【龔成問答信箱】(Q22281-22300)
Q22281:
龔成老師你好,我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?
而家再跌,應唔應該再吸納呢?
先多謝你既意見!
龔成老師:
對佢會有中短期不利,但長遠,仍是有質素的。澳博控股(0880)有質素的,雖然中短期有點弱,但長遠無問題,仍是一間不差的企業。不過,你單一股佔佔45%,是高風險!
你要在反彈時減持,去翻佔股票組合比例15%以下較穩健。
------------------------------------------------
Q22282:
老師,請問建設銀行仲值唔值得長揸?
我6.07買入,萬咗2萬股,打算收息,但佢最近不斷跌,,目前應該係繼續持有定止蝕? 應唔應該趁依家低位再吸納?謝謝
龔成老師:
建行(0939)本身質素不差,有一定的規模,在全球都有網絡,本身不會無質素的。
不過,這股增長力不算強,只是一隻收息股,現價投資可以,因為在合理價,但唔好對股價有太大期望。
前景不過不失,中短期會因中國經濟有影響,銀行業的賺錢能力不及從前,加上壞賬因素,都會令佢中短期弱。不過,初步已好轉,但不是高增長型。
而長遠,會慢慢穩定的,不過,增長力不強。
你有貨可持有,如果目標是收息,可持有。但如果你想增長,就未必適合。至於是否加注,要睇這股佔你組合比例多唔多,以及你的投資目標。
------------------------------------------------
Q22283:
請問522同6869, 285 那一隻值博率高的,6869已經就快52週低位,請問此刻價位是便宜區嗎?
請問2158醫渡科技幾錢可入,現價都是略貴嗎,幾錢為合理區,因上年都要3x ,現在已接近
請問1833同2158比較,邊隻優質的呢
龔成老師︰
唔好用"52週低位"這種短炒分析,去決定一隻股票平貴。我地應從佢質素、行業發展、財務狀況等,去做估值。
因為過去股價,未必有效反映今天狀,特別係企業本質已經有改變,或者行業已有一定變動。你用過去股價作評估,好易出問題。
現價值博率計,現時長飛光纖光纜(6869)會較高,算係合理區。但佢質素有少少質轉弱的情況,唔建議大注。
而質素上,比亞迪電子(0285)會較好,但現價偏貴,回到$40以下,才好考慮。
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
之前貴,現價算是略貴,最好回翻多D先考慮。
至於質素上,平安好醫生(1833)會好少少。現價算合理區頂位,最多只宜小注,或可以用月供去儲貨。
------------------------------------------------
Q22284:
老師,如果買樓,以下地區應該選那一區,我打算自住:
1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍
Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎?
如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?
龔成老師︰
地區上,其實現時投資價值差唔多。但將軍澳這個典型的住宅區,雖然現時缺乏就業機會,投資價值較中等。
但未來交通配套會日漸完善,如將軍澳跨海連接路日後落成後有助改善交通,利用跨海連接路及將藍隧道,10分鐘便可到九龍區,會提高了這區的價值。
一般來說,市區的長遠價值會好D,荃灣區、四小龍算是這類。
但由於係自住樓,我建議你從生活角度做主要考慮。你要睇下邊個地區和單位,較配會你餘下幾年生活需要,又有一定投資價值(至少同大市同步),就可以考慮。
現時按揭息口低,我建議盡借。用空出來資金,做投資增值,效果會較好。
------------------------------------------------
Q22285:
老師老師
7.8入1177
$28入1810
$44入左941
近日跌左我應再入D貨定唔理佢??因我聽你講睇長線的
我仲有0001都係想長線收息的,現在佢又係跌左,其實現在咁嘅時世,應該點儲錢???唔通儲金??
龔成老師︰
只要佢地長線投資價值不變,你照持有就可以。但是否加注,要睇佢平貴水平。
中生(1177)和中移動(0941)現價合理,但你已有貨,再等回多10-15%左右,才再加注會較好。
而小米(1810)現價依然略貴,回多1,2成才加注,值博率會高一點。
長和(0001)都有質素,但已經好大間,增長力唔會太高,但用來收息係無問題。現價算合理區中上部,可分注入貨。
但再提你一次,我地投資選股,會因應年紀和風險承受力去做決定。
中生(1177)和小米(1810)係潛力股,若你較年青,持有這類股票係可以。但若你較近退休,這類波動性大的股票,就不太合適。反而中移動(0941)這類收息股,會較適合。
而長和(0001)有平穏增長力,再加一定股息,基本上你是任何年紀,都可以考慮。
------------------------------------------------
Q22286:
1. 龔老師,收到你的回覆,好感動啊!我因為股市下跌好擔心提早退休的計劃受影響,心情極差。我這個人比較重感情,買香港寬頻,不買香港電訊,
是因為之前個女在那裡上班。太傻了,對嗎?現在,她剛轉工了,哈哈!
請問老師我現價應該加注嗎?我上次入了10000股。
我放工去港島可能太趕,請問上課地點會去九龍嗎?
2. 當然,退休後就不是問題。老師,我擔心的原因是公積金1半放股票,而且2成是2星期前才加碼的。其實,因為我從未投資,所以目前計劃是一半錢留俾基金經理繼續投資,
選均衡組合,其中一半全球股票,另外債卷等。一半由自己購入本港的收息股,當然分段購入,以候理想價格。
請問老師認為以上計劃可行嗎?基金經理JP Morgan, Fidelity 之類收費年息1.25%,你覺得我應該花這筆錢嗎?
靜候老師的寶貴意見。非常感謝!
