《無異之局》荒村異聞（二）
雖然第一印象係相當差。但喺此時此刻，三位少女同樣認為眼前嘅黑衫男子係可信……當然，最大原因係因為狀況已經差得冇得更差。
所以，子儀並冇任何猶豫，即刻捉住兩位朋友嘅手，迅速跑到黑衫男子旁邊。呢一瞬間，透過眼神……佢睇得出對方年紀應該係同自己差唔多。
「多謝你……」子儀感激咁講，然後就直奔入草叢。
一直跑、一直跑、就算石道幾濕滑都冇停落嚟、就算隻腳幾攰都繼續跑……跑咗唔知幾耐，佢哋總算穿出草叢，見返最初上山時嘅路。但佢哋仍然冇放鬆心情，一直到落返山，見到熟悉嘅村屋同車路、仲有對佢哋報以疑惑表情嘅正常途人……呢刻，佢哋終於可以鬆一口氣了。
＝＝＝＝＝＝＝＝＝
《荒村異聞》上集：
https://www.facebook.com/Echo.of.Heart/posts/2062937763838029?__tn__=K-R
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
【廣告】《無異之初》、《無異之地》各大書局有售！
＝＝＝＝＝＝＝＝＝
「嗚……嗚嗚……」Lois跪喺地上面大喊起嚟，「點解……點解我哋會遇到呢啲事……」
「我哋而家應該點做好？」阿Yan先抹一抹臉頰嘅眼淚，再問子儀：「係咪應該報警？」
「呢啲事警察唔會處理到……」子儀依然係佢哋當中最冷靜嘅一個，「隨時會當我哋係玩電話……或者係傻嘅。」
「嗚……可唔可以離開咗呢度先講……？」Lois捉住阿Yan隻手，「我想返屋企……」
「阿Yan，妳安慰佢先……等我打電話叫的士嚟。」
為咗方便上車，佢哋開始慢慢行返出主車路。途中只有阿Yan一個不斷講返頭先發生嘅事……
「明明第一次見到個阿伯嗰陣都好正常……」
「其實我都睇唔清楚其他『人』嘅樣……」
「會唔會我哋只係太攰，所以見到幻覺？」
「抑或！所有嘢都係個黑衣男人搞出嚟，其實係啲Youtuber拍片玩我哋？」
「阿Yan。」子儀終於忍唔住打斷佢，「唔好講喇……」再望一望Lois，本來佢已經停咗冇再喊，但俾阿Yan咁講一講又開始眼濕濕。
「嗯……」
之後佢哋都冇再講到半句說話，好快的士就嚟到。因為阿Yan同Lois住得比較近，所以第一程係先送佢哋……
「對唔住。」就喺佢哋兩個落車之際，子儀臉帶歉意咁講：「如果我唔係揀咗去睇廢村，就唔會累到妳哋遇到呢件事。」
「傻喇……我知妳都唔想。」阿Yan回應：「可？Lois。」
Lois只係敷衍咁點咗下頭，同阿Yan唔同，佢內心確實係有些少怪責子儀。但呢三位本來就係感情好好嘅朋友。雖然成件事係既恐怖又充滿謎團，但大概過返一頭半個月，就會成為佢哋茶如飯後嘅話題……
「妹妹，下一站去邊呀？」等到佢哋閂埋車門後，的士司機即刻問。
透過車頭的後鏡，司機注意到剩低嘅呢位女乘客神情唔同咗。下一秒……子儀畀咗一個意外嘅回答佢。
「我想返轉頭……去返我哋頭先上車嘅地方。」
*
等到黑衫男子落山，已經係黃昏時間。當佢落到村屋範圍，見到頭先救嘅其中一個少女居然仲喺度……佢當然係覺得有啲意外。
「妳點解仲喺度？」黑衫男子問。
「為咗等你呀。」子儀回應。
「等我？奇怪……正常人遇到呢啲事第一個反應肯定係驚到即刻返屋企，然後至少匿埋一星期唔敢出門，好少會好似妳咁。」
