陳詠謙都有打手。。。。。。
本身對呢個人冇咩唔好既感覺,只係嫌少少哂左陳奕迅啲歌既曲,不過再多睇其他人既comment, 愈睇愈有問題,呀,係咪應該寫篇blog講下佢好?
路見不平,自命正義,終於都要挪用寶貴時間,去點評陳詠謙嘅大作,嘗試為民請命。其實點評歌詞實在非我所長,音律押韻我亦只有皮毛了解,但係畢竟自細聽香港流行曲聽大,有感仗義執言先至無負香港流行曲於我人生嘅啟蒙,唯有挺身而出,盡力而為。先旨聲明,寫歌詞唔同寫散文小說,遣詞造句確實有彈性得多,可以不拘泥於傳統,而寫得意象曖昧,含意深隱,亦唔代表詞作有誤,因此內文要寫嘅,主要係順應網民意見,針對絕對無法原諒嘅大弊,例如立意古怪、錯用詞語、表意混亂等各種問題,某啲顯而易見嘅小病,例如〈龍舌蘭〉直頭唔啱音呢類大家心照不宣嘅,就唔會多講。以下我精選咗十首算係近年街知巷聞嘅垃圾作品淺評分析,希望可以拋磚引玉,畀便交流。
1. 高山低谷
第一首,必定要揀林奕匡嘅成名作,因為一黎呢首亦係陳詠謙成名之作,二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌,稍為認真去聽,相信大家都意會到歌詞要表達嘅訊息,就係寫二人地位不對等,情人遠在天邊,抒發可望不可即嘅感慨,類似《詩經》中嘅〈蒹葭〉。而正因為立意明確,只要聽眾細加咀嚼,就會發現有唔少用語係異於我地平常嘅語文習慣,而各種誤用,都唔足以稱上鑄造新詞,而係徹底嘅錯用,長久咁用落去絕對會影響我地嘅語文鑑賞能力。
廣為傳唱嘅副歌之中,寫到「渴望被成全」,呢點係中學生都常犯嘅錯,語文水平略高嘅人都會知問題喺邊。首先,渴望社會或他人成全,寫渴望成全已經夠清晰,亦合乎文法,根本毋須強加被字。其次,就當佢係被動句,被動句多數常用於呈現負面情況,例如「他被歌迷離棄了」。雖然漢語歐化潮流之下,被字亦會拎黎寫所有被動情況,用法分別係:一、強調被動,如「他被上司提攜了」,但較恰當嘅用法應該係「他獲得了上司提攜」;二、施事者不明,如「他被痛罵了一頓」,唔知邊個鬧咗佢;以及三、強調謂語,如「民意被政府騎劫了」,突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段,亦突顯被字特質。因此,成全本來就必須取決於他人,「渴望被成全」中嘅被字份屬多餘,而參考返林夕作品,佢係傾向少用呢個被字,更加從來唔會濫用去充塞字數。
然後係「腳下路程難以削短」,亦係不當。要貫徹文意,最準確應該係用「縮短」,但係唔啱音,唔用得。削字,多用於削皮去屑、削弱削減、削職以及剝削,而路程之縮減,勉強用削,拎最近則只有削弱削減一義,但削減係指從原定數目之中減去若干數目,多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現,可見句意係指呢一聲拜拜會蒸發會消失,咁睇返上文下理,到底點解突然會有呢句拜拜?同埋周而復始每日講拜拜又應該點樣理解?係咪指每日返工放工同人講拜拜都係多餘?呢句都係有待解釋。加上「只見人下墮」令人聯想到跳樓,「我繼續埋藏我愛戀」嘅愛戀應該寫作感情,以及整體故事空洞,成首歌都無法打動人心。無可否認,用山勢為喻,以陳詠謙水平計,已經係上佳之作,但係真係慘不忍暏。
2. 別來無恙
第二首,因為一句「我現時自己肯做飯」而飽受批評,加上陳詠謙本人沾沾自喜現身解話,亦係一定要寫。首先,我絕對唔反對援引口語入文,推廣粵語理所當然,但豬隊友推廣得眼高手低,就係成事不足,敗事有餘。「我現時自己肯做飯」之所以不能接受,首先係做飯唔係廣東話,做愛至係,其次係破壞意境,寫得太白。根據陳詠謙本人陳詞,佢認為一個人dry到要自己煮飯好適合主人公情況,而唔押韻都係刻意為之,因為咁樣對應返故事主角悔疚一世,凡事都看破,其實呢兩點問題都唔算大,因為個出事位係在於呢句只係表現自己獨立嘅例子,而唔係概括句。副歌開首,普遍係直抒胸臆,或者概括痛心程度,甚少會兜口兜面隊一句嘢出黎,聽眾話聽到尷尬嘅原因,應該係咁。參考返黃偉文嘅「二百年後在一起/應該不怕旁人不服氣」,或者林夕嘅「世界將我包圍/誓死都一齊」,其實都相當直白同口語化,但就一啲都唔突兀,反而引起到好多人共鳴。
值得一提自然唔少得「來年陪著子女學行/紀念當初我們的愛情」。由於主人公目前單身,我地不妨假設子女係指對方嘅子女,但既然係咁,又係邊個想借用呢啲子女去紀念主人公嘅愛情?同埋若要紀念,子女非己所出,兩者關係喺邊?呢句真係相當費解。然後自然亦要談及「王菲的孤寂/多麼孤寂」。眾所周知,王菲有首〈百年孤寂〉,但咁樣抽孤寂二字借代全首,相當突兀。加上以反復修辭強調孤寂,極有濫竽充數之嫌,借用連登網民一句,一個肥柒on9仔自己打緊xanga個場景,真係完全咁呈現咗出黎。而我覺得有一句,亦係表現得出陳詠謙其人對於成語嘅運用係只取片面之意,唔識其中內涵——「恃住雄辯滔滔/隨便的把你喝罵」。呢種情況喺中學生作文之中亦係相當普遍,因為佢地背誦成語而又缺乏廣泛閱讀,對於詞語嘅理解唔係由字句之中而得,因此就會畀老師打曬交叉。雄辯滔滔一詞褒多於貶,多數用於讚美,例如「這位律師雄辯滔滔,聽得旁聽市民心悅誠服」,又或者杜甫《飲中八仙歌》中嘅「高談雄辯驚四筵」,一般係指其人發言具說服力,以理服人。雖然世俗有言,「事實勝於雄辯」,但雄辯唔等同於狡辯詭辯,因此同情人爭執,同埋事後亦知道自己理虧,係咪應該用雄辯滔滔,亦係值得商榷。
