《新奧運五環》
「喂喂，伍家朗單野你點睇？」
「世界排名第九位，輕鬆取勝啦。」
「唔係啊，佢件衫啊！」
「你睇衫定睇羽毛球啊？」
「世界大戰好睇過羽毛球啦！」
「咁你睇世界大戰啦，我睇奧運。」
「家陣連羽毛球總會都出聲明，然後藍營又話佢係一九年羽毛球暴徒，個建制議員成個Page都無左！」
「係精彩喎。」
「不如你都寫返篇文拎下熱度啦。」
「寫，咁熱唔係唔寫啊！
介紹返，奧林匹克主義宣稱，享有從事體育運動的的權利與自由不應受到任何形式的歧視，這包括了基於種族、膚色、性別、性取向、語言、宗教、政治或政見、國籍或社會出身、財產、血統或其他社會地位等要素的歧視。By Wikipedia
另外奧運五個圓環係講緊人類不分你我團結，相互理解，友誼長久。
呢幾樣野，小學唔記得有冇教喇。
家陣我Search伍家朗，睇左幾頁大量罵戰，如果你準備緊比賽，有兩班人係你耳邊嘈黎嘈去，仲要行出黎同大家講，唔好嘈喇，其實係誤會，大家不如睇比賽啦，然後佢講完，靜左一秒，繼續嘈落去。
香港人就係咁，無返少少花邊，八卦，罵戰，你死我活，就好似唔舒服咁。
係啊，政治無處不在，玩鬥黃鬥藍鬥紅鬥黑乜都好，依家連中間既綠色你都要鬥埋入黎，人地只係想安安心心比賽，點知比人放上枱。
啱喇，一家團聚，五環顏色齊晒，五個環都唔好扣埋一齊喇，分開啦，變埋箭咀佢，然後互相指住大家。
生活係政治，親情係政治，愛情係政治，職場係政治，道德係政治，連運動都係政治，終於，政治無處不在，滿意未？」
宗教財產排名 在 最新一期新新聞報導！總財產排名前十名的宗教團體，慈濟以 ... 的推薦與評價
根據「社團／財團法人資料檢索系統」，統計得全台灣總財（資）產排名前十的宗教團體，如耳熟能詳的慈濟、 佛光山、中台山、法鼓山、基督教長老教會及 ... ... <看更多>