少少長篇配音文:
這陣子因為一個關於配音的節目,多了人討論配音這個行業,亦都多了人尊重配音員這個職業,無論節目做得好壞與否,又或者有人説節目是消費配音這個行業也好,對我來說也是一件好事,因為有人願意消費,即是代表有市場價值,而且越多人討論,就可以引起更加多人關注和了解這個行業。
入行做配音員將近二十年,每每看到一些看輕或者誤導配音這個行業,我就會有少少嬲...因為真係太多人以為配音好容易,以為有把靚聲就可以做配音員,以為配音坐喺冷氣地方睇電視,求其講幾句就有錢收好爽。真係好多人忽略咗配音員真正嘅專業價值喺邊。
呢篇文真係講得好好,大家可以睇吓!
https://www.facebook.com/1647784308807145/posts/2798633757055522/?d=n
另外這個配音節目出街之後,真係好多朋友對配音有好多疑惑同誤解,最多人問我配音係咪真係可以跑住配㗎?因為節目剪輯或者其他種種問題,真的好容易誤導觀眾。
對,作為普通觀眾,你可以話呢個係綜藝節目,觀眾睇得開心咪得囉,使乜咁認真,大家睇完笑下咪算。
但作為呢個行業嘅其中一份子,我真心覺得有啲嘢真係唔可以求其算。
所以點解我不厭其煩喺自己個平台上面打咁多字。
早幾日我出咗一個post,可能短短的文字交代得唔清楚,令到有人誤會,以為我喺度挑剔啲藝人配得唔好,以為配音係完全唔可以有身體郁動,又或者以為配音完全唔可以有任何語氣修改,咁我喺度又不厭其煩再清楚啲講吓。
1: 我根本唔係評論啲藝人配得好唔好,因為真係配音嘅時候,根本就冇咁多時間俾你準備一段幾分鐘嘅戲。單憑幾分鐘嘅戲,根本就冇得評論佢係咪一個專業嘅配音員。正如我配咗咁多年音,都唔會每套戲都配得好,咁係咪就一定代表我唔專業呢?況且配得好唔好,每個人心中都有把尺,你覺得我配得好,但亦都一定有人覺得我配得唔好,所以我唔會評論呢個節目裏面嘅藝人配得好唔好。
2: 我哋配音員都係人,唔係木頭造,少少嘅身體郁動當然可以,有時我配一啲激動嘅戲,我都會緊握拳頭,又或者有其他身體嘅小動作令我更容易投入角色。但節目裏面有啲環節,係叫個藝人要投入角色所以個身體要跟住個角色去,例如跟住角色跑住配,又或者個角色好嬲就「dum」腳去配等等。呢個概念係唔啱,因為當你要配跳樓戲,打交戲等等,
你係冇辦法可以跟住個角色去。
3: 冇錯,我哋配音有時真係會輕輕修改語氣,可能有時個客或者導配,覺得本身個演員做得唔夠,確實係會要求我哋輕輕修改,務求令到出嚟件事好睇啲。但只係有限度嘅修改。我哋嘅修改都要睇返個演員本身嘅口型,面部表情等等去修改,並唔係配音員自己本身覺得個角色做得唔好,然後用自己嘅語氣加重或者減輕,出嚟嘅效果over咗或者under咗,如果每個人都用自己嘅Standard去改,呢件事係可以變得好恐怖。
曾經試過配一套戲,個女主角跳海自殺,然後死唔去俾人救翻,但係因為嗰個演員做得太差,上咗水之後佢嘅樣同埋講對白嘅語氣,都好似啱啱食飽飯咁好有中氣,當時我就跟住個演員配。但導演同我講,啱啱跳完海應該就嚟死,把聲冇理由仲咁好中氣,但冇計啦佢現場做唔到,唯有靠你哋幫手配好佢,你幫我配到佢把聲柔弱啲唔好咁有中氣。結果我跟着導演嘅指示去配,如果你問我出嚟嘅效果一定好核突,因為用一個柔弱嘅聲根本同個樣完全唔夾。配音員唔係萬能,當然基於客人永遠是對的,佢要你配乜嘢,只要個客肯收貨就OK,但係我仍然堅信喺配音嘅角度裏面,就係唔啱。
生活中已經有好多嘢,因為唔想煩,唔想嘈,所以不斷「算啦」,「唔緊要啦」...
