關於 對付樓上腳步聲 ，我們在網路上蒐集到這些相關的討論、資訊與評價

《扮工鬥室》好地地打份工，點會諗到暗藏殺機？（試閱三）　
　
「有命過到呢一關？架叔你到底嗡乜嘢……」
　
「企喺度有啲危險，」架叔打斷我，「你跟我過嚟先。」
　
架叔行去會議室大台嘅另一邊然後踎低，見我冇反應先突個頭出嚟講：「過嚟呀！」
　
雖然我真係好想離開呢度，但對方話晒係我直屬上司，為咗未來嘅錢途打算都係照做比較好。
　
＝＝＝＝＝＝＝＝＝＝＝＝＝＝
前兩回連結：
https://www.facebook.com/pg/Echo.of.Heart/photos/?tab=album&album_id=2133975146734290
　
實際已經連載到第１１集啦！訂閱即刻追埋！
https://www.patreon.com/posts/ban-gong-dou-shi-42713909
＝＝＝＝＝＝＝＝＝＝＝＝＝＝
　
「架叔，既然連燈都熄埋，唔係應該走人比較好？」我行埋佢旁邊踎低之後問：「點解要玩到好似捉伊因咁呢？」
　
「我都話太遲囉，你係咪真係撞聾㗎？」架叔脾氣越嚟越差，「用你個死人耳聽清楚，再過一陣外面就會有事發生……我哋就靜靜地避喺度，等件事過就得。」
　
「係咩事？」我心諗，唔會真係發生兇殺案咁邪嘛？
　
「次次都唔同花臣，所以我都唔肯定……」架叔再抬起頭盯住門口，「但幾乎每次都會有『怪物』出現。」
　
「怪物？」聽到呢度終於超出我接受範圍，「架叔，如果你真係輸波嘅話……唔怕老實講喎，我會耐心咁聽……」
　
「你就輸，美斯尋晚幫我贏咗差唔多係你半份糧呀！」架叔反駁我。
　
「贏咁多頭先飲茶你都唔肯請咁孤寒？」講到一半我突然恍然大悟，「哦，我明喇……肯定又係你哋成班同事夾埋玩我，就好似啱啱Me姐咁……呀！？」
　
架叔用力扑咗我一下頭。
　
「邊個得閒夾埋玩你？何況……根本冇人知你條友會突然返轉頭搵耳筒！」
　
「你咁講又有道理……」
　
「唔好再廢話喇，我知道一時三刻要你接受呢個世界有怪物係好難……但假如一陣真係咁唔好彩見到，然後隻怪物又行入嚟會議室嘅話……」
　
架叔講到呢度指向會議室窗邊，呢刻因為俾窗簾遮住所以望唔到街外嘅情況。
　
「我哋夾手夾腳推佢落街？」我問。
　
「唔係，係我哋要跳出去。」
　
「痴線㗎？」我激動到彈起身，「跳出去，呢度成十四樓喎！？」
　
「殊！」架叔用力拉返我落嚟，「你洗唔洗嗌得咁大聲……」佢講到呢度突然望返門口，「弊喇。」
　
就喺佢講完一瞬間，忽然有股陰氣喺走廊方向傳入嚟……接住，有把低沉嘅男聲喺度「餓……餓……餓……」咁叫，仲要一步一步咁靠近會議室。
　
說時遲那時快，下一秒已經有個身影出現喺門口，粗獷而肥胖嘅身軀幾乎完美擋住外面嘅紅色提示燈，我仲依稀睇到佢只係著住短褲，上身露出好似米芝蓮人咁嘅車軚腰……而最詭異嘅，係佢口裡面不斷噴出白色嘅氣體，就好似口裡面含住幾粒乾冰咁樣。
　
雖然成個畫面望落好嘔心，但點睇對方最多都只係露體狂……點睇都未去到怪物嘅程度？
　　
「餓……餓……我好肚餓……」
　
我同架叔趁住「肥佬」轉身望過嚟嘅時候即刻縮返埋個頭。
　
「肉……如果有肉食就好……」
　
架叔輕輕力拍一拍我，再指向窗邊，示意我要準備好隨時要跳出去。我當然打死都唔肯，堅決咁搖搖頭……之後我哋一直盯住紅燈投射出嚟嘅巨大影子。慶幸嘅係，「肥佬」最後冇入到嚟，呆咗一陣就沿住走廊行返出去主辦公室嘅位置。
　
「餓……餓……好餓……」
　
「而家係咪即係冇事？」我細細聲問，心裡面依然懷疑緊成件事嘅真偽。
　
「睇你個表情好似仲係覺得我玩你。」架叔一眼睇穿我，嘆咗口氣之後起身行埋去窗邊，「你過嚟，我俾個有力證據你睇。」
　
我半信半疑咁行過去，盡可能都唔靠太近，以免架叔突然發癲推我落街。見我企低之後，架叔慢慢拉開窗簾……
　
有一瞬間，我仲以為自己睇錯……因為見到嘅並唔係對面大廈，而係同我而家身處嘅會議室一模一樣嘅房間。我有諗過係玻璃反射，但架叔馬上打開其中一扇窗，然後毫不猶豫就跨過去。
　
「你而家信喇？」架叔企喺另一邊同我講：「公司之所以規定員工每晚五點要收工……係因為每晚到咗六點六分六秒，公司就會有機會變成一個異空間。」
　
「咁……」我慢慢行近窗邊望清楚，對面嘅會議室真係好似倒轉過嚟嘅複製品一樣，「既然咁危險，點解架叔你仲會留喺度？」
　
