都係嗰句，搬返嚟呢邊之後其中一樣嘅開心事，就係可以行路去寶雲道跑步；之前成日唔喺香港，少運動，所以呢排就算再忙都要郁郁佢。
好多朋友都問我覺得對Nike Epic React點？行街就實冇得彈㗎嘞，但著嚟跑步嘅話，都係要著嚟跑多幾轉先敢答大家；先旨聲明，非專業技術文，純感覺業餘包膠咋下。
無論跑步定打籃球都好，我最在意嘅係對鞋夠唔夠「貼地」，所以籃球鞋我偏好Kobe系列，鍾意佢低身底薄，可以Feel到個地下，有咩事都可以立即有反應嘛；當第一眼見到呢對Epic React Flyknit嗰陣，覺得佢靚仔就夠靚仔嘞，但係佢個一塊過嘅鞋底睇落好似好厚咁，就有一刻諗過：對鞋會唔會好高身呢？
試過之後先知道係唔駛擔心嘅，第一次上腳跑仲有種之前未試過嘅感覺。鞋底厚，但完全唔覺高；Feel到個地下(前掌特別明顯)，但又有好強嘅緩震 - 係真係彈下彈下嗰隻喎；輕就一定㗎喇，鞋面Flyknit透氣兼包腳。有朋友試過之後話要買大些少，我自己就覺得唔駛。首先我著US12，冇半號，一上就上到13，對我嚟講會太大；再者Flyknit冇錯係好包腳，但又唔會話緊到雙腳冇血到嘅。如果買得太大，跑嗰陣隻腳喺鞋櫳入面跣前跣後就仲麻煩；留意織面鞋身著耐咗之後係會就住你個腳形而慢慢變鬆，所以個人意見，著番原本Size可以嘞。
相比之前著嚟跑半馬嘅Zoom Fly，呢對鞋冇咁「快」，不過軟身加超強回彈力減低咗雙腳嘅負擔，所以我會著嚟做日常街跑同長課。新中底物料React Foam帶嚟嗰種彈彈下嘅感覺真係好玩㗎，絕對值得一試；外觀靚到冇嘢好講，作為白色控，嗰對白色我真係唔捨得著嚟跑步，留咗嚟出街著，而呢對College Navy就成為我最近嘅練習伴侶嘞。
#NikeEpicReact
#INSTANTGO
#NikeReact
#NikeRunningHK
專業技術文 在 五倍紅寶石專業程式教育機構- 【技術文分享】轉職軟體工程師，你 ... 的推薦與評價
【技術文分享】轉職軟體工程師，你必須經歷的三個階段「我不是本科生，適合寫程式嗎？」這樣的討論，是每個轉職工程師的人心中，一定曾冒出來的問題。 ... <看更多>