呢首歌其實有一點特色相當鮮明,相當陳詠謙,就係每句都係個腦冇點諗就不加修飾咁講出口,而且句與句之間割裂去睇都完全無礙傳意。對歌詞冇乜要求嘅人,未必察覺到問題所在。同樣生活化嘅情節,其實楊千嬅嘅〈假如讓我說下去〉都有,「但我把/談情的氣力轉贈誰/跟你電話之中講再會/再會誰」即係冇人同我傾電話,「暴雨天/我至少想講掛念你/然後你/你最多會笑著迴避」就係顧左右而言他,甚至熄機潛水,但林夕之所以一啲打xanga嘅感覺都冇,係因為佢掌握以至駕馭得到何謂藝術——將自然同現實加以修飾加以轉化,呢一層人為工夫就叫藝術。〈別〉描述主人公分手後陷於懊悔,內容貼近生活,照計係好易畀聽眾代入,但就正因為咁,意圖代入嘅聽眾聽到一頭霧水,代入無方,可以話係高不成低不就。
3. 經過一些秋與冬+哪裡只得我共你
Dear Jane嘅簡單易明K歌之選,又係陳詠謙傑作。「兩眼一黑/然後失控」令人聯想到頭暈倒地以及精神病發,九唔搭八,而領起句嘅「一些」同「與」本來就係蛇足,事關寫歷經秋冬同揮去驚恐就已經夠曬精煉。副歌「 無謂再關心你/我沒資格慰問你/無謂再騷擾妳/我沒這塊厚面皮」其實都幾適合失戀聽眾,但量詞之選用,直接反映出陳詠謙不諳避俗,缺乏語感。所謂語感,其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發,同語文根基息息相關。用塊字去形容臉皮,會令人聯想到塊狀死物,進而聯想到牛皮豬皮,就算句子本身幾有詩意,一個塊字都足以盡廢前功。語感佳者,可以善用詞語刺激聯想,但語感弱者,萬一誤用就會弄巧反拙,呢一點,所有寫作者都應當有所警覺。
另外,「得到的若期望有限期/失去的未重聚已別離/後悔如我遍地」亦係反面教材。遍地呢個詞語其實好有畫面,例如自由民主遍地開花,或者風吹草低牛羊遍地,只要一見遍地,讀者就會聯想到數量之多,發展之盛。但觀照呢句歌詞,遍地嘅理應係後悔,但寫出黎引起嘅聯想就係主人公遍地——大概係因為TVB重播《西遊記》太多,我所諗到嘅係孫悟空大顯神通,一條猴毛落地即可化成千百猴子猴孫之勢,同後悔之情極為矛盾,成個感覺極之滑稽。參考返陳奕迅一首〈黑暗中漫舞〉,其中有一句「猶如自卑水銀瀉地」,當中嘅水銀瀉地,即係水銀流到一地都係,令人聯想到玻璃落地隨之流瀉,一發不可收,非常適合用於形容主人公每每獨自揣摩情人心理之時嘅自卑爆發,同時深化主題,令人可以透過具體比喻去感受主人公單戀嘅卑微渺小。兩相對比,大家就會理解點解後悔遍地係不知所謂,而自卑瀉地則係神來之筆。
順手講埋〈哪裡只得我共你〉之中,為人詬病嘅「我們身邊太多假人/心中太多傷痕」。第一個問題,係陳詠謙點解要寫假人,因為準確而言,呢首歌想傳達嘅係對抗世俗眼光,而主要世俗現象並非虛假;第二個問題,係亂咁簡化為假人二字,又會引起不當聯想,令人諗到CPR練習用公仔,櫥窗display公仔,驅趕雀仔嘅稻草人,甚至消防處嘅任何仁。除非佢係明知到會引起不當聯想都要用,否則明顯又係語感薄弱之過。睇埋「途經幾百萬傷口」同「與外界/未隔絕我共你/能停止呼吸」,我更有理由相信,假人所指,真係CPR練習用公仔阿Anne,而「不掙扎/只緊扣」,亦一定係指緊三角巾同繃帶,成首歌係為聖約翰救傷隊暗中宣傳。
意境係一樣好抽象嘅嘢,而某年書展講座,林夕就曾經講過意境可以分為三種境界,一係山寨,二係自己創造,三係灌注生命同感情。第一種,就係運用約定俗成而又根深蒂固嘅傳統意象,亦即係中學生學習寫作必學嘅大自然景物,諸如星星月亮太陽天地花草,其中若果突然出現現代物品諸如蘋果電腦應用程式芝士拉絲抹茶爆漿,文章就會意境盡失,而陳詠謙明顯係畫虎不成反類犬嘅示範人物。第二種,自己設定,就好似林夕有期好中意用探戈咁,以跳舞相持比喻情愛拉鋸,寫得貼切就可以自成一格,睇返陳詠謙大紅作品,可以話係冇一首做到。第三種,用返林夕自己舉嘅例句,「滿街腳步突然靜了/滿天柏樹突然沒有動搖」之所以有意境,就係因為作者觸覺敏銳,以「滿天」而非「滿街」去寫柏樹,所以就描寫到樹勢之高,從而襯托出主人公獨自流連街頭何其微不足道,而其身影又係何其嘅失魂落魄,得出融情入景而後情景交融嘅效果。當一位做到寫景則情景相生,說理則情理兼備,而另一個則直接將秋與冬寫出黎,其後又再將「只知感覺失了蹤」寫出黎,文學係咪真係一句各有各觀點就可以打發紛爭,聽眾心中自有答案。
4. 百年不合
眾多歌手入面,周柏豪其實同陳詠謙係最夾,而原因係周柏豪畀人嘅觀感本來就冇乜文化,因此陳詠謙嘅詞質樸庸俗而又文句不通,反而非常配合周柏豪形象。以〈百〉為例,其實我聽咗好多次,都唔明何謂「即使今生擱淺/苦等隔世盛宴」。陳詠謙低手之處,就係唔識連用一系列有關比喻去經營意象,生硬插入詞語,但又缺乏前後呼應。見到擱淺,讀者自然會聯想到海洋,聯想到輪船,聯想到鯨豚,但〈百〉偏偏冇一樣嘢係關事。由於人係唔會擱淺,讀者必須自行領會擱淺之意,偏偏陳詠謙又冇建構到完整比喻,寫到不倫不類。參考返麥浚龍嘅〈吃鯨魚的人〉,黃偉文寫得清楚吃鯨魚者為何人,所以吃鯨魚呢個人類根本唔會做得到嘅行為亦好易理解,而「隨時能屠殺/也不必講究良心」中嘅屠殺,亦唔會偏向無關主題嘅多餘聯想例如種族屠殺,落點相對清晰。