「因為冇得揀囉。」架叔又嘆咗口氣，「只要嚟過呢度一次就會受到詛咒，假如公司變成異空間之後唔喺十四分鐘之內趕返嚟……就會有好嚴重嘅後果。」
　
「即係死？」
　
「慘過死。」架叔認真咁講：「你過嚟先再問喇，記住仲未安全㗎。」
　
我猶豫咗兩秒，正想行動之際……居然感到腳底好似黐立立咁。而且，唔單止地板，連窗框都係一樣，掂完縮手仲可以拉出一條黐手嘅嘔心黏液……
　
「架叔……你係咪趁我唔為意嗰陣偷偷吐咗啖口水？」我問，但只係見到架叔瞪大雙眼望住我身後。
　
「唔係……係隻怪物搞出嚟！」架叔大嗌。
　
我轉身望過去，估唔到隻「肥佬」居然中途折返，再一次企喺走廊外面……下一秒，佢突然發咗癲一樣向住我直衝過嚟，結果一嘢撞埋會議室大台。但佢睇落一啲都唔覺得痛，仲開始沿住會議室台爬過嚟……
　
「仲睇！？」架叔兩手捉住我手臂，「過嚟呀！」
　
今次我冇猶豫，亦都唔理啲黏液有幾核突即刻爬過去。一落地個「肥佬」已經撞到埋嚟，近距離一望……可以見到佢雙眼暴凸，嘴巴一開一合除咗白煙仲有液體不斷吐出嚟……
　
「走喇，跑到外面應該就有人幫手！」架叔拉起我。
　
「幫手？」我抱住疑惑跟住佢跑，去到門口之際回頭一望，見到個「肥佬」已經過咗嚟，再一次起跑然後撞埋會議室大台。
　
「餓……好肚餓……」
　
「你行錯啦……呢邊係左右掉轉！」跑到出走廊，架叔提醒我。
　
「係喎！？」我即刻反應過嚟轉返左邊跑（原本左邊係通去戰略部、右邊係主辦公室）。
　
「前面有人嘅話千祈唔好搞錯呀！」架叔邊跑邊大嗌，唔知係同緊邊個講嘢，「我哋有兩個人！」
　
跑咗幾秒後，我同架叔終於跑出走廊，隨即發現左右兩邊分別都有人貼埋牆邊埋伏──其中一個係厭世臉同事士巴拿，至於另一個就係今朝見過嘅阿和……
　
除此之外……
　
「停呀！」
　
前方突然有把熟悉嘅聲音叫我停落嚟，我差少少就剎唔切制直撞埋去（事後好後悔竟然剎得切），望過去……居然係Me姐，佢呢刻一手拎住旋轉椅嘅金屬椅腳，仲可以見到係改裝過嚟，上面加滿咗鋒利嘅刀片……
　
「咸濕仔……估唔到咁快就見返你。」Me姐笑住講，然後將目光放返去走廊嗰邊。
　
呢刻，「肥佬」已經行出走廊……一場大戰感覺無可避免。
　　
如果你問我對於「肥佬」呢隻怪物嘅睇法──嘔心係當然，而且感覺仲好似著名射擊遊戲《Left 4 Dead》裡面識得自爆嘅怪物Boomer。估唔到，現實居然會有一班人敢去對抗呢隻核突怪……
　
「架叔，你帶佢去後面避一避先……以防萬一。」
　
「收到。」架叔聽完即刻拉住我退後幾步。
　
既然Me姐在場……唔通所謂嘅「戰略部」，存在目的就係為咗對付異空間嘅怪物？
　
「肉……肉呀！」
　
「肥佬」發出一聲咆哮之後即刻向前衝。一聽到腳步聲，守喺走廊外面嘅士巴拿同阿和即刻有所動作，同時間舉起手上嘅粗鐵鏈……睇嚟目標係想躀低隻「肥佬」。難怪頭先架叔跑緊嗰陣要提醒佢哋，唔係躀低嘅就會係我哋。
　
問題係，隻「肥佬」會唔會咁易就中招？既然講到明係怪物，一定有返咁上下能力，隨時用蠻力就可以撞爛條鏈……
　
「餓……餓……嗚啊！？」
　
碰！
　
但事實卻係一啲都唔意外，「肥佬」完全注意唔到條鐵鏈亦都撞唔爛，結果一嘢躀到然後成個人大字型咁瞓落地。因為有返咁上下重量，結果搞到成個地板震咗一下。
　
「嗚……」
　
「阿佑仔。」架叔拍一拍我肩膀，「隻怪物睇嚟只係E級……今次算你好彩。」
　
「E cup？」我有一秒以為佢講緊胸圍size，但情況咁嚴肅應該唔係……換句話說，應該指隻怪物嘅可怕程度？
　
「嗚……」
　
「肥佬」正準備撐起身，但士巴拿反應非常迅速……即刻拎起一把開山刀一嘢劈斷佢左邊腳，乾脆到見到都覺得痛。
　
「大姐……之後靠妳啦！」佢大嗌。
　
就喺下一刻，Me姐開始慢慢行過去，呢種彷彿天不怕地不怕嘅背影，睇落真係不禁令人著迷……
　
「嗚……」『肥佬』抬起頭從下而上望住Me姐，彷彿變態佬一樣，「係腳……係白滑嘅腳……」
　
「呢隻怪物令我諗起以前公司某個同事……佢真係黑人憎到爆。」說罷，Me姐即刻舉起手上嘅改裝椅腳，再用力狠狠一下扑落去。
　
啪！
　
「嗚啊！」
　
「恃住自己係老細嘅親戚，一直喺度遊手好閑！」講完，接住又係另一下重擊。
　
啪！
　
「嗚……」
　
「叫佢做少少嘢都可以拖成個星期……結果鑊就係其他同事孭！」
　
啪！
　
「啊……」
　
「倒瀉成罐可樂仲可以扮唔知……搞到第二朝成地都係螞蟻！」
　
啪！