龔成老師︰
1) 明白,但投資唔好太感情用事,我地真的要理性分析。可能你個女從工作角度,係一個好公司。但從投資角度,又可以能另一回事。
當然,香港寬頻(1310)投資價值都不差,你照保留用來收息,係無問題。現價合理,但若佢已佔你組合一定比重,就唔好加注住。
個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
至於上課地點,暫時都係香港島個邊,但我間中都會開星期六班的,通常一年開1、2次,星期六下午時間。
下次可能在今年年尾。你或者可以預早留位,只要whatsapp 55457212我同事,打「留位星期六班」就得。我地有具體資料就會 whatsapp。
2) 其實你已快要退休的話,所以投資都應該係相對保守。股票上,我之前提過的收息股,係適合你的選擇。
基金方面,都係一些收息型保守基金會較好。但由於基金有一定管理費,所以我比較建議係自行買收息股。
如果你唔識選擇,你可以買一籃子收息股的ETF,X恒生高股息率(3110)。它是一個投資收息股的基金,追蹤恆生高股息率指數之表現。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合。
而債券,都係可以,但必須係一些A級債券,才好考慮。
------------------------------------------------
Q22287:
呀Sir~ 我沽出了0968~我相信佢係潛力股,我本人對太陽能發電有好大興趣,但佢價位太浮動,我年紀係大,但心智未夠定,所以用呢筆小資金準備購入一手2800
好彩得你鼓勵,我身邊有好多人都覺得女性一到左32歲就年紀好大,潛移默化都令我覺得到左呢個年紀又結唔成婚,事業又無起息好失敗⋯⋯但自從過左期之後
(好多凡人都定義女性過左30就是過期,所以我初頭都咁諗,所有野都想趕在這條線完成)過左期後,好多野都看開了,其實仲有好多路可以行……天無絕人之路,
(現在首要做的就是養活好自己同我屋企人)但我相信根據你的方法⋯⋯就算係無咩天份⋯⋯都可以從衣食住行裏找到優質股,當初就是睇中中電公用股的特質,係價位74左右買了,
令我生活質素改善了。現在都堅持番工帶飯,不知不覺都帶了十年飯,就算比人笑我寒酸也不怕,都好過貼錢買難受,係咁嘅時候都仲帶到歡樂比人……哈哈
好彩我樂天,仲練到我面皮厚左。我一定要努力,就算感情上我是個失敗者(其實係我問題,男方對我都算唔差,係我當時太任性,同比左太大壓力大家
我仲衰花心,同其他男性傾計,係我唔啱)能夠找到可以相守的人很難,大家一齊加油!
Sir ~ 我成功購入一手2800! 好野
Sir 的書成功入手你本80後。
龔成老師︰
現在已經是2021年,唔好再比D固有舊思想影響。好多事情,其實唔會因為年齡,而出現限制。有時個限制唔係人地比,而係你比自己。所以,放開點,好多事件自然可以做到。
同埋,有時我地做野,係為左對自己有個交代。所以,有時唔好太介意人地點睇,因為只有你自己,才最清楚自己做緊乜。
信義光能(0968)係有質素,但佢波動性係較大。若你風險承受力較弱,換成盈富(2800)都係可以。
就算再優質企業(包括2800),中短期股價都會有機會波動。原因不一定是本質出問題,可以係一些與其本質無關的因素。只要長線質素無變,中短期波動我地唔需要理會,長線持有就可以。
至於感情,是一個需要終生學習的課題。過去的就過它過去,吸引經驗,保持正面,自然就會有好事來。
還有,多謝你支持我本書。睇完之後,你可以先睇埋《財務自由行》和《股票勝經》。因為這3本,會係較適合初學者。加油!
------------------------------------------------
Q22288:
我係澳門既粉絲呀!對你既課好感興趣,唔知你會唔會考慮開網課呢?
我都想問下老師呀,因為我係有私人因素一定要賣左依家既自住樓,咁我賣左之後假設我會拎100萬去投資,咁剩低既錢我係咪可以買番間細樓做自住樓呀?
但會唔會供唔到呀?因為我人工唔高,還是租住屋先?謝謝老師喔~
龔成老師︰
網上課程,我暫時唔會考慮。因為只前都試過有人盜錄,比較麻煩,所以暫時只會開辦實體課程。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
每個都有自主需要,由於你終極目標的物業(900萬),相較你現沽出物業(480萬)係有一段隔離。你可以先買入較細物業自住,另一邊用優質股增值,再去細屋換大屋。
至於會不供唔起,你要睇翻你個新物業價錢。你比較年輕,人工未算好多。可能你要預留較多資金,去比首期。
當然,另一個方法就係先租屋,再用套現物業的資金,去投資優質股增值。但這個方法,會令你財富組合,偏重晒係股市,風險會略高。
我會較建議用細屋+優質股的增值,因為這個方法會較平衡。
但緊記,這個細屋係用來將來換大屋,所以必需有投資價值,最少要做到跟大市同步。而且個呎寸唔好太細,少於300呎的單位,最好不要考慮。
------------------------------------------------
Q22289:
老師想請教你,如果我層樓7年前以$340萬買近屯市附近約460呎單位,依家升值$580萬,呢層樓近兩年放租每月收租$11500
我最近諗過因為層樓舊了27年樓齡,想賣咗出去攞d錢換另一層一手樓,資產增值潛力會否高d?定係一賣一買所花嘅費用更唔化算?
計唔計意比些意見我作參考
龔成老師︰
27年樓唔算話十分舊,但主要擔心會係到30年,會出現需要樓宇大維修時,這個成本上的風險。
係香港做物業買賣,成本絕對唔細。除非你現有物業,真係好有問題,否則你應維持現狀,保持以租養樓會較好。
另外,我一直都唔係太建議讀者去買一手樓。因為好多時都有溢價。變相令你買貴左,影響長線回報。
------------------------------------------------
Q22290:
龔sir你好,我26歲的,岩岩上星期7月5才開始真正開戶投資,係一個新手,之前有供一份儲蓄保險(供5年,岩岩今年1月供完,大約30幾萬),
大約一個月一萬三 人工左右,現在開了一個富途牛牛(入左18500)玩港股,sofi(入左25000)玩美股
以下是我持有既股
富途牛牛(18500本)
00451 2000股 0.355入
01725 200股 41.0入
01771 2000股 3.45入
Io. 美金25股 1.83入
sofi(25000本)
voo 美金5股 400.78入
apple. 美金3股 142.81入
dis. 美金2股。173.66入
因為之前唔識,左買右買已經蝕咗3000左右,想問我現持有股的因有d都虧損緊,我需要止損沽空,重新制定方向嗎?
