Search
想當年...
【7年前今日】當年荃灣遵理有「學界曼城」呢個朵就知幾猛料！陣容上一口氣搵咗「國王」卓耀國、劉卓軒、梁冠聰、黃威、李嘉耀、羅港威、屠俊翹同埋曾子聰返嚟，即刻贏到荃離區學界賽，同埋精英賽「雙料冠軍」！稱霸全港！ 7年前嘅今日，就係「國王」首次披上遵理波衫出戰荃離區學界賽日子！睇番佢讀書時個樣，都係咁霸氣！
攝：司徒大導－2011年11月12日
＃學界足球 ＃荃離區學界足球賽 ＃遵理學校(荃灣)
卓耀國 Tommy Chuck
世界盃準決賽第二場，由英格蘭對克羅地亞。隨住法國以一個死球 (以及四平八穩嘅踢法) 氣走比利時，無論「三獅兵團」抑或「格仔兵團」打入決賽，都會扮演 underdog 嘅角色。英格蘭今場獲編配著主場嘅白衫，克羅地亞著作客嘅黑色波衫，符合佢哋「黑馬」嘅角色。
克羅地亞連續兩場淘汰賽都踢足 120 分鐘，先至憑互射十二碼擊敗丹麥同俄羅斯，但球隊正選名單大致維持不變，只係由波索域取代卡馬歷，加強中場控制力。英格蘭繼續沿用 3–5–2 (或說 3–3–3–1) 陣式，以史達寧輔助哈利簡尼攻堅。
不過今場嘅第一位主角其實係查比亞，呢位效力熱刺嘅右翼衛開賽五分鐘就喺鵝眉月頂主射罰球打開紀錄。其實喺呢場波之前，查比亞喺國家隊未有入波，喺球會級賽事，八個球季嘅罰波入球亦只得四個，認真係禾稈冚珍珠。
查比亞作為英軍今屆嘅死球專家，平均每 90 分鐘就為球隊創造 0.6 次「餐士」，當中透過死球嘅製造嘅埋門機會就超過 0.4 次，遠遠拋離其他隊友。呢個數字喺今屆世界盃一眾球員當中排第三，僅次於尼馬同迪布尼。當巴西同比利時靠 Keyman 或 Playmaker 創造機會嘅時候，英格蘭就真係用自己嘅方式贏波。
根據英國《金融時報》 (你冇睇錯， Ivan Li 李聲揚 - 華麗后台 今屆周不時引用 FT 嘅報道同分析，而你睇返香港嘅《信報》⋯⋯) ，英格蘭今屆賽事平均每場創造嘅機會只係排第七至九左右，當中超過一半來自死球 (其他過五成嘅球隊包括巴拿馬、葡萄牙、俄羅斯同克羅地亞同烏拉圭 ) 。
咁其實無可厚非嘅，呢支被譽為近代最無星味、實力最弱嘅英格蘭，的而且確唔似得法國或者比利時咁擁有才華橫溢嘅球員。 90 年代初有加斯居尼， 90 年代尾有碧咸， 2000 年後有朗尼⋯⋯而家講腳法，最好嗰個可能叫史達寧 (如果唔係中堅史東斯的話) 。咁限米就當然要煮限飯，專門用罰球同角球去搵機會入波，又真係唔犯法嘅。
Malcolm Gladwell 嘅暢銷著作《大衛與哥利亞》其中一個例子，都係講一位名叫 Ranadivé 嘅教練，點樣帶領一支資質平庸少年籃球隊爆冷贏波。佢用嘅係相當另類嘅戰術：全場前場壓迫防守，喺學界咁玩法係可以令對方五秒內開唔到波而違例，於是自己就可以打斷對方進攻節奏，並利用體能優勢以弱勝強。
不過喺世界盃上，英格蘭想要單憑一個罰球入波而晉級，又邊有咁容易？上半場佢哋同克羅地亞尚算互有攻守，史達寧今場冇再獨食或者浪費機會，令佢作為鋒線爛頭卒、第一點控定來球畀隊友後上再組織嘅功用相對地明顯。如果哈利簡尼或者連加特好好把握機會，英格蘭有條件領先兩球返更衣室嘅。
下半場戰局都係比較膠著，直至克羅地亞喺中段開始壓上，第二位主角出場：效力國際米蘭嘅佩利錫。佢喺由左邊入楔，喺卡爾獲加身後接應傳中，以打踺腳射入，為克羅地亞扳平。之後佩利錫乘英格蘭班後生仔陣腳亂一亂，左輔位射遠柱彈出，喺十二碼點嘅列比錫唔太為意而求其一腳射返畀門將碧福特。
英格蘭大難不死，將比賽帶到加時階段。克羅地亞加時上半場縮得較後，應該係體力下降之下，迫不得已嘅選擇。英格蘭差啲憑一次角球攻勢再度領先，可惜史東斯嘅頭槌喺遠柱被敵衛維沙高解圍。臨完加時上半場，佩利錫及後左路傳中畀文素基治，不過碧福特及時出迎擋出射門，但已經為英軍敲響警號。
如果睇返英格蘭換人嘅調動，大家都應該明白英軍實力已經見底：華舒福入替史達寧、丹尼路斯入替艾殊利楊格、迪亞入替軒達臣，後兩個調動基本上都係對位換人，而華舒福出嚟上腳推進，喺隊友跟進乏力嘅情況下就顯得有啲孤掌難鳴。
加時下半場克羅地亞再次採取主動，佩利錫乘英軍解圍不遠，壓住呢場波頭威頭勢嘅查比亞頭槌二傳，文素基治反應快一步擺脫史東斯入楔，近門射破碧福特十指關，反先二比一。
英格蘭最後一個換人名額係華迪取代卡爾獲加。卡爾獲加踢右中堅呢個方法，無疑令佢同查比亞兩位先後效力熱刺嘅右後衛可以並存，並且以速度彌補另外兩位拍檔轉身慢嘅弱點。不過針冇兩頭利，邊衛移入中路嘅身高同位置感好多時都會出現問題，之前卡爾獲加對哥倫比亞已經幾乎出事，去到四強先至畀佩利錫偷雞，其實遲咗。
查比亞最後傷出，英格蘭以十人戰到最後。全場英格蘭一千零一個埋門，正正係查比亞開紀錄嘅罰球。或者都說明咗，英格蘭以咁樣嘅陣容殺到入四強，其實已經超額完成，就好似 2012 年歐洲國家盃意大利喺不被看好嘅情況下打入決賽一樣 (雖然最後畀西班牙炒四粒好慘情) 。雖然喺四強輸畀「黑馬」克羅地亞係令人比較難接受，但係球迷將期望一步一步推高，最終結果不似預期，又可以怪邊個？兩年後嘅歐洲國家盃，可能先至係英格蘭嘅舞台。
#全城最快
第一場排球學界
新波衫好靚啊👍🏼
#dossportswear DOS Sportswear
#立即分享#
→→→→→→→→→→→→→→→→→→→→→→→→→→→→→→
副作用之喊出黎 - 黑色幽默
洪卓立在新EP《自言》挑戰了一首入行以來最離經叛道的歌〈副作用〉，本身歌曲的旋律已經夠特別兼有挑戰性，高低key之間的轉換極考Ken的唱功，填詞人陳詠謙再以一個怪人的思想出發譜詞，打造了這首風格迷幻的作品。今次Ken特別邀請rapper達哥crossover錄製了充滿黑色幽默的featuring 版本，將一般比較陰暗的心底話rap出來，將樂迷帶入幽暗怪誕的境地。
→→→→→→→→→→→→→→→→→→→→→→→→→→→→→→
▶iTunes
http://iTunes.com/KenHung
▶MOOV
http://url.cn/LGdM2p
▶KKBOX
http://kkbox.fm/HA0oRG
副作用之喊出嚟(featuring 達哥)
曲 / 詞：James Mathus
改編詞：陳詠謙
編：黃思彥
監：舒文@Zoo Music/廖志華
VO：達哥
T = 達哥
K = 洪卓立
T：人類發問往往都係想人答心入面嘅答案。你老細問你：今晚有無野做，可唔可以OT呀？你應該答：無野做！都唔OT呀！吹咩！？
女友問你喇：今晚不如食日本野丫？你應該答：好喎！不過你煮呀，唔係出去食！ 點解你食咁多餐你都唔識煮呀？
呢個道理係我12歲看破紅塵悟出既大道理。
K：凌亂佈局 無人來打掃
樓下有個潮陽老婦在傳道
新聞報導 維持颱風信號
頻道轉 幾隻小狗撲電兔
同事說 綠茶可送藥
化學界發明 血液流著
光天化日 謀財的策略
杜指正在跳躍
還未吃掉 墳場來的菜
留在雪櫃內 繼續期待
我走向露台 愈看愈呆
誰話禱告便有愛
男或女 爽不停 封面喜歡色情
難道我 不著衫 可脫穎
多麼有用 成年人的冷靜
離席了 若然沒有事情
隨便播著 填詞人的痛
門合上 眼合上 別言重
副歌太類同 愈聽愈矇
各位繼續鬧哄哄
T：話說有次我唔記得左做功課啦，老師即刻黑口黑面係到問：點解唔記得左做功課呀？你無寫手冊架咩？我心諗：點咩解呀大佬！唔記得左重點咩解呀？大笨象點解去打仗，打完仗重要食辣椒醬？小皮球點解會係香蕉油呀？個波搽左油可以變猛虎射球咩？點解小明小明小小明下一句係上上下下左左右右火車捐山窿呀？小明關火車咩事呀？點解？依個世界上好多野都無得解架！
K + T：從未發現 靈魂如此重
疲倦了 成全我 別移動
終止發育 餘生發夢
各位繼續鬧哄哄
T：呢番話我當然無講到出口啦！我揀左ㅡ個可以快趣了結呢件事嘅答案：Miss，我特登唔做嘅吹咩？結果，老師終於爽快咁記我大過，然後放我走喇。完。
關注更多洪卓立消息 | Get Closer to Ken Hung
英皇娛樂Facebook: http://www.facebook.com/eegmusichk
洪卓立 @英皇娛樂Official Website: http://goo.gl/fUb992
洪卓立 @YouTube: https://www.youtube.com/user/hungcl
洪卓立 @騰訊微博 Tencent Weibo：http://t.qq.com/kenhung0302
洪卓立 @新浪微博 Sina Weibo：http://weibo.com/hungcl
洪卓立 @Instagram: http://instagram.com/hungcl
英皇娛樂 iPhone Apps：http://url.cn/7PUwlQ