然後我地亦可以研究「若未夠赤裸/撫摸到永遠」同「在婚紗中再見」想表達乜嘢。前句之中,赤裸應該係指主人公將自己心聲表露無遺,但對方無動於衷,然而呢點基礎,根本幫唔到讀者去理解到底係邊個撫摸邊個,同埋點解要撫摸,可謂上文不接下理。而後句之中,在婚紗中唔同在婚禮中,到底點樣至可以進入婚紗之中,又係百思不得其解。陳詠謙可能會辯稱呢啲就係創意,同埋寫到明在婚禮中再見就係死板,但達到一定文字鑑賞門檻嘅人,相信會知道咁樣寫絕對唔可行。
講返成個敘事,其實真係撲朔迷離。我至今再聽,都係諗唔明到底主人公同埋對方係情根早種,定係有緣無分。歌詞講到今世「當你想行前一寸/愛下去又發現你/站到一邊」,又講「卻是證實這段愛/沒有起點」即係對方根本唔過電,發展機率近乎零,既然如此,點解主人公會有認定大家係「分開一百年/捱到今生才遇見」?「拉扯著那根線」又到底從何而來?《紅樓夢》之中,曹雪芹一開始就以神話領起,寫賈寶玉係頑石入世,而林黛玉則係絳珠仙草,其後兩人一生糾纏係命運嘅安排,此之所以愛得轟烈,傷得淒苦,但同百年好合正正相反嘅百年不合吹到咁大,去到最尾只係講返某一世嘅小情小愛,未免流於小題大做。
5. 小問題+3am
AGA嘅〈小問題〉係好聽,但一聽就發現取材好大問題。雖然應付失戀各有各法,喜愛夜蒲放肆買醉都可以係反映現實,但主人公個性之差難逢敵手,我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」,於我而言,某程度上係物化女性,矮化女性;「只須很悉心的設計/裝飾我這身體」同「只須很瀟灑的破費/修葺我每處枯萎」,刻劃出主人公滿足於物質,只顧外在,形象實在相當廉價。最弊嘅係,首歌完全冇任何自強之寄意,反而係以「我只得這一點智慧」為放浪行為開脫,歌手形象徹底崩壞,MK到無以復加。
而用字方面,「我不要雙眼承受雨季」嘅雨季又係毫無鋪墊就彈出黎,引用返林夕嘅意境論,雨季係老嫗能解嘅傳統意象,要寫唔係唔得,但成首歌冇提過水,冇提過雨,連眼淚都冇提過,突然以雨季去寫哭泣,就係顯得突兀嘅原因。再睇「別這樣干擾我一生」,干擾係同接受訊號有關,如果對方係干擾,主人公應該由頭到尾都係對佢反感,但既然曾經癡心錯付,對方好歹都係過氣情人,要貶損對方,以打擾形容,會比干擾合適。參考返黎明嘅〈我這樣愛你〉,會見到林夕有用覆蓋去寫主人公對情人嘅愛綿密如羅網,而「何時才發現/就算天涯海角/都可能覆蓋」之中嘅覆蓋用得準確之餘,更加迎合到和記廣告行銷要求,一石二鳥,天衣無縫。
而〈3am〉其實一首好難出事嘅歌,事關英文部分都應該係跟返demo,偏偏又畀陳詠謙踢出身價。「如假開心開心開始假得很/倒不攤開這張牌」運用頂真,但又係砌詞搪塞;而「終於真的真的不再有情意」同「 終於真的真的不同行」用詞重複,但真的二字唔係歌詞要旨,因為主人公只係夜半失眠,唔係陷入幻想,分唔清夢境同現實。陳奕迅嘅〈不來也不去〉之中,有「如煙/因給你遞過火/如火/卻也沒融掉我」,林夕嘅頂真係用得其所,因為兩句確有承接。而同樣係陳奕迅嘅〈K歌之王〉之中,有「才令我因你要呼天叫地愛愛愛愛那麼多」,其中嘅愛字四連,有嗌破喉嚨之意,係愛到力竭聲嘶嘅出色詮釋,又係用得啱啱好。
6. 矛盾一生+揮揮手
JW嘅〈矛〉唱到街知巷聞,控訴對方不知上進,無意結婚,好多人都會引用「矛盾只因深愛著」自況,而我自此至終,都唔明乜叫「跌下來瘡疤」,而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因,事關多元成家、成家立室、立業成家中嘅成家,係新聞用嘅正經用語,一般人談婚論嫁,多數都係講返結婚就算,唔會選用咁沉重嘅字眼。正如我地唔會喺同朋友傾偈嘅時候話「有見及此,我會出席」,或者「多謝你諮詢我意見」,而係會講「你咁講,我就去喇」,或者「多謝你肯聽我意見」,又正如去餐廳嗌嘢食落order,我地會講「I would go for this one」,或者「I would like to take this one」,同自己朋友或者情人講嘢,就算幾咁相敬如賓,多數都係講「I want this one」,頂盡都係講「Can I have this one」,用字係應當有場合之分,身分之別,唔可以隨心亂講,任性亂寫。〈揮〉之中有句「成為寂寞人口/脫去戒指」,所犯同上。
而講到用韻乸西,〈矛〉副歌用死「aa」,以嗎吧為主,輔以架怕疤,亦係佢嘅代表作。雖然林夕曾經話過押韻其實並非必要,只係因為要迎合主流見識至堅持押韻,但用韻會令首歌易記易上口,亦令文本朗讀之時有節奏美,都有合理之處。押韻毋須句句押,隔句押亦得,最重要都係睇旋律頭,但無計可施就求其採用「aa」韻,呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱,但取材新穎,都掩飾唔到其人押韻手法之不足——用助語詞押韻,畢竟係有啲技窮。反觀我個人相當中意嘅〈東京百貨〉,陳少琪喺副歌係用「iu」為韻,填咗照秒少調潮票,詞句曉暢而不落俗套,可謂熟能生巧,自出機杼。