我唔想一個自己做咗咁多年嘅職業,都以一句算啦,來作結。
最後希望大家多啲支持粵語配音,支持香港配音員。
❤️
#理性討論
#沒有憤怒
#如果我有嘢講錯歡迎提出
#觀眾需要進步
#配音員都需要進步
#共勉之
同時也有13部Youtube影片,追蹤數超過7萬的網紅Post76影音玩樂,也在其Youtube影片中提到,代理整左隻全新的 Sennheiser IE300 來, Senn記 IE呢個系列不嬲都係小瑟好喜歡的系列之一, 今次 IE300定位係800S同 500以下, 個價應該會再抵玩一點, 小瑟一開始用 Sony X1 II 直推, 岩岩開聲都比到 IE800 陣味喎....(高清底 ), 呢條開箱片就...
嬲粵音 在 Facebook 的最佳解答
大家好,唔知你仲記唔記得一個追左我四年既故事
《弊傢伙,我女朋友有咗》
上年出完實體書,今日我將正文放返上黎,比有追故既朋友睇埋個結尾佢,原諒我咁遲先放,因為我之前想保障返支持我實體書既朋友
但最近我諗通左,反正實體書有額外內容,以後我Post正文就可以,將延續既故事留返比支持既朋友
其他朋友,我都會提供一個完整故事比大家,答謝大家支持
首先!!!
應該唔記得自己睇到邊吧……
不如,我地重頭黎過!!
-------------------
第一回-阿鋒
我中學阿Sir講過,有好多嘢,先後次序調轉咗,就會好事變壞事,其中一樣就係生仔,有小朋友絕對係好事,但未結婚就有小朋友……我唔敢講係好事定壞事,之不過肯定有麻煩,仲要係大麻煩。
我叫阿鋒,剛剛大學畢業,有一個拍咗唔長,亦唔算短嘅女朋友,叫阿儀,我二十四歲嗰年,喺譚仔食緊雞肉墨丸小辣走腐皮嘅時候,當我夾起第三粒墨丸嘅時候……我聽到一個改變我一生嘅消息。
「阿鋒啊……我仲未嚟……」阿儀面色唔太好咁講。
「係囉,我都就食完喇,你個米線仲未到!阿姐!!!差碗嘢!!」我催咗催阿姐,順便吹咗吹粒墨丸。
「唔係啊……我話我仲未嚟M啊……」其實呢一句講得好細聲,我亦屬於耳嗚嗰一類人,但耳仔好似怕我聽唔清,特別開行Turbo咁等我聽得清楚,直情係有震撼嘅感覺。
男人思維,通常係第一時間尋找問題,我好仔細咁諗,唔通係上次?飲咗少少酒,未戴就放咗入去幾吓,喂,幾吓咋喎,阿Sir,比次機會啦!
定係另一次紅燈嗰陣挺而走險,大哥,咁條路無車,唔通唔過咩?
咦,唔係喎……上個月安全期……
「你有冇聽我講嘢㗎?喂……喂……阿鋒……喂……」阿儀嘅聲音將我扯返現實。
「睇住啊,畜牲勿演酸柴清湯!」遲遲未上嘅米線終於到。
我望一望米線,然後用好冷靜嘅聲線同阿姐講:「其實呢……我哋就無叫酸菜,你失驚無神比個酸菜過嚟,我好難食㗎喎,同埋問題唔係我哋鍾唔鍾意食酸菜,而係我哋無叫到嘛,退一萬步就算我鍾意食,你送到上嚟,我呢個Moment唔想食,咁算點先?」
「痴孖根,幫你夾走佢啦!講咁多做乜!」阿姐懶得理我,一句一手將米線拎返走。
阿儀好深沉咁啤住我,我用第三粒墨丸將就快想嘔出嚟嘅兩粒墨丸壓住,然後好平靜咁講:「不如我哋去驗下啦,唔好估估下,有就有,無就無。」
離開譚仔,我行入轉角嘅萬寧,拎起二十八個九嘅驗孕棒,好記得收銀姐姐淡然問:「有冇積分咭。」「無。」「比八達通?」「係。」「要唔要膠袋?」「唔駛。」「多謝支持環保。」
支持環保?無錯……之前我就係為地球出咗一分力,支持環保,所以依家要嚟消費,可以比我揀多次嘅話,我發誓會戴返個套,慳返支驗孕棒,兩害取其輕,前者明顯再環保少少。
喺海港城嘅廁所外面等嘅時候,我打咗比我一個死黨兼好友-肥仔。
「鋒哥?好日唔搵我?你轉行做保險啊?我爛命一條,唔需要喎!」肥仔劈頭一句就將我沉重情緒拉開,證明我打比佢係無錯嘅……
「有樣嘢我唔知同邊個講好,但係我想搵人傾訴,我條女遲咗嚟……」人生中有好多事唔知點開口,而呢樣係其中一樣。
「OMG!Happy Father’s Day!Happy Father to you, Happy Father to you, Happy Father to you, Happy Father to you!」呢一刻,我有種自己係亞視嘅感覺,即係點?即係死咗佢好過囉!
