即係咁，細細個老豆教我作為男人一定要有腰骨，要付起擔起一頭家嘅責任。
所以由細到大，我都以家庭為重，凡事以屋企人為首要考慮。
所以為咗保衛家園，維護世界和平，免受惡龍入侵，上個月我就加入咗Monster Hunter做獵人！
為咗長期作戰，仲買咗一大堆零食。唔覺意使大咗，今個月唔夠錢畀家用，不過錢財身外物，最重要嘅係我對屋企人嘅情！
到底如何唔畀家用而不失霸氣呢？！
「阿媽！我實在唔希望我同你嘅關係，建立喺金錢上，母愛係偉大㗎！」我一放工返屋企，就用最誠懇嘅愛攬住佢。
點知阿媽話：「唔緊要啊，你由聽日開始唔好返屋企食飯，啲衫自己洗，自己執返房就可以。
「上個月得２８日，畀少幾日錢得唔得？」
「唔得。」
「嗱話晒兩母子，係咪玩嘢啊？！」
「係。」
「我…我…我…離家出走！呢排咁多失蹤人士，好危險㗎！」我用力beat啲眼淚水出嚟。
「走囉，你返到嚟，部ps4都會失蹤埋。」
「……」
睇完條片，我決定學佢咁，試吓用麥提莎嚟當家用…
「阿媽！請妳食粒吖！」我。
「幾好食喎，但你想表達啲乜？」阿媽。
「我成日覺得，麥提莎咁輕咁脆，又咁好食。我哋都應該學習吓，凡事都睇輕啲，用有趣嘅角度去睇，咁做人都會開心啲…而家用嗰方面，其實無咩大不了…」
阿媽聽完，拎咗我包麥提莎入廚房，唔夠一陣，拎咗碟麥提莎炒飯出嚟…
「咩意思？」我。
「唔畀家用，你下個月都係食佢。」媽。
「……」
最後，我都係難逃畀家用一劫。唯有今個月食少啲，勒緊褲頭捱過今個月吧啦。
#麥提莎 #睇輕啲係趣啲 #無家用 #長期糧尾
#孝敬阿媽用麥提莎 #麥提莎送給媽 #需要理由嗎