「仲有佢掂過嘅滑鼠鍵盤全部都係黐立立，諗返都想作嘔呀！」

啪！
　
「佢仲要夠膽喺公司播咸片……個女優仲要同新嚟女同事差唔多樣……諗起都想你死呀！」
　
啪！
啪！
啪！
啪！
啪！
　
我哋幾個就係咁企定定睇住Me姐瘋狂發洩。雖然最初係真心覺得Me姐好型好有魅力，但到佢打到「肥佬」皮肉分離甚至見埋頭殼腦漿（其實打到中途佢已經唔識郁），然後黑色嘅血濺到佢一腳都係……呢種感覺慢慢俾嘔心感所取代。
　
「架叔……嘔……」我終於睇唔到落去了，「我過去旁邊嘔一嘔先。」
　
「渣㗎……唔好行太遠，小心隨時有另一隻怪物。」
　
「唔唔。」我掩住口點點頭，然後快步行到迷你垃圾桶旁邊踎低，一下作嘔感即刻由胃湧上嚟，「嘔……咳……嘔……咳咳！」
　
嘔到咁上下，突然有人遞咗包紙巾過嚟。
　
「多謝……」我望過去，面前係一個長住日式惡鬼臉嘅『人』，「嘩！？」
　
「哈哈哈哈……」見我嚇一大跳，呢個『人』即刻抱腹大笑起嚟，笑到咁上下先將臉上嘅面具除落嚟，「果然新人係最好玩。」
　
戴住面具嚇我嘅係一位及肩位髮嘅少女……年紀睇落應該同我差唔多，即係廿五六歲左右。
　
「忍耐多陣啦。」少女望過去Me姐嗰邊，叉住腰講：「睇嚟應該冇其他怪物……今轉應該好快就完結。」
　
我一邊抹嘴一邊企返起身，呢刻「肥佬」嘅上半身已經變到血肉模糊（好彩燈光唔夠睇得唔清楚，唔係又準備再嘔多次）。Me姐用腳確認多次對方真係死咗之後，轉身望住我哋呢邊講：
　
「海兒，係咪剩係得佢？」
　
「嗯。」旁邊嘅少女點頭回應：「樓上樓下都見唔到其他怪物。」
　
「咁就好……喂，阿York。」Me姐確認完之後望向我，「一陣返到現實世界……樓下酒吧等，架叔你記住拉埋佢嚟。」
　
「係嘅係嘅……等我唔飲得酒喎，費時老婆罵。」架叔回應。
　
就喺下一刻，辦公室嘅紅燈同一時間熄滅，現場瞬間變得一遍漆黑。
　
「以後多多指教啦。」接住，我聽到海兒笑住講呢句。
　　
等到燈光全部著返之後，我注意到自己又返番去會議室裡面，而企喺我旁邊嘅人又重新變成架叔……呢個位置，就同最初熄燈嗰陣係一模一樣。
　
「今晚完咗喇，」架叔拍一拍我背脊，「行喇，我哋落去酒吧霸定位……費時Me姐一陣黑我臉。」
　
*
　
場景一轉，我同架叔已經坐咗喺酒吧等。大約十五分鐘之後，終於見到Me姐推門入嚟，而跟喺佢後面嘅只有海兒、阿和同士巴拿三個人。
　
「其他人呢？」架叔問。