再呼應返AGA首〈小問題〉,其實〈矛〉嘅故事都係不知所謂。空有冤氣對白,缺乏具體劇情,hook line勉強可以漁翁撤網,但副歌完全打動唔到人,此其第一問題。第二問題,就係愛情觀片面膚淺,從未細加探討愛情,更遑論明寫愛情,暗寫人生咁樣去傳道解惑,繼續流行曲社教化之功能。林夕寫情寫理天下無雙,黃偉文偏向市井,都算寫盡失戀苦戀,入心入肺;而周博賢專寫時事,針砭時弊,周耀輝別具詩情,寫歌寫出詩嘅朦朧美,基本上係各有特色,而陳詠謙嘅風格,大概就係攞你命三千式殺人於無形,一聽到就想飛歌轉台——我斗膽封陳詠謙為寫歌界嘅葉念琛,相信冇人會有異議。
7. 姐姐+活著為求甚麼
李克勤自己都係識寫詞,點解會接受到呢首歌詞,我覺得重驚人過向曼聯送禮。「原來沒有你/但仍愛你/才後悔當天不肯留住你」雖然略嫌肉麻,但出現喺主流情歌其實真係一啲問題都冇。問題係,呢首歌所描述嘅係家傭,主人公對佢抱有嘅應該係感激之情,而唔係愛情,到底點樣至會牽掛到「朝馬尼拉的方向想起你」,視姐姐為「愛的傳奇」?唱到「忍痛/將你淡忘」,我直頭覺得李克勤情深過楊過,根本應該離婚休妻,另娶姐姐。
情節上,呢首歌都有犯駁之處。一般而言,如果僱主僱員關係良好,姐姐離職之後,雙方都會保持聯絡,好少音訊全無。而既然姐姐冇離開過香港,亦即係轉咗僱主,咁主人公又點解會炒佢魷魚?「誰料我路過砵甸乍街/竟找到你」呢種電光火石,好難講得通。我嘗試去消化故事,唯一可以諗到嘅就係主人公情不自禁,苦戀姐姐,家人發現之後執意驅逐姐姐,結果主人公只可以喺姐姐有可能出沒嘅街頭巷尾搜尋對方倩影,重溫舊夢。假如有朝一日李克勤真係轉行呢種路線,講婚姻背後辛酸,講自己同屋企姐姐打得火熱,或者大眾會受落都唔奇。
用字方面,呢首歌最差嘅係「天天飾演乖少艾」,其他都可以放過陳詠謙。話說少艾一詞,語出《孟子》一句「知好色則慕少艾」,解年輕貌美嘅女子都真係好有歷史。而現代人之所以認識少艾,相信都唔係因為讀古書,而係聽得多青春少艾呢個配搭。撇開姐姐點解會以少艾形容呢點唔講,艾本植物,少艾即以艾草正鮮比喻少女亭亭而立,可見少已經係形容緊艾,而乖少艾三字呢個組合,就即係用咗兩個形容詞去寫植物,而乖係唔會拎黎寫植物。即係我地可以話一個老人家老當益壯,如同長青樹,我地唔會話佢襟老長青樹,因為長青已經表達到健康,而且襟老都唔會係要黎形容樹。
順便講埋〈活〉。林夕珠玉在前,黃偉文都有首〈燕尾蝶〉勉強壓卷,陳詠謙挑戰社會議題,無異於引火自焚。「容顏暴露摺痕」所指嘅應該係個樣好老,皺紋暴露老態,又係要聽眾自己諗。「幾個悲哀章節日日重播/天降天災萬民地上縱火」,所指嘅應該都係天災人禍大家有責,但縱火狂徒為何人,又係語焉不詳,除咗令人諗到喜怨無常嘅舊約上帝,都真係冇乜idea。
8. 半祝福+Gonna be alight
周殷廷其人已經不知所終,但由陳詠謙操刀嘅作品,將會遺臭百年。祝福舊愛,同類歌曲多不勝數,但希望情人「快樂得更明顯」,係咪即係指對方之前都係快樂,但快樂得較為收歛?若果快樂都可以有introvert同extrovert之分,而陳詠謙又真係寫得出,其實確實會好有啟發。副歌致命,在於突然加插槍擊,「如果他真的比我好/別再時時開槍亂掃」,again,敗壞意境。Verse2主人公心態慢慢轉變,講起對方已有新歡,其實都易明,但「你已毫無疑問找到安慰睡眠」呢句又係病句。找到應該係指向人或者物件,虛嘅找到人生方向都得,但睡眠係一種狀態,進入夢鄉可以,但搵睡眠出黎係講唔通。
上承周柏豪歌曲入面大量運用赤裸,陳詠謙又再無緣無故加插情色,好地地一首最後祝福,即刻變到俗不可耐。諗到對方會同新歡有性行為係可以理解,但以「隨便白天纏綿/夜晚裸露別來送我上苦路」白描,就係自亂佈局。〈半〉嘅基調係純情,周殷廷嘅定位亦非大講鹹濕,裸露二字亂入,格調之粗劣,真係不敢恭維。
〈G〉其實都係聽得過嘅歌,風格有啲似林奕匡首〈Good Man〉,但細聽之後又聽到副歌有句「甚麼東西正在變做美好的團體」,不知所云。Verse2有句「青春出於笑容裡/開滿花」,其實都解得通,但第二句「率真出於眼神裡/一句話」嘅嗰句話從何而來,又係毫無預兆,石頭爆出黎咁。好地地一個新人,唱咗首膠歌,然後就萬劫不復,真係不無惋惜。
9. P.S. I Love You+壯舉
張敬軒係我本人極之欣賞嘅歌手,好彩佢人在英皇而非華納,未來唔似會再有同陳詠謙合作嘅可能。〈P〉其實算係不過不失,但因為林若寧同林夕寫過好歌畀張敬軒,而張敬軒自己早期作品都寫得青澀可愛,陳詠謙嘅歌就相形見絀。故事寫因戰禍而天人相隔其實好清楚,但主人公喺副歌嘅內心戲,可謂不明不白。「忘掉了生死/用愛跟這世界對比」,其實睇唔出邊個死咗抑或係一齊死,但既然係人生無常,話係不可以抱著你,會比「不需要抱著你」更加合理。然後「逾越了生死/當知這份愛從沒禁忌」又係全無鋪墊,因為首歌冇講過呢段感情係禁忌之戀,而為死去情人守節,亦唔係禁忌。「生死難忘/別忘記自己」,驟聽似係一種提醒,提醒自己要好好生活落去,但其實突然筆鋒一轉嘅呢個提醒,同「在雲中禱告/祝福你/繼續飛」係冇衝突,因為主人公由頭到尾都冇話過要殉情。