「其實我都好驚，只係冷靜落嚟之後……好奇心驅使我返嚟呢度。」
「好奇心？」男子皺起眉。
「我一直以嚟都好留意香港嘅都市傳說，特別係同行山有關嘅。」子儀開始娓娓道來：「然後近期有一個喺網上面傳得特別犀利──有對情侶約埋去鎖羅盤村玩靈探，結果鬼就遇唔到，反而撞正有個外國男人喺附近埋屍……本來個外國男人已經扑暈咗個男、捉埋個女，打算滅佢哋口……但就喺危急關頭，有個黑衫男人出現，迅速咁打低咗個外國男人，救咗佢哋。」
「咁個外國男人最後係咪俾人繩之以法？」
「聽講俾個黑衫男人帶走咗，但之後幾日新聞都冇報到……」
「既然連新聞都冇，咁成件事明顯就係假嘢……」
「咁你點解釋你呢一身打扮？仲有頭先喺山上面所做嘅事？」子儀質問：「而且，當我發現到呢個傳說之後，都有上網繼續查……注意到近呢兩年確實係多咗好多行山遇險但最後獲救嘅故事……而當中嘅『拯救者』，肯定就係你。」
黑衫男人聽到呢度終於冇回應，某程度即係間接承認咗呢件事。
「啊，仲有……」子儀突然醒起一點，「網上面有人稱呼呢個黑衫男人做『山野俠』。」
「山……」黑衫男人聽完好大反應，「妳認真嘅……？」
「唔係，『野山俠』先啱……應該係想食『野生』呢個音。」
「聽落一樣係咁難聽。」
「你既然咁介意，就更加證明嗰個人就係你。」子儀乘勝追擊，「咁你而家可以解釋得頭先係咩一回事未？話晒我都喺度等咗你咁耐。」
「妳真係老實唔客氣。」男子無奈咁講：「頭先嗰班人叫做『迷路者』。」
「迷路者？」
「有一班人……因為種種原因──可能係失去人生意義、冇咗生存目的、人財兩失接近走上絕路、又或者身邊已經再冇人關心同注意到佢哋。當達到呢類條件嘅人再選擇一個人孤獨上山，就有機會永遠迷失喺另一個空間，走唔返出嚟。」
「但……真係有咁多呢類人咩？」
「實際上多到妳冇辦法想像。」男子回應：「呢個地方有太多人值得我哋去關心……無奈更多人嘅眼裡面只有自己。」
「咁我同班朋友……點解會遇到呢班『迷路者』？」子儀回想返頭先嘅情況，「而且，佢哋好似仲想傷害我哋……」
「正常情況下，『迷路者』會選擇徘徊喺充滿靈力嘅地方，咁就可以維持『存在』嘅狀態，不至於完全消失……而且一般係唔會傷害普通人。」男子繼續解釋：「所以會出現呢種奇怪狀況，應該係得一個解釋，就係佢哋本來徘徊緊嘅地方出現咗變異。」
「即係邊度？」
「白湖村嘅外圍地帶。」男子回應：「據我所知呢度附近靈力最重嘅地方應該就係嗰度。」
「頭先嗰位伯伯都有提到呢個地方……」
「可能就係為咗提示妳，可惜大部份人都唔認識呢個地方，面對呢種事都唔知點應對。」男子回應：「『迷路者』本質並唔壞，之所以咁做都係為勢所迫……」
「咁你……最後點處理佢哋？」
「呢點妳唔知會比較好。」男子意味深長咁講：「其實我本身都已經講得太多，係見妳等咗咁耐先講多幾句……就咁喇。」
講到呢度，佢本來想揮手就走，但子儀都係跟上去。
「既然都講咗咁多，唔差在講埋你叫咩名呀？我叫做蘇子儀。」
「知我係咩名又有乜意思？俾妳放上網同其他人分享？」
「我唔會咁做喇，既然聽得就一定會守秘密。而且，我有預感呢次唔會係我哋最後一次見面，你都唔想下次見嗰陣叫你『野生俠』㗎嘛？」
