Week 2的故事，有關該死的快樂。
【#不道德劇場－#情緒點餐裝置】
二妹係一個多愁善感嘅二十六歲女仔，佢本身就比一般人敏感，而佢嘅生命裡面有好多事都輕易咁觸動到佢嘅敏感情緒，有時候唔知邊樣係因，邊樣係果，總之如果情緒係填顏色，佢每日都好似打開咗個window小畫家或者photshop咁，佢會將每個細細格嘅顏色方塊都點擊一次，直至嗰日顏色搭住顏色，變到灰灰黑黑佢就會上床，失眠一輪之後瞓著覺。
有啲乜嘢事令二妹咁多愁善感呢？
例如係佢從事保險業嘅大家姐，大佢兩年，每個月賺四萬蚊，而佢，做設計嘅，每個月賺一萬蚊，好聽就係設計，難聽啲就係日日跟order畫線填顏色，所以佢每日都會經歷一次自卑；佢啱啱大學畢業嘅妹妹，生得靚，十六歲開始拍過8次拖，六年嚟都無單身過，而佢，三年前同上任男朋友分手之後就一路無人問津，所以佢每晚都會覺得孤獨。
欸，雖然聽落好似好灰，但係有時候爸爸媽媽夜晚留碗湯比佢飲，佢又會感到溫暖；只不過，諗到自己未好好報答爸爸媽媽，又會覺得有啲愧疚。至於返工果陣，佢個上司簡單嚟講就係個男權主義者，言語騷擾人身攻擊都出齊，憤怒呢種情緒都係每日必經；但係夜晚打比啲朋友講吓上司壞話，又覺得好痛快... …
二妹每日就係咁百感交集，搞到自己晚晚都瞓唔着覺。細個嘅時候二妹都鍾意自己呢個多愁善感，情緒爆棚嘅特質，但係人越大就開始覺得有啲疲累，有時候放咗工，都係想要一夜好眠，點解個天咁多唔可以比佢？諗到呢度佢又會開始煩惱，思考人生嘅痛苦。
有一日，星期日，二妹難得放假，好想清空一下自己嘅顏色，佢越來越嫌棄陰陰沉沉嘅生活，但係屋企人出晒街，朋友又無個得閒，令佢嘅多愁善感反而更加猖狂。煲劇煲咗全日，大約十點幾佢開始肚餓，冇人陪佢食嘢，自己都唔使食得咁好，佢諗住食個包啪下薯條算數，於是佢落咗去樓下嘅快餐店。
食客，白燈，廣東歌，露宿者，快餐店嘅景象同平時一樣，直至佢企埋去嗰部自動點餐機面前，一禁點餐，突然之間一片寂靜，周圍所有人都唔見晒，包括店員都全部消失，二妹嚇到腳都震晒，佢係度諗係咪自己禁咗世界末日嘅開關制。
係佢眼前嘅自動點餐機個螢光幕仍然好光好光，靜咗幾秒，有一個戴住一頂高帽，留住兩撇鬚，著住紳士服嘅男人出現咗係螢光幕。唔知係咪接收嘅問題，螢光幕斬下斬下，朦朦朧朧，二妹睇唔清楚紳士個樣。紳士喺螢光幕入面向著二妹微微一笑，之後咁樣講：
「二妹，你好。由而家開始你可以自由自主咁重新分配你人生嘅情緒，以百分比去計算，請隨心分配你嘅快樂，傷心，憤怒同後悔。」
二妹呆咗一呆，之後好大力咁亂咁禁咗個touchscreen幾下，諗住禁走個紳士，禁走晒啲無可能發生嘅事。點知，紳士拎咗一塊麵包同埋四支好似顏料咁嘅醬汁出嚟，而紳士隔離仲出現咗一個數字輸入版面。
「嗱，快樂，傷心，憤怒同後悔呢四種配料我都有齊，你想點分配我就落幾多。俾個指標你吖，你而家幾情緒百分比呢... ... 快樂係10%，傷心係30%，憤怒係30%，後悔都係30%嘅。如果你唔追求任何改變，就跟返呢個百分率輸入數字啦。」
二妹喺本身嘅害怕入面突然之間搵番一刻理性，咩話！快樂係10%！唔怪得我晚晚瞓唔著啦！佢嘅敏感情緒又再出場，今次係唔甘心呀！我點解唔可以開心啲！好似啲妹妹同事咁嘻嘻哈哈又一日，點解唔可以？於是佢唔理咁多，佢開始禁啲數字：快樂50%，傷心20%，憤怒20%，後悔10%啦！