然後繼續睇Verse2﹐病句又至。「當一切/沒法逃過了劇震」,既然係逃唔過,點解又會用個了字?「誰在瓦礫中獻吻/講永別卻那麼接近」,卻前卻後轉折不清,卻字無法理解。「捉不緊的有太多/這一雙手在提示我/時辰到/人如初」,呢雙咁重要嘅手又係突然出現,極其量只可以話佢上接Verse 1之中「硝煙裡/讓我除去了面罩」嘅手,但有冇必要用雙手除,聽眾不妨存疑。快飛去結尾,「珍惜這份愛才是勝利」換成粵語,就應該係「珍惜呢份愛先係叫贏」,然而本身主人公未有誤解勝利定義,因此亦冇要糾正嘅地方,陳詠謙想用才是二字帶出乜嘢訊息,我都依然未悟到。
另外亦必須要討論〈壯〉,畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉,林夕寫苦戀寫到出神入化,黃偉文寫同志戀情別出心裁,都係因為有親身經歷,所以緣事而發,份外有感。意淫其實冇問題,樂而不淫,無傷大雅即可,而陳詠謙擅寫不顧後果嘅價值觀,就寫出咗吳雨霏嘅〈告白〉同陳奕迅嘅〈碌卡〉兩首佳作,係要欣賞。然而我地必須思考嘅係,一個填詞人只寫得好呢種缺乏深度同修養嘅歌詞,可唔可以稱為最佳填詞人。無可否認,黃霑林振強林夕等人確實係一下子將平均數扯得太高,令到後來者好難超越,但文從字順,詞有所指,應該係最低標準,如果連咁都做唔到,直接出demo派台instead of固守曲詞俱全嘅舊例,可能至係更佳出路。
10. 給兒子的信
唔少為陳詠謙平反嘅人都話呢首寫得好,以此作結,真係最好不過。一般人一定先入為主,覺得寫畀自己親生仔,點計係誠意之作,冇理由鳩寫,但陳詠謙不負眾望,又一次成功鳩寫,本色出演,繼續陳詠謙獨樹一幟嘅意思含糊,言不及義。「成年路太遠你學識怨命/所以任性/難受但我會繼續供應」,唔知佢供應啲乜,照計係愛,但真係讀者估,唔係作者寫;「若我有天跛了/你戴上我的眼睛」驟聽好有意境,其實唔知戴上父母嘅眼睛為乜——靠後生傳承自己人生經驗,唔使等老咗至做;代爸爸去環遊世界,亦冇理由用返爸爸對眼;陀住爸爸一對眼球出遊,反而顯現到少少心意,但又不切實際,背離常理,總之點講都唔通。
再睇「如果天地狠狠的將一切理想/破滅了」又係反面教材,大家千祈唔好有樣學樣。破滅,常用於理想或者幻想破滅,此中破滅非關外力,只可以係自體消亡,如果想話理想破滅係外力迫成,簡單可以用消滅用殺掉,靚啲可以用扼殺用磨蝕。雖然語言潮流時刻變動,我地唔可以一味泥古,但將某物破滅呢種寫法,如無意外,過多一百年應該都唔會獲得學界同世俗認受。用呢句病句做副歌第一句,有人話一聽就無名火起,呢種反應真係合理不過。
宏觀睇返成首歌,主人公到底抱持點樣嘅心態育兒,我亦甚為不解。佢有話「還是流我的血/你別忘掉」,提醒對方記得有自己嘅支持,亦有話「是我對不起你」同「可以恨我」,承認自己生仔出於自私,似乎有盡力善待同保護小朋友去盡力彌補之意,但再睇「我對你好/不須答謝我」,又主動提起自己嘅好,提起完又話「不須答謝我」,聽完只覺呢個爸爸暗啞底想要人知恩報恩,但又唔敢直講,扭擰造作。更加得意嘅係,呢個爸爸一直都流露無限愛意,又講到唔介意小朋友失敗,只求佢開開心心,但又忽然狠心咁話「註定某日我將拋棄你於荒野」,到底係因何而生嘅轉折?拋棄本身暗含主動之意,字面意思只可以解讀為主人公主動為之,但呢個爸爸愛心爆棚,應該係對親兒不捨不棄至係,點解會註定拋棄親兒?如果佢想講嘅係人世間自有規律,迫到父母不得不拋棄子女,咁就一定要講得清清楚楚,否則就好難呼應其後嗰句「你永遠有一種愛/從未缺少」。概而言之,呢封信真係好深奧,除非佢身體力行去抵制香港政府強制十二年義務教育,用自己一套中文去教仔,否則佢個小朋友未來都好難聽得明佢想表達啲乜。
總結
時間有限,每首只可以點評少少,但不知不覺,都寫咗六七個鐘。我試過填詞,知道填詞唔易,但自知之明,理應人皆有之。我相信大多數人都係不滿佢「我叻仔我可以肥」嘅招積,不滿蜀中無大將,而廖化竟自以為曹操。我個人偏好林夕,上文信手拈來例子大多以佢作品為主,希望大家體諒。最後衷心希望呢個寫得相當簡單嘅分析,算係勉強整理得到大家嘅見解,我知「殘忍只須一棍」同衛蘭都好恐怖,但考慮到其中問題同以上例子大體相似,在此不贅。辭多歉甚,如有補充賜正,歡迎切磋交流。
https://gnimmm.com/2018/11/25/smartfatchan/
同時也有2部Youtube影片,追蹤數超過2萬的網紅Claire Man,也在其Youtube影片中提到,想作文高分?你知道中文和DSE中文的分別嗎? 立即訂閱文靜的頻道: http://www.youtube.com/subscription_center?add_user=h0346445 瀏覽文靜的最新課程資訊: https://goo.gl/0wQ0O6 追蹤文靜的Instagram→更多學...
