斥。
3. 多選擇高密度食物: 其實就是希望妳們少選低密度食物(例如零食)。富含Omega-3的鮭魚、膳食纖維多多的地瓜、礦物質含量豐富的堅果、鈣質吸收率極佳的牛奶都是妳們的好選擇~
4. 餐間可攝取健康點心: 若體重真的很難上升,那麼可以試試在餐間吃健康小點心。燕麥配豆漿、優格配堅果….. 等組合都不錯。
但重點來了……. 多數人可能知道要體重上升,可是..做不到阿QQ
「好不容易為了瘦身、維持好看的體態,做了這麼多的努力,卻只因為月經不來就要增重(很多人感覺是增肥),要過心裡的那一關好困難…..」
我知道。 因為我曾經也跟你們一樣。
明明還沒有達到我最理想的目標,卻被身體宣判停止減重的那一煞那,我除了羞愧於自己身為營養師的身分,也不甘自己這幾個月的努力好似付諸水流….
「為甚麼xxx體脂15%... 18%月經都會來,而我怎麼體脂20%就停經了….?」
我也知道。 因為我也曾經有這個疑問過。
但,我必須說… 那是別人,那不是妳啊。
這些我都經歷過、也想過。(不過最後檢查是因為泌乳激素異常的問題~ )
但我相信可能有更多人遇到這件事情的時候不一定會講出來分享;也可能遇到這件事的時候不知道該怎麼辦,應該到底要繼續減重還是停下來? 但我又還沒達到目標的這種矛盾感。
因此減重到底還要不要執行? 會不會徒勞無功?
這時我們更應該改變我們怎麼想自己的身體。女孩子想要自己從瘦身變到「極瘦」,我相信大多數的原因都跟「外表」有關。
畢竟現代的社會總是追求瘦,雖然不像以前要求到骨感,但仍有非常多女孩還是不滿意自己的身形,甚至最後引發到催吐、神經性厭食等等。
🔔最終我們不過是追求讓別人覺得自己好看,(就算是妳覺得自己好看好了,也可能只是大眾媒體不知不覺灌輸妳一種美的錯覺)。
真正的好看與自信,妳,曾經「向內」尋求過嗎?
👩🏻⚕️內心的美醜也同樣會散發出體外,不如我們學習如何更愛自己的身體與內心吧!
月經不來所影響到的事情實在是非常多,不只生理上的更多是心理上的,若妳在無月經期間感到非常徬徨,也不知道應該怎麼辦,那麼請找專業人士協助妳並陪同妳度過這個關卡吧!
⚠️最後建議正在減重的妳們,體脂降到21-23%就差不多可以停下來了,身體仍需要體脂維持月經。
#營養師 #體脂過低 #減脂問題 #停經 #閉經 #健康增重 #無月經 #下視丘停經 #壓力 #momo營養師來解答
媒體對家庭的影響解答 在 啟點文化 Youtube 的最佳解答
【7/4 開課!】《學「問」~高難度對話的望聞問切》~第19期
掌握達成共識的關鍵能力!
課程資訊:http://www.koob.com.tw/contents/232
更多學員心得分享:http://goo.gl/A07zZ0
【線上課程】《自信表達力》~讓你不再害怕開口
從「敢表達、說清楚」到讓人「聽得進、會去做」的完整學習
課程連結:https://pse.is/RG5NC
第一講免費試聽:https://youtu.be/fAjySLoa2f8
不定期推出補充教材,讓學習無限延伸:https://pse.is/NUJK9
【線上課程】《理財心裡學》~擺脫家庭影響,從心培養富體質
課程連結:https://pse.is/EPBWE
第一講免費試聽:https://youtu.be/HgrDK7pqR-0
不定期推出補充教材,讓學習無限延伸:https://pse.is/NJ5VE
【隱喻工作坊】認識自己的獨特,與潛意識做朋友~2020/05/23 開課
課程資訊:https://www.koob.com.tw/contents/4165
【線上課程】《時間駕訓班》~
學會提升效率,擺脫瞎忙人生,做自己時間的主人
課程連結:https://pse.is/DDDHB
第一講免費試聽:https://youtu.be/flfm52T6lE8
不定期推出補充教材,讓學習無限延伸:https://pse.is/GXZWM
【線上課程】《人際斷捨離》~
讓你留下怦然心動的關係,活出輕盈自在的人生!