還是應該再等這些股升?因現在比較迷惘是否需要將全部股賣走,重新制定下才再買?感謝
龔成老師︰
我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
協鑫新能源(0451)、恒達科技控股(1725)、新豐泰集團(1771)唔係全無投資價值,但質素只算一般,而且風險會略高,長線不宜持有太多。
Ion Geophysical Corp (IO)為技術中心的公司,其業務主要為全球石油與天然氣行業,提供地球物理技術、服務和解決方案。
本身規模唔算大,而且過往股價都好波動。佢這去數年,一直處於未有盈利狀態,加上近年營業額持續倒退。
可能佢面臨一些不利情況,佢唔係完全無投資價值。但不確定性好大,投資時最多只可以少少注。
其餘股票,都係有筆素,你照持有就可以。
其實你除左選股上經驗不足,令到買入一些較弱的股票外。我見你買入價都好多時係偏貴,這反映你定平貴能力,都係有所不足。
因此,我建議你未來時間,先利用月供模式,去建立一個股票組合,以減低買貴貨風險。
你26歲,應以增值為主,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰VOO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學(2382)、阿里(9988)、騰訊(0700)、GX中國電車基金(2845)、三星FANG ETF(2814)。
如果你對這些股票,未太了解。我建議你先供一些指定市場的ETF,美股可選VOO和QQQ(後者風險較高),港股可用盈富(2800)。到你有一定經驗,才買入其他股票。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
另外,"保險"只係理財中防守部份,買足夠保障就可以,增值可以留比優質資產(如優質股、物業等)去做。現有儲蓄保可持有,但唔建議再增加這方面的開支了。
------------------------------------------------
Q22291:
你好,龔sir:本人今年35歲,之前都只是持有現金,關注你的F&B和買了你二本書,今年才初次投資股票。
現金:2百萬
儲蓄保險:20年期已供11年,一次領取可領40萬
一層樓:月供8千,貸款剩約1百萬
每月收入:8萬,二夫妻二個小孩。公司退休金:累積左50萬。每月需供養双方父母,所以能存3萬左右
持有股票26萬:
27 @61.6 *1000
1177 @7.38*4000
[email protected]*1000
[email protected]*1000
[email protected]*1000
[email protected]*67 月供2千
[email protected]*1000
[email protected]*2000
[email protected]*300
目標,50歲財務自由。 打算再投資20萬股票,應該如何配置,感謝關注。
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
現時你已經有物業類資產,現有資金,可以較集中在優質股,去做財富增值。
你35歲,應以增值為主,建議你用「平穏增長股」 + 「潛力股」作組合,去創造一個增值平台。2者比例,大約各一半。若你投資經驗較淺,潛力股佔比要下調至2-3成。
你現時持有的股票,都係有質素,你照持有就可以。但當中融創中國(1918)業務不差,有規模、品牌、銷售網絡,但同時有一定風險。
首先,中國樓市如果逆轉會有很大打擊,另外,這股的負債超高,無事就無事,有事大件事。
因此,投資這股不是不可,因為不是完全無質素,但要明白背後的風險,同時明白這一定會令股價較波動,自己最好控制注碼。
現在你每月可儲$30000,但只月供$80000,有點少。我建議先用5成儲蓄做月供(即$15000),其餘先儲起,用一邊月供一邊儲蓄的策略。
現時大市只是合理區,你現有200萬資金,如果無特別用途,我建議用來投資增值。
你可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
至於"保險",其實主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
------------------------------------------------
Q22292:
老師你好,我今年35 ,有17200 股滙豐係手,帳面都蝕緊40 萬,最近考慮緊要唔要放左一半或全部,等跌市再入其他做長線投資,如買其他想問有咩建議,謝謝,不勝感激。
龔成老師︰
你現時狀況,存在2個較核心問題。
首先,匯控(0005)都算係有質素,但佢只係收息股,增長力唔會明顯。
而當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你35歲年紀,應該先做好增值,而唔係儲收息股。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
因此,從資產配置角度,你係需要沽出部份匯控(0005),將佢地換至其他增長股上。唔係佢質素有問題,而係佢唔適合你,同時佢佔你組合比例過重,而造成了不必要的風險。
以下是一些適合你的增長股,你可以沽出部份匯控(0005),轉至這些股票身上。
平穏增長股︰金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。現潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22293:
成哥你好,非常讚你的資產配置網上課程。學到很多,特別是買樓置業個chapter.想請教一吓操作。
現時我自己的生意前舖後居,所以住方面的租金己包括在租舖的租金內。打算5,6 年後再買一層自住物業。
非常深刻你講過用資產追資產,所以我最近買了一個出租物業325萬,做了7 成按揭。首期90萬左右,租金回報每月1萬2千。
利息方面可以只供息不供本。年利率1.95% ,定息2 年,之後視乎市場息率而定。打算前三個月交給經紀管理,當交學費學做業主。之後自己管理。
這收入要交税20%,末計每年維修之類雜費。請問這個操作時可行嗎?
風險上,我明白如果無人租和利率上升的話,可以會由 "資產", 變成 "負債"。
買原因是同區差不多的單位要差不多350萬。這區租盤比較短缺所以放租能力尚算高。
想請問成哥有其他風險或地方要注意嗎?這供息不供本可行嗎?
謝謝!
龔成老師︰
其實物業只要有質素,都是資產。就算因為加息,或者無人租,令到你短期負現金流。但只要佢長線有升值能力,我地都會視之為資產類。
現時計,租金回報率算可以。但你要留意2個問題,首先你個按揭只係頭2年定息,之後個息口跟市場。但所謂跟市場,到底會係幾多? 會唔會令你月供大增,造成財務壓力。
到時如果大增,你要轉按,會唔會有大問題? 你要計清楚。
第二,你現睇翻個單位,呎寸會唔會太細。一般我建議投資物業,只好有300呎以上,即一個家庭的最低要求,咁個投資價值會較好。
------------------------------------------------
Q22294:
老師你好. 這幾年一直有關注你, 叫做小有所得. 亦很感謝你於2年前的回答
大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k
1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?
a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了
b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業
c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險
2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心
a) 為買新廠房而作出的借款會拖累公司發展,
b) 太依賴單一顧客,
c) 市場流通小, 股權有點集中.
謝謝老師的意見!
龔成老師︰
1) 香港長線樓市,我預都係會保持上升。你可以先買入此物業,用以資產追資產,去保持增值。
我地買居屋,都有一個好處,就係可以比市價較平的價錢,買入單位。從而空出較多資金,作投資增值。
但你要明白,這居屋單位,位置唔算吸引,投資價值一般。加上你將來轉手,你係要補回地價(除非賣翻比綠表或白居2)。而且,都有一定買賣成本。
到底係先購入居屋,定先用優質股增值,等遲些買較理想單位,其實無一個必然答案。
但現時從投資角度,股市會比樓市較有值博率。你可以從投資角度、未來收入估算、長線生活所需去作考量,估算出一個較適合自己的決定。
2) 天長集團(2182)我未仔細研究這間企業,有派息表面上係利好,但實際上,都要睇佢派息原因和長線政策。
此股派息因素,對我地判估佢投資價值,影響唔大。此企業規模細,盈利和股價都幾波動。
投資價值係有,但唔算十分高,而且都有一定風險。若你投資係可以,但不宜大注。
a) 用供貸買入廠房,唔一定壞事,只要佢產出價值較高,咁就可以。
b) 佢5大客戶佔收入近9成,主要客戶近6成,的確係有過度集中性風險。
c) 都算可以,未到話十分集中。如果你想知邊D企業有這問題,可以上證監會個"股權高度集中公布"網頁,裡面有列出相關企業。
------------------------------------------------
Q22295:
感謝你的回覆,我女友其實仲有一堆銀行股,不過他最近看了你的股票勝經,已知不能在銀行及科網再加碼,她現在每月月供5000,慢慢平衡返個組合。
不過我也留意到公平值變動,其實我不太明。(如進階班有講到我到時再學習)
另外,我真的覺得你太好,明明沒收我們咨詢費,但每次回應的質素很高,內容十分詳盡。
我希望你打造的品牌越來越有認受性。
龔成老師︰
多謝你支持,我希望可以透過這裡交流,去分享一些正確的投資觀念和知識。從以令一般散戶或者新投資者,可以有個更明確的方向。
其實公平值,我係初階都有講。主要係一些會計上數字(非真正現金收入),好似物業類股票,你會最常見到。
每年當物業升/減值時,都會反映在公平值上,而這部份會計入盈利當中,令我們估值時出現偏差。
因此,我地去做估值時,要先排除這些數字,才可以得出一個貼近實況的結果。
------------------------------------------------
Q22296:
龔成老師,港交所新CEO攪重組,對港交所有咩影響?