「其實呢……我打嚟想你安慰吓我,你唔安慰都算喇,都唔駛潤我嘛……算喇,唔同你講,下次見獲打獲!」憤怒地掛線之際,仲好清晰聽到肥仔大叫:「爸爸,爸爸,唔好唔要我啊!爸爸……」
咁多人死唔見你個肥仔死,我都唔明點解自己會同一個咁口臭嘅人做兄弟,更加唔知點解鬼掩眼呢個時間打比佢!
利申,我唔係教徒,阿儀都唔係,呢一刻,我好理智咁諗,有咗咁點?
「落咗去!阿仔落咗下層喇。」商場有個男人同佢老婆講。
落咗佢……
我二十四歲,剛剛有份一萬二千八百蚊嘅工,住緊公屋,有三萬八Grant Loan仲未還,部iPhone供緊無耐,下個月嘅情人節禮物我仲煩惱緊……
綜合一切,好似……我未適合做爸爸……
阿儀神色沉重咁走出嚟,我深呼吸咗一口氣等佢宣告自己命運……
「阿鋒啊……你可唔可以認真咁答我一個問題啊?」
「好啊,你問嘅我一向都好認真咁答。」
「如果……我有咗,你會點?」
「呃……有咗……我覺得可以生出嚟嘅……不過……依家我哋事業先剛剛發展,又無樓又未結婚,如果……如果呢一刻我哋……」
「我有咗啊。」
好似粵語殘片咁一道旱天雷打落個頭一樣,我完全無晒意識,阿儀繼續問:「我有咗,所以我哋唔好太多廢話,一句講晒你要定唔要?」
「我……我……」
後來聽阿儀講返,我講「我……」長達五分鐘,而我自己係唔覺嘅……
突然阿儀笑笑口咁講:「我呃你咋!傻瓜!睇吓你,咁驚青,真係有嘅話點做人爸爸啊?」
聽到呢一句嘅我終於醒返,心入面一啖氣呼咗出嚟。
真係要唱返句「來回地獄又折返人間!」
--------------------------
接下來,因為Facebook有字數限制,所以請到Google Doc入面觀看:
http://bit.ly/2MXiCDt
睇到尾,再返黎呢度睇最終回吧
--------------------------
第三十五回--承諾
大婚當日,最終Kitty都有出現,仲係伴娘,呢段日子我對佢已經無再嬲佢,即使佢係針對我,莫芷盈同我講,對付針對你嘅人,你唯一辦法就係做好自己,拗?有乜用,佢針對你你又點會拗得贏佢呢,要令佢哋失望,就係你活得比佢好。
兄弟到齊時,阿Kent佢拎咗條Banner出嚟,上面寫住立即開門,否則發射卸妝水,仲有幾支裝有不明物體嘅水槍……標叔叔就帶咗一堆破門工程用品,話有乜事就破門而入……肥仔佢話,拎咗個直升機公司電話,後悔的話可以直飛澳門,佢包。
而呢一切,都俾攝影師完全拍低,有時我哋會拎返出嚟睇,阿儀當然睇一次嬲一次話你班咩朋友啊!
最後,動用咗幾多人力物力嘅器材一樣都無用到,大家笑完爽完就正經返,接新娘了。
開門利是,其實流程好一致,一封大,再加一封細,除返開每人一千左右都已經收貨,但都要形式上留難一下大家,添少少再開門,咁先顯得有戰鬥過嘛。
但我嘅開門利是,除咗錢之外,早兩日我問咗阿儀,你班姐妹鍾意咩,最後我每個姐妹都買咗份禮物,有香水、有唇膏等等,俾利是佢哋之餘,我話:「多謝你哋咁多年都照顧住阿儀,陪伴佢成長,作為佢老公,我好想感謝你哋,雖然平時同你哋唔算熟,我相信你哋對我印象都唔會好得去邊,所以我希望你哋可以原諒我,以後大家一齊令阿儀更幸福。」
姐妹們都幾驚訝,對我班兄弟都好似無咁大敵意,果然,雞髀打人牙骹軟。
幾個環節過後,去到最老套嘅愛的宣言,一大篇不平等條約係我面前,我笑咗笑問佢哋:「仲有冇嘢要加?係就一次過喇。」俾著以前,我會好認真咁計較,但依家只係一笑置之。
隔住道門,司儀問有冇嘢想係見新娘子之前講,我話,我想唱一首歌。
雖然,我對周柏豪無乜好感,亦唔喜歡陳詠謙,但呢兩個人嘅《我的宣言》,真係呢個時間我最想唱嘅歌。
阿儀知我鐘意唱歌,佢話夜晚人多,你千祈唔好唱,要唱就朝早唱好喇,當我接到阿儀之後,佢真係好靚,果然一個要萬八一日嘅化妝師唔係惹少,將阿儀嘅美放大好多倍,我望住阿儀,無出聲,只係不停傻笑。
佢問我笑乜,我話,無,覺得你好靚,覺得我執到,覺得你唔好彩,哈哈。
跟住我再問佢,頭先首歌唱成點,佢話:「化妝姐姐話聽過咁多新郎唱歌,你算唱得好。」
我笑住咁拖實佢,開始敬茶。
中段時間無乜特別,都係影相,影到個人笑到好奇怪,阿Kent係我身邊不斷提我,笑啊,笑啊!