課程連結:https://pse.is/E5MW5
第一講免費試聽:https://youtu.be/YyLvd1cNcDw
不定期推出補充教材,讓學習無限延伸:https://pse.is/LVRLY
【線上課程】《過好人生學》~讓你建立迎向未來的思維與能力!
課程連結:https://pse.is/H8JXH
第一講免費試聽:https://youtu.be/-EHOn0UxMys
不定期推出補充教材,讓學習無限延伸:https://pros.is/KQZZH
【我們有Podcast囉~】歡迎到Apple或Android內建的Podcast搜尋「啟點文化一天聽一點」訂閱我們!另外,在Spotify和Soundon也找得到喔!
Apple Podcast~https://pse.is/N2WCZ
Google Podcast~https://pse.is/PEN2Z
在Spotify收聽~https://pse.is/PQT76
在SoundCloud收聽~https://soundcloud.com/ekoob
歡迎加入「啟點文化 X Telegram 」:https://t.me/turnkeysolution
線上課程【不用開口,就讓你擁有人際好感】
啟動人際溝通的關鍵影響力 https://goo.gl/v3ojdo
桌遊【人際維基】~一玩就懂得別人的在乎:https://goo.gl/Ej4hjQ
到蝦皮購買【人際維基】:https://goo.gl/ASruqR
=====================
以下為本段內容文稿:
歡迎來到「一天聽一點」,我們每週一到週五晚上7點準時更新,結合心理學跟生活的真實運用,陪伴你每天進步一點點,如果你也想要每天都有所進步的話,那就一定要訂閱我們的頻道~
出來行走江湖,我們一定會常常有機會,需要送往迎來,也就是說我們要送禮,給別人創造一點好感,創造一點關係,那這個禮要怎麼送?才能夠送到恰到好處,就是一門學問,
其實如果你在送禮上面,能夠讓你的對象感覺到三個要素,第1個叫做對他有意義,第2個叫做出乎他的意料,而第3個叫做讓他覺得量身打造,
只要能夠符合這三個特質,他的影響力就會是非常非常大的,而且這樣的送禮邏輯,還不只是你跟一般的朋友,或者是彼此之間有連結、有好感的人,
如果你要面對的是很強硬的恐怖分子,這樣的送禮策略,都還有具體的好處呢,今天我就要跟你舉一些很有趣的例子,
如果以911恐怖攻擊的主謀賓拉登,他的保鏢阿布詹達爾為例子哦,在911恐怖攻擊事件發生之後的幾天,這位阿布扎達爾他被逮捕,而且被送進葉門的監獄接受審問,
盟軍沒有能夠成功的讓他說出基地組織的領導架構,因為呢,當他被逮之後,他只是講了一堆批評西方文明的長篇大論,任何有價值的情資都沒有提供。
而偵訊人員發現,這一位阿布扎達爾,從來就不碰隨餐附上的餅乾,從此知道他患有糖尿病,於是盟軍做了一件很有意義、出乎意料,而且專為他量身打造的事情,
就是呢,下一次去審訊的時候,他們買了無糖的餅乾來讓他配茶,根據一名偵訊人員的說法哦,這個舉動成了轉淚點,當我們表現出對他的尊重之後,為他做了這項貼心的舉動,所以呢,他開始好好跟我們說話,而不只是一直在教訓我們,
而在接下來的幾次問訊當中,阿布扎達爾提供了詳盡的蓋達組織的行動細節,還有參與九一一恐怖攻擊的7個劫機者的姓名,
所以呢,聽到這裡,你不妨可以想想看,如果你想跟一個人建立關係,達成更好的共識,如果你要以禮物作為一個橋樑的話,那你該怎麼送禮?