「寫作手法修辭手法分別」的推薦目錄:
- 關於寫作手法修辭手法分別 在 a仔.音樂.旅遊 Facebook 的最佳解答
- 關於寫作手法修辭手法分別 在 YY Lam Facebook 的最讚貼文
- 關於寫作手法修辭手法分別 在 YY Lam Facebook 的最佳解答
- 關於寫作手法修辭手法分別 在 Claire Man Youtube 的最讚貼文
- 關於寫作手法修辭手法分別 在 LSir[DSE]中文教室 Youtube 的最佳貼文
- 關於寫作手法修辭手法分別 在 【中文寫作】孩子不習慣在寫作中加入修辭手法 - Facebook 的評價
- 關於寫作手法修辭手法分別 在 小學中文教學|誇張修辭手法|如何加強文字表達效果?如何寫有 ... 的評價
- 關於寫作手法修辭手法分別 在 修辭手法例子的問題包括PTT、Dcard、Mobile01,我們都能 ... 的評價
- 關於寫作手法修辭手法分別 在 修辭手法例子的問題包括PTT、Dcard、Mobile01,我們都能 ... 的評價
- 關於寫作手法修辭手法分別 在 修辭手法例子的問題包括PTT、Dcard、Mobile01,我們都能 ... 的評價
寫作手法修辭手法分別 在 YY Lam Facebook 的最讚貼文
工作狂之想起學生暑期温習時間表
閱讀
白話
完成堂上所派模擬卷,如已做過,重複看錯的地方。思維重點在於:為什麼我們的答案才是正確答案。
必讀各期強化閱讀篇章。某著名女校大考考核篇章正是筆記已列。先自行拆解一遍,再看分析。
每日睡前閱讀一篇散文,建議看不同風格、體裁的散文,可前往圖書館借散文精選,書局亦有售。詳見堂規/精讀最後一期推薦書。
複習、背誦寫作手法、修辭技巧,釐清定義及該手法的好處。
完成最少兩年試題(12-15)
文言
完成堂上所派模擬卷,如已做過,重複看錯的地方。思維重點在於:看譯文、查字訓、抄出難字
文言字詞深化練習,這部分是培訓基礎理解能力。
文言特訓,這部分是實戰能力,必做。
可預習諸子百家思想,以儒家、道家、法家為先,稍後課程會教。
寫作
從12-15年中選不同題型各作一題,七月底上課前完成三篇
Q1構想十個寫作題材,記錄日常生活片段
Q2、3 溫習例子(背例子之外,思維重點在於如何用例子扣題論述)及論證手法
複習範文,了解不同題目的扣題關鍵
睇下我幾天前的ig,講作文的,值得細味。
聆聽及綜合
完成常規模擬卷,必定要逼迫自己重複温習新的合併卷,坊間未有最新合併模擬卷,而堂上已派數份。有考我mock的同學更加著數,必温。
思維重點在於詳細比對參考範文及自己答案差別。
複習整合和見解兩部分的分別,不要混淆。
2014年5**學生示例係最好的文本證據。
溫習三式判斷定義,新制聆聽部分變得不再困難,處理好平日所派的整份自擬聆聽卷已經勝券在握。
說話
與同學組成一組實戰(輪流擔當評分者及練習者)
自己構想題目正反論點(不同題型都要練)
反覆看示範片段,練習措辭、語氣、語速
升中六不夠三百日開考,七八月上暑期必修課前,答應我這五十日要變得更好。緊記,每天温半小時勝過一星期有一天温十小時。是頻率問題不是時間問題。讓自己在這段時間好好沉澱,好快上堂見到我😎
#身處印度洋想起我的學生
寫作手法修辭手法分別 在 YY Lam Facebook 的最佳解答
各位中六同學:
以下是文字版本的重點精華,詳細重點請看上載至遵理學校網頁之片段。
卷一:閱讀理解
1. 注意時間分配:閱讀卷分秒必爭,切忌糾結於個別題目,適時取捨。
2. 注意題目指示:尤其留意多項選擇題可否選取多個答案,勿犯低級錯誤。一般而言,除非有特別指示,三式判斷和選項題不要填寫多於一個答案。
3. 重溫閱讀理解題型的作答方向與策略:筆記已拆解不同題型,包括比喻題、矛盾題、重複題、刪文題等。距離考試所剩時間不多,同學不必苦苦糾纏完成每個練習。重看筆記,掌握拆題思維、作答方向與長短答答題步驟就夠,考試時要特別留意題目有沒有隱含預設立場。
4. 字詞訓釋:切忌大包圍,一條橫線最好只填一個答案。同時,要注意配詞是否有矛盾的地方,例如「之」解「前往」,曾有同學譯作「到往」,「到」與「往」之間有矛盾。
5. 文言譯句:作答前先考慮該句用了什麼句式。以2011「其不孝孰大焉?」一句為例,此為問句是毋庸置疑的,但問句也分設問、反問等不同種類,孔子剖白為何自己不願意接見曾參,是由於他「委身以待暴怒」、「既身死而陷父於不義」,認為他的不孝是最大的。因此,這一句應當以「反問語句」作答,以表示孔子肯定的意思。同學作答時宜多加注意。
6. 掌握題目提問範圍:答案須與題目字眼對應,例如題目用「異同」兩字,就必須涉獵相異及相同兩方面;同樣道理,問「相異」或「相同」,則毋須談及另一邊。又,問及「寓意」,即指作者帶出的道理、深意,同學所作答的內容應緊扣文章的深意,不應只表面複述一遍故事情節,未能對應題目。