「收到你嘅指令。多謝你嘅惠顧！」
一斬眼，快餐店又變返普普通通嘅快餐店，唔知點解二妹已經坐咗喺一張櫈上面，面前係一個佢本身想叫嘅豬柳包餐。佢雖然驚魂未定，但係開始覺得好肚餓，於是佢就決定首先食咗嗰飽再重新組織頭先發生咩事。
咁好味嘅！佢一啖咬落個包，佢覺得好好味，好感恩，一股暖流從佢個心流出嚟... ...呀，佢感受過呢種感覺，不過比較少機會感受到，而佢呢刻好確定，呢種感覺係快樂，係純粹嘅快樂！
之後落嚟嘅一個星期，二妹發現自己嘅生活有好大改變。星期一嘅朝早，佢都好有希望咁返工，好有動力所以工作效率都提升咗好多。返到屋企見到爸爸媽媽，佢唔知點解都有種莫名嘅興奮，好好攬咗佢哋幾次。星期二，星期三都係一樣，工作上間唔中有啲小挫折，上司都一樣咁賤格，所以佢都有少少傷心同憤怒，但係呢啲小小嘅情緒波動，都冇影響佢嘅一夜好眠。星期四好暢順，然後係星期五，本身都好暢順嘅，直到夜晚佢約咗幾個舊同學出嚟食飯，好暢快咁傾咗一晚計，冇乜理時間，返到屋企樓下已經兩點幾。
佢喺屋企附近行下行下，因為有啲傷心唔想上樓住。傷心係因為太懷念以前嘅日子。佢心諗，呢個世界真係痛苦。以前嘅日子，如果係過得差嘅，佢就覺得後悔；而如果係開心嘅，因為呢啲開心已經過去，已經不復返，最後帶俾佢嘅居然都係傷心，點解要咁諷刺呢？佢不斷思考呢個問題，諗到有啲肚餓，於是走咗入快餐店諗住食個包。入到快餐店，居然出現咗上星期日嘅風景。乜人都冇。淨係得一部點餐機著咗燈，又係果個紳士。
「二妹，你好。因為你心入面嘅慾望，我又出現啦。」
二妹今次冇咁驚啦，於是開口問佢係邊個。
「我只係區區一個係快餐店之神啫。因為你對於現狀唔滿意，所以我嚟幫助你。比多次機會你重新分配你人生嘅情緒，以百分比去計算，您可以再次隨心分配你嘅快樂，傷心，憤怒同後悔。」
又多次機會？二妹覺得一定係連個天都明白人生嘅痛苦，所以叫咗呢個紳士嚟幫咗佢。佢知道上次嘅調整係有效架，佢切切實實咁感受到。所以佢今次，唔驚啦，佢等個數字鍵盤出現，之後即刻輸入：快樂，100%！佢要佢嘅人生有100%嘅快樂！
「收到你嘅指令。」
紳士將快樂嘅醬汁搽上個包，向二妹微微一笑，鞠咗個躬，然後就喺螢光幕上面消失咗。二妹嘅視線一離開螢光幕，佢又發現自己坐咗係個位度，面前又係一個豬柳包，佢即刻將佢食咗落肚。
由踏出快餐店果一刻，之後落嚟嘅日子，二妹真係過得好快樂。佢好似已經唔再介意任何事啦。首先係第一晚，佢返到屋企，見到爸爸媽媽嗌緊交，好似係媽媽發現咗爸爸呢排頻頻同另一個女人whatsapp所以發緊脾氣。佢覺得佢哋好傻，因為呢啲小問題居然搞到自己咁唔開心真係好無意義，佢覺得內心嘅平靜先係最重要，所以佢返咗房，好好咁訓咗一教。
之後嗰幾日，佢充滿希望咁起身返工，每日都努力感受世界帶俾佢嘅喜悅，陽光令佢幸福，空氣都令佢滿意。佢面上面始終都帶著一個穩定而平和嘅笑容，佢唔介意上司嘅說話，同事嘅眼光，只係跟住自己嘅步伐快樂咁工作。幾個禮拜之後，有個舊朋友打電話畀佢，話比佢知另一位舊同學因為癌症過咗身，佢都感到好快樂，因為佢知道，舊同學已經脫離痛苦，脫離痛苦係上天送畀舊同學嘅禮物。日子一日一日咁過，上司開始忍受唔住佢嘅工作表現，終於遞咗封解僱信俾佢。二妹睇完封信，覺得好快樂，佢覺得呢份自由就係最美妙嘅正能量。於是，佢放低咗手頭上做緊嘅一份排版設計工作，打算開始執嘢返屋企，好好感受生命嘅喜悅。臨走之前，佢望咗一望嗰份排版工作上面嘅hardcopy。原來係一個情緒病患者嘅專欄。
