Search
驕傲👍🏼
希望可以承傳下去👍🏼
【香港籃球】x【學界籃球】屯門區 - 男甲季軍戰 (HD clip)
東華三院邱子田紀念中學 (黃衫) vs 崇真書院 (藍衫)
於四強賽事中面對同區熱門及最後皇者可藝的東華三院邱子田紀念中學（邱子田），一度領先雙位數字，可惜未境全功只能出戰季軍賽。
是役面對崇真書院，邱子田未有因失落四強戰影響心情，依然發揮出色。另外雖然主帥甲一南華球員@Bear Liang 梁民熊因隨隊出外集訓未能督師，但代理教練 #陳梓仲 相當落力，一眾球員未敢怠慢；另一邊崇真教練 #姜展明 雖然嘗試以不同戰術抵抗，可惜未能成功追回失分。最終邱子田在全場大部分時間領先下，以44:29勝出，奪得季軍。
崇真書院 崇真書院2015-2016年度學生會H2o
=====================
相關片段:
【香港籃球】x【學界籃球】荃灣及離島區 - 女甲決賽 保良局姚連生中學 vs 荃灣官立中學
https://www.facebook.com/24secs/videos/771900176248213/
「其實『高妹』好難發掘唔到。」浸信會永隆中學女子籃球隊教練林碧怡口中的「高妹」，是身高達1.8米的球隊隊長黃惠婷，「佢係個行出嚟就可以入港隊嘅人，我自己打波又好，睇咁多人打波又好，佢有咁嘅身高得嚟，又有呢個彈跳力、靈活性，係香港未見過。」
米八高妹成球隊瑰寶 十射十足助校破宿命
身兼港隊女籃隊員的Miss Lam對高妹讚不絕口，憑的不只是主觀的感覺，高妹在剛過去的「NIKE全港學界精英籃球賽」八強一役，全場射十球、中十球，協助學校勝出球賽，首次晉身四強，更打破過去三年兩度於八強止步的宿命。
缺自信賽前壓力「爆煲」 教練鼓勵終取勝
1.8米的身型在學界完全佔優，但又怎料到她也曾對自己無信心，「嗰陣打屯門區學界冠軍賽，我有另一個隊友比賽前一日受傷，我驚到喊咗出嚟，因為我覺得自己唔可以帶領隊友贏比賽。」高妹憶述說。
面對心理壓力「爆煲」，幸而高妹當時有Miss Lam的鼓勵，「Miss喺比賽前同我講『黃惠婷，你要相信自己』、『唔好諗到自己係咁差、咁弱』，嗰陣都相信Miss，Miss咁相信自己，覺得自己都應該可以。」最後高妹與隊友順利贏得比賽，高妹也上了一堂重要的課。
射失罰球球隊出局 一世難忘
但人生要上的課豈只一堂，高妹要面對的挑戰也接踵而來：在去年的精英賽八強，她與隊友發揮出色，原本勝利在望，可惜高妹在最後關頭射失了四球罰球，間接令球隊以一分之微落敗，這場比賽也成了她心中難以拔走的刺。
「嗰種唔開心嘅感受仍然喺度，係有種刻骨銘心嘅感覺。」高妹冷冷地說，「嗰場完咗後好似兩日無離開過屋企張床，就係喺度喊，因為覺得自己點解無能力去帶領球隊贏波，反而係因為自己而輸，仲只係輸一分，無試過因為輸波喊咁耐。」
再一次面對挫折，但教練又再一次令「高妹」重新站起來，靠的是不斷用Whatsapp訊息鼓勵。而球隊不只高妹一人，Miss Lam亦會以短訊關心及了解其他隊員情況，成功令球隊凝聚得如家人般親密，「我哋學校有四個字，『修己善群』，就係想佢哋先喺籃球場搵到自己嘅品德，品格好，然後再服侍呢個社會，感染其他人都會有咁好嘅品格。」
以熱情激勵他人 津貼中學亦有出頭天
Miss Lam教過不少球隊，在她眼中永隆最特別的地方是「夠簡單」，「佢哋打波好簡單，真係為打波去進步，唔係想爭咩返嚟。」全憑對籃球的熱情，即使作為津貼中學的永隆不如直資中學般有充裕的資源，也能在今年成功擠身四強，Miss Lam對此也十分感觸。
「永隆係我最覺得對教學失去衝勁，佢哋一路畀鼓勵我、一路唔放棄，係令我對教學重新充滿熱誠，係話畀我知原來我仲係可以，教到學生有份熱情、有感染力。」Miss Lam不禁流着淚說，「我哋永隆打籃球呢份熱情，係令其他寂寂無名嘅學校都可以掘起，可以令更多新面孔被呢個籃球圈認識。」
戰幔再起 東網「睇體」現場直播
今年精英賽即將戰幔再起，東網「睇體」屆時會現場直播「2018-2019年度NIKE全港學界精英籃球比賽」四強(26/1)及決賽賽事(27/1)，永隆中學將在四強硬碰協恩中學，今集《港。故》會用5分半鐘，帶大家感受永隆女籃對籃球的喜愛及熱情。
------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube
