🇲🇴三口八胃論區行嚐美食企劃🇲🇴
「三口八胃論區行嚐」路線：《花王堂區．情牽中西》
番茄屋葡式美食一直係大家心目中嘅良心餐飲，以唔傷銀包又具親和力嘅澳葡菜打響名堂，可以話係來澳必到嘅特色餐廳之一，人流不絕嘅總店座落喺一條具挑戰性嘅斜路中，如果你唔想與斜坡角力同等位，可以考慮下移步到位於柯利維喇街嘅分店，位置就在消防博物館的附近。
番茄屋嘅店主精通中菜烹調技術，突發其想以中菜嘅元素貫穿於傳統葡菜嘅基礎度，澳葡菜就係咁而衍生出嚟㗎喇。
👅行嚐焦點：葡式阿里巴巴焗雞扒飯 -
呢個阿里巴巴雞扒飯，可謂係紅遍學界嘅鎮店名物；佢亦都係我學生生涯入面嘅重要回憶之一。以肉醬、香草、被醃製過嘅雞扒同大量芝士等作主導，冇驚天動地嘅食材，但成個組合就係有種咒語咁嘅魔力，入口啖啖滿足感油然而生，每逢午飯時段一定有學生可為咗佢而突登蒲頭，當年我都係其中一個呢！
葡式木槺奶布甸
一向對坊間嘅傳統木槺布甸唔感興趣，因為忌廉嘅比例太多，食到一半已經有種滯膩感散發出嚟。番茄屋嘅呢個版本經過改良，忌廉部份用咗充滿彈性嘅奶凍取代，入口軟滑輕巧，奶味香濃，就算被主菜攻佔完，仍然擠得出胃容量去迎接佢呢。
🚩同區景點及好去處：白鴿巢公園、永樂戲院、消防博物館、蓮溪廟、三盞燈 。
番茄屋葡式美食 tomato house
蕃茄屋葡式美食（鏡湖分店）
地址: 澳門柯利維喇街6A號金興大廈地下
#完整圖文盡在澳門特區旅遊局觀方微信號 #澳門obxxob #澳門 #obxxob澳門 #macau #macao #macaufoodie #macaofoodie #yummy #instafood #foodporn #macaufood #macaofood #三口八胃論區行嚐
