【 #那些年的港式情侶 - 中學可能係大家對文字最熱愛嘅時期 】
喂，你有幾耐無揸過支筆寫過嘢畀人？
.
仲記得以前讀中學，大半支筆嘅墨水都唔係浪費喺讀書上，一係轉筆跌落地墨都斷L埋，一係就用晒嚟做啲無聊嘢........ 例如上堂同隔離同學傳紙仔，約佢小息（其實只係半個鐘後）要唔要一齊落小食部篤魚蛋；又例如轉課室嗰陣喺人地張枱用塗改液留言「Hi！估下我係冰個？」；又再例如每逢聖誕聯歡會，前一晚都會通宵至到達旦寫聖誕卡，聽日帶返學校同同學仔交換～
.
啲人話香港係文化沙漠，依家咁睇根本係無稽之談！
大家喺中學對文字（只限做埋啲無聊嘢）嘅熱愛係超越世上任何一種情感....... 可惜自從小編大個仔，成為社畜之後，唔好話寫信喇，連筆都好耐無揸過，嗚嗚～
.
喺呢個咩都貪快嘅年代，逼住你咩都要好急，識人我用哎豬唔好，Be Fd OK？但通訊軟件再方便，始終取代唔到寫嘢畀人嗰種溫度，亦都取代唔到我望落信箱條罅，見到有信畀我嗰種開心。人地就係鍾意啲老套嘢，吹牙？
.
講咗咁耐，其實都係想講，港式情侶搞咗個筆友配對計劃《等你回信》，希望為呢個城市帶來少少浪漫！只要去網站報名同畀少少錢（基本上只係for郵費同人手配對），就可以參加～～
.
成功參加之後，你會收到一份我哋設計嘅問卷（性格興趣分析、小小心理測驗、筆友取向），我哋就會幫你配對一個啱你、符合條件嘅靈魂筆友。如果你係參加咗【足本版】，仲會收到一個懶人pack，入面已經有齊我哋設計嘅信封、信紙、貼紙同一張任務卡，等你可以同筆友一齊做一啲任務仔，例如要憑想像畫出對方個樣～ 如果係參加【基本版】嘅朋友仔，就可以直接開始寫信，寄嚟港式情侶公司地址，我哋再幫你免費轉寄畀你位筆友3次，而喺你同意之前，我哋係唔會公開你地址。你可以喺一共6次數信來往之後，先決定要唔要同對方交換地址，唔急仲好安全！
.
1次緣份配對，2個陌生嘅靈魂，3次手寫嘅約會。無論你係想找一個伴（如崩壞的命盤～）、好MK咁想招FD子、純碎覺得筆友呢件事好得意，都可以參加。呢個熱熱地嘅五月天，等我哋一齊揾返單純用文字識一個人嘅浪漫，揾返寫嘢個溫度，慢啲了解一個人、慢啲等你回信。其實有人寫信畀你，真係一件好幸福嘅事！
.
「喂！我想識你啊，不如我哋做筆友牙？？？My Pen is Blue, My Friend is U @#$%^~」
.
港式情侶緣分筆友配對企劃【等你回信】
參加方法：去港式情侶官方網站報名
傳送門在此：https://www.hkstylecoupleshop.com/products
價錢：$50 （基本版）/ $80 （足本版）
*希望大家諒解我哋要分析好多份問卷幫大家揾到perfect match，更加要不停幫大家寄信，先會有呢個定價QAQ，希望幫到大家識到一個啱King嘅筆友！
.
#最後我send咗張相畀牙筆友 #佢就無再覆我 #呢個其實係一個傷心嘅故事來 #講笑姐 #有無人同小編一樣覺得筆友好浪漫 #情侶 #愛 #愛情 #語錄 #拍拖 #香港 #女朋友 #hkig #心事 #筆友 #寫信 #浪漫 #台灣
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
寫聖誕卡 在 Pinkoi - 【關於寫聖誕卡】 #PinkoiXmas 我有一個習慣 的推薦與評價
【關於寫聖誕卡】 #PinkoiXmas 我有一個習慣，就是每年寄你一張聖誕卡，跟你說聖誕快樂 - Pinkoi 聖誕卡專區>>> https://pinkoi.life/9cfVJuiCrS - Pinkoi 好好過 ... ... <看更多>