7. 長問答:答題時要明確表達立場,清晰寫上主題句。答案用字宜具體,解說亦不能空泛。例如題目問及寫作手法,不少同學雖選中了正確答案,但在說明部分卻未能具體解釋,例如只寫「作者正面描寫了郭義官的人物形象。」另外,只提出立場,沒有任何闡述並不會得到任何分數,即使時間不足,亦應儘量簡略說明。
8. 短答題:忌用大包圍方式作答,欠缺歸納,特別是表格題,題目往往只要求同學填寫簡單的字詞或單句作答。同學為求保險可能會答多於一個答案,須避免答案之間出現矛盾。
9. 分段題:最多用10-15分鐘作答,忌過度抄錄原文,宜加以轉化組織。
卷二:寫作能力
1. 扣題是王道:宜在題目重點字眼旁填上數字,再在文中逐點回應,緊扣題目各項字眼,即使文筆平平,分數上亦不會有太大危機。
2. 立意:記敘抒情文不必強求立意非凡。嘗試以小見大,取材生活,加強對細節的鋪陳敘述,以情節的安排和人物的描寫「呈現」個人的體會和啟發更佳。
3. 取材:忌誇張(TVB式故事)、忌寫愛情,因為鮮有中六同學的文筆能妥善拿捏上述題材。關於「死亡」,這的確是容易抒發情感的題材,但若文筆無法駕馭,往往會過於造作,同學可衡量自身能力。
4. 鋪排:轉折不宜突兀,起承轉合鋪排須合理,亦當注意首尾呼應的使用。不少同學喜歡以首尾呼應串連文章,但必須注意首尾兩段與文章中間的主線內容有否割裂,顯得格格不入,須注意首尾兩段與正文的關係。
5. 論說文論點:各段宜有清晰主題句,掌握筆記所授的思維技巧,注意論點之間的鋪敘,段落之間的過渡是否流暢自然、有層次,方向可以是先後(步驟)、輕重(影響)、大小(個人至社會)等,具體視乎題目而定。
6. 論據:宜準備不同例子,詳參《古今例子集成》及《中外例子集成》。引用語例宜特別小心,忌生硬或牽強附會,亦不宜杜撰語例,以免用例不成反而削弱文章的論說力度。
7. 論證:闡述例子時注意側重點,與論點有關的部分才多加解釋,須解釋例子與論點之間的關係。
8. 表達:務必注意字體,不求美觀,但筆劃必須清晰可辨,尤其注意簡體字的書寫是否正確。關於四字詞及成語運用,避免為用而用,甚或自創新詞,堆砌成文。同學無須刻意運用生僻艱澀的詞句,文氣欠連貫只會使文章顯得生硬造作,用詞不當更會窒礙表達。
卷三:聆聽能力
1. 審題意識:必須看清楚題目,掌握題目所有關鍵字眼,勿因大意失分。以我們的自擬聆聽卷334學制為例,其中一題為「以下哪些並非xxxxx的原因」,收到多於10位同學詢問某選項如何得出,一看之下,原來同學看不到題目「並非」二字,以致差之毫釐,謬之千里。
2. 「綜合聆聽內容」:近兩年雖沒有出現「綜合聆聽內容」的題目,但不代表這種題型將絕跡考場,同學如有時間,不妨稍為重溫我們的自擬練習卷(Alevel也較多此類題型)。
3. 三式判斷:仍有很多同學混淆心理感受與非心理感受的用詞(如「指出」、「認同」、「認為」之分別),考試前夕可重溫相關筆記的思維與技巧拆解。又,宜小心留意題目「根據內容,判斷以下陳述;每題只可選一個答案,多選者0分。」的指示,有時候題目會在首句收窄錄音範圍,這樣能夠有助同學針對性地擷取相關資訊。
4. 語氣題:基本上這類題型不難,同學只需掌握相關字詞解釋,考前可略略重溫筆記,不肯定的字詞宜自行查字典,效率高之餘印象亦會更深刻。
5. 溫馨提示:考試時打醒十二分精神,將重點抄錄,注意題目不一定順序。
卷五:綜合能力
1. 準備時間:宜仔細閱讀的data file內第一及/或第二項資料。參歷屆試題,重要的資訊(如寫作任務)通常會在第一或二項資料披露,其他內容則可速看,例如剪報、數據,掌握當中要點則可,其餘可待錄音後仔細研讀。
2. 妥善分配時間:整合拓展和見解論證不能顧此失彼,太多同學花極多時間雕琢整合拓展的內容,這不可取,留意我課堂和錄影所述的理想時間分配。
3. 語境意識:自行溫習筆記所載之格式,有時間看一看筆記歷屆範文示例,掌握何謂「謙遜有禮」、「不卑不亢」……
4. 整合拓展:須同時摘錄男和女之言辭內容,彼此的論點有可能互相補足。整合亦須有所歸納,不宜只把資料羅列,詳細之拓展方法可參筆記內容。
5. 見解論證:不必使用抽象字眼,也不必使用修辭。例子:「跟隨個人興趣,相信必會在路上不斷付出,得到自己心中的勝利」;「同學如無興趣,遇到困難時,又怎會有動力去解決呢?就如你明明喜歡吃糖,卻偏再你吃巧克力,你也會覺得不開心或難以接受吧!」同樣不可取。
6. 見解類型:常見的見解論證有評論或建議,審題要小心,注意題目要求,例如題目要求論述甄選準則,若同學寫作時變成了論述甄選方法,等同離題。寫作時要高度集中,以免一子錯,滿盤皆落索。如見解論證屬建議類,則要全面回應資料陳述的問題(多為整合拓展內容),不宜偏頗。過去有同學詳寫三項建議,但只能解決一項問題,結果因時間不足,未能針對其他問題提出建議,這樣失分太多,不可取。
7. 加紙:不宜等到最後關頭才舉手,畢竟綜合加紙的情況比較常見,如你尚有200-300字便寫滿答題簿,便要預先舉手,等待監考員把補充答題紙送上,謹記綜合考試最後15分鐘絕對是分秒必爭。
各位中六同學,態度是關鍵,不要想著贏,要想不能輸。給你們最後的話:誰在考場先放下壓力,誰就是勝利者。好好加油!