「佢哋話嚟到都係齋坐……所以返去好過，成班都冇責任心。」Me姐邊坐低邊抱怨。
　
「Me姐，妳係咪照舊？」海兒問道，應該係想幫佢嗌酒，「阿和你呢，想飲咩？」
　
「是但就得。」阿和客氣咁點點頭，海兒聽完就行開去酒吧台嗰立邊。
　
「唔廢話直接入正題喇……」Me姐再一次蹺腿，我注意到佢雙腳已經冇晒血跡，「枝針我剩係準備咗俾阿和，應該要等下個禮拜先可以攞多枝新嘅。」
　
「下個禮拜……」架叔皺起眉頭，「咁唯有祈求之後幾日都冇事發生啦。」
　
頭先等緊嘅時候架叔有簡單解釋過──辦公室變成異空間呢件事雖然每個工作天都會發生，但真係出現「怪物事件」嘅機率其實唔高，平均一個星期只係出現一次，所以照計應該唔會咁不幸一個禮拜連中兩次。
　
「枝針到底係咩一回事？」至於枝針，架叔就一直話要等Me姐解釋。
　
「枝針係一個保險措施。」Me姐解釋：「入到異空間嘅人……如果喺冇打過針嘅情況下俾怪物殺死或者因為其他特殊情況而死，咁佢嘅『存在』就會永遠消失。」
　
「吓？」我意外，「存在……即係咩意思？」
　
「字面意思。」Me姐轉用冷冰冰嘅語氣講：「冇人會記得你嘅存在、包括你嘅名、同你有關嘅經歷同資訊通通都會消失……連你嘅愛人、朋友甚至家人都唔會記得返你。唯一嘅例外，就係我哋呢班去過異空間但又仲生存緊嘅人。」
　
「但……咁嘅話實在太誇張啦掛？呢種事現實真係有可能會發生咩？」
　
「唔係可能……而係確確實實發生咗。」Me姐靠埋梳化抬起頭望，「或者……喺我哋唔清楚嘅情況下，已經有好多人因為咁消失咗。」
　
「咁……如果打咗針呢？」我望向阿和，「咁係咪代表死咗都冇問題？」
　
「唔係，只係好少少。」Me姐轉過頭望向落地窗外面，「阿York，你望下外面……」
　
呢刻因為係放工時間，所以不斷有途中喺外面行過。佢哋大多都一臉倦容，帶住疲憊嘅身軀無力咁走……
　
「如果打過針先死……就會徹徹底底咁變成一個行屍走肉嘅人，再冇夢想、再冇目標、再冇衝勁……只係為咗生存而生存，彷彿一個有固定規律嘅機械人咁，最後碌碌無為咁過完一生。」
　
聽到呢度，我不禁沉默了……但其實諗深一層，其實現實有好多人咪都係咁？
　
「既然係咁危險……點解你哋仲要敢用條命去博？」
　
「有好多原因呀。」回答我嘅係拎住酒返嚟嘅海兒，「有人係單純為咗錢、有人係為咗樂趣……」
　
佢講到呢度望向士巴拿。
　
「有人係係為咗擺脫呢一切……」
　
佢望向架叔。
　
「有人係想保護其他無辜嘅人……」
　
佢望向阿和。
　
「最後就係Me姐咁……」
　
我同海兒同一時間望向Me姐……呢刻佢優雅咁飲緊手中嘅Margarita。
　
「為咗……徹徹底底消滅呢個異空間。」
　
（待續）
　
＝＝＝＝＝＝＝＝＝＝＝＝＝＝＝
　
見上兩集試閱反應唔錯所以放多篇！《扮工鬥室》實際上已經連載到第１１集啦，同埋開始會有投票互動！
　
希望大家可以支持下我嘅 Patreon 啦，每月只係一餐飯嘅價錢，就可以追新故同埋睇返舊故，遲下仲會有更多心得趣故分享！
　
https://www.patreon.com/echoofheart
　
IG：echoofheart