你好龔成老師,請問晶片股中哪一隻相對穩陣小小值博較高?
早晨龔成老師,中國平安$73買,有冇買貴左?
龔成老師︰
港交所(0388)新政策,暫時唔見佢對集團優勢,造成重大改變,依然係一間好優質的企業。
如果晶片股,其實我較建議台積電(TSM),佢係一間有質素架企業,在全球半導體業界有領先地位。
集團專注生產由客戶所設計的晶片,現時已經是全世界最大的專業積體電路製造服務公司。
如果你睇好半導體發展,可以月供,並長線持有。
中國平安(2318)有質素的,佢有規模,有品牌,近年的發展都不差,不過,股價有時會有少少波動,這主要受投資市場表現影響。
這股有長線投資價值,是平穩增長型。現價算係合理區中下間位置,分注投資就可以。
------------------------------------------------
Q22297:
老師你好,最近見中慨股因為反壟斷法都紛紛回調
As at而家︰
阿里: $196.5
騰訊: $527.3
美團: $285
小米:$26.35
老師覺得可以點部署?而家價位合理值得入嗎?
另外,啲內銀股都除哂淨,呢排睇緊建行同工行,現價分別係$5.57同$4.48,老師又覺得現價入手長揸好嗎?
唔該哂老師
龔成老師︰
中央近期推出不少政策,一眾大型企業股價,都因此而受壓。但我地分析時,重點都係會睇翻企業長線質素。
暫時未見,這些股票的長線盈利能力,有明顯變差,你有貨可照持有。除了小米(1810)要回多1,2成才算合理外,其他已在合理區較上部,若無貨,已可入小注。
建行(0939)和工行(1398)都在合理區,可以分注。但你年紀較年輕,這2隻都係收息,增長力麻麻,唔係太適合你。
------------------------------------------------
Q22298:
成哥有d人話錢小就唔好分散咁多投資,唔係就賺好小,咁長期唔賣,回報率一樣多,仲要冇咁集中風險,咁講岩唔岩。
如果我月供︰
1000巴巴
500小米
500中國平安
1000眾安
500金沙
500新鴻基
500中生製藥
會唔會太散?但我中意呢d組合。
同埋諗深一層,唔知仲投資舊經濟股有咩用,雖然仲有質素,用黎平衡組合,但我小錢直接全部潛力增長股咪仲好?
龔成老師︰
唔係因為資金少,就唔應該分散投資。只係資金少,會較難去做分散投資。任何情況,其實我地都要盡力做一個平衡的組合。
任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
你現時月供組合中,股票都有質素。但眾安(6060)不確定性較高,我不太建議用來月供。
建議你將佢換成指數基金,去提升你組合的平衡性。
至於舊經濟股,雖然佢地增長潛力不及潛力股。但佢地勝在穏定性較高,唔似潛力股咁高風險。
你要明白風險高,不等於回報一定高,這是一個錯誤想法。如果成功,回報當然可觀。但由於佢波動性大,失敗時,損失也會較慘重。
所以,「潛力股」不宜持有過多,要平衡。若你係偏年青,可以佔5成。但若你較年長或投資經驗較少,要下調少少至3成左右。
------------------------------------------------
Q22299:
龔sir, 我有以下股票,我現在43歲,想問我的組合會否太多潛力股?我想增持平穩增長股,你有什麼建議?或者對我組合有何意見?
0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手
謝謝
龔成老師︰
以你43歲計,潛力股大約可以佔你組合3-4成,若你投資經驗較淺,只宜佔1-2成。
你現時潛力股比重,的確係有點高,但主要係完美醫療(1830)近年大升所致。你現時持股,不變都係可以。
但未來資金,要優先投入平穏增長股,去令組合平衡翻。
------------------------------------------------
Q22300:
你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,
有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!
以下是我持有的月供股:
00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5
09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4
龔成老師︰
你現時月供組合,係可以。
但正如我之前所講,我地投資除了選股要有質素外,你都要留意組合平衡性。
個別行業唔好佔組合3成以上(我見你地產類問題,已經修正好),但個股都不可以佔高於組合15%,否則都會出現過度集中性風險。
中銀香港(2388)係適合你,但不要30萬全數買佢,你要平衡分配在不同行業優質股上。
大市現處於合理水平,那50萬資金,你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有3部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,博收購都好! 第1866成交(堅) 東沙島街大單邊成交2305萬。感覺6分。 長沙灣東沙島街167號,建築面積約1000呎,門闊約72呎,現在共五個租客( 雜貨/小食店 /電視/髮廊/地產舖) ,合共42600租金,成交2305萬,回報2.2%。 (註冊2305萬, 簽約日期2020年7月8日)...