黑衫男子突然擰轉身，子儀見到佢轉頭即刻報以微笑。
「咁即管睇下係唔係。」雖然戴住口罩，但子儀睇得出男子都係面帶笑容。
「我叫做凌永岳……多數啲人會叫我做岳少。」
「岳少。」得到答案之後，子儀滿意咁一笑，「多多指教啦。」
*
*
*
對凌永岳嚟講，攀石係佢每日嘅必然課題之一。就算日頭出去外面有幾攰都好，每晚返到「城寨」佢都最低限度會抽返一個鐘去攀石場練習攀石。
因為已經係凌晨時間，所以當刻攀石場當然剩係得佢一個。但佢個人其實相當享受呢個平靜嘅環境。尤其用力捉住岩點成個人雙腳凌空嘅時候，佢嘅思緒總係可能變得無比清晰。
然而，今晚卻有兩個意外嘅「訪客」，完美咁打斷咗佢嘅課題。
「但呢度唔係攀石場咩？你會唔會搵錯地方……」其中一個男人不安咁問。
「放心喇，阿聰，係呢度冇錯。」另一個男人卻表現輕鬆，「嗱，佢果然喺度。」
雖然佢哋講得好細聲，而且有段距離，但凌永岳卻聽得非常清楚。當兩個男人出現喺視線範圍之後，佢即刻鬆開手……喺冇保護措施嘅情況下由五米高重重咁跳落地。
「我知道你係邊個。」凌永岳抬起頭望向上層平台嘅其中一個男人，「你就係無二。」
「冇錯。」無二笑住講：「城寨嘅少幫主凌永岳……」
「我今次嚟，係想搵你傾下合作。」
「合作……做啲咩？」凌永岳問。
「對付我哋嘅共同仇人。」
「狄陀。」
（待續）
兩條線由呢度連成一線。下集，去返阿聰視角。暫時星期六或者日。睇完記住幫手留個嬲同分享開去呀！！
【廣告】《無異之初》、《無異之地》各大書局有售！
－－－－－－－－－－－－－－－－
【地方的無默媽資助計劃】（試行中）
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
Payme 連結：
https://payme.hsbc/echoofheart
轉數快 FPS ID：6065460
計畫緣由及詳細內容：
https://bit.ly/39b5Fuw
Patreon 都開咗啦，八月中正式開始！
https://www.patreon.com/echoofheart?
－－－－－－－－－－－－－－－－－
IG：echoofheart
對付白目的人 在 [閒聊] 面對白目的朋友- 看板WomenTalk - 批踢踢實業坊 的推薦與評價
如題
就是那種講話行為很白目
還自以為有趣的人
雖然當朋友還可以
但有時候真的白眼翻不完
連直接跟她說「你這樣真的很白目欸」
都沒用喔！！！
她只會說「我哪有！你在惱羞喔！」
另外想問問版友們對惱羞的定義
因為我這個白目朋友對惱羞的理解蠻奇怪的
我自己的惱羞定義：我做錯但我不承認而且還生氣，這樣就是我惱羞
她的惱羞定義：別人兇自己就是對方惱羞，不管自己有沒有做錯
舉例來說
她上個月欠房租欠了1個多禮拜
房東打去罵她說快繳房租
她就來跟我抱怨說房東在惱羞
不是吧？？？繳房租不是應該的嗎？怎麼變成別人惱羞了？
惱羞這個詞不是這樣用的吧？
--
※ 發信站: 批踢踢實業坊(ptt.cc), 來自: 27.53.153.251 (臺灣)
※ 文章網址: https://www.ptt.cc/bbs/WomenTalk/M.1611808451.A.FF6.html
... <看更多>