【阿公講鬼】《兇宅》
　
＝＝下半部分有繁中華語版＝＝
＝＝下半部分有繁中華語版＝＝
＝＝下半部分有繁中華語版＝＝
　
（第１集）http://bit.ly/2M1bpim
　
嗰晚，東亮連屋企都唔敢返，唯有去對面街嘅賓館暫住一晚，估唔到…佢竟然喺賓館櫃檯嘅職員口中，聽到關於呢個單位嘅線索。
　
賓館職員係一個五十多歲嘅大叔，眼球混濁，兩臂紋身褪色剩淡淡墨綠色。
　
「一個男人做乜住賓館？想犯毒定自殺？」
「我…想訓一晚啫。」
「我知喇，你一定係去完『發夢』啦，無裝備嘅？放心喎，就算警察上到嚟都唔敢入嚟我地頭查案。」
　
「唔係啊，我真係想訓一晚，我屋企有鬼啊！」
「有鬼…？你住對面大廈？」
「你點知？」
「唉，一定係個紀經佬呃你啦！對面大廈自從發生兇殺案之後，戶戶都鬧鬼，結果全部住客搬走晒，無人住好耐啦！」
　
「我有上網查過，我住嘅單位曾經發生過一宗弒母案…咦！等等！你話棟大廈無人住好多年？」
　
東亮登時諗起曾經敲佢門嗰個光頭婆婆…
　
「睇你塊面青過青頭仔就知你撞鬼，等我畀啲好嘢你啦！」
　
本來東亮以為大叔會畀啲毒品佢，幸好大叔只喺銀包拎咗一道褶成三角形嘅黃符交畀東亮，吩咐佢時時刻刻戴喺身上，訓覺都要放喺床邊，所有靈體都唔敢埋身。
　
東亮喺賓館訓咗一晚，一大清早打算返屋企換件衫再返工。當佢上到自己屋企嗰層，突然聽到樓上傳出小朋友嘅嬉鬧聲。
　
東亮停下腳步，探頭出旋轉樓梯往上望。佢好清晰聽到有小朋友嘅笑聲同碎密嘅腳步聲。
　
日光日白唔會咁猛鬼啩，東亮決定上去一探究竟，就算呢座大廈有鬼，簽咗合約都唔能夠退租，更無可能要女朋友喺呢間有鬼嘅兇宅同居！
　
東亮沿樓梯走到上層，當佢轉彎步出走廊心頭馬上一寒。
　
大廈嘅結構係各單位喺走廊兩旁，走廊兩端都有樓梯可以上落，樓梯有古舊設計嘅巨型九格天窗。
　
天窗設計係香港6、70年代模仿英式建築，每個窗都可以獨立開啟，除咗帶來光源，冬季夏季都可以調節走廊吹入室內嘅溫度。
　
不過…
兩邊天窗可能日久失修嘅關係，玻璃已經完全碎裂，被人用木板完全封閉，走廊光管亦都壞咗。
　
如今走廊完全漆黑一片，伸手不見五指，賓館大叔講得啱，呢個環境根本無可能有住客住呢層。
　
正當東亮想轉身離開之際，突然聽到一聲：「哥哥～」
　
聲音由走廊深處傳來，東亮嚇到全身僵硬，想逃跑但雙腳唔聽使喚。
　
「哥哥～陪我玩吖～」
　
今次聲音更加接近，東亮仲見到走廊憑空出現兩個矮小嘅小朋友人影，容貌好似蒙上一層薄霧一樣，睇唔清容貌，兩個身影一高一矮，彼此手拖住手。
　
「哥哥…」今次發聲嘅係男孩子嘅聲音。
　
東亮深呼吸幾下，記起自己銀包袋住道符，將佢拎咗出嚟向前展示。
　
兩個小孩呆企喺走廊，完全無任何動靜。東亮慢慢後退再走落樓梯，直至視線見唔到走廊，又聽到上方傳來一把老太婆嘅聲音。
　
「叫咗你哋唔好亂咁走啦，而家天光啊。」
　
東亮唔確認係咪嗰位光頭婆婆，但已經無勇氣再去樓上。雖然平安返到屋企，但登時全身發熱，頭暈轉向仲發高燒，所以打電話向公司請假，迷迷糊糊咁喺梳化訓咗一覺。
