<順產vs 剖腹產 9-各有各好>
咁多篇順產vs 剖腹產都係嚇大家多
又傷口又感染又爆子宮
當然要來一篇哪樣生產方式好!😎😎😎
以下會列點去寫方便讀呀!👍🏻👍🏻👍🏻
講順產優點先啦!
1. 順產一般來說失血量較少
順產失血500ml 已經叫多,但剖腹產可能會有1000ml 以上架!
當然順產我都見過失血好多的!😫😫😫
但一般係順產少d !
唔好睇少失血量呀!💀💀💀💀
對好似我呢d 成日面青青長期貧血樣的人🤢
個少少血可以買少支唇膏喇!
產後需要輸血機會都較少!👍🏻👍🏻👍🏻
復原行得走得都快過人!💨💨💨💨
2. 順產可以做到「零傷口」生產
相信睇過之前幾篇都知道順產點樣可以零傷口!👍🏻
未知快d 去睇番啦!(下面有連結)
3. 無需要承擔手術及麻醉風險
之前提過剖腹產都係以半身麻醉為主
😑半身麻醉😑做完之後的感覺其實都幾差
雙腳感覺不是我的,俾姑娘搬黎搬去!😞😞😞
而且畢竟係要打麻醉針去到脊椎神經
係有一個超級少見的機會會影響到之後下半身活動🙄🙄🙄🙄🙄🙄🙄🙄🙄🙄🙄🙄🙄🙄🙄🙄
而且做手術後會爆子宮係少見
但其他可能的風險例如腸塞,盆腔粘連以致會肚痛或者做手術時會影響到輸尿管等都係有。。😱😱
順產就可避過呢一切!
4. 有利👶🏻👶🏻呼吸
係你陣痛的同時
唔好忘記你👶🏻👶🏻❤️❤️係你肚入會俾擠壓
你覺得👶🏻👶🏻好辛苦?(呢點我真係答你唔到!無一個👶🏻👶🏻答到我😂😂)
但其實係用緊一個最自然方法叫醒佢
同時擠壓係會將👶🏻👶🏻肺部的胎水迫岀同刺激bb岀世後醒目呼吸
減少有"wet lung"情況岀現
Wet lung =個肺好濕,會影響呼吸!
5. 有利哺乳
決心餵人奶媽媽就注意喇!😍😍😍😍
順產時會有一種「催產素」的荷爾蒙岀黎
催產素當然係用黎催產啦!
但另一種作用係分泌乳汁👍🏻👍🏻
加上順產復原快
相對地順產媽媽係餵母乳方便係會有優勢!
6. 有利惡露排岀
無可否認地順產之後下面會鬆左🤦🏻♀️🤦🏻♀️🤦🏻♀️
但正正係鬆左個子宮頸
惡露排岀會更順利
加埋餵人奶更好👏🏻👏🏻👏🏻
有助產復原!
7. 價錢。。平d😳😳😳
公立順產唔使錢架!
私家就。。。睇個醫生收幾多囉😼😼
🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔
咁剖腹產呢?
無理由無好處架!?
當然有啦!
1. 一字記之曰-快
講到剖腹產就係如果媽媽或bb 有危險
最快可以生產應該就係剖腹產!👏🏻👏🏻👏🏻👏🏻
除非媽媽唔係第一胎又十度全開👶🏻👶🏻頭就係門口
咁輔助陰道產會快d!
但係產科急症應對上剖腹產絕不可少!💪🏻💪🏻
2. 一切就在掌握之中
其實我諗好多人包括媽媽同婦產科醫生都傾向鐘意剖腹產就係呢個原因
信命理的你,差一個時辰就一個時辰!
係🐉b 定🐍b 真係差少少就少少
但剖腹產則可以控制年月日時
想幾時生都得!😁😁
而醫生都一樣咁覺得
順產多變數,可以避免好多風險例如難產,高程度會陰傷口,產後失禁,少數有機會盆腔器官下垂😨
你估私家醫生份保險平!?🙈🙈🙈
中間發生咩事。。告一世都似!(細細聲講你知架!唔好話人知我講架🤓🤓)
3. 不需要經歷陣痛
呢一點真係大部分媽媽原因
陣痛閒閒地第一胎都4,5,6,7,10個鐘,甚至係幾日幾夜🤢🤢🤢🤢🤢
痛到人都灰個仔都未岀黎
做手術係生完痛,但起碼知個仔幾時岀世呀!
呢篇真係長篇!打好耐
但我真係好希望十五十六揀緊生產方法睇完之後會多d 諗法,做一個好決定!
有人睇完做到決定既記得留言話我知呀!
PS 有人留意到張圖有亮點嗎?請找亮點留言話我知!😁😁
#順產
#剖腹產
#各有各好
#就靠你自己揀
#關你nurse事
#關你nurse事_懷孕資訊
#用心打
#用左成個鐘打
#like吧
#shar吧
Search
子宮下垂手術價錢 在 20150424 子宮脫垂手術治療效果好不須切除子宮- YouTube 的推薦與評價
... 往往術後半年到一年間便復發脫垂,大部分女性也就選擇放棄治療。現在新式 手術 不須開腹,避開膀胱,併發症也較少,是 子宮 脫垂婦女的一大福音。 ... <看更多>