將軍澳中心樓齡 在 譚蕙芸 Facebook 的精選貼文
[沒有印象]
今日是反修例運動爆發的兩周年。兩年前的今天,百萬人上街反對修訂逃犯條例,政府依然繼續推動修例,引致三日後的包圍立法會警民衝突事件,就此展開了逾年的連串示威浪潮。香港傳媒《明報》統計了至今,反修例事件引致逾萬人被捕,法院處理近2千宗案件,而因為逼爆法院,某些案件需要拖延至2023甚至2024年才開審。
而其中一個最「塞車」的法院要數區域法院。這級法院不是最高,也不是最低,可以判處的刑期最高達7年。然而,700多名被控告暴動罪的被告,刑期最高為判囚十年,卻大部份安排在區域法院,而不是高等法院審理。
兩層法院最大的分別,就是區域法院不設陪審團,而高等法院必須安排陪審團。所以,把暴動案放在區域法院,乃是可以判處高刑期而不用設陪審團的做法。
今日區域法院審理一宗頗簡單的案件。兩名青年被懷疑破壞了一間售賣雜貨,被指與中國內地有關的商店進行破壞。控方以「入屋犯法罪」,亦即俗稱「爆竊罪」控告二人。
坐在犯人欄的被告,分別為同齡的一男一女。他們的打扮相似,都穿着白色恤衫,卡奇色吊腳褲,男的配以Vans黑白板仔鞋,女的配以Converse布鞋。男的職業為髮型師,他的「蛋撻頭」光亮油滑,女的職業為咖啡師,一頭文青及肩短髮,兩人同為22歲。
法庭上播放了蘋果日報的直播片段,當晚11時,防暴警衝進香港仔中心的露天廣場,制服了男被告。拘捕時有人說了一句「X你老母」的粗口,束了淺色及肩長髮的男被告被制服在地上,混亂中,他向鏡頭說了一句:「我隻眼好痛。」未幾,樓上有人扔雜物,警員向樓上發射了催淚彈,把被捕者拖到一旁繼續處理。
直播中,香港仔中心室外廣場,設有涼亭假石噴水池,漆黑的庭園回蕩着咒罵聲,有警員跟市民對罵,並用強光照射記者鏡頭,不斷叫記者退後。有趣的是,控方播放這片段時,把片段聲量壓到很低。辯方律師特意走到控方大狀旁邊說,明天播放片段時,「唔該校番大聲啲。」
代表男孩的辯方大狀身裁高挑,為了令自己可以輕易看到電腦的資料,他放棄用傳統大狀的木座架,而是從枱底把自己的私伙銀色小拖喼拉出來,再打橫讓它平躺在桌子上,再於上面擱上打開了的手提電腦,這樣他眼神垂下,視線剛好落在電腦屏幕上。每個大狀發言都有自己的習慣。
辯方大狀一只手拿着翻開的筆記簿,另一隻手作解說的動作,他手指修長,當作供的警務人員答完問題,他會伸一伸右手食指向天,說一句「好」,然後繼續提問。
今天共有三名警務人員作供。第一名男警語調輕鬆,第二名新紥師妹,第三名則是衝鋒隊員,當晚衝進廣場拘捕男孩。
這名叫姜立庭的衝鋒隊員,身型高瘦,衣着低調,他打了圓點領呔,手戴黑色蘋果電腦錶,說話起伏不大,語調平靜。「那時是踏浪者行動,一天當更十二小時,有時沒有收工時間。」他解說。
姜立庭表示,當晚收到指令到香港仔中心廣場,看到一班數十名的黑衣人逃跑。姜又表示,下警車後把被告追截。「被告有特別特徵,黑衣黑褲黑口罩,但有一把金色長髮。」他用左手向自己頭上向後掃,並點點自己的肩:「金色(頭髮)向上Gel,長到及肩。」今天坐在犯人欄的男孩,髮色已是全黑。控辯雙方並沒有爭議,被捕的是男被告。
辯方律師追問,為何這個金髮特徵,卻從來沒有白紙黑字被記下來,無論是記事簿還是口供裡。姜立庭表示要翻查自己的記事簿,他從黑西裝的右胸口內袋裡,翻出一本手掌大,粉紅皮的警察專用本子,裡面有中文手寫字跡,他翻開看了幾頁,回應說:「我寫漏咗,我自己寫漏咗。」
姜立庭警員不只一次表示要看記事簿。當被主控官問及拘捕及警誡後,男孩有否回應,姜亦兩次表示要求翻查記事簿,辯方表示同意讓主控官以提示方式發問,姜才記得男孩說過:「我過來湊熱鬧架咋」「我路過」。
辯方律師繼續提問:「如果我問你,你到場的時候,看不到他之前做了甚麼?」姜同意。
辯方律師再問:「拘捕時現場有人講粗口你當時聽到?」姜警員表示:「不清楚」。
「制服被告時你或你的同事有向他噴射胡椒噴霧?」姜表示:「我沒有(噴胡椒),至於同事有沒有我不清楚。」
「現場被告被制服後曾說過『我隻眼好痛呀!』『可唔可以畀我抹吓眼先?』」姜再表示:「我無印象。」
「你當時見到被告的神情是痛苦的?」姜警員答:「無印象,佢當時戴着口罩。」
辯方律師不忘提示,「我向你指出,當時你或你的同事已經扯走咗被告的口罩。」姜又補充說:「我記得(口罩)是半吊着,甩咗。」
辯方律師追問,「咁有冇印象被告神情痛苦?」姜再次表示:「無印象。」
辯方律師指,姜立庭警員在法庭上披露被告「有點掙扎」所以下了手扣,卻在供詞寫被告「緊張四處張望,才戴手扣。」辯方律師追問,「被告緊張是因為中了胡椒噴霧。」姜再說他不清楚。
姜立庭曾在作供提到,當晚因為樓上民居有人扔雜物,他們要把被告移師到別處繼續處理拘捕程序。「樓上既住宅居民,扔雜物,好像雞蛋和硬物。」
這並非是普通的「爆竊案」。爆開了的雜貨店Miniso「名創優品」經點算貨品後,表示損失了約5千港元貨物。然而樓上的居民卻從高處扔物,引致警方在拘捕後,要向樓上民居射了一發催淚彈。
那個晚上,也不是一個普通的晚上,那是科大學生周梓樂於停車場墮樓身亡後的「頭七」,2019年11月14日。中文大學衝突稍緩,理工大學佔領亦風風火火。
全香港多處發生示威集會、堵路或衝突。蘋果日報當天的直播馬拉松式進行了7小時,從日到夜,遍及港九到新界。直播的地點有紅磡理大、有港島灣仔大球場、港島中環遮打花園、新界東將軍澳、新界西天水圍、和九龍旺角。
那一陣子,香港各處也像在火燒,民情怨氣爆煲。防暴警拘捕了年輕人,居民憤怒得從高處向警務人員扔雜物,是一年半前香港的日常。
然而時間洗滌了一切,今日香港的日常是,案件繼續排期審理,但街道回復平靜,不少人已經移民或被逼離港。當日全副武裝的警務人員卸下制服,穿了西裝,在法庭裡斯斯文文地作供。被告的年輕人面對不明朗的將來,警務人員則淡然回應:「我沒有印象。」
《明報》今日的報導指,警方雖然收到近2千宗關於反修例示威被疑濫用暴力的投訴, 至今卻沒有警員因執行職務而被捕、被停職或起訴,只有廿多宗訓斥及五宗紀律覆檢。
將軍澳中心樓齡 在 ADa Yeung。Kai-OL Facebook 的最佳貼文
觀塘半山區
華懋新盤 - 安峯 Mount Anderson