笑,其實結婚當日真係幾開心,但真心係攰,原來做主角,每分每秒都為你而生真係好大壓力,加上我一直都好緊張一陣要講嘅嘢,唔知其他人結婚會唔會特別開心,但我肯定係特別攰,終於明洞房花燭夜於現代社會唔存在。
一路影相、迎賓、握手、祝福、感謝,我唔知將來仲會唔會睇返呢張相,亦唔知對方會唔會睇返,但相只係留念,人到就已經好有心了。
律師上場,終於到咗準備證婚嘅環節,我已經知會咗律師將會講少少嘢先證婚,經佢介紹之下,我踏上呢個台,拎起咗一支咪。
「喺證婚之前,我有少少說話想同我未來老婆,以及大家講,相信熟悉我同阿儀嘅朋友都已經知道,我哋係奉子成婚,亦即係之前我哋仲未有結婚打算,直到我哋之間突然出現一個生命,我哋先做呢個決定。
二十四歲呢個年紀,算相當早婚,而且未有經濟基礎之下,呢場婚禮對我哋相當困難,過程之中,我哋都有爭執過,有卻步過,有猶豫過。
婚姻,我覺得係戀愛嘅墳墓,放心,唔係貶義,而係戀愛嘅終結,我哋以另一個形式一齊生活。
我,程日鋒,唔係一個咩絕世好男人,超級荀盤,有阿儀一個咁好嘅女仔肯嫁俾我,係我嘅福氣,係呢段時間入面,我做過好多事令佢傷心難過,唔似得其他新人一樣,大家上嚟讚吓對方感謝一吓,我希望俾到一個最真實嘅自己我老婆。
點解兩個人要結婚?係咪因為佢已經搵到心目中完美嘅另一半?知道對方係樣靚身材正,高富帥,溫柔體貼,無微不至?現實唔會有呢種完美情侶。
我曾經問過阿儀佢點解會肯同我結婚,我相信一定唔係有咗我嘅骨肉,而係,佢明知我有千樣萬樣唔好,佢清清楚楚,而且接受並同意咁做,唔似得大家從未睇過就click嘅條款及細則,阿儀佢每一件事都親身經歷,笑過喊過,但佢都願意接受我呢個人,呢個唔爭氣嘅程日鋒。
婚姻係一場修行,每日都見,會有開心事,但亦會有傷痛,兩個人,係完全獨立,大家唔同背景、文化、性格、習慣,邊個敢肯定自己另一半係Perfect Match?以後嘅日子,我唔敢講一定會令阿儀每日都開心快樂,但我希望無論面對任何事,我哋都可以一齊面對,一齊渡過,一齊解決。
我問過我老豆點樣會令一段婚姻更好,佢話我已經做咗,諗咗好耐我終於明,只要你一直問自己點去令呢段婚姻更好,你已經係做緊。
愛情又好,婚姻又好,無所謂完美,因為人隨時會變,只要佢唔再愛你,再完美嘅人都會離開,結婚從來都唔係終點,律師都唔會保證兩人將來唔會分開,而踏上呢種婚姻嘅賽道上,思考點去令兩個人更好,先係唯一嘅方法。
張佩儀,我應承你,一直都會努力令我哋更幸福,無論咩事都好,我都會對你不離不棄。」
阿儀無出聲望住我講完一切,我再次單膝跪低:「你願唔願意成為我嘅合法妻子啊?」
阿儀示意律師俾支咪佢:「問問問,唔願意仲會係度聽你講咁耐啊!程日鋒,我依家要在座咁多位見証,佢,程日鋒將會一生一世對我張佩儀不離不棄,會好好反省有咩不足,會一直進步,而我張佩儀會一直陪住佢,依靠佢,有咩事都會支持佢,鼓勵佢。
如果你清楚明白並接受的話,你就可以成為我嘅合法丈夫。」
「清楚明白接受!」
「我願意。」
律師佢接返支咪:「好,見証過咁多新人,我都係第一次見咁自動波,雖然佢哋兩人嘅誓辭同普遍唔同,但我相信咁多位來賓都感受到佢哋濃濃嘅愛,亦作出比誓辭更緊密嘅承諾,我在此宣佈兩人,成為合法夫妻。」
終於,我結婚了,終於,這個關於結婚的故事,完結了。
-----------------------
感謝你看了這個長達八萬字的故事
陪伴程日鋒一起成長,見証了一對小情侶在現實之下的掙扎
如果你喜歡這個故事,可以留言購買實體書
實體書會比網上版多了以下內容:
1)莫芷盈
2)五年後的程日鋒
3)蔣薇後記
另外會附送兩個網上故事《商戰》《方舟》,每本正價88元正,留言及分享可獲10元折扣,每本書也會有簽名
想購買的朋友,請留言查詢
亦歡迎大家說說看畢整個故事的感想
如果你是新讀者,可以看看我另一篇長故《老婆最後的十二個難題》
第一回連結如下:
http://bit.ly/37UXIw5
再次感謝,謝謝你花時間看我的文字
嬲粵音 在 陳美濤 Tomato Facebook 的精選貼文