再說一次哦,你能不能送她對他有意義的,而讓她出乎意料的,並且是讓他感覺到量身定做,為他準備的這三個特質,
然而如果你沒有那麼細膩的心思,你也無從知道什麼樣叫做對於對方有意義,怎麼樣讓對方出乎意料,並且量身打造,那也沒關係,其實要換個角度,你有什麼樣的商品跟服務?或者是什麼樣的知識跟技能,當成是禮物送給對方,也是很棒的!
比如說有一家快餐店,會在顧客進門的時候,準備兩個相同價格的禮物,讓顧客來挑選,以表示歡迎,然而他們發現了如果準備的禮物,跟食物沒有關係,比如說送她鑰匙圈,顧客消費的金額,會相對於沒有收到禮物的顧客增加了12%,
但是如果他們準備的禮物跟食物是有關的,比如說送他們一杯優格,而增加的消費金額就會攀升到24%,如果純粹從經濟的角度來看,這個研究的發現,會讓人覺得有點疑惑,
因為這些顧客在還沒有點菜之前,就先送他們一些吃的,照理說應該會讓他們點得比較少才對,因為他們不需要吃這麼多了嘛,
然而最後的結果,卻不符合這樣的邏輯,然而這樣的結果,事實上在心理上是非常有道理的,因為顧客會去餐廳就是因為他們肚子餓了,而在餐前送他們免費的食品,啓動的不止是一般的互惠原則而已,
如果我們得到的禮物是針對我們的特定需求,我們就會格外的覺得有義務要投桃報李呀,
所以你想想看,如果一個人到你的商店裡,或者是他主動的去找你,無非是他在某種程度上是有求於你的,何不把他有求於你的部分,在可能的範圍裡,當成是一個禮物送給他,那麼其實他不會因此消費的更少,他會在投桃報李的心情底下消費的更多啊,
這也是為什麼我花這麼多時間,製作「一天聽一點」的原因,事實上很多我們的聽眾都告訴我,我們「一天聽一點」的製作規格,已經超越了一些付費才能夠得到的線上課程的內容,
然而我們的「一天聽一點」,不管你在任何的媒體平台來收聽,你都是免費取得的,為什麼我們要這麼做,其實會來聽我們「一天聽一點」的朋友,無非是想要學習跟成長,
無論你會不會報名我的線上課程,或者是實體課程,在你想要學習成長的那一刻,我找到了我們,我就把「一天聽一點」,當成是為你準備的禮物來送給你,
我想,我們每天這麼認真製作的內容,應該是有符合對你有意義,出乎你的意料,因為你不知道我要講什麼,而且這樣的內容恰巧回答了你的問題,解答了你的困惑,那麼也就是為你量身打造了,
最後說到這邊,在疫情肆虐的今天,我們無論是線上課程還是實體課程,仍然受到很多朋友的支持,我在此特別感謝你,或許是我們認真的經營這一切免費的內容,而讓你覺得可以對我們投桃報李,
然而對我們來說,關鍵不在於你是否會報名,關鍵在於你是否有每天進步一點點,希望今天的分享能夠帶給你一些啓發與幫助,我是凱宇,如果你喜歡我製作的內容,除了YouTube之外我們也有開設podcast,
你只要在podcast的應用裡面搜尋啟點文化,一天聽一點,你就可以找到我們歡迎你的訂閱,並且給我們5顆星的評價,我們需要你用最具體的行動來支持我們,
然而如果你對於啟點文化的商品或課程有興趣的話,特別是呼應今天談到的主題哦,關於怎麼樣跟他人達成共識,事實上我有一門實體課程,叫做高難度對話的望聞問切,這門課就是專門用有系統的方法,讓你學會怎麼樣跟別人化解差異,達成共識,
而近期的高難度對話課程是在7月4號開課,這是一門實體的課程,在我們過去的經驗裡,啟點文化的實體課程,通常在開課前的三個月就會額滿,
然而最近因為疫情的關係,我想對很多朋友來說,報名實體課程難免會有一些顧慮,我們知道你的顧慮,所以關於所有的防禦準備,啟點文化都是超前部署的,無論是所有參與的人要戴口罩、量體溫之外,
在你進教室之前,或者是離開教室之後,我們都會進行徹底的消毒,並且做好所有的防護裝置,而且我們還重新規劃了教室的座位,我們所做的一切,無非就是讓你能夠安心的學習,
在我錄音的這個時候,雖然7月4號的高難度課程還有名額,但是在大家的支持底下,7月4號的高難度對話也即將額滿了!