最近同家人都有睇下樓,住左九龍咁耐有感情,主力都係留意九龍區。上星期同朋友去睇新盤,華懋新盤 - 安峯 Mount Anderson,地理、配套、及整體發展都令人好心動💕
單位設計十分實用
智能技術設計和美觀的佈局,適合任何年齡層
🗺地理及境觀
安峯位處九龍東觀塘安達臣道,位於海拔200米之上,九龍市區之高峰。背靠西貢,屋苑坐向特別設計,毗鄰廣達3頃之公湖泊公園,大部分單位面向湖泊公園、石礦公園、飛鵝山及遠處獅子山的開揚景致。
⛲ 環境及社區配套
安峯 Mount Anderson有很多休閒和綠色植物,居住健康環境,配套全面,啱晒一家大小👨👩👧👦
生活購物配套:包括超市、便利店、餐廳、岩洞酒窖、咖啡店、精品店
文娛康樂配套 擬建休憩用地達21.5公頃,比維多利亞公園更大政府的設計概念包括大量的綠化空間,以建立「住在公園」的氛圍。政府聯用綜合大樓,當中包括體育館、公共圖書館、社區會堂及社會福利設施。計劃中亦包括位於海拔310米以上的觀景台,銳意發展成香港其中一個地標。
教育配套 : 小學(擁小學學網95)、中學及幼稚園 (計劃中包括兩幅小學及一幅中學用地、四所幼稚園)
餐飲配套,除以上所列區内的配套,安峯住客會所「NEST@the Peak安峯薈」亦將提供酒店式星級餐飲服務 (Gourmet by L’hotel),包括如心酒店集團特別為住戶提供三重尊貴餐飲服務:
- 由如心酒店於會所餐廳「樂饗廊」提供駐場廚師,即席烹調星級健康餐飲,全面照顧住客健康
- 提供點餐外賣服務,即使在家或無餘外出午膳,亦能享受酒店級的美食
- 會所於第1座地下的池畔設有私人宴會廳「樂聚廳」,住戶可在其內廣宴親朋好友、舉辦各式各樣大型私人宴會派對,並享用如心酒店的到會服務,盡享歡聚時刻
🛣 交通
項目及區內交通配套將會十分完善,毗鄰全新交通總匯,落成後將設有多條公共交通路線,當中包括巴士、專線小巴及的士站。
將設屋苑專線穿梭巴士來往觀塘市中心。
政府規劃4條行人天橋連升降機塔,連接安達臣道與觀塘港鐵站及將軍澳隧道巴士轉乘站。
☄️發展潛力
安達臣全新發展區為政府近年銳意打造全新規劃、規模龐大的全新多元化可持續發展社區。整區自成一隅,擁完善的生活購物、文娛康樂、教育及交通配套。發展區分為4大區域: 山中公園、岩壁、文娛核心區及住宅。綠化岩壁亦將用作多元旅遊及商業用途,勢成區域地標景點
項目為區內唯一純私人住宅項目,勢必成為市場未來焦點,吸引用家及投資者追捧。另外,再加上政府積極推動「起動九龍東」計劃,項目將坐擁九龍東發展之利,勢成九龍市區半山新地標。
擁完善交通配套,生活配套應有盡有,自給自足。總括來說,整區將發展為一個宜居的全新發展多元化社區,自給自足
🔎More info
https://mountanderson.com.hk/tc/
#安峯 #華懋集團 #觀塘半山區 #交通方便
將軍澳中心樓齡 在 李根興 Edwin商舖創業及投資分享 Youtube 的最佳貼文
博收購都好! 第1866成交(堅) 東沙島街大單邊成交2305萬。感覺6分。
長沙灣東沙島街167號,建築面積約1000呎,門闊約72呎,現在共五個租客( 雜貨/小食店 /電視/髮廊/地產舖) ,合共42600租金,成交2305萬,回報2.2%。
(註冊2305萬, 簽約日期2020年7月8日)
原業主在外國,叫價三千萬,這間舖是元州街及東沙島街大單邊,大廈6層高,區重建潛力。
原業主於1984年8用82萬買入. 現在樓齡63年。
這間舖門面是好長,好闊,大部分是向元州街,燈口位置,人流是不錯,可惜位置就是比較低消費力,是非常非常低。 一般我都唔喜歡深水埗/長沙灣的舖, 因為太多供應,太多放盤。 這間舖在市場已經放了一段時間,業主在外國好難搵。此舖佔大廈業權份數是1/6。應該具有收購潛力,如果買家是中長線揸,好大機會贏。 但如果純粹從收租角度,厘數回報現在比較低,只有2.2%,由於消費力好弱,也好難令到回報上升。 始終門面是好闊,感覺是約市值平一成成交。
。。。。。。。
【李根興的生意哲學】剛出版,創業故事+生意理論+揀舖知識+創業忠告,合共約360頁,定價HK$198。
想有我親筆簽名及 personal message,可whatsapp我 (+852) 90361143 訂書,我們會寄給你。 或可到各大書局也現有售。711及OK便利店七月遲些也上架。
暫時已抵達以下書局:
三聯書店 中環店
三聯書店 元朗西店
三聯書店 西環店
三聯書店 青衣店
三聯書店 荔枝角店
三聯書店 荃灣店
三聯書店 馬鞍山店
三聯書店 將軍澳店
三聯書店 啟田店
三聯書店 淘大店
三聯書店 莊士敦店
三聯書店 葵芳店
三聯書店 葵芳店
三聯書店 鑽石山店
中華書局油麻地分局
中華書局荃灣分局
中華書局將軍澳分局
天地圖書(灣仔總店)地庫
田園書屋
宏達圖書公司(澳門)
星光書店有限公司(澳門)
商務文化快線(大圍)
商務文化快線(美孚)
商務印書館上水分館
商務印書館大埔分館
商務印書館天水圍分館
商務印書館屯門時代廣場分館
商務印書館北角分館
商務印書館尖沙咀圖書中心
商務印書館沙田圖書廣場
商務印書館沙田圖書廣場(希爾頓中心店)
商務印書館旺角分館
商務印書館旺角分館
商務印書館將軍澳分館
商務印書館康怡分館
商務印書館圖書中心
商務印書館德福圖書廣場
教協有為圖書坊有限公司
榆林書店有限公司
漢榮書局有限公司
樂文書店(旺角)
樂文書店(銅鑼灣)
澳門文化廣場有限公司
![post-title](https://i.ytimg.com/vi/eROMUS4nTJQ/hqdefault.jpg)
將軍澳中心樓齡 在 李根興 Edwin商舖創業及投資分享 Youtube 的最佳解答
《十大重建消失的舖》
今次走勻全港十區同你介紹「十大重建而消失的商舖」。不是按規模大小,而是十大特別有意義的項目。 因為重建,有幾多間舖消失了? 香港人均零售樓面又有幾多呢? 對未來有什麼啟示?
Answer in video:
全文:
...................
東涌,青衣,將軍澳,馬鞍山,西九,啟德除咗都係新發展嘅地區同埋有個共通點,無舖賣。 舖同樓唔同。 樓會越來越多,但舖(我講緊街舖, 尤其是市區嗰啲 )則只會越嚟越少。 可以買賣的更加少。 點解? Now I tell you why!