　
訓醒之後，東亮拖住沉重嘅身軀，去對面賓館向紋身大叔請求協助。
　
「你叫我去打人就叻，點識捉鬼啊…如果我唔驚，就唔會帶住道符咁多年啦！」
「咁…你識唔識人可以幫手啊？」
「你試吓搵呢個人啦，佢應該會幫到你，以前係我鄰居嚟，當年我撞鬼，就係佢畀咗道符我。」
　
賓館口中嘅呢個人，就係阿公。
　
後來，阿公去到東亮所講嘅猛鬼兇宅，佢叫東亮留喺自己屋企，無論聽到咩聲都唔好出嚟。
　
等到阿公巡視完一圈，話呢棟大廈總共有三個靈體，而且能量極大，因為留喺大廈多年，所以能夠清楚咁現身，甚至同其他人溝通。
　
靈體嘅能量雖然會隨時間消散，但當停留喺同一個空間，加上長期無陽氣流動，反而會令周圍彌漫靈體嘅殘餘能量。
　
就好似一間屋養狗多年，屋入面會有一陣無論如何都驅唔走嘅氣味一樣。
　
「咁呢三個靈體會唔會好難對付？！」東亮問。
「我初步同佢哋溝通過，佢哋唔肯走，尤其係年紀比較大嘅女人靈體，佢對於你住咗佢間屋，感到唔太高興。」
　
「原來個光頭老太婆真係鬼嚟？！咁、咁點算啊，我全部儲蓄都用嚟租呢度，要我搬走咁我訓邊？」
　
阿公嘆一口氣，佢話靈體唔願意離開嘅原因，並唔係想報仇…
　
而係想等佢個仔返嚟…
　
關於呢一家人嘅故事，要由1967年講起。
　
（待續）
＊喜歡阿公，請花半秒like & share＊
400 share 下集！
《阿公講鬼３》小說已經推出！
助養連結：https://bluegodzistore.boutir.com
　
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
　
東亮一整晚都不敢回去撞鬼的單位，只好去對面街的賓館暫住一晚。沒想到…他竟然在賓館櫃檯的職員口中，聽到關於這個單位的線索。
　
賓館職員是一個五十多歲的大叔，眼球混濁，兩臂紋身褪色剩淡淡墨綠色。
　
「一個男人住賓館幹嗎？想運毒還是自殺？」
「我…想覺一晚而已。」
「我知道了！你是剛去完『發夢』*吧？！身上怎麼沒有裝備？放心，就算警察上來，都不敢走進我地頭查案。」
　
（由於私隱及安全問題，在香港討論示威，會用「發夢」代表）
　
「你誤會了，我真的單純想睡一晚，我家裡有鬼啊！」
「有鬼…？難道你住對面大廈？」
「你怎麼會知道？」
「唉，你一定被紀經騙了！對面大廈自從發生兇殺案後，戶戶都說見到鬼，結果所有住客都搬走了，無人住很多年啦！」
　
「我有上網查過，我住的單位曾經發生過一宗弒母案…咦！等等！你說大廈沒有人住？」
　
此時，東亮想起曾經敲他門的光頭婆婆…
　
「看你臉色鐵青，我就知道你見鬼了，來吧，我給你一點好東西！」
　
本來東以為大叔會給他毒品壓壓驚，幸好他只是在銀包掏出一道褶成三角形的黃符交給東亮，吩咐他時時刻刻帶在身上，訓覺也要放在床邊，這樣所有靈體都不敢接近。
　
東亮在賓館睡了一覺，一大清早打算回家換衣服再上班。當他走到自己家的那一層，突然聽到樓上傳來小孩子的嬉鬧聲。
　
東亮停下腳步，探頭出旋轉樓梯往上看。他很清晰聽到有小孩的笑聲和碎密的腳步聲。