每次嘈交都要和好(上)
「我哋分手啦!」
我打緊msg畀芸芸,解釋我嘅立場,但佢已經講咗分手,仲迅雷不及掩耳咁block咗我。
我唔傷心,亦唔太擔心,只係有幾分無奈。
因為「分手」呢句話,我已經聽過無數次。
我知道過多幾日,芸芸就會unblock我,我全心全意認低威哄番佢,我哋又會和好。
但和好後,過多一排,芸芸又會因為奇怪嘅理由嬲咗我,我哋再次嘈交,嘈到佢講分手。
「一排」係幾耐呢?或者係幾日、或者係一個月,反正唔會係永遠。
我哋會因為咩事而嘈交?我都話唔埋,可能係我講錯一句說話,可能係佢工作唔順利、行街揀唔到鍾意嘅衫……
總之,天文地理東南西北都可以成為嘈交嘅導火線。
我曾經戰戰兢兢,講每句說話都思前想後,好似一個企圖避開地雷嘅士兵咁。
但我漸漸發現,避係避唔開嘅,交係一定會嘈嘅。
今日我放假,本來約咗芸芸出嚟行街,但佢搭車嗰陣就同我嘈起嚟,仲block埋我,佢今日都唔會出嚟了。
我喺條街度百無聊賴咁行,一路行一路用手機search:「激嬲女友點算好?」
建議分為兩種,一種教點樣哄番女友,例如買鮮花屋前死守直至下雨、買新出嘅iPhone、打千字文……唉,呢啲我都試過晒啦,唔係唔Work,但每次都要做到成隻死狗咁,先哄得番佢。
另一種建議就得兩個字「分手」,感情問題全部都建議分手,唉,我又唔捨得分手。
我行吓行吓,行咗入一間舖頭度。
成間舖頭用銀灰色裝飾,氣氛神秘而詭異,貨架上咩都有,好似雜貨舖咁。
咦,呢條街我行過幾次,之前明明冇呢間舖頭㗎。
「先生,歡迎光臨『煩惱小店』,你係咪有咩煩惱啊?」聲音從背後傳來,我嚇咗一跳。
我回頭一望,一個黑衣女人坐喺櫃台望住我,眼神好似可以洞悉一切咁。
車,扮晒嘢。
我嗤之以鼻:「梗係有煩惱啦,世界上邊個人冇煩惱㗎?」
黑衣女人問:「最困擾你嘅煩惱係咩?可能我有產品幫到你呢。」
「我女朋友成日同我嘈交,嘈完就block我,請問你有咩產品幫到我呢?賣包老鼠藥畀我,毒死佢?」我心情唔好,講嘢嘅態度都唔多好。
估唔到,黑衣女人拎咗一包火柴出嚟:「呢包火柴叫『和好火柴』,每次同女朋友嘈交,你只要點一條火柴,佢就會即刻同你和好。」
我笑咗出聲:「有冇咁神奇啊?賣火柴的小女孩?」
「試吓囉。」黑衣女人遞包火柴畀我,我半信半疑咁點咗一支。
火柴燃盡後,我嘅電話響起,係芸芸打嚟:「BB,我過緊嚟啦,你喺邊?」
「你……你唔係嬲咗我咩?」以前芸芸一發脾氣,至少都要兩日先unblock我。
「啱啱又唔知點解唔嬲啦。」芸芸話鋒一轉:「你喺邊啫?我行到餐廳啦,唔見你嘅?你唔係遲到掛?」
「我點會遲到?我馬上出現,畀一分鐘我!」
為免再次激嬲芸芸,我即刻畀錢買咗嗰盒「和好火柴」,飛也似的衝咗出去。
我好快見到芸芸,展開咗一日嘅愉快約會。
過幾日,芸芸發脾氣,又block咗我。
我毫不猶豫咁點咗一支火柴,芸芸馬上搵番我。
呢一刻,我對我哋嘅愛情充滿信心,有咗呢盒火柴,無論因為咩事嘈交,都可以和好如初。
不經不覺間,盒火柴消耗得好快。
我想買多幾盒,但我去番嗰條街,無論點樣搵、點樣search,都搵唔番嗰間「煩惱小店」。
唉,我好煩惱,呢次我嘅煩惱,係火柴就嚟用晒。
到時,我又要回復以前嘅生活,郁啲就俾芸芸block幾日,要做牛做馬哄番佢……
我決定慳啲火柴。
芸芸再發我脾氣,我審時度勢,覺得佢呢次嬲得唔算嚴重,我就唔用火柴,乖乖等佢嬲完再哄佢。
下集:https://bit.ly/36DX2dM
Patreon訂閱即時睇下集,快人一步:https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #每次嘈交都要和好
嬲粵音 在 Post76影音玩樂 Youtube 的最佳解答
代理整左隻全新的 Sennheiser IE300 來, Senn記 IE呢個系列不嬲都係小瑟好喜歡的系列之一, 今次 IE300定位係800S同 500以下, 個價應該會再抵玩一點, 小瑟一開始用 Sony X1 II 直推, 岩岩開聲都比到 IE800 陣味喎....(高清底 ), 呢條開箱片就係再煲多幾日的聽感啦!!?