所以希望你把握這難得的機會,希望我能夠在7月4號的教室裡見到你,讓我們一起學習怎麼樣跟別人達成共識。
詳細的課程資訊在我們的影片說明裡都有連結,期待你的加入,那麼今天就跟你聊這邊,謝謝你的收聽,我們再會。
媒體對家庭的影響解答 在 暗網仔 2.0 Youtube 的精選貼文
Instagram: https://www.instagram.com/dw_kid12/
Facebook: https://www.facebook.com/deepwebkid/?modal=admin_todo_tour
訂閱: https://www.youtube.com/channel/UC8vabPSRIBpwSJEMAPCnzVQ?sub_confirmation=1
鬼故事: https://www.youtube.com/watch?v=H4rmkFI1ik0&list=PLglqLngY6gv5BCwaoP-q6DOwUmw1lIusF
我最高觀看次數的影片 (我為何不再拍暗網? 只說一次): https://www.youtube.com/watch?v=jbihKaqEEQw&t=127s
曼德拉效應: https://www.youtube.com/watch?v=OMutzRIE_uE&list=PLglqLngY6gv5BCwaoP-q6DOwUmw1lIusF&index=17&t=5s
我的100K成長故事: https://www.youtube.com/watch?v=Kdhtp6A6YJE
破解Kate yup事件是假的! 不是綁架! 不要被騙! (Facebook上的證據): https://www.youtube.com/watch?v=2NJVt56ORWo&t=2s
日本最殘酷的直播節目: https://www.youtube.com/watch?v=7E81OKVX7wc
網上最可怕的一個字 (Ft. HenHen TV): https://www.youtube.com/watch?v=tLedkSHc7Os&t=145s
揭發韓國N號房事件的恐怖秘密名單
【終極】韓國N號房事件26萬秘密名單
Rule #1: always make them need and depend on you
Rule #5 always stay 2 steps ahead of the game
Rule #7 make sure you own there minds, body’s and souls
Pimpology這個邪惡的用詞是指做姑爺仔的心理學研究和教學.
當中有暢銷書講解法則高達48個那麼多, 差不多像孫子兵法一樣.
‘Pimpology書的負評都是牠沒有將少女威迫利诱不自願買入火坑這個關鍵折墮的情節真實一點寫出來.
尤其因為美國黑人女性的地位平均只掙到白人男性年薪的6性.
男女不平等在亞洲來講, 韓國男女地位低傳統上性別角色較重. 2013年英國雜誌The Economist指出, 韓國女人除了家庭主婦外, 極少有任何權威性的角色.
韓國過份的男尊女卑導致男性容易產生厭女心態, 女的容易被控制甚至勒索.
(案例一): 2004年15歲崔姓少女因誤交網友遭至少40名高中生綁架輪姦, 案件之後都只是輕判並草草結案.
事件最後升級到100個共犯, 主要因為崔姓少女當時被威脅所致.
所以16年之後的今天, N號房事件主腦之一 ‘博士’ 被捕後, 外界有150萬人聯合要求警方公開所有這個N號房的會員的名字. 是想改變這個權衡吧!
2020年3月尾南韓爆發一個由即時通訊軟件Telegram的巨型, 性剝削案件.
有74位受害女性, 16位是未成年的, 當中多名小朋友, 最年輕有11歲的小學生. 被迫在鏡頭前手淫, 被強姦, 食si飲尿, 身上刻字, 將蟲放進自己私處,
大家好! 又是我暗網仔一起進入N號房看一看. 其實這一單影響亞洲的新聞, 有多位online source已經描述過整個案件. 今天我們除了描述現有資訊我更想借用這事件解答兩個大迷團.