　
大白天不會這麼猛鬼吧？！東亮決定上去一探究竟，就算這座大廈有鬼，簽了合約的他也不能突然退租，更沒可能要女友在有鬼的兇宅同居！
　
東亮沿樓梯走到上層，當他轉彎步出走廊時心頭馬上一寒。
　
大廈的結構是各單位在走廊兩旁，走廊兩端都有樓梯可供上落，樓梯有古舊設計的巨型九格天窗。
　
天窗設計是香港6、70年代模仿英式的建築，每個窗都可獨立開啟，除了帶來光源，冬夏季都能調節走廊吹入室內的溫度。
　
不過…
天窗可能日久失修的關係，玻璃已經完全碎裂，被人用木板完全封閉，走廊光管亦壞了。
　
如今走廊完全漆黑一片，伸手不見五指，賓館大叔說得沒錯，這個環境根本不可能有其他住客。
　
正當東亮想轉身離開之際，突然聽到一聲：「哥哥～」
　
聲音從走廊深處傳來，東亮嚇到全身僵硬，想逃跑但雙腳不聽使喚。
　
「哥哥～陪我玩吧～」
　
聲音更加接近，東亮還見到走廊憑空出現兩個矮小的小孩人影，容貌像蒙上一層薄霧一樣，看不清容貌，兩個身影一高一矮，彼此手牽著手。
　
「哥哥…」這次是男孩子的聲音。
　
東亮深呼吸幾下，記起自己銀包有一道符，於是立即將它拿出來向前展示。
　
兩個小孩呆站在走廊，沒有任何動靜。東亮慢慢後退再走下樓梯，直至視線看不到走廊，此時又聽到上方傳來一把老太婆的聲音。
　
「不是叫你們別亂走嗎，現在大白天嘛。」
　
東亮不確定那不否光頭婆婆，但已經沒勇氣再去樓上。雖然平安回到家，但東亮登時全身發熱，頭暈轉向還發高燒，所以打電話跟公司請假，迷迷糊糊沙發睡了一覺。
　
睡醒之後，東亮拖著沉重的身軀，去對面賓館向紋身大叔請求協助。
　
「你叫我去幹架就可以，我怎麼懂捉鬼啊…要是我不怕鬼，就不會把符帶這麼多年啦！」
「那…你有認識的人可以幫忙嗎？」
「你試試找這個人吧，他應該會幫到你，他以前是我鄰居，當年我被鬼上身，就是他送了這道符給我。」
　
賓館口中的這個人，就是阿公。
　
後來，阿公去到東亮所說的猛鬼兇宅，他叫東亮留在家裡，不論發生什麼事都別出來。
　
等到阿公巡視完，他說這棟大廈總共有三個靈體，而且能量極大，因為留在大廈多年，能清楚的現身，甚至能跟其他人溝通。
　
靈體的能量雖然會隨時間消散，但當停留在同一空間，加上長期沒有陽氣流動，反而會令周圍彌漫靈體的殘餘能量。
　
就像屋子養狗多年，屋內會有一陣無論如何都驅不走的氣味一樣。
　
「那三個靈體會不會很難應付？！」東亮問。
「我初步跟他們溝通過，他們不肯離開，尤其是年紀較大的女人靈體，她對你住了她的房間，感到不太高興。」
　
「原來光頭老太婆真的是鬼？！那、那怎麼辦，我所有儲蓄都用來租這裡，要我搬走我睡哪？」
　
阿公嘆一口氣，他說靈體不願意離開的原因，並不是要報仇…
　
而是想等他的兒子回來…
　
關於這一家人的故事，要由1967年說起。
　
（待續）
＊喜歡阿公，請花半秒like & share＊
400 share 下集！
《阿公講鬼３》小說已經推出！
助養連結：https://bluegodzistore.boutir.com