寫作手法修辭手法分別 在 Claire Man Youtube 的最讚貼文
想作文高分?你知道中文和DSE中文的分別嗎?
立即訂閱文靜的頻道:
http://www.youtube.com/subscription_center?add_user=h0346445
瀏覽文靜的最新課程資訊:
https://goo.gl/0wQ0O6
追蹤文靜的Instagram→更多學生實證與教學分享:CLAIRE_MAN
如何在DSE爭取中文科5**(五星星)佳績?報讀文靜的中文課程,輕鬆戰勝DSE!你也可以是下一個DSE中文科5**(五星星)!期待在課堂上見到您❤
=================================================================================================================
短片原稿:
一齊幻想一下:今日,就係今日,你會遇上改變你一生嘅嗰個人,嗰個the one,你地有一次約會嘅機會,但係只有一次,錯過左,或者失敗左,緣份就擦身而過,你以後只能帶住終生嘅遺憾,隨便搵個……你唔反感嘅人,結婚生子,但係,你永遠唔會再擁有嗰種心動嘅戀愛嘅感覺……(笑)話我知,你會點做?
你會著上呢世人最得體,最靚嗰衫,你會為左自己個髮型諗足一日,中分?ALL BACK?點樣會顯得我面型好睇D?仲有,一陣要講D咩?我想佢覺得我有幽默感,洗唔洗諗定幾個笑話?吖,我成日踩車,不如同佢講下我上次踩左入南生圍?嗯,我想佢覺得我活躍D,charmD......
回到現實,今日,就係今日,你真係會遇上改變你一生嘅嗰個人,嗰個marker,你有一次impress佢嘅機會,用你嗰篇作文,錯過左,或者失敗左,升學嘅機會就擦身而過,你會點做?
你會將你呢世人學過嘅所有寫作技法一次過show hand,比晒佢睇,因為你好清楚,響marker眼中,你只係一個考生編號,你係,nobody,要令一個無感嘅人對自己眼相看,你就要用實際嘅證據,令到佢冇辦法拒絕你。先由最簡單嘅開始吖,字體,冇人想睇一篇草書風格打風咁亂嘅作品,除非你係王羲之,留意番,睇唔清楚就即係睇唔明,不予評改係一個最方便嘅選擇,冇人會為你嘅前途負責,除左你自己。
第二件事,技法。修辭,寫作手法,統統係評分嘅證據,回想番我頭先講嘅約會吖,冇一個女人會無緣無故咁愛上一個男人,字體,就係你嘅外表,技法,修辭就係送佢番屋企嗰加波子,仲有你拎出來埋單嗰張黑卡。
係時候打破一D錯誤嘅觀念,迷信背一大堆深字,成語就可以攞高分,就等於迷信一隻勞力士足以打動一個女人,但係你忘記左,幾貴都好,都只係一隻錶,幾多成語都好,都只係一個skill,搭配殘缺不全,零技巧嘅文句,簡陋嘅題材,你只係一個戴住名錶但係著背心人字拖嘅MK仔。
如果我而家同你講,2016DSE卷二五星星真跡,一隻深字都冇用過,連文化題材都唔洗用,你信唔信?Win the lady,Win the marker,12月精讀,我教你,抱得美人歸,你都可以係下一個五星星。
其他相關教學短片:
https://goo.gl/3kFp9L
https://goo.gl/rCDZuC
https://goo.gl/ejisBb
=================================================================================================================
關鍵字搜尋:文靜、DSE、DSE中文、DSE英文、中文補習、補習、補習社、補習老師、補習天王、補習miss、補習老師、Tutor、五星星、現代教育、寫作、作文、寫作技巧、閱讀理解、文言文、白話文、聆聽綜合、小組討論、
DSE2017 、DSE2018 、DSE2019、香港、廣東話
![post-title](https://i.ytimg.com/vi/ECzx4-38WuI/hqdefault.jpg)
寫作手法修辭手法分別 在 LSir[DSE]中文教室 Youtube 的最佳貼文
筆記下載地址: https://drive.google.com/file/d/0B6ccfy0dCrCeV0ZtRzk4dFZLOG8/view?usp=sharing
Facebook: Leung Sir Dse Chinese
Instagram: leungsirdse
仲諗? 快D嚟補我啦!!
![post-title](https://i.ytimg.com/vi/ue_cO6VtXmA/hqdefault.jpg)
寫作手法修辭手法分別 在 小學中文教學|誇張修辭手法|如何加強文字表達效果?如何寫有 ... 的推薦與評價
![影片讀取中](/images/youtube.png)
如何加強文字表達效果?如何寫有畫面感的句子?幾分鐘教你學會用誇張 修辭手法寫作 ,提升 寫作 水平。你還會知道某些YouTube影片高點擊的原因! ... <看更多>
寫作手法修辭手法分別 在 修辭手法例子的問題包括PTT、Dcard、Mobile01,我們都能 ... 的推薦與評價
寫作手法修辭手法分別 是?修辭手法定義是?以下修辭手法大全及修辭手法例子,為你一一解析! 國立臺北教育大學台灣文化研究所周美慧所指導鄧宇涵的 ... ... <看更多>
寫作手法修辭手法分別 在 【中文寫作】孩子不習慣在寫作中加入修辭手法 - Facebook 的推薦與評價
我們常見的修辭手法有八種,分別是比喻、擬人、排比、誇張、設問、反問、對偶、借代。像反語、雙關、頂針、互文等則會出現在中學的閱讀中。其實只要熟 ... ... <看更多>