「各位讀者，今日想話俾大家知嘅係，我哋之所以係人，就係因為萬物中都有自己嘅悲傷。唔好驚面對自己嘅情緒，因為人值得生存，唔係因為終極嘅快樂，而係一路上面我哋披荊斬棘嘅小故事。我哋所追悔嘅事，所懷念嘅事，所期待嘅事，所渴望嘅事，全部加埋先拼貼成我哋自己。快樂唔係一種狀態，而係一個行動。佢應該係虛幻無常嘅。快樂係做完一日辛苦嘅工作飲返一杯；快樂係落雨嘅時候我哋一齊冒雨衝返屋企；快樂係嘲笑曾經荒謬嘅自己。我好高興話畀大家知我已經病好啦，因為我識得面對自己嘅情緒。」
二妹，睇住呢篇稿，有一種隻隻字都識，但係完全唔理解嘅感覺。佢講乜呀？佢拎起份hard copy，微微一笑，撕爛咗佢，昂首闊步，離開咗辦公室。
孤燈寂寂夜沉沉感情 在 Re: [請益] 孤燈寂寂夜沉沉（感情） - 看板Oracles - 批踢踢實業坊 的推薦與評價
※ 引述《hilove5566 (hilove5566)》之銘言：
: 跟一個好朋友曖昧之後發生一些事情，導致我們有一年時間幾乎沒有聯絡對方，就算傳訊息給對方也是比較生疏甚至是不讀不回，目前最後一次見面的時候也非常尷尬。究竟是該跟這個人回到朋友關係或者放棄而困擾了很久，所以跟神明求籤的時候心裡想的是：我跟他之間的問題困擾我很久了，現在我希望可以有個了斷，究竟是往前或者退後請給我一個方向。
: 籤詩：第五十四籤 壬戌籤
: 念月英求佛嫁良緣
: 孤燈寂寂夜沉沉
: 萬事清吉萬事成
: 若逢陰中有善果
: 燒得好香達神明
: 在查完籤詩意思跟典故之後還是不太理解神明給我的指示，因此想要請問版上各位，非常謝謝！！！
: -----
: Sent from JPTT on my iPhone
這首籤，所求者為女，則屬凶籤，不過風波之後可望轉吉。
籤說：妳與他能曖昧，表示也是有緣，但結果卻不明朗，意味兩人若交往，對妳不利。
也就是說，沒有在一起或沒有持續熱絡，是上天有意為之。
若交往，妳可能會被長期冷落、受很大的委屈。
（對方不是對妳無感，也不是有心冷落，而是兩人性情不同，溝通上很有障礙）
也是妳虔誠或上輩子燒好香，神明才會阻止這段姻緣，他並非妳對的人。
若妳沒有切斷與他的聯繫，沒有退出風波，被牽連的不幸還是可能發生。
此外，這籤分別有四個階段的諭示，包括〔陷入兩難的困境〕、〔遇到負心對象〕、
〔有重大衝突與矛盾〕及〔獲得穩定的感情〕，四階段只有最後是好的，應該是說，
這個人並不是妳的良緣，度過這個風波後，卻會遇到真正適合妳的。
--
※ 發信站: 批踢踢實業坊(ptt.cc), 來自: 220.137.3.156
※ 文章網址: https://www.ptt.cc/bbs/Oracles/M.1502548265.A.5DE.html
※ 編輯: notoriousii (220.137.3.156), 08/12/2017 22:35:09
... <看更多>
相關內容