N號房的原創者身份是什麼?
當中26萬名會員有機會會有什麼知名人士?
我們首先簡約講一下N號房的表面資訊.
1號房 (起源)
(發生年份是2018至2020)
根據被訪問的一位末成年受害者, 她是2018年讀初中時在交友app認識N號房的人. 對面的人offer了一份月薪四百萬won, 即是2萬5千港幣的part time工作. 需要錢的受害者只好將自己銀行帳戶, 電話, 地址給對方. 之後雙方在Telegram上對方慢慢開始要求受害者的裸體照. 她有拒絕, 但對方卻用禮物和金錢收買她讓她心動.
最誇張是要她穿著校服用筆直到流血為止. 她總共拍了40條這些影片.
N號房聊天室是18’年12月由一個名Godgod的人創立, 初時GodGod營運8個不同Telegram聊天室, 名 “一號房” “二號房” 到 “8號房” . 每個房間內有3-4位他們稱為 ‘女奴’ 的少女被迫為房內會員表演.
2019年2月GodGod把N號房的營運交給用戶Watchman然後就消失. 自此開始出現更多更殘忍的聊天室之餘, 捕擒少女的手段也越來越大膽. 他們炫耀這手段叫 ‘釣魚.’ 他們會到Twitter找一些穿著比較少的女孩, 有些是網紅, 然後假冒警察騙她們說網上流傳她們的性愛影片, 除後send一個連結給她們, 連結會轉載到一個假Twitter登入主頁, 要她們輸入自己用戶名字和密碼. 一但進入到她們個人資料後, 就用公布她們個人或家人資料威脅她們, 一步一步張她們變成性奴.
2019年9月現時媒體公開被拘捕的 ‘博士’ 開始管理N號房, 會員需要付很多錢的 ‘博士房’ 將N號房火速成為非常掙錢的生意. 被捕後 ‘博士’ 趙周彬家中搜出超過1.3億韓元的現金. 其他他們掙的都是虛擬貨幣.
被確認整個N號房事件至今已傳超過11,297份照片和影片檔案, 當中有107份是屬於未成年人士或小朋友的.
2號房 (GodGod是誰?)
榑士身份被公開為25歲一位前大學期刊的編輯. Watchman是38歲的文員, 2019年10月Watchman曾因偷拍女性被起訴. 但整仵事件的源頭Godgod到現在還被警方追捕. GodGod在2019年頭更在男士受歡迎的討論區中炫耀過自己一定不會被捕.
據說Godgod是一位20歲學生. 當時是因為要準備高考才停止管理N號房. 一個學生要做這樣的工作是為了錢? 好像是對女人的那種權力吸引一些
而3大主謀中只有他逍遙法外.
3號房 (那些會員)
爆料! 爆料! 博士在Wikitree新聞報導網說N號房26萬會員當中有兩位是男藝人! 今次N號房事件可算是在韓國起公憤, 導致 ‘國民請願’ 公開所有會員的身分. 有指會員當中除了有藝人也有政治人物和大企業ceo.
4月1號韓國法務部長官秋美愛在KBS電視台廣播中說 “最後被抓的人將面臨最嚴厲的處罰, 趕緊自首. “ 也有人說 “因為Telegram軟件的保密性很強, 因為海外務器, 所以根本查不到”
我覺得像N號房這麼大的事件, 雖然Telegram是一間屬俄羅斯的公司, 但要提供這些犯罪資料是一定做到的.
我的看法是韓國政府部門能做什麼呢?
如果像大家所講有260,000這些 ‘會員’ 而南韓人口有5100萬, 這個196比1的比例代表每196人當中有一位會是N號房會員. 這樣的話當中一定有巨影響力的人. 而如果260,000人每一位都同樣重判的話, 有機會當中會因此更影響韓國社會. 這情況又不能選擇性重或輕判, 那可能怎麼辨呢?
當中又説女受害人中有紅的女名星而犯人有權勢的男人.
這名單是N號房終極秘密, 而唯一方法就是現時這樣說: 找不到.