======?2021年02月02日更新 : 返歸玩詳情 ?=======
今次同代理申請左了,佢地可以借出三對未開賣的Sennheiser IE 300入耳式耳機比我地耳機版版友率先試玩呀。大家快D去我地耳機討論區參加帖報名啦!!!
⚡️返歸玩參加帖 : https://post76.hk/thread-325977-1-1.html
----------------- ⚡️⚡️⚡️ 精選文章 ⚡️⚡️⚡️ ----------------
?Web: https://post76.hk/
?網店: https://store.post76.hk/
?Mewe : https://bit.ly/38yYT4X
?YouTube: http://bit.ly/3qyrixZ
?FB: http://bit.ly/3bOMZ8Y
?IG: https://bit.ly/3nTarV5
?♂️◆最新精華帖◆??
http://bit.ly/2WZa1iC
??♂️◆最新影音報告◆?
http://bit.ly/2FtLbBj
??♂️◆最新熱門帖◆ ✈️
http://bit.ly/2IDflEh
#Post76玩樂網 #Sennheiser #IE300 #入耳式耳機 #unbox #headfi #評測 #開箱 #耳機
![post-title](https://i.ytimg.com/vi/bxjd2wIMXpE/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLB7Nzk3xz3NaMP3TmC5bZeW5fafdA)
嬲粵音 在 Lok Cheung HK Youtube 的最讚貼文
NordVPN 三年計劃三折優惠,加送免費多一個月!
立即到 https://nordvpn.com/lokcheunghk 登記或使用優惠碼 lokcheunghk
以上資訊由 NordVPN 提供
呢條片其實係舊年拍低架喇,到宜家先有時間剪!
果時唔知點解會諗倒搵下有冇舊機舖,點知一搵先知不嬲都有好多!今次講下高田馬場呢間 Mikado Game Center,搵倒 1986 年 Out Run 而且係成部將你左右咁西既版本!有我好鍾意既波子機,仲估唔到見倒我讀書時最鍾意同個死黨雙打既 Striker 1945 II!
Mikado Game Center 高田馬場站旁邊:
Google Maps: https://goo.gl/maps/r5pvvg4DdnJD57E99
Tripadvisor: https://en.tripadvisor.com.hk/Attraction_Review-g14131403-d8554802-Reviews-Takadanobaba_Game_Center_Mikado-Takadanobaba_Shinjuku_Tokyo_Tokyo_Prefecture_Ka.html?m=19905
我既器材 list:
https://kit.co/lokcheung
https://amazon.com/shop/lokcheung
https://bhpho.to/2uPRHAt
---------- 本片中使用器材 ----------
【主力相機及配件】?
Sony RX100 VI
Amazon https://geni.us/RX100VIHK B&H https://bhpho.to/2yFrlC3
Z CAM E2C 電影機
Amazon https://geni.us/ZCamE2CHK B&H https://bhpho.to/31IxK9Q
Laowa 17mm ƒ/1.8 m4/3
Amazon https://geni.us/laowa17f18HK B&H https://bhpho.to/3dC8cBM
【收音】?