【板主分享 - GIGI】

Hi,大家好，我是新任的版主GIGI,我從小到大遇過不少奇怪的事情，未來也會慢慢跟大家分享我的親身經歷

今天跟大家分享的，是一間我國小時住的房子。

以下

我大約國小5年級的時候，家裡買了一間，在當時算是別墅的房子，有花園的那種，我們從小都住在狹小的眷村房子裡，能搬到這種房子，自然是很開心，但未料到，搬進去後，是一連串不好的開始。

首先，是搬進去沒多久後，我父親接到來信，說在大陸的爺爺奶奶已經往生，爺爺先往生後奶奶接著去世，前後相差約一個月的時間，再來，我爸媽沒多久後便離了婚，接著，我父親當時開的小小鐵工廠也倒了。

一連串的事件發生，確實不太尋常，但是我父親是鐵齒的外省人，自然也不會想到其他地方去，關於鄰居說什麼要拜地基主之類的，我爸也是一笑置之。

後來，爸爸開始在外忙碌，常常不在家，家裡就只有我跟年幼的弟弟，房子開始發生不尋常的事，比如說無人的樓梯聲。

我記得我們那時候的家，是一個新蓋的住宅區，到了晚上是非常安靜的，我每次一進房間，就會聽到有人上樓的聲音，從一樓走上三樓，再從三樓走下一樓，來來回回。

一開始我以為是我爸回家了，但是出來外面看時，往往是沒有人的，而且走樓梯的聲音，也會突然停止。一次，二次，三次以後，我也就不再出來外面看了。

樓梯的腳步聲，像是小試身手一般，過了一段日子後，慢慢開始多加了樓上的跑步聲。我們房間都在2樓，3樓當時是個空房，樓梯聲上去後，樓上就會開始傳來人的腳步聲，咚咚咚的非常大聲，像好幾個人在樓上跑步一般，當時我曾懷疑，到底是不是有小偷跑進來了。

我記得有一次，我真的被吵到受不了，找了根棍子，就往樓上衝，當我一把燈打開時，腳步聲停了，空曠的房間裡，安靜無聲，當我準備回2樓時，一樓傳來了腳步聲

咚咚咚……咚咚咚……

可是我已經再沒有勇氣下去一樓看了。

後來我跟爸爸提了這件事，他告訴我是後面鄰居的聲音，但是我很肯定是有人走樓梯跟在樓上跑來跑去的聲音，但是當時我不敢跟爸爸說，因為我知道爸爸不會相信的。之後的事情就開始不只是樓梯聲了……

腳步聲只是一個開始，後來可能住在裡面的好兄弟們，覺得我們沒什麼反應，出了下一招，就是身邊經過的黑影。

我們2樓有3間房間，我父親是主臥室，旁邊是廁所，再過來就是我跟我弟的2個小房間，但是那時候，我弟常常是睡在我爸的房間，我爸的房間有門可以直接去廁所

但是我要去廁所，要走一小段走廊，每次我要去廁所時，就會有黑影從我旁邊飛過，沒錯！是用飛的。

就像一陣速度很快的風吹過去一樣，咻……咻……這樣。我走過去時咻一次，我走回來後咻一次，就像一台車，以破2百里的時速與你擦身而過一般，你只能看到影子，連車尾燈都看不見的那種感覺。

以我那個年紀，我真的覺得需要很大的勇氣，才能繼續在那個房子裡住下去，但是沒辦法，我也跑不了，也無處可說，所以除非萬不得已，我絕對不會從房間出來。

不出來還是得去廁所，總不能尿在房間吧！慢慢的，我也開始習慣了。習慣是一件很好的事，因為從非常害怕的等級，到普通害怕的等級，到開始有些麻木。

但是，習慣也是一件不好的事，當存心想作弄你的那些好兄弟們，發現你習慣以後，自然就要出新招來對付你了。

一開始，是我發現我每天起床後，我的枕頭與棉被，都會莫名其妙的掉在地上，當然像我這種神經大條的人，是完全不以為意的，認為是自己開始學會踢棉被，直到有一個晚上，不知道為什麼，我半夜突然醒來，當時我的睡意正濃，所以我躺在床上並沒有動，準備再次入睡

但一下子，我的枕頭被人抽走了，是抽走喔，因為枕頭就在我的頭中間，是不可能掉落了，那種感覺，就像是有人活生生的，將枕頭從旁邊抽走的感覺，那時我突然驚醒，然後連動都不敢動，我記得我當時的心跳非常快，我已經快要冒冷汗了。

枕頭被抽走後一分鐘左右，我的棉被也被抽走了，我的棉被也是好好的蓋在身上，在沒動的情況下，棉被也沒理由掉到床下，為何說是被抽走

大家可以試試看，把棉被快速的從床上抽走時，會有一陣風，而我的感覺，就是像有人快速的把棉被從我身上抽走一般，棉被離開身體時，有一陣風伴隨著一股涼意。

當時的我是趴睡的，我那時候很喜歡趴睡，我躺在床上閉緊了雙眼，動也不敢動，身上慢慢冒出了冷汗，不知道趴了多久，我就再度睡著了。

………………………………

後來還有再發生一些事情，我下次再打出來，不知道大家有沒有住過什麼感覺恐怖的房子呢？也可以分享給大家看看喔。