第10: 我後面原本係著名嘅灣仔喜帖街,即係利東街。 由於市建局2003啟動重建,利東街/麥加力歌街一帶佔地八萬九千平方呎, 2010年2月起利東街永遠封閉。 150間街舖從此消失, 變成咗我後面呢個囍滙商住混合項目嘅項目。 而家信置同埋合和揸住曬,咁仲有冇鋪賣,zero!
第9: 經皇后大道東走向金鐘方向幾步,近PP3嘅保華大廈、安頓街、蘭杜街一帶嘅舊樓, 佔地一萬二千八百平方呎,太古於2017年底就以20.55億強拍買入,其中一間400呎嘅舖之前仲升咗2393倍,先以1.41億被收購。可惜呢度30間街舖亦將會消失。可能變成另一個PP4, 一個發展商揸住曬,無舖賣!
第8: 最近好hit嘅topic, 梗係新世界喺北角英皇道嘅皇都戲院項目啦。 皇都戲院係1952年落成, 佔地三萬五千平方呎,當年為戲院、商場同埋住宅嘅大型綜合建築項目。 戲院係1997年結業, 而家部分改為桌球會。 新世界收下收下收下, 收到八九成業權啦,就係2018年10月正式向土地審裁處申請強拍。 之前我都逐一逐一報道過, 唔少舖都高於市值5至8成賣咗, 擺到明就係被收購。 強拍重建落實後,80間舖從此消失。 又係一個發展商揸住曬,唔賣!
第7: 又係太古, 不過今次拍埋恒基。 喺太古王國旁邊,鰂魚涌呢道嘅濱海街16至94號連同英皇道983至987A號, 連埋瑞士樓呢一列嘅十多幢舊樓, 成條街長300米,佔地四萬四千呎, 2018年11月啱啱申請強拍, 估值26.6億。 重建後,太古梗係唔會賣啲鋪啦,40間舖從此又唔見晒。
第6: 返番中環半山卑利街/嘉咸街一帶, 由中環中心行上嚟些小, 佔地約五萬六千呎,而家工程進行得如火如荼。 市建局把地盤分成ABC三個,先後分別同信置(A),長實(B),永泰同資本策略(C)合作發展, 2007年啟動,預期2022年全部落成, 到時呢道有冇舖賣? 唔知,但係可能都係零。近100間舖可能又從此消失。
第5: 今次梗係要過下海啦, 因為大部分重建都喺九龍區。 淨係睇市建局啟動過嘅75個重建項目, 57個都係九龍。 新界(除咗荃灣嗰兩個楊屋道及萬景峯嘅項目以外)基本上係無重建嘅。
先嚟旺角買返對波鞋先, 波鞋就越嚟越多 , 不過可以賣買嘅舖又少咗38間。 點解? 因為市建局2007年開始,就收咗波鞋街呢度一楂嘅舖, 佔地三萬六千平方呎,同新世界起成咗呢K28嘅商住項目, 同K11一樣,啲舖梗係唔賣啦, 大家又要行商場啦。
第4: 男士們,以前多唔多嚟尖沙咀金巴利道嘅香檳大廈呢? 我都係聽人講㗎咋, 呢度曾經係一樓一鳳,色情事業嘅聚集地。 佔地二萬六千呎,香檳大廈於1957年落成, 雖然只得八層高,曾經係半島酒店之後,當時九龍最高嘅建築物。 亦曾經係香港著名相機同攝影器材嘅集中地, 80年起開始沒落, 90年代多個單位被劏成為一樓一鳳, 曾經盛極一時叫做香港「性」地。
由於樓齡過咗50年,近年不斷傳出財團收購嘅消息。 好似2018年1月時, 恆基就向霍英東家族買咗地下同LG層合共十個舖位,作價1.15億。 之後上個月(2018年10月)恒基再用多1.25億買入多十間舖,我之前都有報導過(第998-999成交)。 雖然依家應該仲未收齊八成業權門檻申請強拍, 相信收下收下距離收齊唔遠。 重建之後, 啲舖肯定好似對恒基自己對面美麗華廣場咁唔會再賣散,到時尖沙咀又無咗90間可以買賣嘅舖啦。
第3: 嫌香檳同波鞋個項目細? 整個大啲畀你睇睇。 我而家企咗喺土瓜灣, 庇利街/榮光街/啟明街/鴻福街/銀漢街一帶, 可能你呢世仔都未來過, 但再唔嚟, 呢度嘅大約二百間舖就好快冇晒啦。 呢度每間舖市建局收緊大約千二至千八萬。
土瓜灣真係好多重建,淨係呢幾條街,市區重建局就落實咗七個重建項目, 睇住我地圖框住呢七個, 合共佔地二十三萬九千平方呎。 預計呢七個項目喺未來十年相繼落成,到時有冇舖賣? 我唔知。我只知道肯定唔少變成商場, 大發展商自己揸住曬。 即使有商場內嘅細舖劏出來,大家記住千祈唔好貪平買。 地舖頂多輸一兩成,劏舖分分輸剩你一兩成。
第2: 未來嘅消費,我相信唔止係南向北移,而且係東向西走。 因為港珠澳大橋,高鐵通車同埋西隧減價都係西邊,東邊反而只係本土消費多啲。 講重建消失嘅舖,梗係要講下九龍西啦。
呢度係大角咀,好吖。 重建一流呀, 如果唔係市建局都唔會喺度落實咗十個重建項目。 未計已經落成嘅洋松街新鴻基形品▪星寓,必發街華人置業嘅 i-Home, 櫻桃街南豐嘅海桃灣, 埃華街信置嘅 Park Ivy, 其他仲起緊嘅六個地盤就係呢度,六個地盤合共佔地六萬四千平方呎,重建後又有約70間地舖將會唔見啦。
呢楂舖唔夠多? 最勁嘅應該係恒基係大角咀道以西,近奧海城嗰邊嘅利得街、福澤街、 嘉善街、角祥街一帶嘅利奧坊重建項目,分為五期發展,合共約佔地超過11萬平方呎。
未起前有大約80間地舖係利奧坊呢道,起好後? 又變成好似係我後面呢個商場咁啦,一個發展商揸住曬,無舖賣。 連同之前市建局起緊嗰六個地盤嘅七十間舖, 大角咀又將會對一百五十間舖講拜拜啦。
第1: 梗係要講我由細浦到大嘅觀塘裕民坊啦。 呢個係市建局同埋香港有史以來最大型嘅市區重建項目。 主地盤及月華街地盤合共佔地57萬平方呎, 係我上面講嗰九個地盤嘅總和, 牽涉超過1600個業權,三千個居民,同520間舖。
呢個項目早於1998年已經由前土地發展公司公佈 , 2007年市建局起正式啟動, 分五期落成, 當中會有住宅,office, shopping mall, 酒店, 政府辦公室,社區中心,公園, 交通交匯處等綜合設施 。預期2026年完工。 前後預期要搞近30年。頭三期係由信置同埋華人置業發展緊。 咁大個項目,起好之後肯定好似APM咁,又係冇舖賣。 嗰五百幾間舖從此又消失。
根據政府統計處及差餉物業估價署數字,香港依家大約有280萬個住宅單位。 零售方面,總面積有1.2億平方呎, 除以740萬個香港人,即每個香港人有16呎嘅零售空間。每年新落成就大約有120萬平方呎嘅新零售樓面。 但記住喎,呢啲絕大部分都係商場、樓上舖及銀座式商廈。 喺條街嘅地舖係無新供應之餘,仲不斷地減少緊。 我重複,係無新供應之餘,不斷地減少。
粗略估計香港大約有十萬間街舖, 由於收購重建,可以買賣嘅街舖不斷地減少緊,淨係上面嗰十大個案就已經冇咗千四間舖。 市建局只佔市區重建少數,我估計佢哋咁多年嚟就收咗大約二千間舖。私人發展商仲多,大約萬幾間啦。
買鋪無非等收租,等加租,等升值,博重建。經濟理論101教我, 如果一樣商品只會減少,沒有新供應,而永遠有基本需求的話,唔怕買,長遠必升。 除非啲人開始識飛天,我就怕。因此我咁多年嚟都鐘情於街舖, 去證監會攞正牌成立埋香港首間商舖基金,2009年至今買賣接近一百間單舖, 算有些少成績。你.... 又會唔會想買呢?