Røde SmartLav+ 手機領夾收音咪
Amazon https://geni.us/SmartLavHK B&H https://bhpho.to/2Do2kKo
Røde RødeLink Filmmaker Kit 無線咪
Amazon https://geni.us/RodeLinkHK B&H https://bhpho.to/2BW3fBb
【腳架 / 支架】?
Manfrotto Pocket Tripod Small
Amazon https://geni.us/KBAy B&H https://bhpho.to/2BPg8Rw
Gitzo Mountaineer Series 1, 4 Sections 碳纖維腳架
Amazon https://geni.us/Gitzo14HK B&H https://bhpho.to/2FzySpw
Manfrotto 500 Fluid Video Head 攝錄雲台
Amazon https://geni.us/MVH500AHHK B&H https://bhpho.to/2FyW33j
【燈光】?
Rotolight AEOS 可調色溫 LED Light
Amazon https://geni.us/AEOSHK B&H https://bhpho.to/2CuPb4y
【旁白】?
Røde Complete Studio Kit (AI-1, NT1)
Amazon https://geni.us/AI-1HK B&H https://bhpho.to/2IlLTBl
【其他】
Loupedeck+ 剪接控制台
Amazon https://geni.us/LoupeDeckHK B&H https://bhpho.to/30IMrJv
** 跪求字幕!**
如果你鍾意我既片,鍾意到想幫下手,可否請求你幫我加字幕呢?你唔駛一次過加哂成條片架,所有人都可以幫手加,咁每人出少少力,就可以俾多啲人睇倒我既片!我自己試過加,實在太花時間,寧願用果啲時間拍多條片喇!
加字幕請喺片既右下 click 個齒輪(設定),再 click "字幕","新增字幕"
資助十卜呢個 channel:https://patreon.com/lokcheung
香港 IG 同 Facebook page
Instagram: https://instagram.com/LokCheungHK
Facebook: https://facebook.com/LokCheungHK
我既英文 channel: https://youtube.com/LokTube
Music:
"Sad Game Boy" by Mikey Geiger from soundstripe.com
"A Real Go Getter" by Dresden, The Flamingo from soundstripe.com
"Left Right Left Right" by 8 Bit Era from soundstripe.com
Soundstripe 一個月費,無限下載授權音樂!九折優惠:https://soundstripe.com?fpr=lokcheung 或使用優惠碼 "LOKCHEUNG10"
Photo of the Out Run arcade machine by Wikimedia user 空練 (CC BY-SA 3.0)
聯絡:hk@lok-cheung.com
#粵語 #廣東話 #中文 #LokCheung
![post-title](https://i.ytimg.com/vi/c-gv9z8Zwhw/hqdefault.jpg)
嬲粵音 在 Karen茄雲遊攝世界-LittleEggplanet Youtube 的最佳貼文
好消息!!Tone Online Music Festival主辦單位已經將30/5晚的音樂會上載,大家可以重溫:https://youtu.be/yvMl8v8PRVE
喜歡的話,現在仍可以買票贊助(自由定價),推動本土音樂和文化發展:https://www.facebook.com/Thistownneeds/
「香港是文化沙漠」「香港沒有樂壇只有娛樂圈」這些話我已經聽了很多年。不過,其實我相信香港的文化產業從來不缺人才,只因沒有鋪天蓋地的宣傳和大台的造勢,大家難在主流平台中發現他們。之前有一晚我在家中看了Tone Online Music Festival——由本地獨立歌手和樂隊演出的「線上音樂會」,簡直眼界大開......所以決定在此推介這些artist給大家。
(突然想轉廣東話mode?)話說,呢幾年來,我知道大家見到香港變成咁都覺得好憤慨,每日都係Facebook追新聞、俾嬲嬲。但其實我唔希望政治、體制上嘅問題令大家覺得香港人嘅文化同語言就一定會沒落,或者覺得無野可以做到。有好多危機其實係政治問題之前/以外已經出現緊,其實平時點樣生活你都影響緊香港文化嘅命運。我相信每一個人大大小小嘅支持,不論係留言俾個like、share你鍾意嘅歌手、買碟買飛課金、選擇支持/唔支持邊啲音樂人......全部都可以有份推動香港文化產業、香港音樂、廣東歌以及廣東話文化。
你們還有其他心水歌手/band推介嗎?歡迎在下面留言補充。
——————————————
以下所有連結的網頁版清單:https://www.littleeggplanet.com/hklocalmusic/
影片中提及的creators/歌手/樂隊:
?Happy Kongner(文化評論/分析頻道,內容資訊豐富卻不沉悶、題材多元化):https://www.youtube.com/channel/UCW_n_gfIv4HhRqCk8EnRhJA/