第10: 灣仔喜帖街(利東街) - 150舖
第9: 皇后大道東保華大廈、安頓街、蘭杜街 - 30舖
第8: 北角英皇道皇都戲院項目 - 80舖
第7: 鰂魚涌濱海街/英皇道瑞士樓 - 40舖
第6: 中環卑利街/嘉咸街 - 100舖
第5: 旺角波鞋街 - 38舖
第4: 尖沙咀金巴利道嘅香檳大廈 - 90舖
第3: 土瓜灣庇利/榮光/啟明/鴻福/銀漢街 - 200舖
第2: 大角咀市建局及恒基利奧坊 - 150舖
第1: 觀塘裕民坊及月華街 - 520舖
合共消失1398舖
![post-title](https://i.ytimg.com/vi/59sZ46BLJ0g/hqdefault.jpg)
將軍澳中心樓齡 在 高松傑高Sir正能量 Youtube 的最佳貼文
誠邀大家參與『香港義行日2016』之『全城護老、點少得您 』- 創造香港『18區』區區派福袋的創舉
日期:2016年1月31日
服務一 : 上午9:00至11:00 ~ 創造香港『18區』區區派福袋的創舉
(服務二)下午 2:30至 4:30 ~『香港義行日2016』嘉年華及嘉許禮
熱切期待!「全城護老、點少得您」一齊創造香港『18區』區區派福袋的創舉啦!
我們今年以『全城護老、點少得您』為主題,第一個重點項目『老友』所樂 - 問卷調查發布會於1月10日在香港大學成功舉行。全場滿座,傳媒亦有廣泛報導,相信大家從電線新聞或各大報章都見到當日的熱鬧場面。我們再次衷心感謝當日協助的GIVERS,所有嘉賓對GIVERS的團隊讚嘆不已。
我們現正積極備戰於1月31日舉行的全城運動,包括於上午於全港同時進行的香港『18區』區區派福袋創舉,以及下午於牛頭角舉行的『香港義行日2016』嘉年華及嘉許禮。我們必須動員逾200名義工方可完成創舉,我們期待各位以及家人朋友一起行動,無畏18區遠或近,大家合力創造香港『18區』區區派福袋的創舉。
上午創舉,下午嘉許禮,官星民雲集,我們歡迎各位完成創舉後,同時出席下午於牛頭角上村天幕廣場的嘉許禮,一齊慶祝活動成果。亦歡迎大家到各個場地打打氣,附上活動海報。
截止報名日期:2016年1月22日 名額有限,請立即報名參與,先到先得,額滿即止。我們將統計後通知成功報名人士及負責當區的組長,以便聯絡。
服務一 : 創造香港『18區』區區派福袋的創舉
日期 : 2016年1月31日 星期日
時間 : 上午9:00至11:00 共2小時義工時數
地點 : 香港18區 (請於報名時,註明你願意協助的地區或『任何18區』
主要工作 : 協助維持秩序、派氣球、福袋、揮春等,帶出歡笑及正能量到社區。
服務二『香港義行日2016』嘉年華及嘉許禮
典禮時間:下午2:30 至 4:30 , 2:00集合, 共2.5小時義工時數
地點:牛頭角上村天幕露天廣場 , 近牛頭角道89號,亦可由九龍灣地鐵站,沿行人天橋行去
主要工作 : 協助維持秩序及嘉年華順利進行,帶出歡笑及正能量到社區。
註 :
歡迎任何年齡的義工參加。
2. 參加的義工可獲大會送出別出心裁大會T-SHIRT以及感謝狀,請於服務期間穿上T-SHIRT,以示團隊精神。
參加 服務一 的義工,我們鼓勵大家可選擇『任何18區』讓我們可更妥善安排,完成創舉。選擇『任何18區』的義工更可獲金獎, 感謝狀,以示鼓勵。
服務一 : 創造香港『18區』區區派福袋的創舉 – 18地點如下:
- 中西區 : 般咸道5號寧養臺地下
- 東區 : 柴灣康民街康翠臺地下
- 南區 : 香港仔中心商場
- 灣仔區 : 銅鑼灣百德新街行人專用區
- 九龍城區 : 九龍城道56號天橋底
- 觀塘區 : 觀塘牛頭角下村廣場
- 深水埗區 : 深水埗元州村元慧樓空地
- 油尖旺區 : 旺角海泓道富榮花園36號B地下
- 黃大仙區 : 黃大仙彩雲(一)邨景新樓地下
- 離島區 : 東涌逸東邨巴士總站對出行人通道
- 葵青區 : 葵涌和宜合道商場
- 北區 : 新界粉嶺華明邨商場
- 西貢區 : 將軍澳調景嶺善明邨善智樓地下
- 沙田區 : 沙田瀝源邨福海樓地下
- 大埔區 : 大埔廣福邨廣平樓平台
- 荃灣區 : 荃灣大河道7號慶興樓地下
- 屯門區 : 屯門河旺街大興花園一期一座地下
- 元朗區 : 新界元朗天水圍天盛苑
此創舉意思深遠,各位長途跋涉,身體力行的參與,功德無量,謹此向各位致谢致敬!
![post-title](https://i.ytimg.com/vi/JT3EKPBCbUc/hqdefault.jpg)