?Life Was All Silence(純音樂band,整個音樂節中我最喜歡的樂隊)
Hide and Seek MV:https://youtu.be/Pjtm9oJOvMQ
Live At WowAndFlutter 2016:https://youtu.be/CuIelX0mn1s
?RubberBand(相信是許多香港人都會認識的band,近年脫離唱片公司成為獨立樂隊)
發現號 MV:https://youtu.be/tcQvXUrCVxQ
阿波羅 MV:https://youtu.be/xYPjNKSdgiU
未來見 MV:https://youtu.be/Hroq64h65Os
?Stereo Is The Answer(成員本身有夾其他band,風格多元)
《when all else fails...》album preview:https://youtu.be/ANLY8GiVK-M
《Chemicals》 Studio Live Session:https://youtu.be/9QOmgqnGiTw
?Rain In Time 及時雨(音樂節奏感強烈。樂隊名字很有意思:「把音樂喻意為一場及時降下的甘霖, 能滋潤作者及聽眾因平庸生活而日久乾旱的心靈。」)
留白 MV:https://youtu.be/8VONpsUTJ2s
里程 MV:https://youtu.be/dOzk2ZnaTN8
?Matt Force(rapper)
告別 MV:https://youtu.be/voU1DufVXF0
死亡香(audio):https://youtu.be/ernLNvpGO44
?Serrini(Indie女歌手)
日没前 MV:https://youtu.be/3vd6riBcjAU
I Dreamed A Dream 廣東話版, 《悲慘世界》Les Misérables:https://youtu.be/eczn9cUmwKM
On My Own 廣東話版 《悲慘世界》Les Misérables:https://youtu.be/kuxZcVXZZ7o
?更多香港本地音樂推介:
The Hertz -《末日快車》97km/h:https://youtu.be/HoOVbHGiE1Y
Prune Deer 話梅鹿 - Stalling 失速:https://youtu.be/dTIT20vdewA
逆流 NiLiu - 異人:https://youtu.be/Y-41lTWnv6w
——————————————
Tone Online Music Festival
影片中未提及的其他演出單位:
?Sabrina張蔓莎
見多一次(audio):https://youtu.be/MqeJO4BuQTg
?Gigi張蔓姿
孤者夢遊(ViuTV節目《寂寞是幫兇》插曲)MV:https://youtu.be/MqeJO4BuQTg
?Jan Curious & Tombeats.
I am MV:https://youtu.be/rc1noZJh4hQ
?Bubblevirus:https://youtu.be/SWlna7amsyk
場地及部份主辦團體:
香港音樂文化媒體OC2S:https://www.oc2s.co/
本地獨立唱片店White Noise Records:https://www.facebook.com/WhiteNoiseRec/
This Town Needs:https://www.facebook.com/Thistownneeds/
——————————————
本影片使用的背景音樂:
https://app.soundstripe.com/private_playlists/169966
Soundstripe高質背景音樂庫➡️透過此referral連結註冊會員可享8折月費優惠:https://app.soundstripe.com/referrals/16770
——————————————
Karen(茄雲)
香港女生,愛一人出走,獨自旅行,攝影、DIY愛好者。
LittleEggplanet 茄雲遊攝世界
Blog網站(一切文章及影片大本營):https://www.littleeggplanet.com/
Facebook專頁(最新消息、日常動態...):https://www.facebook.com/littleeggplanet/
Instagram(攝影、限時動態...): https://www.instagram.com/karencheung1219/
E-mail: [email protected]
![post-title](https://i.ytimg.com/vi/p-iEynmJaW8/hqdefault.jpg)
嬲粵音 在 粵拼字表(試用版) 的推薦與評價
aa1 吖 aa2 啞 aa3 阿 aa4. N/A aa5 咓 aa6 掗*
aai1 唉 aai2. N/A aai3 嗌 aai4. N/A aai5. N/A aai6. N/A
aak1 扼 aak2 鈪 aak3. N/A aak4. N/A aak5. N/A aak6. N/A
aam1 啱* aam2. N/A aam3. N/A aam4. N/A aam5. N/A aam6. N/A ... <看更多>
嬲粵音 在 台灣神秘文字: 【夯】注音ㄏㄤ;粵音- haang (坑) 字義 的推薦與評價
例句:𡃁仔你邊度黎?(年輕人你從哪裡來?) 【嬲】粵音- nau; 注音ㄋ〡ㄠˇ 字義:「兩男一女」組成的一個字 ... ... <看更多>